| Library / Tipiṭaka / திபிடக • Tipiṭaka / தா⁴துகதா²பாளி • Dhātukathāpāḷi |
14. சுத்³த³ஸமனயோ
14. Cuddasamanayo
14. விப்பயுத்தேனஸங்க³ஹிதாஸங்க³ஹிதபத³னித்³தே³ஸோ
14. Vippayuttenasaṅgahitāsaṅgahitapadaniddeso
1. க²ந்தா⁴தி³
1. Khandhādi
456. ரூபக்க²ந்தே⁴ன யே த⁴ம்மா விப்பயுத்தா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதா? தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
456. Rūpakkhandhena ye dhammā vippayuttā, te dhammā katihi khandhehi katihāyatanehi katihi dhātūhi saṅgahitā? Te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
457. வேத³னாக்க²ந்தே⁴ன யே த⁴ம்மா… ஸஞ்ஞாக்க²ந்தே⁴ன யே த⁴ம்மா… ஸங்கா²ரக்க²ந்தே⁴ன யே த⁴ம்மா… விஞ்ஞாணக்க²ந்தே⁴ன யே த⁴ம்மா… மனாயதனேன யே த⁴ம்மா… மனிந்த்³ரியேன யே த⁴ம்மா விப்பயுத்தா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதா? தே த⁴ம்மா அஸங்க²தங் க²ந்த⁴தோ ட²பெத்வா ஏகேன க²ந்தே⁴ன ஏகாத³ஸஹாயதனேஹி ஏகாத³ஸஹி தா⁴தூஹி ஸங்க³ஹிதா. கதிஹி அஸங்க³ஹிதா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி அஸங்க³ஹிதா.
457. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā… manāyatanena ye dhammā… manindriyena ye dhammā vippayuttā, te dhammā katihi khandhehi katihāyatanehi katihi dhātūhi saṅgahitā? Te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
458. சக்கா²யதனேன யே த⁴ம்மா…பே॰… பொ²ட்ட²ப்³பா³யதனேன யே த⁴ம்மா… சக்கு²தா⁴துயா யே த⁴ம்மா…பே॰… பொ²ட்ட²ப்³ப³தா⁴துயா யே த⁴ம்மா விப்பயுத்தா…பே॰… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
458. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā vippayuttā…pe… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
459. சக்கு²விஞ்ஞாணதா⁴துயா யே த⁴ம்மா… ஸோதவிஞ்ஞாணதா⁴துயா யே த⁴ம்மா… கா⁴னவிஞ்ஞாணதா⁴துயா யே த⁴ம்மா… ஜிவ்ஹாவிஞ்ஞாணதா⁴துயா யே த⁴ம்மா… காயவிஞ்ஞாணதா⁴துயா யே த⁴ம்மா… மனோதா⁴துயா யே த⁴ம்மா… மனோவிஞ்ஞாணதா⁴துயா யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி ஸத்தரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி, ஏகாய தா⁴துயா அஸங்க³ஹிதா.
459. Cakkhuviññāṇadhātuyā ye dhammā… sotaviññāṇadhātuyā ye dhammā… ghānaviññāṇadhātuyā ye dhammā… jivhāviññāṇadhātuyā ye dhammā… kāyaviññāṇadhātuyā ye dhammā… manodhātuyā ye dhammā… manoviññāṇadhātuyā ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi, ekāya dhātuyā asaṅgahitā.
2. ஸச்சாதி³
2. Saccādi
460. து³க்க²ஸச்சேன யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
460. Dukkhasaccena ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
461. ஸமுத³யஸச்சேன யே த⁴ம்மா… மக்³க³ஸச்சேன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
461. Samudayasaccena ye dhammā… maggasaccena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
462. நிரோத⁴ஸச்சேன யே த⁴ம்மா… சக்கு²ந்த்³ரியேன யே த⁴ம்மா … காயிந்த்³ரியேன யே த⁴ம்மா… இத்தி²ந்த்³ரியேன யே த⁴ம்மா… புரிஸிந்த்³ரியேன யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
462. Nirodhasaccena ye dhammā… cakkhundriyena ye dhammā … kāyindriyena ye dhammā… itthindriyena ye dhammā… purisindriyena ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
463. ஸுகி²ந்த்³ரியேன யே த⁴ம்மா… து³க்கி²ந்த்³ரியேன யே த⁴ம்மா… ஸோமனஸ்ஸிந்த்³ரியேன யே த⁴ம்மா… தோ³மனஸ்ஸிந்த்³ரியேன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
463. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
464. உபெக்கி²ந்த்³ரியேன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி தேரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி பஞ்சஹி தா⁴தூஹி அஸங்க³ஹிதா.
