| Library / Tipiṭaka / ཏིཔིཊཀ • Tipiṭaka / དྷཱཏུཀཐཱཔཱལི༹ • Dhātukathāpāḷi |
༡༠. དསམནཡོ
10. Dasamanayo
༡༠. ཝིཔྤཡུཏྟེནཝིཔྤཡུཏྟཔདནིདྡེསོ
10. Vippayuttenavippayuttapadaniddeso
༣༥༣. རཱུཔཀྑནྡྷེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཝིཔྤཡུཏྟཱ? ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
353. Rūpakkhandhena ye dhammā vippayuttā, tehi dhammehi ye dhammā vippayuttā, te dhammā katihi khandhehi katihāyatanehi katihi dhātūhi vippayuttā? Te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༣༥༤. ཝེདནཱཀྑནྡྷེན ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ… ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
354. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā… manāyatanena ye dhammā vippayuttā, tehi dhammehi ye dhammā vippayuttā…pe… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༥༥. ཙཀྑཱཡཏནེན ཡེ དྷམྨཱ…པེ॰… ཕོཊྛབྦཱཡཏནེན ཡེ དྷམྨཱ… ཙཀྑུདྷཱཏུཡཱ ཡེ དྷམྨཱ…པེ॰… ཕོཊྛབྦདྷཱཏུཡཱ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
355. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā vippayuttā, tehi dhammehi ye dhammā vippayuttā… te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༣༥༦. ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ॰… མནོཝིཉྙཱཎདྷཱཏུཡཱ ཡེ དྷམྨཱ… སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
356. Cakkhuviññāṇadhātuyā ye dhammā…pe… manoviññāṇadhātuyā ye dhammā… samudayasaccena ye dhammā… maggasaccena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༥༧. ནིརོདྷསཙྩེན ཡེ དྷམྨཱ… ཙཀྑུནྡྲིཡེན ཡེ དྷམྨཱ…པེ॰… ཀཱཡིནྡྲིཡེན ཡེ དྷམྨཱ.. ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
357. Nirodhasaccena ye dhammā… cakkhundriyena ye dhammā…pe… kāyindriyena ye dhammā.. itthindriyena ye dhammā… purisindriyena ye dhammā vippayuttā, tehi dhammehi ye dhammā vippayuttā… te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༣༥༨. མནིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
358. Manindriyena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༥༩. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
359. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༠. ཨུཔེཀྑིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
360. Upekkhindriyena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi ekādasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༡. སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
361. Saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༢. སངྑཱརཔཙྩཡཱ ཝིཉྙཱཎེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཕསྶཔཙྩཡཱ ཝེདནཱཡ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
362. Saṅkhārapaccayā viññāṇena ye dhammā… saḷāyatanapaccayā phassena ye dhammā… phassapaccayā vedanāya ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༣. ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
363. Vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༤. རཱུཔབྷཝེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཏཱིཧི དྷཱཏཱུཧི ཝིཔྤཡུཏྟཱ།
364. Rūpabhavena ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi tīhi dhātūhi vippayuttā.
༣༦༥. ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ… པརིདེཝེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
365. Asaññābhavena ye dhammā… ekavokārabhavena ye dhammā… paridevena ye dhammā vippayuttā, tehi dhammehi ye dhammā vippayuttā… te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༣༦༦. ཨརཱུཔབྷཝེན ཡེ དྷམྨཱ… ནེཝསཉྙཱནཱསཉྙཱབྷཝེན ཡེ དྷམྨཱ… ཙཏུཝོཀཱརབྷཝེན ཡེ དྷམྨཱ… སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨིདྡྷིཔཱདེན ཡེ དྷམྨཱ… ཛྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
366. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… iddhipādena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༧. ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཙིཏྟེན ཡེ དྷམྨཱ… མནསིཀཱརེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
367. Phassena ye dhammā… vedanāya ye dhammā… saññāya ye dhammā… cetanāya ye dhammā… cittena ye dhammā… manasikārena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༦༨. ཨདྷིམོཀྑེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
368. Adhimokkhena ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༡. ཏིཀཾ
1. Tikaṃ
༣༦༩. ཀུསལེཧི དྷམྨེཧི ཡེ དྷམྨཱ… ཨཀུསལེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
369. Kusalehi dhammehi ye dhammā… akusalehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༠. སུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
370. Sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༡. ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ ཝིཔྤཡུཏྟཱ , ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
371. Adukkhamasukhāya vedanāya sampayuttehi dhammehi ye dhammā vippayuttā , tehi dhammehi ye dhammā vippayuttā… te dhammā ekena khandhena dasahāyatanehi ekādasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༢. ཝིཔཱཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
372. Vipākehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༣. ཝིཔཱཀདྷམྨདྷམྨེཧི ཡེ དྷམྨཱ… སཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
373. Vipākadhammadhammehi ye dhammā… saṃkiliṭṭhasaṃkilesikehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༤. ནེཝཝིཔཱཀནཝིཔཱཀདྷམྨདྷམྨེཧི ཡེ དྷམྨཱ… ཨནུཔཱདིནྣུཔཱདཱནིཡེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ།
374. Nevavipākanavipākadhammadhammehi ye dhammā… anupādinnupādāniyehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi pañcahi dhātūhi vippayuttā.
