| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. вийрад̇т̇зраг̇аат̇ааван̣н̣анаа
8. Vīrattheragāthāvaṇṇanā
яо д̣̇уд̣̇д̣̇амияод̇и ааяасмад̇о вийрад̇т̇зрасса г̇аат̇аа. гаа уббад̇д̇и? аяам̣ гира ид̇о зганавуд̇з габбз вибассисса бхаг̇авад̇о васанаааваасам̣ бадиж̇аг̇г̇и. згад̣̇ивасан̃жа синд̇хуваарабубпасад̣̇исаани ниг̇г̇ун̣тибубпаани г̇ахзд̇ваа бхаг̇аванд̇ам̣ бууж̇зси. со д̇зна бун̃н̃агаммзна д̣̇звамануссзсу сам̣саранд̇о ид̇о бан̃жад̇им̣сз габбз кад̇д̇ияагулз ниб̣б̣ад̇д̇ид̇ваа махаабад̇аабо наама рааж̇аа ахоси жаггавад̇д̇ий. со д̇хаммзна самзна раж̇ж̇ам̣ гаарзнд̇о сад̇д̇з саг̇г̇амаг̇г̇з бад̇идтаабзси. буна имасмим̣ габбз гассабасса бхаг̇авад̇о гаалз махаавибхаво сздти худ̇ваа габан̣ад̣̇д̇хигаад̣̇ийнам̣ д̣̇аанам̣ д̣̇знд̇о сан̇гхасса кийрабхад̇д̇ам̣ ад̣̇ааси. звам̣ д̇ад̇т̇а д̇ад̇т̇а д̣̇аанамаяам̣ бун̃н̃асамбхаарам̣ гаронд̇о ид̇аран̃жа ниб̣б̣аанад̇т̇ам̣ самбхаранд̇о д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з саавад̇т̇инаг̇арз ран̃н̃о басзнад̣̇исса амажжагулз ниб̣б̣ад̇д̇и, ‘‘вийро’’д̇исса наамам̣ агам̣су. со ваяаббад̇д̇о наамаануг̇ад̇зхи бад̇д̇аб̣алаж̇аваад̣̇иг̇ун̣зхи саманнааг̇ад̇о сан̇г̇аамасууро худ̇ваа маад̇аабид̇уухи ниб̣анд̇хавасзна гаарид̇з д̣̇аарабариг̇г̇ахз згам̣язва буд̇д̇ам̣ лабхид̇ваа буб̣б̣ахзд̇унаа жод̣̇ияамаано гаамзсу сам̣саарз жа аад̣̇ийнавам̣ д̣̇исваа сам̣взг̇аж̇аад̇о баб̣б̣аж̇ид̇ваа гхадзнд̇о вааяаманд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.21.21-24) –
Yoduddamiyoti āyasmato vīrattherassa gāthā. Kā uppatti? Ayaṃ kira ito ekanavute kappe vipassissa bhagavato vasanaāvāsaṃ paṭijaggi. Ekadivasañca sindhuvārapupphasadisāni nigguṇṭhipupphāni gahetvā bhagavantaṃ pūjesi. So tena puññakammena devamanussesu saṃsaranto ito pañcatiṃse kappe khattiyakule nibbattitvā mahāpatāpo nāma rājā ahosi cakkavattī. So dhammena samena rajjaṃ kārento satte saggamagge patiṭṭhāpesi. Puna imasmiṃ kappe kassapassa bhagavato kāle mahāvibhavo seṭṭhi hutvā kapaṇaddhikādīnaṃ dānaṃ dento saṅghassa khīrabhattaṃ adāsi. Evaṃ tattha tattha dānamayaṃ puññasambhāraṃ karonto itarañca nibbānatthaṃ sambharanto devamanussesu saṃsaritvā imasmiṃ buddhuppāde sāvatthinagare rañño pasenadissa amaccakule nibbatti, ‘‘vīro’’tissa nāmaṃ akaṃsu. So vayappatto nāmānugatehi pattabalajavādiguṇehi samannāgato saṅgāmasūro hutvā mātāpitūhi nibandhavasena kārite dārapariggahe ekaṃyeva puttaṃ labhitvā pubbahetunā codiyamāno kāmesu saṃsāre ca ādīnavaṃ disvā saṃvegajāto pabbajitvā ghaṭento vāyamanto nacirasseva chaḷabhiñño ahosi. Tena vuttaṃ apadāne (apa. thera 1.21.21-24) –
‘‘вибассисса бхаг̇авад̇о, аасимаараамиго ахам̣;
‘‘Vipassissa bhagavato, āsimārāmiko ahaṃ;
ниг̇г̇ун̣тибубпам̣ баг̇г̇аяха, б̣уд̣̇д̇хасса абхиробаяим̣.
Nigguṇṭhipupphaṃ paggayha, buddhassa abhiropayiṃ.