464. Upekkhindriyena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
465. ஸத்³தி⁴ந்த்³ரியேன யே த⁴ம்மா… வீரியிந்த்³ரியேன யே த⁴ம்மா… ஸதிந்த்³ரியேன யே த⁴ம்மா… ஸமாதி⁴ந்த்³ரியேன யே த⁴ம்மா… பஞ்ஞிந்த்³ரியேன யே த⁴ம்மா… அனஞ்ஞாதஞ்ஞஸ்ஸாமீதிந்த்³ரியேன யே த⁴ம்மா… அஞ்ஞிந்த்³ரியேன யே த⁴ம்மா… அஞ்ஞாதாவிந்த்³ரியேன யே த⁴ம்மா… அவிஜ்ஜாய யே த⁴ம்மா… அவிஜ்ஜாபச்சயா ஸங்கா²ரேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
465. Saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
466. ஸங்கா²ரபச்சயா விஞ்ஞாணேன யே த⁴ம்மா… ஸளாயதனபச்சயா ப²ஸ்ஸேன யே த⁴ம்மா… ப²ஸ்ஸபச்சயா வேத³னாய யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா ஏகேன க²ந்தே⁴ன ஏகாத³ஸஹாயதனேஹி ஏகாத³ஸஹி தா⁴தூஹி ஸங்க³ஹிதா. கதிஹி அஸங்க³ஹிதா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி அஸங்க³ஹிதா.
466. Saṅkhārapaccayā viññāṇena ye dhammā… saḷāyatanapaccayā phassena ye dhammā… phassapaccayā vedanāya ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
467. வேத³னாபச்சயா தண்ஹாய யே த⁴ம்மா… தண்ஹாபச்சயா உபாதா³னேன யே த⁴ம்மா… கம்மப⁴வேன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
467. Vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
468. உபபத்திப⁴வேன யே த⁴ம்மா… ஸஞ்ஞாப⁴வேன யே த⁴ம்மா… பஞ்சவோகாரப⁴வேன யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி தீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி பன்னரஸஹி தா⁴தூஹி அஸங்க³ஹிதா.
468. Upapattibhavena ye dhammā… saññābhavena ye dhammā… pañcavokārabhavena ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
469. காமப⁴வேன யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி பஞ்சஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி தேரஸஹி தா⁴தூஹி அஸங்க³ஹிதா.
469. Kāmabhavena ye dhammā vippayuttā… te dhammā catūhi khandhehi dvīhāyatanehi pañcahi dhātūhi saṅgahitā. Katihi asaṅgahitā? Ekena khandhena dasahāyatanehi terasahi dhātūhi asaṅgahitā.
470. ரூபப⁴வேன யே த⁴ம்மா… அஸஞ்ஞாப⁴வேன யே த⁴ம்மா… ஏகவோகாரப⁴வேன யே த⁴ம்மா… பரிதே³வேன யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
470. Rūpabhavena ye dhammā… asaññābhavena ye dhammā… ekavokārabhavena ye dhammā… paridevena ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
471. அரூபப⁴வேன யே த⁴ம்மா… நேவஸஞ்ஞானாஸஞ்ஞாப⁴வேன யே த⁴ம்மா… சதுவோகாரப⁴வேன யே த⁴ம்மா… ஸோகேன யே த⁴ம்மா… து³க்கே²ன யே த⁴ம்மா… தோ³மனஸ்ஸேன யே த⁴ம்மா… உபாயாஸேன யே த⁴ம்மா… ஸதிபட்டா²னேன யே த⁴ம்மா… ஸம்மப்பதா⁴னேன யே த⁴ம்மா… இத்³தி⁴பாதே³ன யே த⁴ம்மா… ஜா²னேன யே த⁴ம்மா… அப்பமஞ்ஞாய யே த⁴ம்மா… பஞ்சஹி இந்த்³ரியேஹி யே த⁴ம்மா… பஞ்சஹி ப³லேஹி யே த⁴ம்மா … ஸத்தஹி பொ³ஜ்ஜ²ங்கே³ஹி யே த⁴ம்மா… அரியேன அட்ட²ங்கி³கேன மக்³கே³ன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
471. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… iddhipādena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā … sattahi bojjhaṅgehi ye dhammā… ariyena aṭṭhaṅgikena maggena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
3. ப²ஸ்ஸாதி³ஸத்தகங்
3. Phassādisattakaṃ
472. ப²ஸ்ஸேன யே த⁴ம்மா… வேத³னாய யே த⁴ம்மா… ஸஞ்ஞாய யே த⁴ம்மா… சேதனாய யே த⁴ம்மா… சித்தேன யே த⁴ம்மா… மனஸிகாரேன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா ஏகேன க²ந்தே⁴ன ஏகாத³ஸஹாயதனேஹி ஏகாத³ஸஹி தா⁴தூஹி ஸங்க³ஹிதா. கதிஹி அஸங்க³ஹிதா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி அஸங்க³ஹிதா.
