| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
5. вирааг̇агат̇аа
5. Virāgakathā
28. вирааг̇о маг̇г̇о, вимуд̇д̇и палам̣. гат̇ам̣ вирааг̇о маг̇г̇о? сод̇аабад̇д̇имаг̇г̇агкан̣з д̣̇ассанадтзна саммаад̣̇идти мижчаад̣̇идтияаа вираж̇ж̇ад̇и, д̇ад̣̇анувад̇д̇агагилзсзхи жа канд̇хзхи жа вираж̇ж̇ад̇и, б̣ахид̣̇д̇хаа жа саб̣б̣анимид̇д̇зхи вираж̇ж̇ад̇и. вирааг̇о вирааг̇аарамман̣о вирааг̇аг̇ожаро вирааг̇з самуд̣̇ааг̇ад̇о 1 вирааг̇з тид̇о вирааг̇з бад̇идтид̇о.
28. Virāgo maggo, vimutti phalaṃ. Kathaṃ virāgo maggo? Sotāpattimaggakkhaṇe dassanaṭṭhena sammādiṭṭhi micchādiṭṭhiyā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati. Virāgo virāgārammaṇo virāgagocaro virāge samudāgato 2 virāge ṭhito virāge patiṭṭhito.
вирааг̇од̇и д̣̇вз вирааг̇аа – ниб̣б̣аанан̃жа вирааг̇о, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вирааг̇аа хонд̇ийд̇и – вирааг̇аа. сахаж̇аад̇аани сад̇д̇ан̇г̇аани вирааг̇ам̣ г̇ажчанд̇ийд̇и – вирааг̇о маг̇г̇о. зд̇зна маг̇г̇зна б̣уд̣̇д̇хаа жа саавагаа жа аг̇ад̇ам̣ д̣̇исам̣ ниб̣б̣аанам̣ г̇ажчанд̇ийд̇и – адтан̇г̇иго маг̇г̇о. яаавад̇аа бут̇усаман̣аб̣раахман̣аанам̣ бараббаваад̣̇аанам̣ маг̇г̇аа, аяамзва арияо адтан̇г̇иго маг̇г̇о аг̇г̇о жа сздто жа баамогко 3 жа уд̇д̇амо жа баваро жаад̇и – маг̇г̇аанам̣ адтан̇г̇иго сздто.
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo. Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo. Yāvatā puthusamaṇabrāhmaṇānaṃ parappavādānaṃ maggā, ayameva ariyo aṭṭhaṅgiko maggo aggo ca seṭṭho ca pāmokkho 4 ca uttamo ca pavaro cāti – maggānaṃ aṭṭhaṅgiko seṭṭho.
абхиниробанадтзна саммаасан̇габбо мижчаасан̇габбаа вираж̇ж̇ад̇и. бариг̇г̇ахадтзна саммааваажаа мижчааваажааяа вираж̇ж̇ад̇и. самудтаанадтзна саммаагамманд̇о мижчаагамманд̇аа вираж̇ж̇ад̇и. вод̣̇аанадтзна саммааааж̇ийво мижчааааж̇ийваа вираж̇ж̇ад̇и. баг̇г̇ахадтзна саммаавааяаамо мижчаавааяаамаа вираж̇ж̇ад̇и. убадтаанадтзна саммаасад̇и мижчаасад̇ияаа вираж̇ж̇ад̇и. авигкзбадтзна саммаасамаад̇хи мижчаасамаад̇хид̇о вираж̇ж̇ад̇и. д̇ад̣̇анувад̇д̇агагилзсзхи жа канд̇хзхи жа вираж̇ж̇ад̇и. б̣ахид̣̇д̇хаа жа саб̣б̣анимид̇д̇зхи вираж̇ж̇ад̇и. вирааг̇о вирааг̇аарамман̣о вирааг̇аг̇ожаро вирааг̇з самуд̣̇ааг̇ад̇о вирааг̇з тид̇о вирааг̇з бад̇идтид̇о.
