| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੫. વਿਰਾਗਕਥਾ
5. Virāgakathā
વਿਰਾਗਕਥਾવਣ੍ਣਨਾ
Virāgakathāvaṇṇanā
੨੮. ਇਦਾਨਿ ਮਗ੍ਗਪਯੋਜਨਪਰਿਯੋਸਾਨਾਯ ਮੇਤ੍ਤਾਕਥਾਯ ਅਨਨ੍ਤਰਂ ਕਥਿਤਾਯ વਿਰਾਗਸਙ੍ਖਾਤਮਗ੍ਗਪੁਬ੍ਬਙ੍ਗਮਾਯ વਿਰਾਗਕਥਾਯ ਅਪੁਬ੍ਬਤ੍ਥਾਨੁવਣ੍ਣਨਾ। ਤਤ੍ਥ ਪਠਮਂ ਤਾવ ‘‘ਨਿਬ੍ਬਿਨ੍ਦਂ વਿਰਜ੍ਜਤਿ વਿਰਾਗਾ વਿਮੁਚ੍ਚਤੀ’’ਤਿ (ਮਹਾવ ੨੩) વੁਤ੍ਤਾਨਂ ਦ੍વਿਨ੍ਨਂ ਸੁਤ੍ਤਨ੍ਤਪਦਾਨਂ ਅਤ੍ਥਂ ਨਿਦ੍ਦਿਸਿਤੁਕਾਮੇਨ વਿਰਾਗੋ ਮਗ੍ਗੋ, વਿਮੁਤ੍ਤਿ ਫਲਨ੍ਤਿ ਉਦ੍ਦੇਸੋ ਠਪਿਤੋ। ਤਤ੍ਥ ਪਠਮਂ વਚਨਤ੍ਥਂ ਤਾવ ਨਿਦ੍ਦਿਸਿਤੁਕਾਮੋ ਕਥਂ વਿਰਾਗੋ ਮਗ੍ਗੋਤਿਆਦਿਮਾਹ। ਤਤ੍ਥ વਿਰਜ੍ਜਤੀਤਿ વਿਰਤ੍ਤਾ ਹੋਤਿ। ਸੇਸਾਨਿ ਮਗ੍ਗਞਾਣਨਿਦ੍ਦੇਸੇ વੁਤ੍ਤਤ੍ਥਾਨਿ। વਿਰਾਗੋਤਿ ਯਸ੍ਮਾ ਸਮ੍ਮਾਦਿਟ੍ਠਿ વਿਰਜ੍ਜਤਿ, ਤਸ੍ਮਾ વਿਰਾਗੋ ਨਾਮਾਤਿ ਅਤ੍ਥੋ । ਸੋ ਚ વਿਰਾਗੋ ਯਸ੍ਮਾ વਿਰਾਗਾਰਮ੍ਮਣੋ…ਪੇ॰… વਿਰਾਗੇ ਪਤਿਟ੍ਠਿਤੋ, ਤਸ੍ਮਾ ਚ વਿਰਾਗੋਤਿ ਏવਂ ‘‘વਿਰਾਗਾਰਮ੍ਮਣੋ’’ਤਿਆਦੀਨਂ ਪਞ੍ਚਨ੍ਨਂ વਚਨਾਨਂ ਸਮ੍ਬਨ੍ਧੋ વੇਦਿਤਬ੍ਬੋ। ਤਤ੍ਥ વਿਰਾਗਾਰਮ੍ਮਣੋਤਿ ਨਿਬ੍ਬਾਨਾਰਮ੍ਮਣੋ। વਿਰਾਗਗੋਚਰੋਤਿ ਨਿਬ੍ਬਾਨવਿਸਯੋ। વਿਰਾਗੇ ਸਮੁਦਾਗਤੋਤਿ ਨਿਬ੍ਬਾਨੇ ਸਮੁਪ੍ਪਨ੍ਨੋ। વਿਰਾਗੇ ਠਿਤੋਤਿ ਪવਤ੍ਤਿવਸੇਨ ਨਿਬ੍ਬਾਨੇ ਠਿਤੋ। વਿਰਾਗੇ ਪਤਿਟ੍ਠਿਤੋਤਿ ਅਨਿવਤ੍ਤਨવਸੇਨ ਨਿਬ੍ਬਾਨੇ ਪਤਿਟ੍ਠਿਤੋ।
28. Idāni maggapayojanapariyosānāya mettākathāya anantaraṃ kathitāya virāgasaṅkhātamaggapubbaṅgamāya virāgakathāya apubbatthānuvaṇṇanā. Tattha paṭhamaṃ tāva ‘‘nibbindaṃ virajjati virāgā vimuccatī’’ti (mahāva 23) vuttānaṃ dvinnaṃ suttantapadānaṃ atthaṃ niddisitukāmena virāgo maggo, vimutti phalanti uddeso ṭhapito. Tattha paṭhamaṃ vacanatthaṃ tāva niddisitukāmo kathaṃ virāgo maggotiādimāha. Tattha