472. Phassena ye dhammā… vedanāya ye dhammā… saññāya ye dhammā… cetanāya ye dhammā… cittena ye dhammā… manasikārena ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
473. அதி⁴மொக்கே²ன யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி ஸத்தரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ஏகாய தா⁴துயா அஸங்க³ஹிதா.
473. Adhimokkhena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
4. திகங்
4. Tikaṃ
474. குஸலேஹி த⁴ம்மேஹி யே த⁴ம்மா… அகுஸலேஹி த⁴ம்மேஹி யே த⁴ம்மா… ஸுகா²ய வேத³னாய ஸம்பயுத்தேஹி த⁴ம்மேஹி யே த⁴ம்மா… து³க்கா²ய வேத³னாய ஸம்பயுத்தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
474. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
475. அப்³யாகதேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
475. Abyākatehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
476. அது³க்க²மஸுகா²ய வேத³னாய ஸம்பயுத்தேஹி த⁴ம்மேஹி யே த⁴ம்மா… விபாகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி தேரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி பஞ்சஹி தா⁴தூஹி அஸங்க³ஹிதா.
476. Adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
477. விபாகத⁴ம்மத⁴ம்மேஹி யே த⁴ம்மா… ஸங்கிலிட்ட²ஸங்கிலேஸிகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
477. Vipākadhammadhammehi ye dhammā… saṃkiliṭṭhasaṃkilesikehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
478. நேவவிபாகனவிபாகத⁴ம்மத⁴ம்மேஹி யே த⁴ம்மா… அனுபாதி³ன்னுபாதா³னியேஹி த⁴ம்மேஹி யே த⁴ம்மா… அனுபாதி³ன்னஅனுபாதா³னியேஹி த⁴ம்மேஹி யே த⁴ம்மா… அஸங்கிலிட்ட²அஸங்கிலேஸிகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
478. Nevavipākanavipākadhammadhammehi ye dhammā… anupādinnupādāniyehi dhammehi ye dhammā… anupādinnaanupādāniyehi dhammehi ye dhammā… asaṃkiliṭṭhaasaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
479. உபாதி³ன்னுபாதா³னியேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி தீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி பன்னரஸஹி தா⁴தூஹி அஸங்க³ஹிதா.
479. Upādinnupādāniyehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
480. அஸங்கிலிட்ட²ஸங்கிலேஸிகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
480. Asaṃkiliṭṭhasaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
481. ஸவிதக்கஸவிசாரேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி ஸத்தரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ஏகாய தா⁴துயா அஸங்க³ஹிதா.
481. Savitakkasavicārehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
482. அவிதக்கவிசாரமத்தேஹி த⁴ம்மேஹி யே த⁴ம்மா… பீதிஸஹக³தேஹி த⁴ம்மேஹி யே த⁴ம்மா… ஸுக²ஸஹக³தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
482. Avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
483. அவிதக்கஅவிசாரேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி தீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி பன்னரஸஹி தா⁴தூஹி அஸங்க³ஹிதா.
483. Avitakkaavicārehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
484. உபெக்கா²ஸஹக³தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி தேரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி பஞ்சஹி தா⁴தூஹி அஸங்க³ஹிதா.
484. Upekkhāsahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
485. த³ஸ்ஸனேன பஹாதப்³பே³ஹி த⁴ம்மேஹி யே த⁴ம்மா… பா⁴வனாய பஹாதப்³பே³ஹி த⁴ம்மேஹி யே த⁴ம்மா… த³ஸ்ஸனேன பஹாதப்³ப³ஹேதுகேஹி த⁴ம்மேஹி யே த⁴ம்மா… பா⁴வனாய பஹாதப்³ப³ஹேதுகேஹி த⁴ம்மேஹி யே த⁴ம்மா… ஆசயகா³மீஹி த⁴ம்மேஹி யே த⁴ம்மா… அபசயகா³மீஹி த⁴ம்மேஹி யே த⁴ம்மா… ஸெக்கே²ஹி த⁴ம்மேஹி யே த⁴ம்மா… அஸெக்கே²ஹி த⁴ம்மேஹி யே த⁴ம்மா… மஹக்³க³தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
485. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
486. நேவ த³ஸ்ஸனேன ந பா⁴வனாய பஹாதப்³பே³ஹி த⁴ம்மேஹி யே த⁴ம்மா… நேவ த³ஸ்ஸனேன ந பா⁴வனாய பஹாதப்³ப³ஹேதுகேஹி த⁴ம்மேஹி யே த⁴ம்மா… நேவாசயகா³மினாபசயகா³மீஹி த⁴ம்மேஹி யே த⁴ம்மா… நேவஸெக்க²னாஸெக்கே²ஹி த⁴ம்மேஹி யே த⁴ம்மா… பரித்தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
486. Neva dassanena na bhāvanāya pahātabbehi dhammehi ye dhammā… neva dassanena na bhāvanāya pahātabbahetukehi dhammehi ye dhammā… nevācayagāmināpacayagāmīhi dhammehi ye dhammā… nevasekkhanāsekkhehi dhammehi ye dhammā… parittehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
487. அப்பமாணேஹி த⁴ம்மேஹி யே த⁴ம்மா… பணீதேஹி த⁴ம்மேஹி யே விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
487. Appamāṇehi dhammehi ye dhammā… paṇītehi dhammehi ye vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
488. பரித்தாரம்மணேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி த்³வாத³ஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ச²ஹி தா⁴தூஹி அஸங்க³ஹிதா.
488. Parittārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi dvādasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi chahi dhātūhi asaṅgahitā.
489. மஹக்³க³தாரம்மணேஹி த⁴ம்மேஹி யே த⁴ம்மா… அப்பமாணாரம்மணேஹி த⁴ம்மேஹி யே த⁴ம்மா… ஹீனேஹி த⁴ம்மேஹி யே த⁴ம்மா… மிச்ச²த்தனியதேஹி த⁴ம்மேஹி யே த⁴ம்மா… ஸம்மத்தனியதேஹி த⁴ம்மேஹி யே த⁴ம்மா… மக்³கா³ரம்மணேஹி த⁴ம்மேஹி யே த⁴ம்மா… மக்³க³ஹேதுகேஹி த⁴ம்மேஹி யே த⁴ம்மா… மக்³கா³தி⁴பதீஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
489. Mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
490. மஜ்ஜி²மேஹி த⁴ம்மேஹி யே த⁴ம்மா… அனியதேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
490. Majjhimehi dhammehi ye dhammā… aniyatehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
491. உப்பன்னேஹி த⁴ம்மேஹி யே த⁴ம்மா… அனுப்பன்னேஹி த⁴ம்மேஹி யே த⁴ம்மா… உப்பாதீ³ஹி த⁴ம்மேஹி யே த⁴ம்மா… அதீதேஹி த⁴ம்மேஹி யே த⁴ம்மா… அனாக³தேஹி த⁴ம்மேஹி யே த⁴ம்மா… பச்சுப்பன்னேஹி த⁴ம்மேஹி யே த⁴ம்மா… அஜ்ஜ²த்தேஹி த⁴ம்மேஹி யே த⁴ம்மா… ப³ஹித்³தா⁴ஹி த⁴ம்மேஹி யே த⁴ம்மா… ஸனித³ஸ்ஸனஸப்படிகே⁴ஹி த⁴ம்மேஹி யே த⁴ம்மா… அனித³ஸ்ஸனஸப்படிகே⁴ஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
491. Uppannehi dhammehi ye dhammā… anuppannehi dhammehi ye dhammā… uppādīhi dhammehi ye dhammā… atītehi dhammehi ye dhammā… anāgatehi dhammehi ye dhammā… paccuppannehi dhammehi ye dhammā… ajjhattehi dhammehi ye dhammā… bahiddhāhi dhammehi ye dhammā… sanidassanasappaṭighehi dhammehi ye dhammā… anidassanasappaṭighehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
492. அதீதாரம்மணேஹி த⁴ம்மேஹி யே த⁴ம்மா… அனாக³தாரம்மணேஹி த⁴ம்மேஹி யே த⁴ம்மா… அஜ்ஜ²த்தாரம்மணேஹி த⁴ம்மேஹி யே த⁴ம்மா… ப³ஹித்³தா⁴ரம்மணேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
492. Atītārammaṇehi dhammehi ye dhammā… anāgatārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
493. பச்சுப்பன்னாரம்மணேஹி த⁴ம்மேஹி யே த⁴ம்மா… அஜ்ஜ²த்தப³ஹித்³தா⁴ரம்மணேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி த்³வாத³ஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ச²ஹி தா⁴தூஹி அஸங்க³ஹிதா.
