| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੫. વਿਰਾਗਕਥਾ
5. Virāgakathā
੨੮. વਿਰਾਗੋ ਮਗ੍ਗੋ, વਿਮੁਤ੍ਤਿ ਫਲਂ। ਕਥਂ વਿਰਾਗੋ ਮਗ੍ਗੋ? ਸੋਤਾਪਤ੍ਤਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਮਿਚ੍ਛਾਦਿਟ੍ਠਿਯਾ વਿਰਜ੍ਜਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਰਜ੍ਜਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਰਜ੍ਜਤਿ। વਿਰਾਗੋ વਿਰਾਗਾਰਮ੍ਮਣੋ વਿਰਾਗਗੋਚਰੋ વਿਰਾਗੇ ਸਮੁਦਾਗਤੋ 1 વਿਰਾਗੇ ਠਿਤੋ વਿਰਾਗੇ ਪਤਿਟ੍ਠਿਤੋ।
28. Virāgo maggo, vimutti phalaṃ. Kathaṃ virāgo maggo? Sotāpattimaggakkhaṇe dassanaṭṭhena sammādiṭṭhi micchādiṭṭhiyā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati. Virāgo virāgārammaṇo virāgagocaro virāge samudāgato 2 virāge ṭhito virāge patiṭṭhito.
વਿਰਾਗੋਤਿ ਦ੍વੇ વਿਰਾਗਾ – ਨਿਬ੍ਬਾਨਞ੍ਚ વਿਰਾਗੋ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਰਾਗਾ ਹੋਨ੍ਤੀਤਿ – વਿਰਾਗਾ। ਸਹਜਾਤਾਨਿ ਸਤ੍ਤਙ੍ਗਾਨਿ વਿਰਾਗਂ ਗਚ੍ਛਨ੍ਤੀਤਿ – વਿਰਾਗੋ ਮਗ੍ਗੋ। ਏਤੇਨ ਮਗ੍ਗੇਨ ਬੁਦ੍ਧਾ ਚ ਸਾવਕਾ ਚ ਅਗਤਂ ਦਿਸਂ ਨਿਬ੍ਬਾਨਂ ਗਚ੍ਛਨ੍ਤੀਤਿ – ਅਟ੍ਠਙ੍ਗਿਕੋ ਮਗ੍ਗੋ। ਯਾવਤਾ ਪੁਥੁਸਮਣਬ੍ਰਾਹ੍ਮਣਾਨਂ ਪਰਪ੍ਪવਾਦਾਨਂ ਮਗ੍ਗਾ, ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਅਗ੍ਗੋ ਚ ਸੇਟ੍ਠੋ ਚ ਪਾਮੋਕ੍ਖੋ 3 ਚ ਉਤ੍ਤਮੋ ਚ ਪવਰੋ ਚਾਤਿ – ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ।
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo. Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo. Yāvatā puthusamaṇabrāhmaṇānaṃ parappavādānaṃ maggā, ayameva ariyo aṭṭhaṅgiko maggo aggo ca seṭṭho ca pāmokkho 4 ca uttamo ca pavaro cāti – maggānaṃ aṭṭhaṅgiko seṭṭho.
ਅਭਿਨਿਰੋਪਨਟ੍ਠੇਨ ਸਮ੍ਮਾਸਙ੍ਕਪ੍ਪੋ ਮਿਚ੍ਛਾਸਙ੍ਕਪ੍ਪਾ વਿਰਜ੍ਜਤਿ। ਪਰਿਗ੍ਗਹਟ੍ਠੇਨ ਸਮ੍ਮਾવਾਚਾ ਮਿਚ੍ਛਾવਾਚਾਯ વਿਰਜ੍ਜਤਿ। ਸਮੁਟ੍ਠਾਨਟ੍ਠੇਨ ਸਮ੍ਮਾਕਮ੍ਮਨ੍ਤੋ ਮਿਚ੍ਛਾਕਮ੍ਮਨ੍ਤਾ વਿਰਜ੍ਜਤਿ। વੋਦਾਨਟ੍ਠੇਨ ਸਮ੍ਮਾਆਜੀવੋ ਮਿਚ੍ਛਾਆਜੀવਾ વਿਰਜ੍ਜਤਿ। ਪਗ੍ਗਹਟ੍ਠੇਨ ਸਮ੍ਮਾવਾਯਾਮੋ ਮਿਚ੍ਛਾવਾਯਾਮਾ વਿਰਜ੍ਜਤਿ। ਉਪਟ੍ਠਾਨਟ੍ਠੇਨ ਸਮ੍ਮਾਸਤਿ ਮਿਚ੍ਛਾਸਤਿਯਾ વਿਰਜ੍ਜਤਿ। ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਮਿਚ੍ਛਾਸਮਾਧਿਤੋ વਿਰਜ੍ਜਤਿ। ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਰਜ੍ਜਤਿ। ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਰਜ੍ਜਤਿ। વਿਰਾਗੋ વਿਰਾਗਾਰਮ੍ਮਣੋ વਿਰਾਗਗੋਚਰੋ વਿਰਾਗੇ ਸਮੁਦਾਗਤੋ વਿਰਾਗੇ ਠਿਤੋ વਿਰਾਗੇ ਪਤਿਟ੍ਠਿਤੋ।
Abhiniropanaṭṭhena sammāsaṅkappo micchāsaṅkappā virajjati. Pariggahaṭṭhena sammāvācā micchāvācāya virajjati. Samuṭṭhānaṭṭhena sammākammanto micchākammantā virajjati. Vodānaṭṭhena sammāājīvo micchāājīvā virajjati. Paggahaṭṭhena sammāvāyāmo micchāvāyāmā virajjati. Upaṭṭhānaṭṭhena sammāsati micchāsatiyā virajjati. Avikkhepaṭṭhena sammāsamādhi micchāsamādhito virajjati. Tadanuvattakakilesehi ca khandhehi ca virajjati. Bahiddhā ca sabbanimittehi virajjati. Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
