| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. விரத்³த⁴ஸுத்தங்
3. Viraddhasuttaṃ
33. ஸாவத்தி²னிதா³னங். ‘‘யேஸங் கேஸஞ்சி, பி⁴க்க²வே, அரியோ அட்ட²ங்கி³கோ மக்³கோ³ விரத்³தோ⁴, விரத்³தோ⁴ தேஸங் அரியோ அட்ட²ங்கி³கோ மக்³கோ³ ஸம்மா து³க்க²க்க²யகா³மீ. யேஸங் கேஸஞ்சி, பி⁴க்க²வே, அரியோ அட்ட²ங்கி³கோ மக்³கோ³ ஆரத்³தோ⁴, ஆரத்³தோ⁴ தேஸங் அரியோ அட்ட²ங்கி³கோ மக்³கோ³ ஸம்மா து³க்க²க்க²யகா³மீ. கதமோ ச, பி⁴க்க²வே, அரியோ அட்ட²ங்கி³கோ மக்³கோ³? ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴. யேஸங் கேஸஞ்சி, பி⁴க்க²வே, அயங் அரியோ அட்ட²ங்கி³கோ மக்³கோ³ விரத்³தோ⁴, விரத்³தோ⁴ தேஸங் அரியோ அட்ட²ங்கி³கோ மக்³கோ³ ஸம்மா து³க்க²க்க²யகா³மீ. யேஸங் கேஸஞ்சி, பி⁴க்க²வே, அயங் அரியோ அட்ட²ங்கி³கோ மக்³கோ³ ஆரத்³தோ⁴, ஆரத்³தோ⁴ தேஸங் அரியோ அட்ட²ங்கி³கோ மக்³கோ³ ஸம்மா து³க்க²க்க²யகா³மீ’’தி. ததியங்.
33. Sāvatthinidānaṃ. ‘‘Yesaṃ kesañci, bhikkhave, ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī. Katamo ca, bhikkhave, ariyo aṭṭhaṅgiko maggo? Seyyathidaṃ – sammādiṭṭhi…pe… sammāsamādhi. Yesaṃ kesañci, bhikkhave, ayaṃ ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ayaṃ ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. படிபத்திவக்³க³வண்ணனா • 4. Paṭipattivaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. படிபத்திவக்³க³வண்ணனா • 4. Paṭipattivaggavaṇṇanā