Abhiniropanaṭṭhena sammāsaṅkappo micchāsaṅkappā virajjati. Pariggahaṭṭhena sammāvācā micchāvācāya virajjati. Samuṭṭhānaṭṭhena sammākammanto micchākammantā virajjati. Vodānaṭṭhena sammāājīvo micchāājīvā virajjati. Paggahaṭṭhena sammāvāyāmo micchāvāyāmā virajjati. Upaṭṭhānaṭṭhena sammāsati micchāsatiyā virajjati. Avikkhepaṭṭhena sammāsamādhi micchāsamādhito virajjati. Tadanuvattakakilesehi ca khandhehi ca virajjati. Bahiddhā ca sabbanimittehi virajjati. Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
вирааг̇од̇и д̣̇вз вирааг̇аа – ниб̣б̣аанан̃жа вирааг̇о, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вирааг̇аа хонд̇ийд̇и – вирааг̇аа. сахаж̇аад̇аани сад̇д̇ан̇г̇аани вирааг̇ам̣ г̇ажчанд̇ийд̇и – вирааг̇о маг̇г̇о . зд̇зна маг̇г̇зна б̣уд̣̇д̇хаа жа саавагаа жа аг̇ад̇ам̣ д̣̇исам̣ ниб̣б̣аанам̣ г̇ажчанд̇ийд̇и – адтан̇г̇иго маг̇г̇о. яаавад̇аа бут̇усаман̣аб̣раахман̣аанам̣ бараббаваад̣̇аанам̣ маг̇г̇аа, аяамзва арияо адтан̇г̇иго маг̇г̇о аг̇г̇о жа сздто жа баамогко жа уд̇д̇амо жа баваро жаад̇и – маг̇г̇аанам̣ адтан̇г̇иго сздто.
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo . Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo. Yāvatā puthusamaṇabrāhmaṇānaṃ parappavādānaṃ maggā, ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti – maggānaṃ aṭṭhaṅgiko seṭṭho.
сагад̣̇ааг̇аамимаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи ол̣ааригаа гаамарааг̇асан̃н̃ож̇анаа бадигхасан̃н̃ож̇анаа ол̣ааригаа гаамарааг̇аанусаяаа бадигхаанусаяаа вираж̇ж̇ад̇и, д̇ад̣̇анувад̇д̇агагилзсзхи жа канд̇хзхи жа вираж̇ж̇ад̇и, б̣ахид̣̇д̇хаа жа саб̣б̣анимид̇д̇зхи вираж̇ж̇ад̇и. вирааг̇о вирааг̇аарамман̣о вирааг̇аг̇ожаро вирааг̇з самуд̣̇ааг̇ад̇о вирааг̇з тид̇о вирааг̇з бад̇идтид̇о.
Sakadāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati. Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
вирааг̇од̇и д̣̇вз вирааг̇аа – ниб̣б̣аанан̃жа вирааг̇о, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вирааг̇аа хонд̇ийд̇и – вирааг̇аа. сахаж̇аад̇аани сад̇д̇ан̇г̇аани вирааг̇ам̣ г̇ажчанд̇ийд̇и – вирааг̇о маг̇г̇о. зд̇зна маг̇г̇зна б̣уд̣̇д̇хаа жа саавагаа жа аг̇ад̇ам̣ д̣̇исам̣ ниб̣б̣аанам̣ г̇ажчанд̇ийд̇и – адтан̇г̇иго маг̇г̇о. яаавад̇аа бут̇усаман̣аб̣раахман̣аанам̣ бараббаваад̣̇аанам̣ маг̇г̇аа. аяамзва арияо адтан̇г̇иго маг̇г̇о аг̇г̇о жа сздто жа баамогко жа уд̇д̇амо жа баваро жаад̇и – маг̇г̇аанам̣ адтан̇г̇иго сздто.
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo. Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo. Yāvatā puthusamaṇabrāhmaṇānaṃ parappavādānaṃ maggā. Ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti – maggānaṃ aṭṭhaṅgiko seṭṭho.
