| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
3. විපත්‌තිවාරො
3. Vipattivāro
195. මෙථුනං ධම්‌මං පටිසෙවනපච්‌චයා ආපත්‌තියො චතුන්‌නං විපත්‌තීනං කති විපත්‌තියො භජන්‌ති? මෙථුනං ධම්‌මං පටිසෙවනපච්‌චයා ආපත්‌තියො චතුන්‌නං විපත්‌තීනං ද්‌වෙ විපත්‌තියො භජන්‌ති – සියා සීලවිපත්‌තිං සියා ආචාරවිපත්‌තිං…පෙ.….
195. Methunaṃ dhammaṃ paṭisevanapaccayā āpattiyo catunnaṃ vipattīnaṃ kati vipattiyo bhajanti? Methunaṃ dhammaṃ paṭisevanapaccayā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ siyā ācāravipattiṃ…pe….
අනාදරියං පටිච්‌ච උදකෙ උච්‌චාරං වා පස්‌සාවං වා ඛෙළං වා කරණපච්‌චයා ආපත්‌ති චතුන්‌නං විපත්‌තීනං කති විපත්‌තියො භජති? අනාදරියං පටිච්‌ච උදකෙ උච්‌චාරං වා පස්‌සාවං වා ඛෙළං වා කරණපච්‌චයා ආපත්‌ති චතුන්‌නං විපත්‌තීනං එකං විපත්‌තිං භජති – ආචාරවිපත්‌තිං.
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti catunnaṃ vipattīnaṃ kati vipattiyo bhajati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti catunnaṃ vipattīnaṃ ekaṃ vipattiṃ bhajati – ācāravipattiṃ.
විපත්‌තිවාරො නිට්‌ඨිතො තතියො.
Vipattivāro niṭṭhito tatiyo.
