| Library / Tipiṭaka / තිපිටක • Tipiṭaka / ධාතුකථාපාළි • Dhātukathāpāḷi |
14. චුද්‌දසමනයො
14. Cuddasamanayo
14. විප්‌පයුත්‌තෙනසඞ්‌ගහිතාසඞ්‌ගහිතපදනිද්‌දෙසො
14. Vippayuttenasaṅgahitāsaṅgahitapadaniddeso
1. ඛන්‌ධාදි
1. Khandhādi
456. රූපක්‌ඛන්‌ධෙන යෙ ධම්‌මා විප්‌පයුත්‌තා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
456. Rūpakkhandhena ye dhammā vippayuttā, te dhammā katihi khandhehi katihāyatanehi katihi dhātūhi saṅgahitā? Te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
457. වෙදනාක්‌ඛන්‌ධෙන යෙ ධම්‌මා… සඤ්‌ඤාක්‌ඛන්‌ධෙන යෙ ධම්‌මා… සඞ්‌ඛාරක්‌ඛන්‌ධෙන යෙ ධම්‌මා… විඤ්‌ඤාණක්‌ඛන්‌ධෙන යෙ ධම්‌මා… මනායතනෙන යෙ ධම්‌මා… මනින්‌ද්‍රියෙන යෙ ධම්‌මා විප්‌පයුත්‌තා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? තෙ ධම්‌මා අසඞ්‌ඛතං ඛන්‌ධතො ඨපෙත්‌වා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
457. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā… manāyatanena ye dhammā… manindriyena ye dhammā vippayuttā, te dhammā katihi khandhehi katihāyatanehi katihi dhātūhi saṅgahitā? Te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
458. චක්‌ඛායතනෙන යෙ ධම්‌මා…පෙ.… ඵොට්‌ඨබ්‌බායතනෙන යෙ ධම්‌මා… චක්‌ඛුධාතුයා යෙ ධම්‌මා…පෙ.… ඵොට්‌ඨබ්‌බධාතුයා යෙ ධම්‌මා විප්‌පයුත්‌තා…පෙ.… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
458. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā vippayuttā…pe… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
459. චක්‌ඛුවිඤ්‌ඤාණධාතුයා යෙ ධම්‌මා… සොතවිඤ්‌ඤාණධාතුයා යෙ ධම්‌මා… ඝානවිඤ්‌ඤාණධාතුයා යෙ ධම්‌මා… ජිව්‌හාවිඤ්‌ඤාණධාතුයා යෙ ධම්‌මා… කායවිඤ්‌ඤාණධාතුයා යෙ ධම්‌මා… මනොධාතුයා යෙ ධම්‌මා… මනොවිඤ්‌ඤාණධාතුයා යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි, එකාය ධාතුයා අසඞ්‌ගහිතා.
459. Cakkhuviññāṇadhātuyā ye dhammā… sotaviññāṇadhātuyā ye dhammā… ghānaviññāṇadhātuyā ye dhammā… jivhāviññāṇadhātuyā ye dhammā… kāyaviññāṇadhātuyā ye dhammā… manodhātuyā ye dhammā… manoviññāṇadhātuyā ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi, ekāya dhātuyā asaṅgahitā.
2. සච්‌චාදි
2. Saccādi
460. දුක්‌ඛසච්‌චෙන යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
460. Dukkhasaccena ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
461. සමුදයසච්‌චෙන යෙ ධම්‌මා… මග්‌ගසච්‌චෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
461. Samudayasaccena ye dhammā… maggasaccena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
462. නිරොධසච්‌චෙන යෙ ධම්‌මා… චක්‌ඛුන්‌ද්‍රියෙන යෙ ධම්‌මා … කායින්‌ද්‍රියෙන යෙ ධම්‌මා… ඉත්‌ථින්‌ද්‍රියෙන යෙ ධම්‌මා… පුරිසින්‌ද්‍රියෙන යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
462. Nirodhasaccena ye dhammā… cakkhundriyena ye dhammā … kāyindriyena ye dhammā… itthindriyena ye dhammā… purisindriyena ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
463. සුඛින්‌ද්‍රියෙන යෙ ධම්‌මා… දුක්‌ඛින්‌ද්‍රියෙන යෙ ධම්‌මා… සොමනස්‌සින්‌ද්‍රියෙන යෙ ධම්‌මා… දොමනස්‌සින්‌ද්‍රියෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
463. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
464. උපෙක්‌ඛින්‌ද්‍රියෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි තෙරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි පඤ්‌චහි ධාතූහි අසඞ්‌ගහිතා.