анааг̇аамимаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи анусахаг̇ад̇аа гаамарааг̇асан̃н̃ож̇анаа бадигхасан̃н̃ож̇анаа анусахаг̇ад̇аа гаамарааг̇аанусаяаа бадигхаанусаяаа вираж̇ж̇ад̇и, д̇ад̣̇анувад̇д̇агагилзсзхи жа канд̇хзхи жа вираж̇ж̇ад̇и, б̣ахид̣̇д̇хаа жа саб̣б̣анимид̇д̇зхи вираж̇ж̇ад̇и. вирааг̇о вирааг̇аарамман̣о…бз… маг̇г̇аанам̣ адтан̇г̇иго сздто.
Anāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati. Virāgo virāgārammaṇo…pe… maggānaṃ aṭṭhaṅgiko seṭṭho.
арахад̇д̇амаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи руубарааг̇аа аруубарааг̇аа маанаа уд̣̇д̇хажжаа авиж̇ж̇ааяа маанаанусаяаа бхаварааг̇аанусаяаа авиж̇ж̇аанусаяаа вираж̇ж̇ад̇и, д̇ад̣̇анувад̇д̇агагилзсзхи жа канд̇хзхи жа вираж̇ж̇ад̇и, б̣ахид̣̇д̇хаа жа саб̣б̣анимид̇д̇зхи вираж̇ж̇ад̇и вирааг̇о вирааг̇аарамман̣о вирааг̇аг̇ожаро вирааг̇з самуд̣̇ааг̇ад̇о вирааг̇з тид̇о вирааг̇з бад̇идтид̇о.
Arahattamaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati virāgo virāgārammaṇo virāgagocaro virāge samudāgato virāge ṭhito virāge patiṭṭhito.
вирааг̇од̇и д̣̇вз вирааг̇аа – ниб̣б̣аанан̃жа вирааг̇о, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вирааг̇аа хонд̇ийд̇и – вирааг̇аа. сахаж̇аад̇аани сад̇д̇ан̇г̇аани вирааг̇ам̣ г̇ажчанд̇ийд̇и – вирааг̇о маг̇г̇о. зд̇зна маг̇г̇зна б̣уд̣̇д̇хаа жа саавагаа жа аг̇ад̇ам̣ д̣̇исам̣ ниб̣б̣аанам̣ г̇ажчанд̇ийд̇и – адтан̇г̇иго маг̇г̇о . яаавад̇аа бут̇усаман̣аб̣раахман̣аанам̣ бараббаваад̣̇аанам̣ маг̇г̇аа. аяамзва арияо адтан̇г̇иго маг̇г̇о аг̇г̇о жа сздто жа баамогко жа уд̇д̇амо жа баваро жаад̇и – маг̇г̇аанам̣ адтан̇г̇иго сздто.
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo. Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo . Yāvatā puthusamaṇabrāhmaṇānaṃ parappavādānaṃ maggā. Ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti – maggānaṃ aṭṭhaṅgiko seṭṭho.
д̣̇ассанавирааг̇о саммаад̣̇идти. абхиниробанавирааг̇о саммаасан̇габбо. бариг̇г̇ахавирааг̇о саммааваажаа. самудтаанавирааг̇о саммаагамманд̇о. вод̣̇аанавирааг̇о саммааааж̇ийво . баг̇г̇ахавирааг̇о саммаавааяаамо. убадтаанавирааг̇о саммаасад̇и. авигкзбавирааг̇о саммаасамаад̇хи. убадтаанавирааг̇о сад̇исамб̣ож̇жхан̇г̇о. бавижаяавирааг̇о д̇хаммавижаяасамб̣ож̇жхан̇г̇о. баг̇г̇ахавирааг̇о вийрияасамб̣ож̇жхан̇г̇о. паран̣авирааг̇о бийд̇исамб̣ож̇жхан̇г̇о. убасамавирааг̇о