| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. විරද්‌ධසුත්‌තං
3. Viraddhasuttaṃ
33. සාවත්‌ථිනිදානං. ‘‘යෙසං කෙසඤ්‌චි, භික්‌ඛවෙ, අරියො අට්‌ඨඞ්‌ගිකො මග්‌ගො විරද්‌ධො, විරද්‌ධො තෙසං අරියො අට්‌ඨඞ්‌ගිකො මග්‌ගො සම්‌මා දුක්‌ඛක්‌ඛයගාමී. යෙසං කෙසඤ්‌චි, භික්‌ඛවෙ, අරියො අට්‌ඨඞ්‌ගිකො මග්‌ගො ආරද්‌ධො, ආරද්‌ධො තෙසං අරියො අට්‌ඨඞ්‌ගිකො මග්‌ගො සම්‌මා දුක්‌ඛක්‌ඛයගාමී. කතමො ච, භික්‌ඛවෙ, අරියො අට්‌ඨඞ්‌ගිකො මග්‌ගො? සෙය්‍යථිදං – සම්‌මාදිට්‌ඨි…පෙ.… සම්‌මාසමාධි. යෙසං කෙසඤ්‌චි, භික්‌ඛවෙ, අයං අරියො අට්‌ඨඞ්‌ගිකො මග්‌ගො විරද්‌ධො, විරද්‌ධො තෙසං අරියො අට්‌ඨඞ්‌ගිකො මග්‌ගො සම්‌මා දුක්‌ඛක්‌ඛයගාමී. යෙසං කෙසඤ්‌චි, භික්‌ඛවෙ, අයං අරියො අට්‌ඨඞ්‌ගිකො මග්‌ගො ආරද්‌ධො, ආරද්‌ධො තෙසං අරියො අට්‌ඨඞ්‌ගිකො මග්‌ගො සම්‌මා දුක්‌ඛක්‌ඛයගාමී’’ති. තතියං.
33. Sāvatthinidānaṃ. ‘‘Yesaṃ kesañci, bhikkhave, ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī. Katamo ca, bhikkhave, ariyo aṭṭhaṅgiko maggo? Seyyathidaṃ – sammādiṭṭhi…pe… sammāsamādhi. Yesaṃ kesañci, bhikkhave, ayaṃ ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ayaṃ ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. පටිපත්‌තිවග්‌ගවණ්‌ණනා • 4. Paṭipattivaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පටිපත්‌තිවග්‌ගවණ්‌ණනා • 4. Paṭipattivaggavaṇṇanā