464. Upekkhindriyena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
465. සද්‌ධින්‌ද්‍රියෙන යෙ ධම්‌මා… වීරියින්‌ද්‍රියෙන යෙ ධම්‌මා… සතින්‌ද්‍රියෙන යෙ ධම්‌මා… සමාධින්‌ද්‍රියෙන යෙ ධම්‌මා… පඤ්‌ඤින්‌ද්‍රියෙන යෙ ධම්‌මා… අනඤ්‌ඤාතඤ්‌ඤස්‌සාමීතින්‌ද්‍රියෙන යෙ ධම්‌මා… අඤ්‌ඤින්‌ද්‍රියෙන යෙ ධම්‌මා… අඤ්‌ඤාතාවින්‌ද්‍රියෙන යෙ ධම්‌මා… අවිජ්‌ජාය යෙ ධම්‌මා… අවිජ්‌ජාපච්‌චයා සඞ්‌ඛාරෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
465. Saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
466. සඞ්‌ඛාරපච්‌චයා විඤ්‌ඤාණෙන යෙ ධම්‌මා… සළායතනපච්‌චයා ඵස්‌සෙන යෙ ධම්‌මා… ඵස්‌සපච්‌චයා වෙදනාය යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
466. Saṅkhārapaccayā viññāṇena ye dhammā… saḷāyatanapaccayā phassena ye dhammā… phassapaccayā vedanāya ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
467. වෙදනාපච්‌චයා තණ්‌හාය යෙ ධම්‌මා… තණ්‌හාපච්‌චයා උපාදානෙන යෙ ධම්‌මා… කම්‌මභවෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
467. Vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
468. උපපත්‌තිභවෙන යෙ ධම්‌මා… සඤ්‌ඤාභවෙන යෙ ධම්‌මා… පඤ්‌චවොකාරභවෙන යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි පන්‌නරසහි ධාතූහි අසඞ්‌ගහිතා.
468. Upapattibhavena ye dhammā… saññābhavena ye dhammā… pañcavokārabhavena ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
469. කාමභවෙන යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි පඤ්‌චහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි තෙරසහි ධාතූහි අසඞ්‌ගහිතා.
469. Kāmabhavena ye dhammā vippayuttā… te dhammā catūhi khandhehi dvīhāyatanehi pañcahi dhātūhi saṅgahitā. Katihi asaṅgahitā? Ekena khandhena dasahāyatanehi terasahi dhātūhi asaṅgahitā.
470. රූපභවෙන යෙ ධම්‌මා… අසඤ්‌ඤාභවෙන යෙ ධම්‌මා… එකවොකාරභවෙන යෙ ධම්‌මා… පරිදෙවෙන යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
470. Rūpabhavena ye dhammā… asaññābhavena ye dhammā… ekavokārabhavena ye dhammā… paridevena ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
471. අරූපභවෙන යෙ ධම්‌මා… නෙවසඤ්‌ඤානාසඤ්‌ඤාභවෙන යෙ ධම්‌මා… චතුවොකාරභවෙන යෙ ධම්‌මා… සොකෙන යෙ ධම්‌මා… දුක්‌ඛෙන යෙ ධම්‌මා… දොමනස්‌සෙන යෙ ධම්‌මා… උපායාසෙන යෙ ධම්‌මා… සතිපට්‌ඨානෙන යෙ ධම්‌මා… සම්‌මප්‌පධානෙන යෙ ධම්‌මා… ඉද්‌ධිපාදෙන යෙ ධම්‌මා… ඣානෙන යෙ ධම්‌මා… අප්‌පමඤ්‌ඤාය යෙ ධම්‌මා… පඤ්‌චහි ඉන්‌ද්‍රියෙහි යෙ ධම්‌මා… පඤ්‌චහි බලෙහි යෙ ධම්‌මා … සත්‌තහි බොජ්‌ඣඞ්‌ගෙහි යෙ ධම්‌මා… අරියෙන අට්‌ඨඞ්‌ගිකෙන මග්‌ගෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
471. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… iddhipādena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā … sattahi bojjhaṅgehi ye dhammā… ariyena aṭṭhaṅgikena maggena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
3. ඵස්‌සාදිසත්‌තකං
3. Phassādisattakaṃ
472. ඵස්‌සෙන යෙ ධම්‌මා… වෙදනාය යෙ ධම්‌මා… සඤ්‌ඤාය යෙ ධම්‌මා… චෙතනාය යෙ ධම්‌මා… චිත්‌තෙන යෙ ධම්‌මා… මනසිකාරෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
472. Phassena ye dhammā… vedanāya ye dhammā… saññāya ye dhammā… cetanāya ye dhammā… cittena ye dhammā… manasikārena ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
473. අධිමොක්‌ඛෙන යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි එකාය ධාතුයා අසඞ්‌ගහිතා.
