| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. විරද්‌ධසුත්‌තං
3. Viraddhasuttaṃ
399. ‘‘යෙසං කෙසඤ්‌චි, භික්‌ඛවෙ, චත්‌තාරො සතිපට්‌ඨානා විරද්‌ධා, විරද්‌ධො තෙසං අරියො මග්‌ගො 1 සම්‌මා දුක්‌ඛක්‌ඛයගාමී. යෙසං කෙසඤ්‌චි, භික්‌ඛවෙ, චත්‌තාරො සතිපට්‌ඨානා ආරද්‌ධා, ආරද්‌ධො තෙසං අරියො මග්‌ගො සම්‌මා දුක්‌ඛක්‌ඛයගාමී.
399. ‘‘Yesaṃ kesañci, bhikkhave, cattāro satipaṭṭhānā viraddhā, viraddho tesaṃ ariyo maggo 2 sammā dukkhakkhayagāmī. Yesaṃ kesañci, bhikkhave, cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī.
‘‘කතමෙ චත්‌තාරො? ඉධ, භික්‌ඛවෙ, භික්‌ඛු කායෙ කායානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං; වෙදනාසු…පෙ.… චිත්‌තෙ…පෙ.… ධම්‌මෙසු ධම්‌මානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං. යෙසං කෙසඤ්‌චි , භික්‌ඛවෙ, ඉමෙ චත්‌තාරො සතිපට්‌ඨානා විරද්‌ධා, විරද්‌ධො තෙසං අරියො මග්‌ගො සම්‌මා දුක්‌ඛක්‌ඛයගාමී. යෙසං කෙසඤ්‌චි, භික්‌ඛවෙ, ඉමෙ චත්‌තාරො සතිපට්‌ඨානා ආරද්‌ධා, ආරද්‌ධො තෙසං අරියො මග්‌ගො සම්‌මා දුක්‌ඛක්‌ඛයගාමී’’ති. තතියං.
‘‘Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Yesaṃ kesañci , bhikkhave, ime cattāro satipaṭṭhānā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, ime cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī’’ti. Tatiyaṃ.
Footnotes:
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. අනනුස්‌සුතවග්‌ගවණ්‌ණනා • 4. Ananussutavaggavaṇṇanā