વਿਰਾਗੋਤਿ ਦ੍વੇ વਿਰਾਗਾ – ਨਿਬ੍ਬਾਨਞ੍ਚ વਿਰਾਗੋ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਰਾਗਾ ਹੋਨ੍ਤੀਤਿ – વਿਰਾਗਾ। ਸਹਜਾਤਾਨਿ ਸਤ੍ਤਙ੍ਗਾਨਿ વਿਰਾਗਂ ਗਚ੍ਛਨ੍ਤੀਤਿ – વਿਰਾਗੋ ਮਗ੍ਗੋ । ਏਤੇਨ ਮਗ੍ਗੇਨ ਬੁਦ੍ਧਾ ਚ ਸਾવਕਾ ਚ ਅਗਤਂ ਦਿਸਂ ਨਿਬ੍ਬਾਨਂ ਗਚ੍ਛਨ੍ਤੀਤਿ – ਅਟ੍ਠਙ੍ਗਿਕੋ ਮਗ੍ਗੋ। ਯਾવਤਾ ਪੁਥੁਸਮਣਬ੍ਰਾਹ੍ਮਣਾਨਂ ਪਰਪ੍ਪવਾਦਾਨਂ ਮਗ੍ਗਾ, ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਅਗ੍ਗੋ ਚ ਸੇਟ੍ਠੋ ਚ ਪਾਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚਾਤਿ – ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ।
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo . Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo. Yāvatā puthusamaṇabrāhmaṇānaṃ parappavādānaṃ maggā, ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti – maggānaṃ aṭṭhaṅgiko seṭṭho.
ਸਕਦਾਗਾਮਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਓਲ਼ਾਰਿਕਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਓਲ਼ਾਰਿਕਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾ વਿਰਜ੍ਜਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਰਜ੍ਜਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਰਜ੍ਜਤਿ। વਿਰਾਗੋ વਿਰਾਗਾਰਮ੍ਮਣੋ વਿਰਾਗਗੋਚਰੋ વਿਰਾਗੇ ਸਮੁਦਾਗਤੋ વਿਰਾਗੇ ਠਿਤੋ વਿਰਾਗੇ ਪਤਿਟ੍ਠਿਤੋ।
Sakadāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati. Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
વਿਰਾਗੋਤਿ ਦ੍વੇ વਿਰਾਗਾ – ਨਿਬ੍ਬਾਨਞ੍ਚ વਿਰਾਗੋ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਰਾਗਾ ਹੋਨ੍ਤੀਤਿ – વਿਰਾਗਾ। ਸਹਜਾਤਾਨਿ ਸਤ੍ਤਙ੍ਗਾਨਿ વਿਰਾਗਂ ਗਚ੍ਛਨ੍ਤੀਤਿ – વਿਰਾਗੋ ਮਗ੍ਗੋ। ਏਤੇਨ ਮਗ੍ਗੇਨ ਬੁਦ੍ਧਾ ਚ ਸਾવਕਾ ਚ ਅਗਤਂ ਦਿਸਂ ਨਿਬ੍ਬਾਨਂ ਗਚ੍ਛਨ੍ਤੀਤਿ – ਅਟ੍ਠਙ੍ਗਿਕੋ ਮਗ੍ਗੋ। ਯਾવਤਾ ਪੁਥੁਸਮਣਬ੍ਰਾਹ੍ਮਣਾਨਂ ਪਰਪ੍ਪવਾਦਾਨਂ ਮਗ੍ਗਾ। ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਅਗ੍ਗੋ ਚ ਸੇਟ੍ਠੋ ਚ ਪਾਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚਾਤਿ – ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ।
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo. Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo. Yāvatā puthusamaṇabrāhmaṇānaṃ parappavādānaṃ maggā. Ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti – maggānaṃ aṭṭhaṅgiko seṭṭho.
ਅਨਾਗਾਮਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਅਨੁਸਹਗਤਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਅਨੁਸਹਗਤਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾ વਿਰਜ੍ਜਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਰਜ੍ਜਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਰਜ੍ਜਤਿ। વਿਰਾਗੋ વਿਰਾਗਾਰਮ੍ਮਣੋ…ਪੇ॰… ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ।
Anāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati. Virāgo virāgārammaṇo…pe… maggānaṃ aṭṭhaṅgiko seṭṭho.