493. Paccuppannārammaṇehi dhammehi ye dhammā… ajjhattabahiddhārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi dvādasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi chahi dhātūhi asaṅgahitā.
5. து³கங்
5. Dukaṃ
494. ஹேதூஹி த⁴ம்மேஹி யே த⁴ம்மா… ஸஹேதுகேஹி த⁴ம்மேஹி யே த⁴ம்மா… ஹேதுஸம்பயுத்தேஹி த⁴ம்மேஹி யே த⁴ம்மா… ஹேதூஹி சேவ ஸஹேதுகேஹி ச த⁴ம்மேஹி யே த⁴ம்மா… ஸஹேதுகேஹி சேவ ந ச ஹேதூஹி த⁴ம்மேஹி யே த⁴ம்மா… ஹேதூஹி சேவ ஹேதுஸம்பயுத்தேஹி ச த⁴ம்மேஹி யே த⁴ம்மா… ஹேதுஸம்பயுத்தேஹி சேவ ந ச ஹேதூஹி த⁴ம்மேஹி யே த⁴ம்மா… ந ஹேதுஸஹேதுகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
494. Hetūhi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… hetūhi ceva sahetukehi ca dhammehi ye dhammā… sahetukehi ceva na ca hetūhi dhammehi ye dhammā… hetūhi ceva hetusampayuttehi ca dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
495. அஹேதுகேஹி த⁴ம்மேஹி யே த⁴ம்மா… ஹேதுவிப்பயுத்தேஹி த⁴ம்மேஹி யே த⁴ம்மா… ந ஹேதுஅஹேதுகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
495. Ahetukehi dhammehi ye dhammā… hetuvippayuttehi dhammehi ye dhammā… na hetuahetukehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
496. அப்பச்சயேஹி த⁴ம்மேஹி யே த⁴ம்மா… அஸங்க²தேஹி த⁴ம்மேஹி யே த⁴ம்மா… ஸனித³ஸ்ஸனேஹி த⁴ம்மேஹி யே த⁴ம்மா… ஸப்படிகே⁴ஹி த⁴ம்மேஹி யே த⁴ம்மா… ரூபீஹி த⁴ம்மேஹி யே த⁴ம்மா… லோகுத்தரேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
496. Appaccayehi dhammehi ye dhammā… asaṅkhatehi dhammehi ye dhammā… sanidassanehi dhammehi ye dhammā… sappaṭighehi dhammehi ye dhammā… rūpīhi dhammehi ye dhammā… lokuttarehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
497. லோகியேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
497. Lokiyehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
498. ஆஸவேஹி த⁴ம்மேஹி யே த⁴ம்மா… ஆஸவஸம்பயுத்தேஹி த⁴ம்மேஹி யே த⁴ம்மா… ஆஸவேஹி சேவ ஸாஸவேஹி ச த⁴ம்மேஹி யே த⁴ம்மா… ஆஸவேஹி சேவ ஆஸவஸம்பயுத்தேஹி ச த⁴ம்மேஹி யே த⁴ம்மா… ஆஸவஸம்பயுத்தேஹி சேவ நோ ச ஆஸவேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
498. Āsavehi dhammehi ye dhammā… āsavasampayuttehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā… āsavasampayuttehi ceva no ca āsavehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
499. ஸாஸவேஹி த⁴ம்மேஹி யே த⁴ம்மா… ஆஸவவிப்பயுத்தேஹி த⁴ம்மேஹி யே த⁴ம்மா… ஸாஸவேஹி சேவ நோ ச ஆஸவேஹி த⁴ம்மேஹி யே த⁴ம்மா… ஆஸவவிப்பயுத்தேஹி ஸாஸவேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
499. Sāsavehi dhammehi ye dhammā… āsavavippayuttehi dhammehi ye dhammā… sāsavehi ceva no ca āsavehi dhammehi ye dhammā… āsavavippayuttehi sāsavehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
500. அனாஸவேஹி த⁴ம்மேஹி யே த⁴ம்மா… ஆஸவவிப்பயுத்தேஹி அனாஸவேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
500. Anāsavehi dhammehi ye dhammā… āsavavippayuttehi anāsavehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
501. ஸங்யோஜனேஹி த⁴ம்மேஹி யே த⁴ம்மா… க³ந்தே²ஹி த⁴ம்மேஹி யே த⁴ம்மா… ஓகே⁴ஹி த⁴ம்மேஹி யே த⁴ம்மா… யோகே³ஹி த⁴ம்மேஹி யே த⁴ம்மா… நீவரணேஹி த⁴ம்மேஹி யே த⁴ம்மா… பராமாஸேஹி த⁴ம்மேஹி யே த⁴ம்மா… பராமாஸஸம்பயுத்தேஹி த⁴ம்மேஹி யே த⁴ம்மா… பராமாஸேஹி சேவ பராமட்டே²ஹி ச த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா ? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
501. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsasampayuttehi dhammehi ye dhammā… parāmāsehi ceva parāmaṭṭhehi ca dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā ? Na kehici khandhehi na kehici āyatanehi na kāhici dhātūhi asaṅgahitā.