virajjatīti virattā hoti. Sesāni maggañāṇaniddese vuttatthāni. Virāgoti yasmā sammādiṭṭhi virajjati, tasmā virāgo nāmāti attho . So ca virāgo yasmā virāgārammaṇo…pe… virāge patiṭṭhito, tasmā ca virāgoti evaṃ ‘‘virāgārammaṇo’’tiādīnaṃ pañcannaṃ vacanānaṃ sambandho veditabbo. Tattha virāgārammaṇoti nibbānārammaṇo. Virāgagocaroti nibbānavisayo. Virāge samudāgatoti nibbāne samuppanno. Virāge ṭhitoti pavattivasena nibbāne ṭhito. Virāge patiṭṭhitoti anivattanavasena nibbāne patiṭṭhito.
ਨਿਬ੍ਬਾਨਞ੍ਚ વਿਰਾਗੋਤਿ ਨਿਬ੍ਬਾਨਂ વਿਰਾਗਹੇਤੁਤ੍ਤਾ વਿਰਾਗੋ। ਨਿਬ੍ਬਾਨਾਰਮ੍ਮਣਤਾਜਾਤਾਤਿ ਨਿਬ੍ਬਾਨਾਰਮ੍ਮਣੇ ਜਾਤਾ, ਨਿਬ੍ਬਾਨਾਰਮ੍ਮਣਭਾવੇਨ વਾ ਜਾਤਾ। ਤੇ ਮਗ੍ਗਸਮ੍ਪਯੁਤ੍ਤਾ ਸਬ੍ਬੇવ ਫਸ੍ਸਾਦਯੋ ਧਮ੍ਮਾ વਿਰਜ੍ਜਨਟ੍ਠੇਨ વਿਰਾਗਾ ਹੋਨ੍ਤੀਤਿ વਿਰਾਗਾ ਨਾਮ ਹੋਨ੍ਤਿ। ਸਹਜਾਤਾਨੀਤਿ ਸਮ੍ਮਾਦਿਟ੍ਠਿਸਹਜਾਤਾਨਿ ਸਮ੍ਮਾਸਙ੍ਕਪ੍ਪਾਦੀਨਿ ਸਤ੍ਤ ਮਗ੍ਗਙ੍ਗਾਨਿ। વਿਰਾਗਂ ਗਚ੍ਛਨ੍ਤੀਤਿ વਿਰਾਗੋ ਮਗ੍ਗੋਤਿ વਿਰਾਗਂ ਨਿਬ੍ਬਾਨਂ ਆਰਮ੍ਮਣਂ ਕਤ੍વਾ ਗਚ੍ਛਨ੍ਤੀਤਿ વਿਰਾਗਾਰਮ੍ਮਣਤ੍ਤਾ વਿਰਾਗੋ ਨਾਮ, ਮਗ੍ਗਨਟ੍ਠੇਨ ਮਗ੍ਗੋ ਨਾਮ ਹੋਤੀਤਿ ਅਤ੍ਥੋ। ਏਕੇਕਮ੍ਪਿ ਮਗ੍ਗਙ੍ਗਂ ਮਗ੍ਗੋਤਿ ਨਾਮਂ ਲਭਤਿ। ਇਤਿ ਏਕੇਕਸ੍ਸ ਅਙ੍ਗਸ੍ਸ ਮਗ੍ਗਤ੍ਤੇ વੁਤ੍ਤੇ ਸਮ੍ਮਾਦਿਟ੍ਠਿਯਾਪਿ ਮਗ੍ਗਤ੍ਤਂ વੁਤ੍ਤਮੇવ ਹੋਤਿ। ਤਸ੍ਮਾਯੇવ ਚ ਏਤੇਨ ਮਗ੍ਗੇਨਾਤਿ ਅਟ੍ਠ ਮਗ੍ਗਙ੍ਗਾਨਿ ਗਹੇਤ੍વਾ વੁਤ੍ਤਂ। ਬੁਦ੍ਧਾ ਚਾਤਿ ਪਚ੍ਚੇਕਬੁਦ੍ਧਾਪਿ ਸਙ੍ਗਹਿਤਾ। ਤੇਪਿ ਹਿ ‘‘ਦ੍વੇਮੇ, ਭਿਕ੍ਖવੇ, ਬੁਦ੍ਧਾ ਤਥਾਗਤੋ ਚ ਅਰਹਂ ਸਮ੍ਮਾਸਮ੍ਬੁਦ੍ਧੋ ਪਚ੍ਚੇਕਬੁਦ੍ਧੋ ਚਾ’’ਤਿ (ਅ॰ ਨਿ॰ ੨.