༣༧༥. ཨནུཔཱདིནྣཨནུཔཱདཱནིཡེཧི དྷམྨེཧི ཡེ དྷམྨཱ… ཨསཾཀིལིཊྛཨསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
375. Anupādinnaanupādāniyehi dhammehi ye dhammā… asaṃkiliṭṭhaasaṃkilesikehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༣༧༦. སཝིཏཀྐསཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
376. Savitakkasavicārehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༧. ཨཝིཏཀྐཝིཙཱརམཏྟེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
377. Avitakkavicāramattehi dhammehi ye dhammā… pītisahagatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༧༨. ཨཝིཏཀྐཨཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ།
378. Avitakkaavicārehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi ekāya dhātuyā vippayuttā.
༣༧༩. སུཁསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
379. Sukhasahagatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༠. ཨུཔེཀྑཱསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
380. Upekkhāsahagatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi ekādasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༡. དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… ཨཱཙཡགཱམཱིཧི དྷམྨེཧི ཡེ དྷམྨཱ… ཨཔཙཡགཱམཱིཧི དྷམྨེཧི ཡེ དྷམྨཱ… སེཀྑེཧི དྷམྨེཧི ཡེ དྷམྨཱ… ཨསེཀྑེཧི དྷམྨེཧི ཡེ དྷམྨཱ… མཧགྒཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
381. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༢. ཨཔྤམཱཎེཧི དྷམྨེཧི ཡེ དྷམྨཱ… པཎཱིཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
382. Appamāṇehi dhammehi ye dhammā… paṇītehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༣༨༣. པརིཏྟཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
383. Parittārammaṇehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༤. མཧགྒཏཱརམྨཎེཧི དྷམྨེཧི ཡེ དྷམྨཱ… ཨཔྤམཱཎཱརམྨཎེཧི དྷམྨེཧི ཡེ དྷམྨཱ… ཧཱིནེཧི དྷམྨེཧི ཡེ དྷམྨཱ… མིཙྪཏྟནིཡཏེཧི དྷམྨེཧི ཡེ དྷམྨཱ… སམྨཏྟནིཡཏེཧི དྷམྨེཧི ཡེ དྷམྨཱ… མགྒཱརམྨཎེཧི དྷམྨེཧི ཡེ དྷམྨཱ… མགྒཧེཏུཀེཧི དྷམྨེཧི ཡེ དྷམྨཱ… མགྒཱདྷིཔཏཱིཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
384. Mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༥. ཨནུཔྤནྣེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ།
385. Anuppannehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi pañcahi dhātūhi vippayuttā.
༣༨༦. ཨཏཱིཏཱརམྨཎེཧི དྷམྨེཧི ཡེ དྷམྨཱ… ཨནཱགཏཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
386. Atītārammaṇehi dhammehi ye dhammā… anāgatārammaṇehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༧. པཙྩུཔྤནྣཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟཱརམྨཎེཧི དྷམྨེཧི ཡེ དྷམྨཱ… བཧིདྡྷཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟབཧིདྡྷཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
387. Paccuppannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༨༨. སནིདསྶནསཔྤཊིགྷེཧི དྷམྨེཧི ཡེ དྷམྨཱ… ཨནིདསྶནསཔྤཊིགྷེཧི དྷམྨེཧི ཡེ དྷམྨཱ ཝིཔྤཡུཏྟཱ , ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
388. Sanidassanasappaṭighehi dhammehi ye dhammā… anidassanasappaṭighehi dhammehi ye dhammā vippayuttā , tehi dhammehi ye dhammā vippayuttā… te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༢. དུཀཾ
2. Dukaṃ
༣༨༩. ཧེཏཱུཧི དྷམྨེཧི ཡེ དྷམྨཱ… སཧེཏུཀེཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
389. Hetūhi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… hetūhi ceva sahetukehi ca dhammehi ye dhammā… sahetukehi ceva na ca hetūhi dhammehi ye dhammā… hetūhi ceva hetusampayuttehi ca dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༩༠. ཨཔྤཙྩཡེཧི དྷམྨེཧི ཡེ དྷམྨཱ… ཨསངྑཏེཧི དྷམྨེཧི ཡེ དྷམྨཱ… སནིདསྶནེཧི དྷམྨེཧི ཡེ དྷམྨཱ… སཔྤཊིགྷེཧི དྷམྨེཧི ཡེ དྷམྨཱ… རཱུཔཱིཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
390. Appaccayehi dhammehi ye dhammā… asaṅkhatehi dhammehi ye dhammā… sanidassanehi dhammehi ye dhammā… sappaṭighehi dhammehi ye dhammā… rūpīhi dhammehi ye dhammā vippayuttā, tehi dhammehi ye dhammā vippayuttā… te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༣༩༡. ལོཀུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
391. Lokuttarehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༣༩༢. ཨཱསཝེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ… ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
392. Āsavehi dhammehi ye dhammā… āsavasampayuttehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā… āsavasampayuttehi ceva no ca āsavehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༩༣. ཨནཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཨནཱསཝེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
393. Anāsavehi dhammehi ye dhammā… āsavavippayuttehi anāsavehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༣༩༤. སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… པརཱམཱསསམྤཡུཏྟེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
394. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsasampayuttehi dhammehi ye dhammā… parāmāsehi ceva parāmaṭṭhehi ca dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༣༩༥. ཨཔརཱམཊྛེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི ཨཔརཱམཊྛེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
395. Aparāmaṭṭhehi dhammehi ye dhammā… parāmāsavippayuttehi aparāmaṭṭhehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༣༩༦. སཱརམྨཎེཧི དྷམྨེཧི ཡེ དྷམྨཱ… ཙིཏྟེཧི དྷམྨེཧི ཡེ དྷམྨཱ… ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
396. Sārammaṇehi dhammehi ye dhammā… cittehi dhammehi ye dhammā… cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༣༩༧. ཨནཱརམྨཎེཧི 1 དྷམྨེཧི ཡེ དྷམྨཱ… ཙིཏྟཝིཔྤཡུཏྟེཧི དྷམྨེཧི ཡེ དྷམྨཱ… ཙིཏྟཝིསཾསཊྛེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
397. Anārammaṇehi 2 dhammehi ye dhammā… cittavippayuttehi dhammehi ye dhammā… cittavisaṃsaṭṭhehi dhammehi ye dhammā… upādādhammehi ye dhammā vippayuttā, tehi dhammehi ye dhammā vippayuttā… te dhammā catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༣༩༨. ཨནུཔཱདིནྣེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ།
398. Anupādinnehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi pañcahi dhātūhi vippayuttā.
༣༩༩. ཨུཔཱདཱནེཧི དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… སཾཀིལིཊྛེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… སཾཀིལིཊྛེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
399. Upādānehi dhammehi ye dhammā… kilesehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesehi ceva kilesasampayuttehi ca dhammehi ye dhammā… kilesasampayuttehi ceva no ca kilesehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༤༠༠. ཨསཾཀིལེསིཀེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི ཨསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
400. Asaṃkilesikehi dhammehi ye dhammā… kilesavippayuttehi asaṃkilesikehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༤༠༡. དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
401. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༤༠༢. སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
402. Savitakkehi dhammehi ye dhammā… savicārehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༤༠༣. ཨཝིཏཀྐེཧི དྷམྨེཧི ཡེ དྷམྨཱ… ཨཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ།
403. Avitakkehi dhammehi ye dhammā… avicārehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi ekāya dhātuyā vippayuttā.