502. பராமட்டே²ஹி த⁴ம்மேஹி யே த⁴ம்மா… பராமாஸவிப்பயுத்தேஹி த⁴ம்மேஹி யே த⁴ம்மா… பராமட்டே²ஹி சேவ நோ ச பராமாஸேஹி த⁴ம்மேஹி யே த⁴ம்மா… பராமாஸவிப்பயுத்தேஹி பராமட்டே²ஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
502. Parāmaṭṭhehi dhammehi ye dhammā… parāmāsavippayuttehi dhammehi ye dhammā… parāmaṭṭhehi ceva no ca parāmāsehi dhammehi ye dhammā… parāmāsavippayuttehi parāmaṭṭhehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
503. அபராமட்டே²ஹி த⁴ம்மேஹி யே த⁴ம்மா… பராமாஸவிப்பயுத்தேஹி அபராமட்டே²ஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
503. Aparāmaṭṭhehi dhammehi ye dhammā… parāmāsavippayuttehi aparāmaṭṭhehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
504. ஸாரம்மணேஹி த⁴ம்மேஹி யே த⁴ம்மா… சித்தேஹி த⁴ம்மேஹி யே த⁴ம்மா… சேதஸிகேஹி த⁴ம்மேஹி யே த⁴ம்மா… சித்தஸம்பயுத்தேஹி த⁴ம்மேஹி யே த⁴ம்மா… சித்தஸங்ஸட்டே²ஹி த⁴ம்மேஹி யே த⁴ம்மா… சித்தஸங்ஸட்ட²ஸமுட்டா²னேஹி த⁴ம்மேஹி யே த⁴ம்மா… சித்தஸங்ஸட்ட²ஸமுட்டா²னஸஹபூ⁴ஹி த⁴ம்மேஹி யே த⁴ம்மா… சித்தஸங்ஸட்ட²ஸமுட்டா²னானுபரிவத்தீஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா ஏகேன க²ந்தே⁴ன ஏகாத³ஸஹாயதனேஹி ஏகாத³ஸஹி தா⁴தூஹி ஸங்க³ஹிதா. கதிஹி அஸங்க³ஹிதா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி அஸங்க³ஹிதா.
504. Sārammaṇehi dhammehi ye dhammā… cittehi dhammehi ye dhammā… cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
505. அனாரம்மணேஹி த⁴ம்மேஹி யே த⁴ம்மா… சித்தவிப்பயுத்தேஹி த⁴ம்மேஹி யே த⁴ம்மா… சித்தஸங்ஸட்டே²ஹி த⁴ம்மேஹி யே த⁴ம்மா… உபாதா³த⁴ம்மேஹி யே த⁴ம்மா… அனுபாதி³ன்னேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா ? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
505. Anārammaṇehi dhammehi ye dhammā… cittavippayuttehi dhammehi ye dhammā… cittasaṃsaṭṭhehi dhammehi ye dhammā… upādādhammehi ye dhammā… anupādinnehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā ? Ekena khandhena dasahāyatanehi dasahi dhātūhi asaṅgahitā.
506. உபாதி³ன்னேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி தீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி பன்னரஸஹி தா⁴தூஹி அஸங்க³ஹிதா.
506. Upādinnehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
507. உபாதா³னேஹி த⁴ம்மேஹி யே த⁴ம்மா… கிலேஸேஹி த⁴ம்மேஹி யே த⁴ம்மா… ஸங்கிலிட்டே²ஹி த⁴ம்மேஹி யே த⁴ம்மா… கிலேஸஸம்பயுத்தேஹி த⁴ம்மேஹி யே த⁴ம்மா… கிலேஸேஹி சேவ ஸங்கிலேஸிகேஹி ச த⁴ம்மேஹி யே த⁴ம்மா… கிலேஸேஹி சேவ ஸங்கிலிட்டே²ஹி ச த⁴ம்மேஹி யே த⁴ம்மா… ஸங்கிலிட்டே²ஹி சேவ நோ ச கிலேஸேஹி த⁴ம்மேஹி யே த⁴ம்மா… கிலேஸேஹி சேவ கிலேஸஸம்பயுத்தேஹி ச த⁴ம்மேஹி யே த⁴ம்மா… கிலேஸஸம்பயுத்தேஹி சேவ நோ ச கிலேஸேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
507. Upādānehi dhammehi ye dhammā… kilesehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesehi ceva kilesasampayuttehi ca dhammehi ye dhammā… kilesasampayuttehi ceva no ca kilesehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
508. ஸங்கிலேஸிகேஹி த⁴ம்மேஹி யே த⁴ம்மா… அஸங்கிலிட்டே²ஹி த⁴ம்மேஹி யே த⁴ம்மா… கிலேஸவிப்பயுத்தேஹி த⁴ம்மேஹி யே த⁴ம்மா… ஸங்கிலேஸிகேஹி சேவ நோ ச கிலேஸேஹி த⁴ம்மேஹி யே த⁴ம்மா… கிலேஸவிப்பயுத்தேஹி ஸங்கிலேஸிகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
508. Saṃkilesikehi dhammehi ye dhammā… asaṃkiliṭṭhehi dhammehi ye dhammā… kilesavippayuttehi dhammehi ye dhammā… saṃkilesikehi ceva no ca kilesehi dhammehi ye dhammā… kilesavippayuttehi saṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
509. அஸங்கிலேஸிகேஹி த⁴ம்மேஹி யே த⁴ம்மா… கிலேஸவிப்பயுத்தேஹி அஸங்கிலேஸிகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
509. Asaṃkilesikehi dhammehi ye dhammā… kilesavippayuttehi asaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
510. த³ஸ்ஸனேன பஹாதப்³பே³ஹி த⁴ம்மேஹி யே த⁴ம்மா… பா⁴வனாய பஹாதப்³பே³ஹி த⁴ம்மேஹி யே த⁴ம்மா… த³ஸ்ஸனேன பஹாதப்³ப³ஹேதுகேஹி த⁴ம்மேஹி யே த⁴ம்மா… பா⁴வனாய பஹாதப்³ப³ஹேதுகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
510. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
511. ந த³ஸ்ஸனேன பஹாதப்³பே³ஹி த⁴ம்மேஹி யே த⁴ம்மா… ந பா⁴வனாய பஹாதப்³பே³ஹி த⁴ம்மேஹி யே த⁴ம்மா… ந த³ஸ்ஸனேன பஹாதப்³ப³ஹேதுகேஹி த⁴ம்மேஹி யே த⁴ம்மா… ந பா⁴வனாய பஹாதப்³ப³ஹேதுகேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
511. Na dassanena pahātabbehi dhammehi ye dhammā… na bhāvanāya pahātabbehi dhammehi ye dhammā… na dassanena pahātabbahetukehi dhammehi ye dhammā… na bhāvanāya pahātabbahetukehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
512. ஸவிதக்கேஹி த⁴ம்மேஹி யே த⁴ம்மா… ஸவிசாரேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி ஸத்தரஸஹி தா⁴தூஹி ஸங்க³ஹிதா . கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ஏகாய தா⁴துயா அஸங்க³ஹிதா.
512. Savitakkehi dhammehi ye dhammā… savicārehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā . Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
513. ஸப்பீதிகேஹி த⁴ம்மேஹி யே த⁴ம்மா… பீதிஸஹக³தேஹி த⁴ம்மேஹி யே த⁴ம்மா… ஸுக²ஸஹக³தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
513. Sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
514. உபெக்கா²ஸஹக³தேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி தேரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி பஞ்சஹி தா⁴தூஹி அஸங்க³ஹிதா.
514. Upekkhāsahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
515. காமாவசரேஹி த⁴ம்மேஹி யே த⁴ம்மா… பரியாபன்னேஹி த⁴ம்மேஹி யே த⁴ம்மா… ஸஉத்தரேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
515. Kāmāvacarehi dhammehi ye dhammā… pariyāpannehi dhammehi ye dhammā… sauttarehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
516. ந காமாவசரேஹி த⁴ம்மேஹி யே த⁴ம்மா… அபரியாபன்னேஹி த⁴ம்மேஹி யே த⁴ம்மா… அனுத்தரேஹி த⁴ம்மேஹி யே த⁴ம்மா விப்பயுத்தா… தே த⁴ம்மா சதூஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி அஸங்க³ஹிதா.
516. Na kāmāvacarehi dhammehi ye dhammā… apariyāpannehi dhammehi ye dhammā… anuttarehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
517. ரூபாவசரேஹி த⁴ம்மேஹி யே த⁴ம்மா… அரூபாவசரேஹி த⁴ம்மேஹி யே த⁴ம்மா… நிய்யானிகேஹி த⁴ம்மேஹி யே த⁴ம்மா… நியதேஹி த⁴ம்மேஹி யே த⁴ம்மா … ஸரணேஹி த⁴ம்மேஹி யே த⁴ம்மா விப்பயுத்தா… தே த⁴ம்மா அஸங்க²தங் க²ந்த⁴தோ ட²பெத்வா பஞ்சஹி க²ந்தே⁴ஹி த்³வாத³ஸஹாயதனேஹி அட்டா²ரஸஹி தா⁴தூஹி ஸங்க³ஹிதா. கதிஹி அஸங்க³ஹிதா? ந கேஹிசி க²ந்தே⁴ஹி ந கேஹிசி ஆயதனேஹி ந காஹிசி தா⁴தூஹி அஸங்க³ஹிதா.
517. Rūpāvacarehi dhammehi ye dhammā… arūpāvacarehi dhammehi ye dhammā… niyyānikehi dhammehi ye dhammā… niyatehi dhammehi ye dhammā … saraṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
518. ந ரூபாவசரேஹி த⁴ம்மேஹி யே த⁴ம்மா… ந அரூபாவசரேஹி த⁴ம்மேஹி யே த⁴ம்மா… அனிய்யானிகேஹி த⁴ம்மேஹி யே த⁴ம்மா… அனியதேஹி த⁴ம்மேஹி யே த⁴ம்மா… அரணேஹி த⁴ம்மேஹி யே த⁴ம்மா விப்பயுத்தா , தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதா? தே த⁴ம்மா சதூஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? ஏகேன க²ந்தே⁴ன த³ஸஹாயதனேஹி ஸோளஸஹி தா⁴தூஹி அஸங்க³ஹிதா.
518. Na rūpāvacarehi dhammehi ye dhammā… na arūpāvacarehi dhammehi ye dhammā… aniyyānikehi dhammehi ye dhammā… aniyatehi dhammehi ye dhammā… araṇehi dhammehi ye dhammā vippayuttā , te dhammā katihi khandhehi katihāyatanehi katihi dhātūhi saṅgahitā? Te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
த⁴ம்மாயதனங் த⁴ம்மதா⁴து, அத² ஜீவிதங் நாமரூபங்;
Dhammāyatanaṃ dhammadhātu, atha jīvitaṃ nāmarūpaṃ;
ஸளாயதனங் ஜாதிஜராமதங், த்³வே ச திகே ந லப்³ப⁴ரே.
Saḷāyatanaṃ jātijarāmataṃ, dve ca tike na labbhare.
பட²மந்தரே ஸத்த ச, கொ³ச்ச²கே த³ஸ அபரந்தே;
Paṭhamantare satta ca, gocchake dasa aparante;
சுத்³த³ஸ ச² ச மத்த²கே, இச்சேதே ஸத்தசத்தாலீஸ த⁴ம்மா;
Cuddasa cha ca matthake, iccete sattacattālīsa dhammā;
ஸமுச்சே²தே³ ந லப்³ப⁴ந்தி, மோக⁴புச்ச²கேன சாதி.
Samucchede na labbhanti, moghapucchakena cāti.
விப்பயுத்தேனஸங்க³ஹிதாஸங்க³ஹிதபத³னித்³தே³ஸோ சுத்³த³ஸமோ.
Vippayuttenasaṅgahitāsaṅgahitapadaniddeso cuddasamo.
தா⁴துகதா²பகரணங் நிட்டி²தங்.
Dhātukathāpakaraṇaṃ niṭṭhitaṃ.
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