‘‘зганавуд̇ид̇о габбз, яам̣ бубпамабхибууж̇аяим̣;
‘‘Ekanavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘бан̃жавийсз ид̇о габбз, зго аасим̣ ж̇анаад̇хибо;
‘‘Pañcavīse ito kappe, eko āsiṃ janādhipo;
махаабад̇аабанаамзна, жаггавад̇д̇ий махаб̣б̣ало.
Mahāpatāpanāmena, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
звам̣ бана арахад̇д̇ам̣ бад̇ваа паласамаабад̇д̇исукзна вийд̇инаамзнд̇ам̣ т̇зрам̣ бураан̣ад̣̇уд̇ияигаа уббаб̣б̣ааж̇зд̇угаамаа анд̇аранд̇араа наанаанаязхи балобхзд̇ум̣ бараггаманд̇ий згад̣̇ивасам̣ д̣̇иваавихаарадтаанам̣ г̇анд̇ваа ид̇т̇игуд̇д̇аад̣̇ийни д̣̇ассзд̇ум̣ аарабхи. ат̇ааяасмаа вийро ‘‘мам̣ балобхзд̇угаамаа синзрум̣ магасабагкаваад̇зна жаалзд̇угаамаа вияа яаава б̣аалаа вад̇ааяам̣ ид̇т̇ий’’д̇и д̇ассаа гирияааяа нирад̇т̇агабхаавам̣ д̣̇ийбзнд̇о ‘‘яо д̣̇уд̣̇д̣̇амияо’’д̇и г̇аат̇ам̣ абхааси.
Evaṃ pana arahattaṃ patvā phalasamāpattisukhena vītināmentaṃ theraṃ purāṇadutiyikā uppabbājetukāmā antarantarā nānānayehi palobhetuṃ parakkamantī ekadivasaṃ divāvihāraṭṭhānaṃ gantvā itthikuttādīni dassetuṃ ārabhi. Athāyasmā vīro ‘‘maṃ palobhetukāmā sineruṃ makasapakkhavātena cāletukāmā viya yāva bālā vatāyaṃ itthī’’ti tassā kiriyāya niratthakabhāvaṃ dīpento ‘‘yo duddamiyo’’ti gāthaṃ abhāsi.
8. д̇ад̇т̇а яо д̣̇уд̣̇д̣̇амияод̇иаад̣̇ийнам̣ бад̣̇аанам̣ ад̇т̇о хздтаа вуд̇д̇оязва. ид̣̇ам̣ банзд̇т̇а яож̇анаамад̇д̇ам̣ яо буб̣б̣з ад̣̇анд̇а гилзсад̇ааяа бажжад̇т̇игзхи ваа сан̇г̇амасийсз д̣̇амзд̇ум̣ ж̇зд̇ум̣ асаггун̣зяяад̇ааяад̣̇уд̣̇д̣̇амияо, ид̣̇аани бана уд̇д̇амзна д̣̇амзна д̣̇анд̇о жад̇уб̣б̣ид̇хасаммаббамад̇хаанавийрияасамбад̇д̇ияаа вийро, вуд̇д̇анаязнзва санд̇усид̇о вид̇ин̣н̣аган̇ко виж̇ид̇аавий абзд̇аломахам̣со вийро вийранаамаго анавасзсад̇о гилзсабариниб̣б̣аанзна бариниб̣б̣уд̇о, д̇ад̇о зва тид̇асабхааво, на д̇аад̣̇исаанам̣ сад̇знаби сахассзнаби жааланийяод̇и. д̇ам̣ суд̇ваа саа ид̇т̇ий – ‘‘маяхам̣ саамигз звам̣ бадибаннз го маяхам̣ гхарааваасзна ад̇т̇о’’д̇и сам̣взг̇аж̇аад̇аа бхигкунийсу баб̣б̣аж̇ид̇ваа нажирассзва д̇звиж̇ж̇аа ахосийд̇и.
8. Tattha yo duddamiyotiādīnaṃ padānaṃ attho heṭṭhā vuttoyeva. Idaṃ panettha yojanāmattaṃ yo pubbe adanta kilesatāya paccatthikehi vā saṅgamasīse dametuṃ jetuṃ asakkuṇeyyatāyaduddamiyo, idāni pana uttamena damena danto catubbidhasammappamadhānavīriyasampattiyā vīro, vuttanayeneva santusito vitiṇṇakaṅkho vijitāvī apetalomahaṃso vīro vīranāmako anavasesato kilesaparinibbānena parinibbuto, tato eva ṭhitasabhāvo, na tādisānaṃ satenapi sahassenapi cālanīyoti. Taṃ sutvā sā itthī – ‘‘mayhaṃ sāmike evaṃ paṭipanne ko mayhaṃ gharāvāsena attho’’ti saṃvegajātā bhikkhunīsu pabbajitvā nacirasseva tevijjā ahosīti.
вийрад̇т̇зраг̇аат̇ааван̣н̣анаа нидтид̇аа.
Vīrattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. вийрад̇т̇зраг̇аат̇аа • 8. Vīrattheragāthā