੫੭) વੁਤ੍ਤਤ੍ਤਾ ਬੁਦ੍ਧਾਯੇવ । ਅਗਤਨ੍ਤਿ ਅਨਮਤਗ੍ਗੇ ਸਂਸਾਰੇ ਅਗਤਪੁਬ੍ਬਂ। ਦਿਸਨ੍ਤਿ ਸਕਲਾਯਪਟਿਪਤ੍ਤਿਯਾ ਦਿਸ੍ਸਤਿ ਅਪਦਿਸ੍ਸਤਿ ਅਭਿਸਨ੍ਦਹੀਯਤੀਤਿ ਦਿਸਾ, ਸਬ੍ਬਬੁਦ੍ਧੇਹਿ વਾ ਪਰਮਂ ਸੁਖਨ੍ਤਿ ਦਿਸ੍ਸਤਿ ਅਪਦਿਸ੍ਸਤਿ ਕਥੀਯਤੀਤਿ ਦਿਸਾ , ਸਬ੍ਬਦੁਕ੍ਖਂ વਾ ਦਿਸ੍ਸਨ੍ਤਿ વਿਸ੍ਸਜ੍ਜੇਨ੍ਤਿ ਉਜ੍ਝਨ੍ਤਿ ਏਤਾਯਾਤਿ ਦਿਸਾ। ਤਂ ਦਿਸਂ। ਅਟ੍ਠਙ੍ਗਿਕੋ ਮਗ੍ਗੋਤਿ ਕਿਂ વੁਤ੍ਤਂ ਹੋਤਿ? ਯੋ ਸੋ ਅਟ੍ਠਙ੍ਗਿਕੋ ਧਮ੍ਮਸਮੂਹੋ, ਸੋ ਏਤੇਨ ਨਿਬ੍ਬਾਨਂ ਗਚ੍ਛਨ੍ਤੀਤਿ ਗਮਨਟ੍ਠੇਨ ਮਗ੍ਗੋ ਨਾਮਾਤਿ વੁਤ੍ਤਂ ਹੋਤਿ। ਪੁਥੁਸਮਣਬ੍ਰਾਹ੍ਮਣਾਨਂ ਪਰਪ੍ਪવਾਦਾਨਨ੍ਤਿ વਿਸੁਂ વਿਸੁਂ ਸਮਣਾਨਂ ਬ੍ਰਾਹ੍ਮਣਾਨਞ੍ਚ ਇਤੋ ਅਞ੍ਞਲਦ੍ਧਿਕਾਨਂ। ਅਗ੍ਗੋਤਿ ਤੇਸਂ ਸੇਸਮਗ੍ਗਾਨਂ વਿਸਿਟ੍ਠੋ। ਸੇਟ੍ਠੋਤਿ ਸੇਸਮਗ੍ਗਤੋ ਅਤਿવਿਯ ਪਸਂਸਨੀਯੋ। ਮੋਕ੍ਖੋਤਿ ਮੁਖੇ ਸਾਧੁ, ਸੇਸਮਗ੍ਗਾਨਂ ਅਭਿਮੁਖੇ ਅਯਮੇવ ਸਾਧੂਤਿ ਅਤ੍ਥੋ। ਉਤ੍ਤਮੋਤਿ ਸੇਸਮਗ੍ਗੇ ਅਤਿવਿਯ ਉਤ੍ਤਿਣ੍ਣੋ। ਪવਰੋਤਿ ਸੇਸਮਗ੍ਗਤੋ ਨਾਨਪ੍ਪਕਾਰੇਹਿ ਸਂਭਜਨੀਯੋ। ਇਤੀਤਿ ਕਾਰਣਤ੍ਥੇ ਨਿਪਾਤੋ। ਤਸ੍ਮਾ ਭਗવਤਾ ‘‘ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ’’ਤਿ વੁਤ੍ਤੋਤਿ ਅਧਿਪ੍ਪਾਯੋ। વੁਤ੍ਤਞ੍ਹਿ ਭਗવਤਾ –
Nibbānañca virāgoti nibbānaṃ virāgahetuttā virāgo. Nibbānārammaṇatājātāti nibbānārammaṇe jātā, nibbānārammaṇabhāvena vā jātā. Te maggasampayuttā sabbeva phassādayo dhammā virajjanaṭṭhena virāgā hontīti virāgā nāma honti. Sahajātānīti sammādiṭṭhisahajātāni sammāsaṅkappādīni satta maggaṅgāni. Virāgaṃ gacchantīti virāgo maggoti virāgaṃ nibbānaṃ ārammaṇaṃ katvā gacchantīti virāgārammaṇattā virāgo nāma, magganaṭṭhena maggo nāma hotīti attho. Ekekampi maggaṅgaṃ maggoti nāmaṃ labhati. Iti ekekassa aṅgassa maggatte vutte sammādiṭṭhiyāpi maggattaṃ vuttameva hoti. Tasmāyeva ca etena maggenāti aṭṭha maggaṅgāni