| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
3. විපත්‌තිවාරො
3. Vipattivāro
241. අවස්‌සුතා භික්‌ඛුනියා අවස්‌සුතස්‌ස පුරිසපුග්‌ගලස්‌ස කායසංසග්‌ගං සාදියන්‌තියා ආපත්‌තියො චතුන්‌නං විපත්‌තීනං කති විපත්‌තියො භජන්‌ති? අවස්‌සුතාය භික්‌ඛුනියා අවස්‌සුතස්‌ස පුරිසපුග්‌ගලස්‌ස කායසංසග්‌ගං සාදියන්‌තියා ආපත්‌තියො චතුන්‌නං විපත්‌තීනං ද්‌වෙ විපත්‌තියො භජන්‌ති – සියා සීලවිපත්‌තිං, සියා ආචාරවිපත්‌තිං…පෙ.….
241. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ vipattīnaṃ kati vipattiyo bhajanti? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ…pe….
දධිං විඤ්‌ඤාපෙත්‌වා භුඤ්‌ජන්‌තියා ආපත්‌තියො චතුන්‌නං විපත්‌තීනං කති විපත්‌තියො භජන්‌ති? දධිං විඤ්‌ඤාපෙත්‌වා භුඤ්‌ජන්‌තියා ආපත්‌තියො චතුන්‌නං විපත්‌තීනං එකං විපත්‌තිං භජන්‌ති – ආචාරවිපත්‌තිං.
Dadhiṃ viññāpetvā bhuñjantiyā āpattiyo catunnaṃ vipattīnaṃ kati vipattiyo bhajanti? Dadhiṃ viññāpetvā bhuñjantiyā āpattiyo catunnaṃ vipattīnaṃ ekaṃ vipattiṃ bhajanti – ācāravipattiṃ.
විපත්‌තිවාරො නිට්‌ඨිතො තතියො.
Vipattivāro niṭṭhito tatiyo.
