| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. ৰিরদ্ধসুত্তং
3. Viraddhasuttaṃ
৩৩. সাৰত্থিনিদানং। ‘‘যেসং কেসঞ্চি, ভিক্খৰে, অরিযো অট্ঠঙ্গিকো মগ্গো ৰিরদ্ধো, ৰিরদ্ধো তেসং অরিযো অট্ঠঙ্গিকো মগ্গো সম্মা দুক্খক্খযগামী। যেসং কেসঞ্চি, ভিক্খৰে, অরিযো অট্ঠঙ্গিকো মগ্গো আরদ্ধো, আরদ্ধো তেসং অরিযো অট্ঠঙ্গিকো মগ্গো সম্মা দুক্খক্খযগামী। কতমো চ, ভিক্খৰে, অরিযো অট্ঠঙ্গিকো মগ্গো? সেয্যথিদং – সম্মাদিট্ঠি…পে॰… সম্মাসমাধি। যেসং কেসঞ্চি, ভিক্খৰে, অযং অরিযো অট্ঠঙ্গিকো মগ্গো ৰিরদ্ধো, ৰিরদ্ধো তেসং অরিযো অট্ঠঙ্গিকো মগ্গো সম্মা দুক্খক্খযগামী। যেসং কেসঞ্চি, ভিক্খৰে, অযং অরিযো অট্ঠঙ্গিকো মগ্গো আরদ্ধো, আরদ্ধো তেসং অরিযো অট্ঠঙ্গিকো মগ্গো সম্মা দুক্খক্খযগামী’’তি। ততিযং।
33. Sāvatthinidānaṃ. ‘‘Yesaṃ kesañci, bhikkhave, ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī. Katamo ca, bhikkhave, ariyo aṭṭhaṅgiko maggo? Seyyathidaṃ – sammādiṭṭhi…pe… sammāsamādhi. Yesaṃ kesañci, bhikkhave, ayaṃ ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ayaṃ ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. পটিপত্তিৰগ্গৰণ্ণনা • 4. Paṭipattivaggavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পটিপত্তিৰগ্গৰণ্ণনা • 4. Paṭipattivaggavaṇṇanā
