| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. விரத்³த⁴ஸுத்தங்
8. Viraddhasuttaṃ
199. ‘‘யேஸங் கேஸஞ்சி, பி⁴க்க²வே, ஸத்த பொ³ஜ்ஜ²ங்கா³ விரத்³தா⁴, விரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ. யேஸங் கேஸஞ்சி, பி⁴க்க²வே, ஸத்த பொ³ஜ்ஜ²ங்கா³ ஆரத்³தா⁴, ஆரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ. கதமே ஸத்த? ஸதிஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³ – யேஸங் கேஸஞ்சி, பி⁴க்க²வே, இமே ஸத்த பொ³ஜ்ஜ²ங்கா³ விரத்³தா⁴, விரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ. யேஸங் கேஸஞ்சி, பி⁴க்க²வே, இமே ஸத்த பொ³ஜ்ஜ²ங்கா³ ஆரத்³தா⁴, ஆரத்³தோ⁴ தேஸங் அரியோ மக்³கோ³ ஸம்மா து³க்க²க்க²யகா³மீ’’தி. அட்ட²மங்.
199. ‘‘Yesaṃ kesañci, bhikkhave, satta bojjhaṅgā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, satta bojjhaṅgā āraddhā, āraddho tesaṃ ariyo maggo sammā dukkhakkhayagāmī. Katame satta? Satisambojjhaṅgo…pe… upekkhāsambojjhaṅgo – yesaṃ kesañci, bhikkhave, ime satta bojjhaṅgā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, ime satta bojjhaṅgā āraddhā, āraddho tesaṃ ariyo maggo sammā dukkhakkhayagāmī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-10. பட²மகி³லானஸுத்தாதி³வண்ணனா • 4-10. Paṭhamagilānasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-10. பட²மகி³லானஸுத்தாதி³வண்ணனா • 4-10. Paṭhamagilānasuttādivaṇṇanā