gahetvā vuttaṃ. Buddhā cāti paccekabuddhāpi saṅgahitā. Tepi hi ‘‘dveme, bhikkhave, buddhā tathāgato ca arahaṃ sammāsambuddho paccekabuddho cā’’ti (a. ni. 2.57) vuttattā buddhāyeva . Agatanti anamatagge saṃsāre agatapubbaṃ. Disanti sakalāyapaṭipattiyā dissati apadissati abhisandahīyatīti disā, sabbabuddhehi vā paramaṃ sukhanti dissati apadissati kathīyatīti disā , sabbadukkhaṃ vā dissanti vissajjenti ujjhanti etāyāti disā. Taṃ disaṃ. Aṭṭhaṅgiko maggoti kiṃ vuttaṃ hoti? Yo so aṭṭhaṅgiko dhammasamūho, so etena nibbānaṃ gacchantīti gamanaṭṭhena maggo nāmāti vuttaṃ hoti. Puthusamaṇabrāhmaṇānaṃ parappavādānanti visuṃ visuṃ samaṇānaṃ brāhmaṇānañca ito aññaladdhikānaṃ. Aggoti tesaṃ sesamaggānaṃ visiṭṭho. Seṭṭhoti sesamaggato ativiya pasaṃsanīyo. Mokkhoti mukhe sādhu, sesamaggānaṃ abhimukhe ayameva sādhūti attho. Uttamoti sesamagge ativiya uttiṇṇo. Pavaroti sesamaggato nānappakārehi saṃbhajanīyo. Itīti kāraṇatthe nipāto. Tasmā bhagavatā ‘‘maggānaṃ aṭṭhaṅgiko seṭṭho’’ti vuttoti adhippāyo. Vuttañhi bhagavatā –
‘‘ਮਗ੍ਗਾਨਟ੍ਠਙ੍ਗਿਕੋ ਸੇਟ੍ਠੋ, ਸਚ੍ਚਾਨਂ ਚਤੁਰੋ ਪਦਾ।
‘‘Maggānaṭṭhaṅgiko seṭṭho, saccānaṃ caturo padā;
વਿਰਾਗੋ ਸੇਟ੍ਠੋ ਧਮ੍ਮਾਨਂ, ਦ੍વਿਪਦਾਨਞ੍ਚ ਚਕ੍ਖੁਮਾ’’ਤਿ॥ (ਧ॰ ਪ॰ ੨੭੩)।
Virāgo seṭṭho dhammānaṃ, dvipadānañca cakkhumā’’ti. (dha. pa. 273);
ਤਂ ਇਧ વਿਚ੍ਛਿਨ੍ਦਿਤ੍વਾ ‘‘ਮਗ੍ਗਾਨਂ ਅਟ੍ਠਙ੍ਗਿਕੋ ਸੇਟ੍ਠੋ’’ਤਿ વੁਤ੍ਤਂ। ਸੇਸવਾਰੇਸੁਪਿ ਇਮਿਨਾ ਚ ਨਯੇਨ ਹੇਟ੍ਠਾ વੁਤ੍ਤਨਯੇਨ ਚ ਅਤ੍ਥੋ વੇਦਿਤਬ੍ਬੋ।
