| Library / Tipiṭaka / තිපිටක • Tipiṭaka / ධාතුකථාපාළි • Dhātukathāpāḷi |
8. අට්‌ඨමනයො
8. Aṭṭhamanayo
8. විප්‌පයුත්‌තෙනසම්‌පයුත්‌තපදනිද්‌දෙසො
8. Vippayuttenasampayuttapadaniddeso
317. රූපක්‌ඛන්‌ධෙන යෙ ධම්‌මා විප්‌පයුත්‌තා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තාති? නත්‌ථි.
317. Rūpakkhandhena ye dhammā vippayuttā, te dhammā katihi khandhehi katihāyatanehi katihi dhātūhi sampayuttāti? Natthi.
318. වෙදනාක්‌ඛන්‌ධෙන යෙ ධම්‌මා… සඤ්‌ඤාක්‌ඛන්‌ධෙන යෙ ධම්‌මා… සඞ්‌ඛාරක්‌ඛන්‌ධෙන යෙ ධම්‌මා… විඤ්‌ඤාණක්‌ඛන්‌ධෙන යෙ ධම්‌මා…පෙ.… සරණෙහි ධම්‌මෙහි යෙ ධම්‌මා… අරණෙහි ධම්‌මෙහි යෙ ධම්‌මා විප්‌පයුත්‌තා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තාති? නත්‌ථි.
318. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā…pe… saraṇehi dhammehi ye dhammā… araṇehi dhammehi ye dhammā vippayuttā, te dhammā katihi khandhehi katihāyatanehi katihi dhātūhi sampayuttāti? Natthi.
ධම්‌මායතනං ධම්‌මධාතු, අථ ජීවිතං නාමරූපං;
Dhammāyatanaṃ dhammadhātu, atha jīvitaṃ nāmarūpaṃ;
සළායතනං ජාතිජරාමතං, ද්‌වෙ ච තිකෙ න ලබ්‌භරෙ.
Saḷāyatanaṃ jātijarāmataṃ, dve ca tike na labbhare.
පඨමන්‌තරෙ සත්‌ත ච, ගොච්‌ඡකෙ දස අපරන්‌තෙ;
Paṭhamantare satta ca, gocchake dasa aparante;
චුද්‌දස ඡ ච මත්‌ථකෙ, ඉච්‌චෙතෙ සත්‌තචත්‌තාලීස ධම්‌මා;
Cuddasa cha ca matthake, iccete sattacattālīsa dhammā;
සමුච්‌ඡෙදෙ න ලබ්‌භන්‌ති, මොඝපුච්‌ඡකෙන චාති.
Samucchede na labbhanti, moghapucchakena cāti.
විප්‌පයුත්‌තෙනසම්‌පයුත්‌තපදනිද්‌දෙසො අට්‌ඨමො.
Vippayuttenasampayuttapadaniddeso aṭṭhamo.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 8. අට්‌ඨමනයො විප්‌පයුත්‌තෙනසම්‌පයුත්‌තපදවණ්‌ණනා • 8. Aṭṭhamanayo vippayuttenasampayuttapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 8. අට්‌ඨමනයො විප්‌පයුත්‌තෙනසම්‌පයුත්‌තපදවණ්‌ණනා • 8. Aṭṭhamanayo vippayuttenasampayuttapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 8. අට්‌ඨමනයො විප්‌පයුත්‌තෙනසම්‌පයුත්‌තපදවණ්‌ණනා • 8. Aṭṭhamanayo vippayuttenasampayuttapadavaṇṇanā