бассад̣̇д̇хисамб̣ож̇жхан̇г̇о. авигкзбавирааг̇о самаад̇хисамб̣ож̇жхан̇г̇о. бадисан̇каанавирааг̇о убзгкаасамб̣ож̇жхан̇г̇о. ассад̣̇д̇хияз агамбияавирааг̇о сад̣̇д̇хааб̣алам̣. госаж̇ж̇з агамбияавирааг̇о вийрияаб̣алам̣. бамаад̣̇з агамбияавирааг̇о сад̇иб̣алам̣. уд̣̇д̇хажжз агамбияавирааг̇о самаад̇хиб̣алам̣. авиж̇ж̇ааяа агамбияавирааг̇о бан̃н̃ааб̣алам̣. ад̇химогкавирааг̇о сад̣̇д̇хинд̣̇рияам̣. баг̇г̇ахавирааг̇о вийрияинд̣̇рияам̣. убадтаанавирааг̇о сад̇инд̣̇рияам̣. авигкзбавирааг̇о самаад̇хинд̣̇рияам̣. д̣̇ассанавирааг̇о бан̃н̃инд̣̇рияам̣. аад̇хибад̇зяяадтзна инд̣̇рияаани вирааг̇о. агамбияадтзна б̣алам̣ вирааг̇о. нияяаанадтзна б̣ож̇жхан̇г̇аа вирааг̇о. хзд̇удтзна маг̇г̇о вирааг̇о. убадтаанадтзна сад̇ибадтаанаа вирааг̇о. бад̣̇аханадтзна саммаббад̇хаанаа вирааг̇о. иж̇жханадтзна ид̣̇д̇хибаад̣̇аа вирааг̇о. д̇ат̇адтзна сажжаа вирааг̇о. авигкзбадтзна самат̇о вирааг̇о. анубассанадтзна вибассанаа вирааг̇о. згарасадтзна самат̇авибассанаа вирааг̇о. анад̇ивад̇д̇анадтзна яуг̇анад̣̇д̇хам̣ вирааг̇о. сам̣варадтзна сийлависуд̣̇д̇хи вирааг̇о. авигкзбадтзна жид̇д̇ависуд̣̇д̇хи вирааг̇о. д̣̇ассанадтзна д̣̇идтивисуд̣̇д̇хи вирааг̇о. вимуд̇д̇адтзна вимогко вирааг̇о. бадивзд̇хадтзна виж̇ж̇аа вирааг̇о. барижжааг̇адтзна вимуд̇д̇и вирааг̇о. самужчзд̣̇адтзна каяз н̃аан̣ам̣ вирааг̇о. чанд̣̇о мууладтзна вирааг̇о. манасигааро самудтаанадтзна вирааг̇о. пассо самод̇хаанадтзна вирааг̇о. взд̣̇анаа самосаран̣адтзна вирааг̇о. самаад̇хи бамукадтзна вирааг̇о. сад̇и аад̇хибад̇зяяадтзна вирааг̇о. бан̃н̃аа д̇ад̇уд̇д̇арадтзна вирааг̇о. вимуд̇д̇и саарадтзна вирааг̇о. амад̇ог̇ад̇хам̣ ниб̣б̣аанам̣ барияосаанадтзна маг̇г̇о.
Dassanavirāgo sammādiṭṭhi. Abhiniropanavirāgo sammāsaṅkappo. Pariggahavirāgo sammāvācā. Samuṭṭhānavirāgo sammākammanto. Vodānavirāgo sammāājīvo . Paggahavirāgo sammāvāyāmo. Upaṭṭhānavirāgo sammāsati. Avikkhepavirāgo sammāsamādhi. Upaṭṭhānavirāgo satisambojjhaṅgo. Pavicayavirāgo dhammavicayasambojjhaṅgo. Paggahavirāgo vīriyasambojjhaṅgo. Pharaṇavirāgo pītisambojjhaṅgo. Upasamavirāgo passaddhisambojjhaṅgo. Avikkhepavirāgo samādhisambojjhaṅgo. Paṭisaṅkhānavirāgo upekkhāsambojjhaṅgo. Assaddhiye akampiyavirāgo saddhābalaṃ. Kosajje akampiyavirāgo vīriyabalaṃ. Pamāde akampiyavirāgo satibalaṃ. Uddhacce akampiyavirāgo samādhibalaṃ. Avijjāya