Taṃ idha vicchinditvā ‘‘maggānaṃ aṭṭhaṅgiko seṭṭho’’ti vuttaṃ. Sesavāresupi iminā ca nayena heṭṭhā vuttanayena ca attho veditabbo.
ਦਸ੍ਸਨવਿਰਾਗੋਤਿਆਦੀਸੁ ਦਸ੍ਸਨਸਙ੍ਖਾਤੋ વਿਰਾਗੋ ਦਸ੍ਸਨવਿਰਾਗੋ। ਇਨ੍ਦ੍ਰਿਯਟ੍ਠਤੋ ਬਲਸ੍ਸ વਿਸਿਟ੍ਠਤ੍ਤਾ ਇਧ ਇਨ੍ਦ੍ਰਿਯਤੋ ਬਲਂ ਪਠਮਂ વੁਤ੍ਤਨ੍ਤਿ વੇਦਿਤਬ੍ਬਂ। ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾਨੀਤਿਆਦਿ ਇਨ੍ਦ੍ਰਿਯਾਦੀਨਂ ਅਤ੍ਥવਿਭਾવਨਾ, ਨ વਿਰਾਗਸ੍ਸ। ਤਥਟ੍ਠੇਨ ਸਚ੍ਚਾਤਿ ਸਚ੍ਚਞਾਣਂ વੇਦਿਤਬ੍ਬਂ। ਸੀਲવਿਸੁਦ੍ਧੀਤਿ ਸਮ੍ਮਾવਾਚਾਕਮ੍ਮਨ੍ਤਾਜੀવਾ। ਚਿਤ੍ਤવਿਸੁਦ੍ਧੀਤਿ ਸਮ੍ਮਾਸਮਾਧਿ। ਦਿਟ੍ਠਿવਿਸੁਦ੍ਧੀਤਿ ਸਮ੍ਮਾਦਿਟ੍ਠਿਸਙ੍ਕਪ੍ਪਾ। વਿਮੁਤ੍ਤਟ੍ਠੇਨਾਤਿ ਤਂਤਂਮਗ੍ਗવਜ੍ਝਕਿਲੇਸੇਹਿ ਮੁਤ੍ਤਟ੍ਠੇਨ। વਿਜ੍ਜਾਤਿ ਸਮ੍ਮਾਦਿਟ੍ਠਿ। વਿਮੁਤ੍ਤੀਤਿ ਸਮੁਚ੍ਛੇਦવਿਮੁਤ੍ਤਿ। ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਮਗ੍ਗੋਤਿ ਮਗ੍ਗਫਲਪਚ੍ਚવੇਕ੍ਖਣਾਹਿ ਮਗ੍ਗੀਯਤੀਤਿ ਮਗ੍ਗੋ।
Dassanavirāgotiādīsu dassanasaṅkhāto virāgo dassanavirāgo. Indriyaṭṭhato balassa visiṭṭhattā idha indriyato balaṃ paṭhamaṃ vuttanti veditabbaṃ. Ādhipateyyaṭṭhena indriyānītiādi indriyādīnaṃ atthavibhāvanā, na virāgassa. Tathaṭṭhena saccāti saccañāṇaṃ veditabbaṃ. Sīlavisuddhīti sammāvācākammantājīvā. Cittavisuddhīti sammāsamādhi. Diṭṭhivisuddhīti sammādiṭṭhisaṅkappā. Vimuttaṭṭhenāti taṃtaṃmaggavajjhakilesehi muttaṭṭhena. Vijjāti sammādiṭṭhi. Vimuttīti samucchedavimutti. Amatogadhaṃ nibbānaṃ pariyosānaṭṭhena maggoti maggaphalapaccavekkhaṇāhi maggīyatīti maggo.