473. Adhimokkhena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
4. තිකං
4. Tikaṃ
474. කුසලෙහි ධම්‌මෙහි යෙ ධම්‌මා… අකුසලෙහි ධම්‌මෙහි යෙ ධම්‌මා… සුඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… දුක්‌ඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
474. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
475. අබ්‍යාකතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
475. Abyākatehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
476. අදුක්‌ඛමසුඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… විපාකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි තෙරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි පඤ්‌චහි ධාතූහි අසඞ්‌ගහිතා.
476. Adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
477. විපාකධම්‌මධම්‌මෙහි යෙ ධම්‌මා… සංකිලිට්‌ඨසංකිලෙසිකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
477. Vipākadhammadhammehi ye dhammā… saṃkiliṭṭhasaṃkilesikehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
478. නෙවවිපාකනවිපාකධම්‌මධම්‌මෙහි යෙ ධම්‌මා… අනුපාදින්‌නුපාදානියෙහි ධම්‌මෙහි යෙ ධම්‌මා… අනුපාදින්‌නඅනුපාදානියෙහි ධම්‌මෙහි යෙ ධම්‌මා… අසංකිලිට්‌ඨඅසංකිලෙසිකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
478. Nevavipākanavipākadhammadhammehi ye dhammā… anupādinnupādāniyehi dhammehi ye dhammā… anupādinnaanupādāniyehi dhammehi ye dhammā… asaṃkiliṭṭhaasaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
479. උපාදින්‌නුපාදානියෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි පන්‌නරසහි ධාතූහි අසඞ්‌ගහිතා.
479. Upādinnupādāniyehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
480. අසංකිලිට්‌ඨසංකිලෙසිකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
480. Asaṃkiliṭṭhasaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
481. සවිතක්‌කසවිචාරෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි එකාය ධාතුයා අසඞ්‌ගහිතා.
481. Savitakkasavicārehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
482. අවිතක්‌කවිචාරමත්‌තෙහි ධම්‌මෙහි යෙ ධම්‌මා… පීතිසහගතෙහි ධම්‌මෙහි යෙ ධම්‌මා… සුඛසහගතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
482. Avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
483. අවිතක්‌කඅවිචාරෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි පන්‌නරසහි ධාතූහි අසඞ්‌ගහිතා.
483. Avitakkaavicārehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
484. උපෙක්‌ඛාසහගතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි තෙරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි පඤ්‌චහි ධාතූහි අසඞ්‌ගහිතා.
484. Upekkhāsahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
485. දස්‌සනෙන පහාතබ්‌බෙහි ධම්‌මෙහි යෙ ධම්‌මා… භාවනාය පහාතබ්‌බෙහි ධම්‌මෙහි යෙ ධම්‌මා… දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… භාවනාය පහාතබ්‌බහෙතුකෙහි ධම්‌මෙහි යෙ ධම්‌මා… ආචයගාමීහි ධම්‌මෙහි යෙ ධම්‌මා… අපචයගාමීහි ධම්‌මෙහි යෙ ධම්‌මා… සෙක්‌ඛෙහි ධම්‌මෙහි යෙ ධම්‌මා… අසෙක්‌ඛෙහි ධම්‌මෙහි යෙ ධම්‌මා… මහග්‌ගතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
485. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
486. නෙව දස්‌සනෙන න භාවනාය පහාතබ්‌බෙහි ධම්‌මෙහි යෙ ධම්‌මා… නෙව දස්‌සනෙන න භාවනාය පහාතබ්‌බහෙතුකෙහි ධම්‌මෙහි යෙ ධම්‌මා… නෙවාචයගාමිනාපචයගාමීහි ධම්‌මෙහි යෙ ධම්‌මා… නෙවසෙක්‌ඛනාසෙක්‌ඛෙහි ධම්‌මෙහි යෙ ධම්‌මා… පරිත්‌තෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
486. Neva dassanena na bhāvanāya pahātabbehi dhammehi ye dhammā… neva dassanena na bhāvanāya pahātabbahetukehi dhammehi ye dhammā… nevācayagāmināpacayagāmīhi dhammehi ye dhammā… nevasekkhanāsekkhehi dhammehi ye dhammā… parittehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
487. අප්‌පමාණෙහි ධම්‌මෙහි යෙ ධම්‌මා… පණීතෙහි ධම්‌මෙහි යෙ විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
487. Appamāṇehi dhammehi ye dhammā… paṇītehi dhammehi ye vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
488. පරිත්‌තාරම්‌මණෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි ද්‌වාදසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි ඡහි ධාතූහි අසඞ්‌ගහිතා.
488. Parittārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi dvādasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi chahi dhātūhi asaṅgahitā.
489. මහග්‌ගතාරම්‌මණෙහි ධම්‌මෙහි යෙ ධම්‌මා… අප්‌පමාණාරම්‌මණෙහි ධම්‌මෙහි යෙ ධම්‌මා… හීනෙහි ධම්‌මෙහි යෙ ධම්‌මා… මිච්‌ඡත්‌තනියතෙහි ධම්‌මෙහි යෙ ධම්‌මා… සම්‌මත්‌තනියතෙහි ධම්‌මෙහි යෙ ධම්‌මා… මග්‌ගාරම්‌මණෙහි ධම්‌මෙහි යෙ ධම්‌මා… මග්‌ගහෙතුකෙහි ධම්‌මෙහි යෙ ධම්‌මා… මග්‌ගාධිපතීහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
489. Mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
490. මජ්‌ඣිමෙහි ධම්‌මෙහි යෙ ධම්‌මා… අනියතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
490. Majjhimehi dhammehi ye dhammā… aniyatehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
491. උප්‌පන්‌නෙහි ධම්‌මෙහි යෙ ධම්‌මා… අනුප්‌පන්‌නෙහි ධම්‌මෙහි යෙ ධම්‌මා… උප්‌පාදීහි ධම්‌මෙහි යෙ ධම්‌මා… අතීතෙහි ධම්‌මෙහි යෙ ධම්‌මා… අනාගතෙහි ධම්‌මෙහි යෙ ධම්‌මා… පච්‌චුප්‌පන්‌නෙහි ධම්‌මෙහි යෙ ධම්‌මා… අජ්‌ඣත්‌තෙහි ධම්‌මෙහි යෙ ධම්‌මා… බහිද්‌ධාහි ධම්‌මෙහි යෙ ධම්‌මා… සනිදස්‌සනසප්‌පටිඝෙහි ධම්‌මෙහි යෙ ධම්‌මා… අනිදස්‌සනසප්‌පටිඝෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
491. Uppannehi dhammehi ye dhammā… anuppannehi dhammehi ye dhammā… uppādīhi dhammehi ye dhammā… atītehi dhammehi ye dhammā… anāgatehi dhammehi ye dhammā… paccuppannehi dhammehi ye dhammā… ajjhattehi dhammehi ye dhammā… bahiddhāhi dhammehi ye dhammā… sanidassanasappaṭighehi dhammehi ye dhammā… anidassanasappaṭighehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
492. අතීතාරම්‌මණෙහි ධම්‌මෙහි යෙ ධම්‌මා… අනාගතාරම්‌මණෙහි ධම්‌මෙහි යෙ ධම්‌මා… අජ්‌ඣත්‌තාරම්‌මණෙහි ධම්‌මෙහි යෙ ධම්‌මා… බහිද්‌ධාරම්‌මණෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
492. Atītārammaṇehi dhammehi ye dhammā… anāgatārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
493. පච්‌චුප්‌පන්‌නාරම්‌මණෙහි ධම්‌මෙහි යෙ ධම්‌මා… අජ්‌ඣත්‌තබහිද්‌ධාරම්‌මණෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි ද්‌වාදසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි ඡහි ධාතූහි අසඞ්‌ගහිතා.