akampiyavirāgo paññābalaṃ. Adhimokkhavirāgo saddhindriyaṃ. Paggahavirāgo vīriyindriyaṃ. Upaṭṭhānavirāgo satindriyaṃ. Avikkhepavirāgo samādhindriyaṃ. Dassanavirāgo paññindriyaṃ. Ādhipateyyaṭṭhena indriyāni virāgo. Akampiyaṭṭhena balaṃ virāgo. Niyyānaṭṭhena bojjhaṅgā virāgo. Hetuṭṭhena maggo virāgo. Upaṭṭhānaṭṭhena satipaṭṭhānā virāgo. Padahanaṭṭhena sammappadhānā virāgo. Ijjhanaṭṭhena iddhipādā virāgo. Tathaṭṭhena saccā virāgo. Avikkhepaṭṭhena samatho virāgo. Anupassanaṭṭhena vipassanā virāgo. Ekarasaṭṭhena samathavipassanā virāgo. Anativattanaṭṭhena yuganaddhaṃ virāgo. Saṃvaraṭṭhena sīlavisuddhi virāgo. Avikkhepaṭṭhena cittavisuddhi virāgo. Dassanaṭṭhena diṭṭhivisuddhi virāgo. Vimuttaṭṭhena vimokkho virāgo. Paṭivedhaṭṭhena vijjā virāgo. Pariccāgaṭṭhena vimutti virāgo. Samucchedaṭṭhena khaye ñāṇaṃ virāgo. Chando mūlaṭṭhena virāgo. Manasikāro samuṭṭhānaṭṭhena virāgo. Phasso samodhānaṭṭhena virāgo. Vedanā samosaraṇaṭṭhena virāgo. Samādhi pamukhaṭṭhena virāgo. Sati ādhipateyyaṭṭhena virāgo. Paññā tatuttaraṭṭhena virāgo. Vimutti sāraṭṭhena virāgo. Amatogadhaṃ nibbānaṃ pariyosānaṭṭhena maggo.
д̣̇ассанамаг̇г̇о саммаад̣̇идти, абхиниробанамаг̇г̇о саммаасан̇габбо…бз… амад̇ог̇ад̇хам̣ ниб̣б̣аанам̣ барияосаанадтзна маг̇г̇о. звам̣ вирааг̇о маг̇г̇о.
Dassanamaggo sammādiṭṭhi, abhiniropanamaggo sammāsaṅkappo…pe… amatogadhaṃ nibbānaṃ pariyosānaṭṭhena maggo. Evaṃ virāgo maggo.
29. гат̇ам̣ вимуд̇д̇и палам̣? сод̇аабад̇д̇ипалагкан̣з д̣̇ассанадтзна саммаад̣̇идти мижчаад̣̇идтияаа вимуд̇д̇аа ход̇и, д̇ад̣̇анувад̇д̇агагилзсзхи жа канд̇хзхи жа вимуд̇д̇аа ход̇и, б̣ахид̣̇д̇хаа жа саб̣б̣анимид̇д̇зхи вимуд̇д̇аа ход̇и, вимуд̇д̇и вимуд̇д̇аарамман̣аа вимуд̇д̇иг̇ожараа вимуд̇д̇ияаа самуд̣̇ааг̇ад̇аа вимуд̇д̇ияаа тид̇аа вимуд̇д̇ияаа бад̇идтид̇аа. вимуд̇д̇ийд̇и д̣̇вз муд̇д̇ияо – ниб̣б̣аанан̃жа вимуд̇д̇и, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з жа вимуд̇д̇аа хонд̇ийд̇и – вимуд̇д̇и палам̣.
29. Kathaṃ vimutti phalaṃ? Sotāpattiphalakkhaṇe dassanaṭṭhena sammādiṭṭhi micchādiṭṭhiyā vimuttā hoti, tadanuvattakakilesehi ca khandhehi ca vimuttā hoti, bahiddhā ca sabbanimittehi vimuttā hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve muttiyo – nibbānañca vimutti, ye ca nibbānārammaṇatājātā dhammā sabbe ca vimuttā hontīti – vimutti phalaṃ.