༤༠༤. སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
404. Sappītikehi dhammehi ye dhammā… pītisahagatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
༤༠༥. སུཁསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
405. Sukhasahagatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༤༠༦. ཨུཔེཀྑཱསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
406. Upekkhāsahagatehi dhammehi ye dhammā vippayuttā, tehi dhammehi ye dhammā vippayuttā… te dhammā ekena khandhena dasahāyatanehi ekādasahi dhātūhi vippayuttā; ekenāyatanena ekāya dhātuyā kehici vippayuttā.
༤༠༧. ན ཀཱམཱཝཙརེཧི དྷམྨེཧི ཡེ དྷམྨཱ… ཨཔརིཡཱཔནྣེཧི དྷམྨེཧི ཡེ དྷམྨཱ… ཨནུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ།
407. Na kāmāvacarehi dhammehi ye dhammā… apariyāpannehi dhammehi ye dhammā… anuttarehi dhammehi ye dhammā vippayuttā, tehi dhammehi ye dhammā vippayuttā… te dhammā na kehici khandhehi na kehici āyatanehi chahi dhātūhi vippayuttā.
༤༠༨. རཱུཔཱཝཙརེཧི དྷམྨེཧི ཡེ དྷམྨཱ… ཨརཱུཔཱཝཙརེཧི དྷམྨེཧི ཡེ དྷམྨཱ… ནིཡྻཱནིཀེཧི དྷམྨེཧི ཡེ དྷམྨཱ… ནིཡཏེཧི དྷམྨེཧི ཡེ དྷམྨཱ… སརཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཝིཔྤཡུཏྟཱ? ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
408. Rūpāvacarehi dhammehi ye dhammā… arūpāvacarehi dhammehi ye dhammā… niyyānikehi dhammehi ye dhammā… niyatehi dhammehi ye dhammā… saraṇehi dhammehi ye dhammā vippayuttā, tehi dhammehi ye dhammā vippayuttā, te dhammā katihi khandhehi katihāyatanehi katihi dhātūhi vippayuttā? Te dhammā ekena khandhena dasahāyatanehi soḷasahi dhātūhi vippayuttā; ekenāyatanena ekāya dhātuyā kehici vippayuttā.
དྷམྨཱཡཏནཾ དྷམྨདྷཱཏུ, དུཀྑསཙྩཉྩ ཛཱིཝིཏཾ།
Dhammāyatanaṃ dhammadhātu, dukkhasaccañca jīvitaṃ;
སལཱ༹ཡཏནཾ ནཱམརཱུཔཾ, ཙཏྟཱརོ ཙ མཧཱབྷཝཱ༎
Saḷāyatanaṃ nāmarūpaṃ, cattāro ca mahābhavā.
ཛཱཏི ཛརཱ ཙ མརཎཾ, ཏིཀེསྭེཀཱུནཝཱིསཏི།
Jāti jarā ca maraṇaṃ, tikesvekūnavīsati;
གོཙྪཀེསུ ཙ པཉྙཱས, ཨཊྛ ཙཱུལ༹ནྟརེ པདཱ༎
Gocchakesu ca paññāsa, aṭṭha cūḷantare padā.
མཧནྟརེ པནྣརས, ཨཊྛཱརས ཏཏོ པརེ།
Mahantare pannarasa, aṭṭhārasa tato pare;
ཏེཝཱིས པདསཏཾ ཨེཏཾ, སམྤཡོགེ ན ལབྦྷཏཱིཏི༎
Tevīsa padasataṃ etaṃ, sampayoge na labbhatīti.
ཝིཔྤཡུཏྟེནཝིཔྤཡུཏྟཔདནིདྡེསོ དསམོ།
Vippayuttenavippayuttapadaniddeso dasamo.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༠. དསམནཡོ ཝིཔྤཡུཏྟེནཝིཔྤཡུཏྟཔདཝཎྞནཱ • 10. Dasamanayo vippayuttenavippayuttapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༠. དསམནཡོ ཝིཔྤཡུཏྟེནཝིཔྤཡུཏྟཔདཝཎྞནཱ • 10. Dasamanayo vippayuttenavippayuttapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༠. དསམནཡོ ཝིཔྤཡུཏྟེནཝིཔྤཡུཏྟཔདཝཎྞནཱ • 10. Dasamanayo vippayuttenavippayuttapadavaṇṇanā