ਅਰਹਤ੍ਤਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਰੂਪਰਾਗਾ ਅਰੂਪਰਾਗਾ ਮਾਨਾ ਉਦ੍ਧਚ੍ਚਾ ਅવਿਜ੍ਜਾਯ ਮਾਨਾਨੁਸਯਾ ਭવਰਾਗਾਨੁਸਯਾ ਅવਿਜ੍ਜਾਨੁਸਯਾ વਿਰਜ੍ਜਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਰਜ੍ਜਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਰਜ੍ਜਤਿ વਿਰਾਗੋ વਿਰਾਗਾਰਮ੍ਮਣੋ વਿਰਾਗਗੋਚਰੋ વਿਰਾਗੇ ਸਮੁਦਾਗਤੋ વਿਰਾਗੇ ਠਿਤੋ વਿਰਾਗੇ ਪਤਿਟ੍ਠਿਤੋ।
Arahattamaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati virāgo virāgārammaṇo virāgagocaro virāge samudāgato virāge ṭhito virāge patiṭṭhito.
વਿਰਾਗੋਤਿ ਦ੍વੇ વਿਰਾਗਾ – ਨਿਬ੍ਬਾਨਞ੍ਚ વਿਰਾਗੋ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਰਾਗਾ ਹੋਨ੍ਤੀਤਿ – વਿਰਾਗਾ। ਸਹਜਾਤਾਨਿ ਸਤ੍ਤਙ੍ਗਾਨਿ વਿਰਾਗਂ ਗਚ੍ਛਨ੍ਤੀਤਿ – વਿਰਾਗੋ ਮਗ੍ਗੋ। ਏਤੇਨ ਮਗ੍ਗੇਨ ਬੁਦ੍ਧਾ ਚ ਸਾવਕਾ ਚ ਅਗਤਂ ਦਿਸਂ ਨਿਬ੍ਬਾਨਂ ਗਚ੍ਛਨ੍ਤੀਤਿ – ਅਟ੍ਠਙ੍ਗਿਕੋ ਮਗ੍ਗੋ । ਯਾવਤਾ ਪੁਥੁਸਮਣਬ੍ਰਾਹ੍ਮਣਾਨਂ ਪਰਪ੍ਪવਾਦਾਨਂ ਮਗ੍ਗਾ। ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਅਗ੍ਗੋ ਚ ਸੇਟ੍ਠੋ ਚ ਪਾਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚਾਤਿ – ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ।
Virāgoti dve virāgā – nibbānañca virāgo, ye ca nibbānārammaṇatājātā dhammā sabbe virāgā hontīti – virāgā. Sahajātāni sattaṅgāni virāgaṃ gacchantīti – virāgo maggo. Etena maggena buddhā ca sāvakā ca agataṃ disaṃ nibbānaṃ gacchantīti – aṭṭhaṅgiko maggo . Yāvatā puthusamaṇabrāhmaṇānaṃ parappavādānaṃ maggā. Ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti – maggānaṃ aṭṭhaṅgiko seṭṭho.
ਦਸ੍ਸਨવਿਰਾਗੋ ਸਮ੍ਮਾਦਿਟ੍ਠਿ। ਅਭਿਨਿਰੋਪਨવਿਰਾਗੋ ਸਮ੍ਮਾਸਙ੍ਕਪ੍ਪੋ। ਪਰਿਗ੍ਗਹવਿਰਾਗੋ ਸਮ੍ਮਾવਾਚਾ। ਸਮੁਟ੍ਠਾਨવਿਰਾਗੋ ਸਮ੍ਮਾਕਮ੍ਮਨ੍ਤੋ। વੋਦਾਨવਿਰਾਗੋ ਸਮ੍ਮਾਆਜੀવੋ । ਪਗ੍ਗਹવਿਰਾਗੋ ਸਮ੍ਮਾવਾਯਾਮੋ। ਉਪਟ੍ਠਾਨવਿਰਾਗੋ ਸਮ੍ਮਾਸਤਿ। ਅવਿਕ੍ਖੇਪવਿਰਾਗੋ ਸਮ੍ਮਾਸਮਾਧਿ। ਉਪਟ੍ਠਾਨવਿਰਾਗੋ ਸਤਿਸਮ੍ਬੋਜ੍ਝਙ੍ਗੋ। ਪવਿਚਯવਿਰਾਗੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ। ਪਗ੍ਗਹવਿਰਾਗੋ વੀਰਿਯਸਮ੍ਬੋਜ੍ਝਙ੍ਗੋ। ਫਰਣવਿਰਾਗੋ ਪੀਤਿਸਮ੍ਬੋਜ੍ਝਙ੍ਗੋ। ਉਪਸਮવਿਰਾਗੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ। ਅવਿਕ੍ਖੇਪવਿਰਾਗੋ ਸਮਾਧਿਸਮ੍ਬੋਜ੍ਝਙ੍ਗੋ। ਪਟਿਸਙ੍ਖਾਨવਿਰਾਗੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ। ਅਸ੍ਸਦ੍ਧਿਯੇ ਅਕਮ੍ਪਿਯવਿਰਾਗੋ ਸਦ੍ਧਾਬਲਂ। ਕੋਸਜ੍ਜੇ ਅਕਮ੍ਪਿਯવਿਰਾਗੋ વੀਰਿਯਬਲਂ। ਪਮਾਦੇ ਅਕਮ੍ਪਿਯવਿਰਾਗੋ ਸਤਿਬਲਂ। ਉਦ੍ਧਚ੍ਚੇ ਅਕਮ੍ਪਿਯવਿਰਾਗੋ ਸਮਾਧਿਬਲਂ। ਅવਿਜ੍ਜਾਯ ਅਕਮ੍ਪਿਯવਿਰਾਗੋ ਪਞ੍ਞਾਬਲਂ। ਅਧਿਮੋਕ੍ਖવਿਰਾਗੋ ਸਦ੍ਧਿਨ੍ਦ੍ਰਿਯਂ। ਪਗ੍ਗਹવਿਰਾਗੋ વੀਰਿਯਿਨ੍ਦ੍ਰਿਯਂ। ਉਪਟ੍ਠਾਨવਿਰਾਗੋ ਸਤਿਨ੍ਦ੍ਰਿਯਂ। ਅવਿਕ੍ਖੇਪવਿਰਾਗੋ ਸਮਾਧਿਨ੍ਦ੍ਰਿਯਂ। ਦਸ੍ਸਨવਿਰਾਗੋ ਪਞ੍ਞਿਨ੍ਦ੍ਰਿਯਂ। ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾਨਿ વਿਰਾਗੋ। ਅਕਮ੍ਪਿਯਟ੍ਠੇਨ ਬਲਂ વਿਰਾਗੋ। ਨਿਯ੍ਯਾਨਟ੍ਠੇਨ ਬੋਜ੍ਝਙ੍ਗਾ વਿਰਾਗੋ। ਹੇਤੁਟ੍ਠੇਨ ਮਗ੍ਗੋ વਿਰਾਗੋ। ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਾ વਿਰਾਗੋ। ਪਦਹਨਟ੍ਠੇਨ ਸਮ੍ਮਪ੍ਪਧਾਨਾ વਿਰਾਗੋ। ਇਜ੍ਝਨਟ੍ਠੇਨ ਇਦ੍ਧਿਪਾਦਾ વਿਰਾਗੋ। ਤਥਟ੍ਠੇਨ ਸਚ੍ਚਾ વਿਰਾਗੋ। ਅવਿਕ੍ਖੇਪਟ੍ਠੇਨ ਸਮਥੋ વਿਰਾਗੋ। ਅਨੁਪਸ੍ਸਨਟ੍ਠੇਨ વਿਪਸ੍ਸਨਾ વਿਰਾਗੋ। ਏਕਰਸਟ੍ਠੇਨ ਸਮਥવਿਪਸ੍ਸਨਾ વਿਰਾਗੋ। ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਂ વਿਰਾਗੋ। ਸਂવਰਟ੍ਠੇਨ ਸੀਲવਿਸੁਦ੍ਧਿ વਿਰਾਗੋ। ਅવਿਕ੍ਖੇਪਟ੍ਠੇਨ ਚਿਤ੍ਤવਿਸੁਦ੍ਧਿ વਿਰਾਗੋ। ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿ વਿਰਾਗੋ। વਿਮੁਤ੍ਤਟ੍ਠੇਨ વਿਮੋਕ੍ਖੋ વਿਰਾਗੋ। ਪਟਿવੇਧਟ੍ਠੇਨ વਿਜ੍ਜਾ વਿਰਾਗੋ। ਪਰਿਚ੍ਚਾਗਟ੍ਠੇਨ વਿਮੁਤ੍ਤਿ વਿਰਾਗੋ। ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ વਿਰਾਗੋ। ਛਨ੍ਦੋ ਮੂਲਟ੍ਠੇਨ વਿਰਾਗੋ। ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ વਿਰਾਗੋ। ਫਸ੍ਸੋ ਸਮੋਧਾਨਟ੍ਠੇਨ વਿਰਾਗੋ। વੇਦਨਾ ਸਮੋਸਰਣਟ੍ਠੇਨ વਿਰਾਗੋ। ਸਮਾਧਿ ਪਮੁਖਟ੍ਠੇਨ વਿਰਾਗੋ। ਸਤਿ ਆਧਿਪਤੇਯ੍ਯਟ੍ਠੇਨ વਿਰਾਗੋ। ਪਞ੍ਞਾ ਤਤੁਤ੍ਤਰਟ੍ਠੇਨ વਿਰਾਗੋ। વਿਮੁਤ੍ਤਿ ਸਾਰਟ੍ਠੇਨ વਿਰਾਗੋ। ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਮਗ੍ਗੋ।
Dassanavirāgo sammādiṭṭhi. Abhiniropanavirāgo sammāsaṅkappo. Pariggahavirāgo sammāvācā. Samuṭṭhānavirāgo sammākammanto. Vodānavirāgo sammāājīvo . Paggahavirāgo sammāvāyāmo. Upaṭṭhānavirāgo sammāsati. Avikkhepavirāgo sammāsamādhi. Upaṭṭhānavirāgo satisambojjhaṅgo. Pavicayavirāgo dhammavicayasambojjhaṅgo. Paggahavirāgo vīriyasambojjhaṅgo. Pharaṇavirāgo pītisambojjhaṅgo. Upasamavirāgo passaddhisambojjhaṅgo. Avikkhepavirāgo samādhisambojjhaṅgo. Paṭisaṅkhānavirāgo upekkhāsambojjhaṅgo. Assaddhiye akampiyavirāgo saddhābalaṃ. Kosajje akampiyavirāgo vīriyabalaṃ. Pamāde akampiyavirāgo satibalaṃ. Uddhacce akampiyavirāgo samādhibalaṃ. Avijjāya akampiyavirāgo paññābalaṃ. Adhimokkhavirāgo saddhindriyaṃ. Paggahavirāgo vīriyindriyaṃ. Upaṭṭhānavirāgo satindriyaṃ. Avikkhepavirāgo samādhindriyaṃ. Dassanavirāgo paññindriyaṃ. Ādhipateyyaṭṭhena indriyāni virāgo. Akampiyaṭṭhena balaṃ virāgo. Niyyānaṭṭhena bojjhaṅgā virāgo. Hetuṭṭhena maggo virāgo. Upaṭṭhānaṭṭhena satipaṭṭhānā virāgo. Padahanaṭṭhena sammappadhānā virāgo. Ijjhanaṭṭhena iddhipādā virāgo. Tathaṭṭhena saccā virāgo. Avikkhepaṭṭhena samatho virāgo. Anupassanaṭṭhena vipassanā virāgo. Ekarasaṭṭhena samathavipassanā virāgo. Anativattanaṭṭhena yuganaddhaṃ virāgo. Saṃvaraṭṭhena sīlavisuddhi virāgo. Avikkhepaṭṭhena cittavisuddhi virāgo. Dassanaṭṭhena diṭṭhivisuddhi virāgo. Vimuttaṭṭhena vimokkho virāgo. Paṭivedhaṭṭhena vijjā virāgo. Pariccāgaṭṭhena vimutti virāgo. Samucchedaṭṭhena khaye ñāṇaṃ virāgo. Chando mūlaṭṭhena virāgo. Manasikāro samuṭṭhānaṭṭhena virāgo. Phasso samodhānaṭṭhena virāgo. Vedanā samosaraṇaṭṭhena virāgo. Samādhi pamukhaṭṭhena virāgo. Sati ādhipateyyaṭṭhena virāgo. Paññā tatuttaraṭṭhena virāgo. Vimutti sāraṭṭhena virāgo. Amatogadhaṃ nibbānaṃ pariyosānaṭṭhena maggo.
ਦਸ੍ਸਨਮਗ੍ਗੋ ਸਮ੍ਮਾਦਿਟ੍ਠਿ, ਅਭਿਨਿਰੋਪਨਮਗ੍ਗੋ ਸਮ੍ਮਾਸਙ੍ਕਪ੍ਪੋ…ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਮਗ੍ਗੋ। ਏવਂ વਿਰਾਗੋ ਮਗ੍ਗੋ।
Dassanamaggo sammādiṭṭhi, abhiniropanamaggo sammāsaṅkappo…pe… amatogadhaṃ nibbānaṃ pariyosānaṭṭhena maggo. Evaṃ virāgo maggo.
੨੯. ਕਥਂ વਿਮੁਤ੍ਤਿ ਫਲਂ? ਸੋਤਾਪਤ੍ਤਿਫਲਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਮਿਚ੍ਛਾਦਿਟ੍ਠਿਯਾ વਿਮੁਤ੍ਤਾ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਮੁਤ੍ਤਾ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਮੁਤ੍ਤਾ ਹੋਤਿ, વਿਮੁਤ੍ਤਿ વਿਮੁਤ੍ਤਾਰਮ੍ਮਣਾ વਿਮੁਤ੍ਤਿਗੋਚਰਾ વਿਮੁਤ੍ਤਿਯਾ ਸਮੁਦਾਗਤਾ વਿਮੁਤ੍ਤਿਯਾ ਠਿਤਾ વਿਮੁਤ੍ਤਿਯਾ ਪਤਿਟ੍ਠਿਤਾ। વਿਮੁਤ੍ਤੀਤਿ ਦ੍વੇ ਮੁਤ੍ਤਿਯੋ – ਨਿਬ੍ਬਾਨਞ੍ਚ વਿਮੁਤ੍ਤਿ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ ਚ વਿਮੁਤ੍ਤਾ ਹੋਨ੍ਤੀਤਿ – વਿਮੁਤ੍ਤਿ ਫਲਂ।
29. Kathaṃ vimutti phalaṃ? Sotāpattiphalakkhaṇe dassanaṭṭhena sammādiṭṭhi micchādiṭṭhiyā vimuttā hoti, tadanuvattakakilesehi ca khandhehi ca vimuttā hoti, bahiddhā ca sabbanimittehi vimuttā hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve muttiyo – nibbānañca vimutti, ye ca nibbānārammaṇatājātā dhammā sabbe ca vimuttā hontīti – vimutti phalaṃ.
ਅਭਿਨਿਰੋਪਨਟ੍ਠੇਨ ਸਮ੍ਮਾਸਙ੍ਕਪ੍ਪੋ ਮਿਚ੍ਛਾਸਙ੍ਕਪ੍ਪਾ વਿਮੁਤ੍ਤੋ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਮੁਤ੍ਤੋ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਮੁਤ੍ਤੋ ਹੋਤਿ, વਿਮੁਤ੍ਤਿ વਿਮੁਤ੍ਤਾਰਮ੍ਮਣਾ વਿਮੁਤ੍ਤਿਗੋਚਰਾ વਿਮੁਤ੍ਤਿਯਾ ਸਮੁਦਾਗਤਾ વਿਮੁਤ੍ਤਿਯਾ ਠਿਤਾ વਿਮੁਤ੍ਤਿਯਾ ਪਤਿਟ੍ਠਿਤਾ। વਿਮੁਤ੍ਤੀਤਿ ਦ੍વੇ વਿਮੁਤ੍ਤਿਯੋ – ਨਿਬ੍ਬਾਨਞ੍ਚ વਿਮੁਤ੍ਤਿ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਮੁਤ੍ਤਾ ਹੋਨ੍ਤੀਤਿ – વਿਮੁਤ੍ਤਿ ਫਲਂ।
Abhiniropanaṭṭhena sammāsaṅkappo micchāsaṅkappā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve vimuttiyo – nibbānañca vimutti, ye ca nibbānārammaṇatājātā dhammā sabbe vimuttā hontīti – vimutti phalaṃ.