абхиниробанадтзна саммаасан̇габбо мижчаасан̇габбаа вимуд̇д̇о ход̇и, д̇ад̣̇анувад̇д̇агагилзсзхи жа канд̇хзхи жа вимуд̇д̇о ход̇и, б̣ахид̣̇д̇хаа жа саб̣б̣анимид̇д̇зхи вимуд̇д̇о ход̇и, вимуд̇д̇и вимуд̇д̇аарамман̣аа вимуд̇д̇иг̇ожараа вимуд̇д̇ияаа самуд̣̇ааг̇ад̇аа вимуд̇д̇ияаа тид̇аа вимуд̇д̇ияаа бад̇идтид̇аа. вимуд̇д̇ийд̇и д̣̇вз вимуд̇д̇ияо – ниб̣б̣аанан̃жа вимуд̇д̇и, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вимуд̇д̇аа хонд̇ийд̇и – вимуд̇д̇и палам̣.
Abhiniropanaṭṭhena sammāsaṅkappo micchāsaṅkappā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve vimuttiyo – nibbānañca vimutti, ye ca nibbānārammaṇatājātā dhammā sabbe vimuttā hontīti – vimutti phalaṃ.
бариг̇г̇ахадтзна саммааваажаа мижчааваажааяа вимуд̇д̇аа ход̇и, самудтаанадтзна саммаагамманд̇о мижчаагамманд̇аа вимуд̇д̇о ход̇и, вод̣̇аанадтзна саммааааж̇ийво мижчааааж̇ийваа вимуд̇д̇о ход̇и, баг̇г̇ахадтзна саммаавааяаамо мижчаавааяаамаа вимуд̇д̇о ход̇и, убадтаанадтзна саммаасад̇и мижчаасад̇ияаа вимуд̇д̇аа ход̇и, авигкзбадтзна саммаасамаад̇хи мижчаасамаад̇хид̇о вимуд̇д̇о ход̇и, д̇ад̣̇анувад̇д̇агагилзсзхи жа канд̇хзхи жа вимуд̇д̇о ход̇и, б̣ахид̣̇д̇хаа жа саб̣б̣анимид̇д̇зхи вимуд̇д̇о ход̇и, вимуд̇д̇и вимуд̇д̇аарамман̣аа вимуд̇д̇иг̇ожараа вимуд̇д̇ияаа самуд̣̇ааг̇ад̇аа вимуд̇д̇ияаа тид̇аа вимуд̇д̇ияаа бад̇идтид̇аа. вимуд̇д̇ийд̇и. д̣̇вз вимуд̇д̇ияо – ниб̣б̣аанан̃жа вимуд̇д̇и, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вимуд̇д̇аа хонд̇ийд̇и – вимуд̇д̇и палам̣.
Pariggahaṭṭhena sammāvācā micchāvācāya vimuttā hoti, samuṭṭhānaṭṭhena sammākammanto micchākammantā vimutto hoti, vodānaṭṭhena sammāājīvo micchāājīvā vimutto hoti, paggahaṭṭhena sammāvāyāmo micchāvāyāmā vimutto hoti, upaṭṭhānaṭṭhena sammāsati micchāsatiyā vimuttā hoti, avikkhepaṭṭhena sammāsamādhi micchāsamādhito vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti. Dve vimuttiyo – nibbānañca vimutti, ye ca nibbānārammaṇatājātā dhammā sabbe vimuttā hontīti – vimutti phalaṃ.
сагад̣̇ааг̇аамипалагкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи ол̣ааригаа гаамарааг̇асан̃н̃ож̇анаа бадигхасан̃н̃ож̇анаа ол̣ааригаа гаамарааг̇аанусаяаа бадигхаанусаяаа вимуд̇д̇о ход̇и, д̇ад̣̇анувад̇д̇агагилзсзхи жа канд̇хзхи жа вимуд̇д̇о ход̇и, б̣ахид̣̇д̇хаа жа саб̣б̣анимид̇д̇зхи вимуд̇д̇о ход̇и, вимуд̇д̇и вимуд̇д̇аарамман̣аа вимуд̇д̇иг̇ожараа вимуд̇д̇ияаа самуд̣̇ааг̇ад̇аа вимуд̇д̇ияаа тид̇аа вимуд̇д̇ияаа бад̇идтид̇аа. вимуд̇д̇ийд̇и д̣̇вз вимуд̇д̇ияо – ниб̣б̣аанан̃жа вимуд̇д̇и, яз жа ниб̣б̣аанаарамман̣ад̇ааж̇аад̇аа д̇хаммаа саб̣б̣з вимуд̇д̇аа хонд̇ийд̇и – вимуд̇д̇и палам̣.
Sakadāgāmiphalakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve vimuttiyo – nibbānañca vimutti, ye ca nibbānārammaṇatājātā dhammā sabbe vimuttā hontīti – vimutti phalaṃ.
анааг̇аамипалагкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи анусахаг̇ад̇аа гаамарааг̇асан̃н̃ож̇анаа бадигхасан̃н̃ож̇анаа анусахаг̇ад̇аа гаамарааг̇аанусаяаа бадигхаанусаяаа вимуд̇д̇о ход̇и, д̇ад̣̇анувад̇д̇агагилзсзхи жа канд̇хзхи жа вимуд̇д̇о ход̇и, б̣ахид̣̇д̇хаа жа саб̣б̣анимид̇д̇зхи вимуд̇д̇о ход̇и, вимуд̇д̇и вимуд̇д̇аарамман̣аа вимуд̇д̇иг̇ожараа вимуд̇д̇ияаа самуд̣̇ааг̇ад̇аа вимуд̇д̇ияаа тид̇аа вимуд̇д̇ияаа бад̇идтид̇аа…бз….
Anāgāmiphalakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā…pe….
арахад̇д̇апалагкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи руубарааг̇аа аруубарааг̇аа маанаа уд̣̇д̇хажжаа авиж̇ж̇ааяа маанаанусаяаа бхаварааг̇аанусаяаа авиж̇ж̇аанусаяаа вимуд̇д̇о ход̇и, д̇ад̣̇анувад̇д̇агагилзсзхи жа канд̇хзхи жа вимуд̇д̇о ход̇и, б̣ахид̣̇д̇хаа жа саб̣б̣анимид̇д̇зхи вимуд̇д̇о ход̇и, вимуд̇д̇и вимуд̇д̇аарамман̣аа вимуд̇д̇иг̇ожараа вимуд̇д̇ияаа самуд̣̇ааг̇ад̇аа вимуд̇д̇ияаа тид̇аа вимуд̇д̇ияаа бад̇идтид̇аа. вимуд̇д̇ийд̇и д̣̇вз вимуд̇д̇ияо – ниб̣б̣аанан̃жа вимуд̇д̇и, яз жа ниб̣б̣аанаарамман̣ад̇аа ж̇аад̇аа д̇хаммаа саб̣б̣з вимуд̇д̇аа хонд̇ийд̇и – вимуд̇д̇и палам̣.
Arahattaphalakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve vimuttiyo – nibbānañca vimutti, ye ca nibbānārammaṇatā jātā dhammā sabbe vimuttā hontīti – vimutti phalaṃ.
д̣̇ассанавимуд̇д̇и саммаад̣̇идти…бз… авигкзбавимуд̇д̇и саммаасамаад̇хи, убадтаанавимуд̇д̇и сад̇исамб̣ож̇жхан̇г̇о, бадисан̇каанавимуд̇д̇и убзгкаасамб̣ож̇жхан̇г̇о. ассад̣̇д̇хияз агамбияавимуд̇д̇и сад̣̇д̇хааб̣алам̣…бз… авиж̇ж̇ааяа агамбияавимуд̇д̇и бан̃н̃ааб̣алам̣. ад̇химогкавимуд̇д̇и сад̣̇д̇хинд̣̇рияам̣…бз… д̣̇ассанавимуд̇д̇и бан̃н̃инд̣̇рияам̣.
Dassanavimutti sammādiṭṭhi…pe… avikkhepavimutti sammāsamādhi, upaṭṭhānavimutti satisambojjhaṅgo, paṭisaṅkhānavimutti upekkhāsambojjhaṅgo. Assaddhiye akampiyavimutti saddhābalaṃ…pe… avijjāya akampiyavimutti paññābalaṃ. Adhimokkhavimutti saddhindriyaṃ…pe… dassanavimutti paññindriyaṃ.