ਇਮਸ੍ਮਿਂ વਿਰਾਗਨਿਦ੍ਦੇਸੇ વੁਤ੍ਤਾ ਧਮ੍ਮਾ ਸਬ੍ਬੇਪਿ ਮਗ੍ਗਕ੍ਖਣੇਯੇવ। વਿਮੁਤ੍ਤਿਨਿਦ੍ਦੇਸੇ ਫਲਕ੍ਖਣੇ। ਤਸ੍ਮਾ ਛਨ੍ਦਮਨਸਿਕਾਰਾਪਿ ਮਗ੍ਗਫਲਸਮ੍ਪਯੁਤ੍ਤਾ।
Imasmiṃ virāganiddese vuttā dhammā sabbepi maggakkhaṇeyeva. Vimuttiniddese phalakkhaṇe. Tasmā chandamanasikārāpi maggaphalasampayuttā.
੨੯. વਿਰਾਗਨਿਦ੍ਦੇਸੇ વੁਤ੍ਤਨਯੇਨੇવ વਿਮੁਤ੍ਤਿਨਿਦ੍ਦੇਸੇਪਿ ਅਤ੍ਥੋ વੇਦਿਤਬ੍ਬੋ। ਫਲਂ ਪਨੇਤ੍ਥ ਪਟਿਪ੍ਪਸ੍ਸਦ੍ਧਿવਿਮੁਤ੍ਤਤ੍ਤਾ વਿਮੁਤ੍ਤਿ, ਨਿਬ੍ਬਾਨਂ ਨਿਸ੍ਸਰਣવਿਮੁਤ੍ਤਤ੍ਤਾ વਿਮੁਤ੍ਤਿ। ‘‘ਸਹਜਾਤਾਨਿ ਸਤ੍ਤਙ੍ਗਾਨੀ’’ਤਿਆਦੀਨਿ વਚਨਾਨਿ ਇਧ ਨ ਲਬ੍ਭਨ੍ਤੀਤਿ ਨ વੁਤ੍ਤਾਨਿ। ਸਯਂ ਫਲવਿਮੁਤ੍ਤਤ੍ਤਾ ਪਰਿਚ੍ਚਾਗਟ੍ਠੇਨ વਿਮੁਤ੍ਤੀਤਿ ਏਤ੍ਤਕਮੇવ વੁਤ੍ਤਂ। ਸੇਸਂ વੁਤ੍ਤਨਯਮੇવਾਤਿ।
29. Virāganiddese vuttanayeneva vimuttiniddesepi attho veditabbo. Phalaṃ panettha paṭippassaddhivimuttattā vimutti, nibbānaṃ nissaraṇavimuttattā vimutti. ‘‘Sahajātāni sattaṅgānī’’tiādīni vacanāni idha na labbhantīti na vuttāni. Sayaṃ phalavimuttattā pariccāgaṭṭhena vimuttīti ettakameva vuttaṃ. Sesaṃ vuttanayamevāti.
વਿਰਾਗਕਥਾવਣ੍ਣਨਾ ਨਿਟ੍ਠਿਤਾ।
Virāgakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi / ੫. વਿਰਾਗਕਥਾ • 5. Virāgakathā