493. Paccuppannārammaṇehi dhammehi ye dhammā… ajjhattabahiddhārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi dvādasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi chahi dhātūhi asaṅgahitā.
5. දුකං
5. Dukaṃ
494. හෙතූහි ධම්‌මෙහි යෙ ධම්‌මා… සහෙතුකෙහි ධම්‌මෙහි යෙ ධම්‌මා… හෙතුසම්‌පයුත්‌තෙහි ධම්‌මෙහි යෙ ධම්‌මා… හෙතූහි චෙව සහෙතුකෙහි ච ධම්‌මෙහි යෙ ධම්‌මා… සහෙතුකෙහි චෙව න ච හෙතූහි ධම්‌මෙහි යෙ ධම්‌මා… හෙතූහි චෙව හෙතුසම්‌පයුත්‌තෙහි ච ධම්‌මෙහි යෙ ධම්‌මා… හෙතුසම්‌පයුත්‌තෙහි චෙව න ච හෙතූහි ධම්‌මෙහි යෙ ධම්‌මා… න හෙතුසහෙතුකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
494. Hetūhi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… hetūhi ceva sahetukehi ca dhammehi ye dhammā… sahetukehi ceva na ca hetūhi dhammehi ye dhammā… hetūhi ceva hetusampayuttehi ca dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
495. අහෙතුකෙහි ධම්‌මෙහි යෙ ධම්‌මා… හෙතුවිප්‌පයුත්‌තෙහි ධම්‌මෙහි යෙ ධම්‌මා… න හෙතුඅහෙතුකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
495. Ahetukehi dhammehi ye dhammā… hetuvippayuttehi dhammehi ye dhammā… na hetuahetukehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
496. අප්‌පච්‌චයෙහි ධම්‌මෙහි යෙ ධම්‌මා… අසඞ්‌ඛතෙහි ධම්‌මෙහි යෙ ධම්‌මා… සනිදස්‌සනෙහි ධම්‌මෙහි යෙ ධම්‌මා… සප්‌පටිඝෙහි ධම්‌මෙහි යෙ ධම්‌මා… රූපීහි ධම්‌මෙහි යෙ ධම්‌මා… ලොකුත්‌තරෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
496. Appaccayehi dhammehi ye dhammā… asaṅkhatehi dhammehi ye dhammā… sanidassanehi dhammehi ye dhammā… sappaṭighehi dhammehi ye dhammā… rūpīhi dhammehi ye dhammā… lokuttarehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
497. ලොකියෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
497. Lokiyehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
498. ආසවෙහි ධම්‌මෙහි යෙ ධම්‌මා… ආසවසම්‌පයුත්‌තෙහි ධම්‌මෙහි යෙ ධම්‌මා… ආසවෙහි චෙව සාසවෙහි ච ධම්‌මෙහි යෙ ධම්‌මා… ආසවෙහි චෙව ආසවසම්‌පයුත්‌තෙහි ච ධම්‌මෙහි යෙ ධම්‌මා… ආසවසම්‌පයුත්‌තෙහි චෙව නො ච ආසවෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
498. Āsavehi dhammehi ye dhammā… āsavasampayuttehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā… āsavasampayuttehi ceva no ca āsavehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
499. සාසවෙහි ධම්‌මෙහි යෙ ධම්‌මා… ආසවවිප්‌පයුත්‌තෙහි ධම්‌මෙහි යෙ ධම්‌මා… සාසවෙහි චෙව නො ච ආසවෙහි ධම්‌මෙහි යෙ ධම්‌මා… ආසවවිප්‌පයුත්‌තෙහි සාසවෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
499. Sāsavehi dhammehi ye dhammā… āsavavippayuttehi dhammehi ye dhammā… sāsavehi ceva no ca āsavehi dhammehi ye dhammā… āsavavippayuttehi sāsavehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
500. අනාසවෙහි ධම්‌මෙහි යෙ ධම්‌මා… ආසවවිප්‌පයුත්‌තෙහි අනාසවෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
500. Anāsavehi dhammehi ye dhammā… āsavavippayuttehi anāsavehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
501. සංයොජනෙහි ධම්‌මෙහි යෙ ධම්‌මා… ගන්‌ථෙහි ධම්‌මෙහි යෙ ධම්‌මා… ඔඝෙහි ධම්‌මෙහි යෙ ධම්‌මා… යොගෙහි ධම්‌මෙහි යෙ ධම්‌මා… නීවරණෙහි ධම්‌මෙහි යෙ ධම්‌මා… පරාමාසෙහි ධම්‌මෙහි යෙ ධම්‌මා… පරාමාසසම්‌පයුත්‌තෙහි ධම්‌මෙහි යෙ ධම්‌මා… පරාමාසෙහි චෙව පරාමට්‌ඨෙහි ච ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා ? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
501. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsasampayuttehi dhammehi ye dhammā… parāmāsehi ceva parāmaṭṭhehi ca dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā ? Na kehici khandhehi na kehici āyatanehi na kāhici dhātūhi asaṅgahitā.