ਪਰਿਗ੍ਗਹਟ੍ਠੇਨ ਸਮ੍ਮਾવਾਚਾ ਮਿਚ੍ਛਾવਾਚਾਯ વਿਮੁਤ੍ਤਾ ਹੋਤਿ, ਸਮੁਟ੍ਠਾਨਟ੍ਠੇਨ ਸਮ੍ਮਾਕਮ੍ਮਨ੍ਤੋ ਮਿਚ੍ਛਾਕਮ੍ਮਨ੍ਤਾ વਿਮੁਤ੍ਤੋ ਹੋਤਿ, વੋਦਾਨਟ੍ਠੇਨ ਸਮ੍ਮਾਆਜੀવੋ ਮਿਚ੍ਛਾਆਜੀવਾ વਿਮੁਤ੍ਤੋ ਹੋਤਿ, ਪਗ੍ਗਹਟ੍ਠੇਨ ਸਮ੍ਮਾવਾਯਾਮੋ ਮਿਚ੍ਛਾવਾਯਾਮਾ વਿਮੁਤ੍ਤੋ ਹੋਤਿ, ਉਪਟ੍ਠਾਨਟ੍ਠੇਨ ਸਮ੍ਮਾਸਤਿ ਮਿਚ੍ਛਾਸਤਿਯਾ વਿਮੁਤ੍ਤਾ ਹੋਤਿ, ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਮਿਚ੍ਛਾਸਮਾਧਿਤੋ વਿਮੁਤ੍ਤੋ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਮੁਤ੍ਤੋ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਮੁਤ੍ਤੋ ਹੋਤਿ, વਿਮੁਤ੍ਤਿ વਿਮੁਤ੍ਤਾਰਮ੍ਮਣਾ વਿਮੁਤ੍ਤਿਗੋਚਰਾ વਿਮੁਤ੍ਤਿਯਾ ਸਮੁਦਾਗਤਾ વਿਮੁਤ੍ਤਿਯਾ ਠਿਤਾ વਿਮੁਤ੍ਤਿਯਾ ਪਤਿਟ੍ਠਿਤਾ। વਿਮੁਤ੍ਤੀਤਿ। ਦ੍વੇ વਿਮੁਤ੍ਤਿਯੋ – ਨਿਬ੍ਬਾਨਞ੍ਚ વਿਮੁਤ੍ਤਿ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਮੁਤ੍ਤਾ ਹੋਨ੍ਤੀਤਿ – વਿਮੁਤ੍ਤਿ ਫਲਂ।
Pariggahaṭṭhena sammāvācā micchāvācāya vimuttā hoti, samuṭṭhānaṭṭhena sammākammanto micchākammantā vimutto hoti, vodānaṭṭhena sammāājīvo micchāājīvā vimutto hoti, paggahaṭṭhena sammāvāyāmo micchāvāyāmā vimutto hoti, upaṭṭhānaṭṭhena sammāsati micchāsatiyā vimuttā hoti, avikkhepaṭṭhena sammāsamādhi micchāsamādhito vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti. Dve vimuttiyo – nibbānañca vimutti, ye ca nibbānārammaṇatājātā dhammā sabbe vimuttā hontīti – vimutti phalaṃ.
ਸਕਦਾਗਾਮਿਫਲਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਓਲ਼ਾਰਿਕਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਓਲ਼ਾਰਿਕਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾ વਿਮੁਤ੍ਤੋ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਮੁਤ੍ਤੋ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਮੁਤ੍ਤੋ ਹੋਤਿ, વਿਮੁਤ੍ਤਿ વਿਮੁਤ੍ਤਾਰਮ੍ਮਣਾ વਿਮੁਤ੍ਤਿਗੋਚਰਾ વਿਮੁਤ੍ਤਿਯਾ ਸਮੁਦਾਗਤਾ વਿਮੁਤ੍ਤਿਯਾ ਠਿਤਾ વਿਮੁਤ੍ਤਿਯਾ ਪਤਿਟ੍ਠਿਤਾ। વਿਮੁਤ੍ਤੀਤਿ ਦ੍વੇ વਿਮੁਤ੍ਤਿਯੋ – ਨਿਬ੍ਬਾਨਞ੍ਚ વਿਮੁਤ੍ਤਿ, ਯੇ ਚ ਨਿਬ੍ਬਾਨਾਰਮ੍ਮਣਤਾਜਾਤਾ ਧਮ੍ਮਾ ਸਬ੍ਬੇ વਿਮੁਤ੍ਤਾ ਹੋਨ੍ਤੀਤਿ – વਿਮੁਤ੍ਤਿ ਫਲਂ।
Sakadāgāmiphalakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve vimuttiyo – nibbānañca vimutti, ye ca nibbānārammaṇatājātā dhammā sabbe vimuttā hontīti – vimutti phalaṃ.
ਅਨਾਗਾਮਿਫਲਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਅਨੁਸਹਗਤਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਅਨੁਸਹਗਤਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾ વਿਮੁਤ੍ਤੋ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਮੁਤ੍ਤੋ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਮੁਤ੍ਤੋ ਹੋਤਿ, વਿਮੁਤ੍ਤਿ વਿਮੁਤ੍ਤਾਰਮ੍ਮਣਾ વਿਮੁਤ੍ਤਿਗੋਚਰਾ વਿਮੁਤ੍ਤਿਯਾ ਸਮੁਦਾਗਤਾ વਿਮੁਤ੍ਤਿਯਾ ਠਿਤਾ વਿਮੁਤ੍ਤਿਯਾ ਪਤਿਟ੍ਠਿਤਾ…ਪੇ॰…।
Anāgāmiphalakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā…pe….
ਅਰਹਤ੍ਤਫਲਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਰੂਪਰਾਗਾ ਅਰੂਪਰਾਗਾ ਮਾਨਾ ਉਦ੍ਧਚ੍ਚਾ ਅવਿਜ੍ਜਾਯ ਮਾਨਾਨੁਸਯਾ ਭવਰਾਗਾਨੁਸਯਾ ਅવਿਜ੍ਜਾਨੁਸਯਾ વਿਮੁਤ੍ਤੋ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ વਿਮੁਤ੍ਤੋ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ વਿਮੁਤ੍ਤੋ ਹੋਤਿ, વਿਮੁਤ੍ਤਿ વਿਮੁਤ੍ਤਾਰਮ੍ਮਣਾ વਿਮੁਤ੍ਤਿਗੋਚਰਾ વਿਮੁਤ੍ਤਿਯਾ ਸਮੁਦਾਗਤਾ વਿਮੁਤ੍ਤਿਯਾ ਠਿਤਾ વਿਮੁਤ੍ਤਿਯਾ ਪਤਿਟ੍ਠਿਤਾ। વਿਮੁਤ੍ਤੀਤਿ ਦ੍વੇ વਿਮੁਤ੍ਤਿਯੋ – ਨਿਬ੍ਬਾਨਞ੍ਚ વਿਮੁਤ੍ਤਿ, ਯੇ ਚ ਨਿਬ੍ਬਾਨਾਰਮ੍ਮਣਤਾ ਜਾਤਾ ਧਮ੍ਮਾ ਸਬ੍ਬੇ વਿਮੁਤ੍ਤਾ ਹੋਨ੍ਤੀਤਿ – વਿਮੁਤ੍ਤਿ ਫਲਂ।
Arahattaphalakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā. Vimuttīti dve vimuttiyo – nibbānañca vimutti, ye ca nibbānārammaṇatā jātā dhammā sabbe vimuttā hontīti – vimutti phalaṃ.
ਦਸ੍ਸਨવਿਮੁਤ੍ਤਿ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪવਿਮੁਤ੍ਤਿ ਸਮ੍ਮਾਸਮਾਧਿ, ਉਪਟ੍ਠਾਨવਿਮੁਤ੍ਤਿ ਸਤਿਸਮ੍ਬੋਜ੍ਝਙ੍ਗੋ, ਪਟਿਸਙ੍ਖਾਨવਿਮੁਤ੍ਤਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ। ਅਸ੍ਸਦ੍ਧਿਯੇ ਅਕਮ੍ਪਿਯવਿਮੁਤ੍ਤਿ ਸਦ੍ਧਾਬਲਂ…ਪੇ॰… ਅવਿਜ੍ਜਾਯ ਅਕਮ੍ਪਿਯવਿਮੁਤ੍ਤਿ ਪਞ੍ਞਾਬਲਂ। ਅਧਿਮੋਕ੍ਖવਿਮੁਤ੍ਤਿ ਸਦ੍ਧਿਨ੍ਦ੍ਰਿਯਂ…ਪੇ॰… ਦਸ੍ਸਨવਿਮੁਤ੍ਤਿ ਪਞ੍ਞਿਨ੍ਦ੍ਰਿਯਂ।
Dassanavimutti sammādiṭṭhi…pe… avikkhepavimutti sammāsamādhi, upaṭṭhānavimutti satisambojjhaṅgo, paṭisaṅkhānavimutti upekkhāsambojjhaṅgo. Assaddhiye akampiyavimutti saddhābalaṃ…pe… avijjāya akampiyavimutti paññābalaṃ. Adhimokkhavimutti saddhindriyaṃ…pe… dassanavimutti paññindriyaṃ.
ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾ વਿਮੁਤ੍ਤਿ। ਅਕਮ੍ਪਿਯਟ੍ਠੇਨ ਬਲਾ વਿਮੁਤ੍ਤਿ, ਨਿਯ੍ਯਾਨਟ੍ਠੇਨ ਬੋਜ੍ਝਙ੍ਗਾ વਿਮੁਤ੍ਤਿ, ਹੇਤੁਟ੍ਠੇਨ ਮਗ੍ਗੋ વਿਮੁਤ੍ਤਿ, ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਾ વਿਮੁਤ੍ਤਿ, ਪਦਹਨਟ੍ਠੇਨ ਸਮ੍ਮਪ੍ਪਧਾਨਾ વਿਮੁਤ੍ਤਿ, ਇਜ੍ਝਨਟ੍ਠੇਨ ਇਦ੍ਧਿਪਾਦਾ વਿਮੁਤ੍ਤਿ, ਤਥਟ੍ਠੇਨ ਸਚ੍ਚਾ વਿਮੁਤ੍ਤਿ, ਅવਿਕ੍ਖੇਪਟ੍ਠੇਨ ਸਮਥੋ વਿਮੁਤ੍ਤਿ, ਅਨੁਪਸ੍ਸਨਟ੍ਠੇਨ વਿਪਸ੍ਸਨਾ વਿਮੁਤ੍ਤਿ, ਏਕਰਸਟ੍ਠੇਨ ਸਮਥવਿਪਸ੍ਸਨਾ વਿਮੁਤ੍ਤਿ, ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਂ વਿਮੁਤ੍ਤਿ, ਸਂવਰਟ੍ਠੇਨ ਸੀਲવਿਸੁਦ੍ਧਿ વਿਮੁਤ੍ਤਿ, ਅવਿਕ੍ਖੇਪਟ੍ਠੇਨ ਚਿਤ੍ਤવਿਸੁਦ੍ਧਿ વਿਮੁਤ੍ਤਿ, ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿ વਿਮੁਤ੍ਤਿ, વਿਮੁਤ੍ਤਟ੍ਠੇਨ વਿਮੋਕ੍ਖੋ વਿਮੁਤ੍ਤਿ, ਪਟਿવੇਧਟ੍ਠੇਨ વਿਜ੍ਜਾ વਿਮੁਤ੍ਤਿ, ਪਰਿਚ੍ਚਾਗਟ੍ਠੇਨ વਿਮੁਤ੍ਤਿ વਿਮੁਤ੍ਤਿ, ਪਟਿਪ੍ਪਸ੍ਸਦ੍ਧਿਯਟ੍ਠੇਨ ਅਨੁਪ੍ਪਾਦੇ ਞਾਣਂ વਿਮੁਤ੍ਤਿ, ਛਨ੍ਦੋ ਮੂਲਟ੍ਠੇਨ વਿਮੁਤ੍ਤਿ, ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ વਿਮੁਤ੍ਤਿ, ਫਸ੍ਸੋ ਸਮੋਧਾਨਟ੍ਠੇਨ વਿਮੁਤ੍ਤਿ, વੇਦਨਾ ਸਮੋਸਰਣਟ੍ਠੇਨ વਿਮੁਤ੍ਤਿ, ਸਮਾਧਿ ਪਮੁਖਟ੍ਠੇਨ વਿਮੁਤ੍ਤਿ, ਸਤਿ ਆਧਿਪਤੇਯ੍ਯਟ੍ਠੇਨ વਿਮੁਤ੍ਤਿ, ਪਞ੍ਞਾ ਤਤੁਤ੍ਤਰਟ੍ਠੇਨ વਿਮੁਤ੍ਤਿ, વਿਮੁਤ੍ਤਿ ਸਾਰਟ੍ਠੇਨ વਿਮੁਤ੍ਤਿ, ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ વਿਮੁਤ੍ਤਿ। ਏવਂ વਿਮੁਤ੍ਤਿ ਫਲਂ। ਏવਂ વਿਰਾਗੋ ਮਗ੍ਗੋ , વਿਮੁਤ੍ਤਿ ਫਲਨ੍ਤਿ।
Ādhipateyyaṭṭhena indriyā vimutti. Akampiyaṭṭhena balā vimutti, niyyānaṭṭhena bojjhaṅgā vimutti, hetuṭṭhena maggo vimutti, upaṭṭhānaṭṭhena satipaṭṭhānā vimutti, padahanaṭṭhena sammappadhānā vimutti, ijjhanaṭṭhena iddhipādā vimutti, tathaṭṭhena saccā vimutti, avikkhepaṭṭhena samatho vimutti, anupassanaṭṭhena vipassanā vimutti, ekarasaṭṭhena samathavipassanā vimutti, anativattanaṭṭhena yuganaddhaṃ vimutti, saṃvaraṭṭhena sīlavisuddhi vimutti, avikkhepaṭṭhena cittavisuddhi vimutti, dassanaṭṭhena diṭṭhivisuddhi vimutti, vimuttaṭṭhena vimokkho vimutti, paṭivedhaṭṭhena vijjā vimutti, pariccāgaṭṭhena vimutti vimutti, paṭippassaddhiyaṭṭhena anuppāde ñāṇaṃ vimutti, chando mūlaṭṭhena vimutti, manasikāro samuṭṭhānaṭṭhena vimutti, phasso samodhānaṭṭhena vimutti, vedanā samosaraṇaṭṭhena vimutti, samādhi pamukhaṭṭhena vimutti, sati ādhipateyyaṭṭhena vimutti, paññā tatuttaraṭṭhena vimutti, vimutti sāraṭṭhena vimutti, amatogadhaṃ nibbānaṃ pariyosānaṭṭhena vimutti. Evaṃ vimutti phalaṃ. Evaṃ virāgo maggo , vimutti phalanti.
વਿਰਾਗਕਥਾ ਨਿਟ੍ਠਿਤਾ।
Virāgakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / વਿਰਾਗਕਥਾવਣ੍ਣਨਾ • Virāgakathāvaṇṇanā