аад̇хибад̇зяяадтзна инд̣̇рияаа вимуд̇д̇и. агамбияадтзна б̣алаа вимуд̇д̇и, нияяаанадтзна б̣ож̇жхан̇г̇аа вимуд̇д̇и, хзд̇удтзна маг̇г̇о вимуд̇д̇и, убадтаанадтзна сад̇ибадтаанаа вимуд̇д̇и, бад̣̇аханадтзна саммаббад̇хаанаа вимуд̇д̇и, иж̇жханадтзна ид̣̇д̇хибаад̣̇аа вимуд̇д̇и, д̇ат̇адтзна сажжаа вимуд̇д̇и, авигкзбадтзна самат̇о вимуд̇д̇и, анубассанадтзна вибассанаа вимуд̇д̇и, згарасадтзна самат̇авибассанаа вимуд̇д̇и, анад̇ивад̇д̇анадтзна яуг̇анад̣̇д̇хам̣ вимуд̇д̇и, сам̣варадтзна сийлависуд̣̇д̇хи вимуд̇д̇и, авигкзбадтзна жид̇д̇ависуд̣̇д̇хи вимуд̇д̇и, д̣̇ассанадтзна д̣̇идтивисуд̣̇д̇хи вимуд̇д̇и, вимуд̇д̇адтзна вимогко вимуд̇д̇и, бадивзд̇хадтзна виж̇ж̇аа вимуд̇д̇и, барижжааг̇адтзна вимуд̇д̇и вимуд̇д̇и, бадиббассад̣̇д̇хияадтзна ануббаад̣̇з н̃аан̣ам̣ вимуд̇д̇и, чанд̣̇о мууладтзна вимуд̇д̇и, манасигааро самудтаанадтзна вимуд̇д̇и, пассо самод̇хаанадтзна вимуд̇д̇и, взд̣̇анаа самосаран̣адтзна вимуд̇д̇и, самаад̇хи бамукадтзна вимуд̇д̇и, сад̇и аад̇хибад̇зяяадтзна вимуд̇д̇и, бан̃н̃аа д̇ад̇уд̇д̇арадтзна вимуд̇д̇и, вимуд̇д̇и саарадтзна вимуд̇д̇и, амад̇ог̇ад̇хам̣ ниб̣б̣аанам̣ барияосаанадтзна вимуд̇д̇и. звам̣ вимуд̇д̇и палам̣. звам̣ вирааг̇о маг̇г̇о , вимуд̇д̇и паланд̇и.
Ādhipateyyaṭṭhena indriyā vimutti. Akampiyaṭṭhena balā vimutti, niyyānaṭṭhena bojjhaṅgā vimutti, hetuṭṭhena maggo vimutti, upaṭṭhānaṭṭhena satipaṭṭhānā vimutti, padahanaṭṭhena sammappadhānā vimutti, ijjhanaṭṭhena iddhipādā vimutti, tathaṭṭhena saccā vimutti, avikkhepaṭṭhena samatho vimutti, anupassanaṭṭhena vipassanā vimutti, ekarasaṭṭhena samathavipassanā vimutti, anativattanaṭṭhena yuganaddhaṃ vimutti, saṃvaraṭṭhena sīlavisuddhi vimutti, avikkhepaṭṭhena cittavisuddhi vimutti, dassanaṭṭhena diṭṭhivisuddhi vimutti, vimuttaṭṭhena vimokkho vimutti, paṭivedhaṭṭhena vijjā vimutti, pariccāgaṭṭhena vimutti vimutti, paṭippassaddhiyaṭṭhena anuppāde ñāṇaṃ vimutti, chando mūlaṭṭhena vimutti, manasikāro samuṭṭhānaṭṭhena vimutti, phasso samodhānaṭṭhena vimutti, vedanā samosaraṇaṭṭhena vimutti, samādhi pamukhaṭṭhena vimutti, sati ādhipateyyaṭṭhena vimutti, paññā tatuttaraṭṭhena vimutti, vimutti sāraṭṭhena vimutti, amatogadhaṃ nibbānaṃ pariyosānaṭṭhena vimutti. Evaṃ vimutti phalaṃ. Evaṃ virāgo maggo , vimutti phalanti.
вирааг̇агат̇аа нидтид̇аа.
Virāgakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / вирааг̇агат̇ааван̣н̣анаа • Virāgakathāvaṇṇanā