502. පරාමට්‌ඨෙහි ධම්‌මෙහි යෙ ධම්‌මා… පරාමාසවිප්‌පයුත්‌තෙහි ධම්‌මෙහි යෙ ධම්‌මා… පරාමට්‌ඨෙහි චෙව නො ච පරාමාසෙහි ධම්‌මෙහි යෙ ධම්‌මා… පරාමාසවිප්‌පයුත්‌තෙහි පරාමට්‌ඨෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
502. Parāmaṭṭhehi dhammehi ye dhammā… parāmāsavippayuttehi dhammehi ye dhammā… parāmaṭṭhehi ceva no ca parāmāsehi dhammehi ye dhammā… parāmāsavippayuttehi parāmaṭṭhehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
503. අපරාමට්‌ඨෙහි ධම්‌මෙහි යෙ ධම්‌මා… පරාමාසවිප්‌පයුත්‌තෙහි අපරාමට්‌ඨෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
503. Aparāmaṭṭhehi dhammehi ye dhammā… parāmāsavippayuttehi aparāmaṭṭhehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
504. සාරම්‌මණෙහි ධම්‌මෙහි යෙ ධම්‌මා… චිත්‌තෙහි ධම්‌මෙහි යෙ ධම්‌මා… චෙතසිකෙහි ධම්‌මෙහි යෙ ධම්‌මා… චිත්‌තසම්‌පයුත්‌තෙහි ධම්‌මෙහි යෙ ධම්‌මා… චිත්‌තසංසට්‌ඨෙහි ධම්‌මෙහි යෙ ධම්‌මා… චිත්‌තසංසට්‌ඨසමුට්‌ඨානෙහි ධම්‌මෙහි යෙ ධම්‌මා… චිත්‌තසංසට්‌ඨසමුට්‌ඨානසහභූහි ධම්‌මෙහි යෙ ධම්‌මා… චිත්‌තසංසට්‌ඨසමුට්‌ඨානානුපරිවත්‌තීහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
504. Sārammaṇehi dhammehi ye dhammā… cittehi dhammehi ye dhammā… cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
505. අනාරම්‌මණෙහි ධම්‌මෙහි යෙ ධම්‌මා… චිත්‌තවිප්‌පයුත්‌තෙහි ධම්‌මෙහි යෙ ධම්‌මා… චිත්‌තසංසට්‌ඨෙහි ධම්‌මෙහි යෙ ධම්‌මා… උපාදාධම්‌මෙහි යෙ ධම්‌මා… අනුපාදින්‌නෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා ? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
505. Anārammaṇehi dhammehi ye dhammā… cittavippayuttehi dhammehi ye dhammā… cittasaṃsaṭṭhehi dhammehi ye dhammā… upādādhammehi ye dhammā… anupādinnehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā ? Ekena khandhena dasahāyatanehi dasahi dhātūhi asaṅgahitā.
506. උපාදින්‌නෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි පන්‌නරසහි ධාතූහි අසඞ්‌ගහිතා.
506. Upādinnehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
507. උපාදානෙහි ධම්‌මෙහි යෙ ධම්‌මා… කිලෙසෙහි ධම්‌මෙහි යෙ ධම්‌මා… සංකිලිට්‌ඨෙහි ධම්‌මෙහි යෙ ධම්‌මා… කිලෙසසම්‌පයුත්‌තෙහි ධම්‌මෙහි යෙ ධම්‌මා… කිලෙසෙහි චෙව සංකිලෙසිකෙහි ච ධම්‌මෙහි යෙ ධම්‌මා… කිලෙසෙහි චෙව සංකිලිට්‌ඨෙහි ච ධම්‌මෙහි යෙ ධම්‌මා… සංකිලිට්‌ඨෙහි චෙව නො ච කිලෙසෙහි ධම්‌මෙහි යෙ ධම්‌මා… කිලෙසෙහි චෙව කිලෙසසම්‌පයුත්‌තෙහි ච ධම්‌මෙහි යෙ ධම්‌මා… කිලෙසසම්‌පයුත්‌තෙහි චෙව නො ච කිලෙසෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
507. Upādānehi dhammehi ye dhammā… kilesehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesehi ceva kilesasampayuttehi ca dhammehi ye dhammā… kilesasampayuttehi ceva no ca kilesehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
508. සංකිලෙසිකෙහි ධම්‌මෙහි යෙ ධම්‌මා… අසංකිලිට්‌ඨෙහි ධම්‌මෙහි යෙ ධම්‌මා… කිලෙසවිප්‌පයුත්‌තෙහි ධම්‌මෙහි යෙ ධම්‌මා… සංකිලෙසිකෙහි චෙව නො ච කිලෙසෙහි ධම්‌මෙහි යෙ ධම්‌මා… කිලෙසවිප්‌පයුත්‌තෙහි සංකිලෙසිකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
508. Saṃkilesikehi dhammehi ye dhammā… asaṃkiliṭṭhehi dhammehi ye dhammā… kilesavippayuttehi dhammehi ye dhammā… saṃkilesikehi ceva no ca kilesehi dhammehi ye dhammā… kilesavippayuttehi saṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
509. අසංකිලෙසිකෙහි ධම්‌මෙහි යෙ ධම්‌මා… කිලෙසවිප්‌පයුත්‌තෙහි අසංකිලෙසිකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
509. Asaṃkilesikehi dhammehi ye dhammā… kilesavippayuttehi asaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
510. දස්‌සනෙන පහාතබ්‌බෙහි ධම්‌මෙහි යෙ ධම්‌මා… භාවනාය පහාතබ්‌බෙහි ධම්‌මෙහි යෙ ධම්‌මා… දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… භාවනාය පහාතබ්‌බහෙතුකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
510. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
511. න දස්‌සනෙන පහාතබ්‌බෙහි ධම්‌මෙහි යෙ ධම්‌මා… න භාවනාය පහාතබ්‌බෙහි ධම්‌මෙහි යෙ ධම්‌මා… න දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… න භාවනාය පහාතබ්‌බහෙතුකෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
511. Na dassanena pahātabbehi dhammehi ye dhammā… na bhāvanāya pahātabbehi dhammehi ye dhammā… na dassanena pahātabbahetukehi dhammehi ye dhammā… na bhāvanāya pahātabbahetukehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
512. සවිතක්‌කෙහි ධම්‌මෙහි යෙ ධම්‌මා… සවිචාරෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි සත්‌තරසහි ධාතූහි සඞ්‌ගහිතා . කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි එකාය ධාතුයා අසඞ්‌ගහිතා.
512. Savitakkehi dhammehi ye dhammā… savicārehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā . Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
513. සප්‌පීතිකෙහි ධම්‌මෙහි යෙ ධම්‌මා… පීතිසහගතෙහි ධම්‌මෙහි යෙ ධම්‌මා… සුඛසහගතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
513. Sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
514. උපෙක්‌ඛාසහගතෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි තෙරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි පඤ්‌චහි ධාතූහි අසඞ්‌ගහිතා.
514. Upekkhāsahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
515. කාමාවචරෙහි ධම්‌මෙහි යෙ ධම්‌මා… පරියාපන්‌නෙහි ධම්‌මෙහි යෙ ධම්‌මා… සඋත්‌තරෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
515. Kāmāvacarehi dhammehi ye dhammā… pariyāpannehi dhammehi ye dhammā… sauttarehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
516. න කාමාවචරෙහි ධම්‌මෙහි යෙ ධම්‌මා… අපරියාපන්‌නෙහි ධම්‌මෙහි යෙ ධම්‌මා… අනුත්‌තරෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
516. Na kāmāvacarehi dhammehi ye dhammā… apariyāpannehi dhammehi ye dhammā… anuttarehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
517. රූපාවචරෙහි ධම්‌මෙහි යෙ ධම්‌මා… අරූපාවචරෙහි ධම්‌මෙහි යෙ ධම්‌මා… නිය්‍යානිකෙහි ධම්‌මෙහි යෙ ධම්‌මා… නියතෙහි ධම්‌මෙහි යෙ ධම්‌මා … සරණෙහි ධම්‌මෙහි යෙ ධම්‌මා විප්‌පයුත්‌තා… තෙ ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
517. Rūpāvacarehi dhammehi ye dhammā… arūpāvacarehi dhammehi ye dhammā… niyyānikehi dhammehi ye dhammā… niyatehi dhammehi ye dhammā … saraṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
518. න රූපාවචරෙහි ධම්‌මෙහි යෙ ධම්‌මා… න අරූපාවචරෙහි ධම්‌මෙහි යෙ ධම්‌මා… අනිය්‍යානිකෙහි ධම්‌මෙහි යෙ ධම්‌මා… අනියතෙහි ධම්‌මෙහි යෙ ධම්‌මා… අරණෙහි ධම්‌මෙහි යෙ ධම්‌මා විප්‌පයුත්‌තා , තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? තෙ ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
518. Na rūpāvacarehi dhammehi ye dhammā… na arūpāvacarehi dhammehi ye dhammā… aniyyānikehi dhammehi ye dhammā… aniyatehi dhammehi ye dhammā… araṇehi dhammehi ye dhammā vippayuttā , te dhammā katihi khandhehi katihāyatanehi katihi dhātūhi saṅgahitā? Te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
ධම්‌මායතනං ධම්‌මධාතු, අථ ජීවිතං නාමරූපං;
Dhammāyatanaṃ dhammadhātu, atha jīvitaṃ nāmarūpaṃ;
සළායතනං ජාතිජරාමතං, ද්‌වෙ ච තිකෙ න ලබ්‌භරෙ.
Saḷāyatanaṃ jātijarāmataṃ, dve ca tike na labbhare.
පඨමන්‌තරෙ සත්‌ත ච, ගොච්‌ඡකෙ දස අපරන්‌තෙ;
Paṭhamantare satta ca, gocchake dasa aparante;
චුද්‌දස ඡ ච මත්‌ථකෙ, ඉච්‌චෙතෙ සත්‌තචත්‌තාලීස ධම්‌මා;
Cuddasa cha ca matthake, iccete sattacattālīsa dhammā;
සමුච්‌ඡෙදෙ න ලබ්‌භන්‌ති, මොඝපුච්‌ඡකෙන චාති.
Samucchede na labbhanti, moghapucchakena cāti.
විප්‌පයුත්‌තෙනසඞ්‌ගහිතාසඞ්‌ගහිතපදනිද්‌දෙසො චුද්‌දසමො.
Vippayuttenasaṅgahitāsaṅgahitapadaniddeso cuddasamo.
ධාතුකථාපකරණං නිට්‌ඨිතං.
Dhātukathāpakaraṇaṃ niṭṭhitaṃ.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 14. චුද්‌දසමනයො විප්‌පයුත්‌තෙනසඞ්‌ගහිතාසඞ්‌ගහිතපදවණ්‌ණනා • 14. Cuddasamanayo vippayuttenasaṅgahitāsaṅgahitapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 14. චුද්‌දසමනයො විප්‌පයුත්‌තෙනසඞ්‌ගහිතාසඞ්‌ගහිතපදවණ්‌ණනා • 14. Cuddasamanayo vippayuttenasaṅgahitāsaṅgahitapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 14. චුද්‌දසමනයො විප්‌පයුත්‌තෙනසඞ්‌ගහිතාසඞ්‌ගහිතපදවණ්‌ණනා • 14. Cuddasamanayo vippayuttenasaṅgahitāsaṅgahitapadavaṇṇanā
