| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੨. વੀਰਿਯਲਕ੍ਖਣਪਞ੍ਹੋ
12. Vīriyalakkhaṇapañho
੧੨. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਕਿਂਲਕ੍ਖਣਂ વੀਰਿਯ’’ਨ੍ਤਿ? ‘‘ਉਪਤ੍ਥਮ੍ਭਨਲਕ੍ਖਣਂ, ਮਹਾਰਾਜ, વੀਰਿਯਂ, વੀਰਿਯੂਪਤ੍ਥਮ੍ਭਿਤਾ ਸਬ੍ਬੇ ਕੁਸਲਾ ਧਮ੍ਮਾ ਨ ਪਰਿਹਾਯਨ੍ਤੀ’’ਤਿ।
12. Rājā āha ‘‘bhante nāgasena, kiṃlakkhaṇaṃ vīriya’’nti? ‘‘Upatthambhanalakkhaṇaṃ, mahārāja, vīriyaṃ, vīriyūpatthambhitā sabbe kusalā dhammā na parihāyantī’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਪੁਰਿਸੋ ਗੇਹੇ ਪਤਨ੍ਤੇ ਅਞ੍ਞੇਨ ਦਾਰੁਨਾ ਉਪਤ੍ਥਮ੍ਭੇਯ੍ਯ, ਉਪਤ੍ਥਮ੍ਭਿਤਂ ਸਨ੍ਤਂ ਏવਂ ਤਂ ਗੇਹਂ ਨ ਪਤੇਯ੍ਯ। ਏવਮੇવ ਖੋ, ਮਹਾਰਾਜ, ਉਪਤ੍ਥਮ੍ਭਨਲਕ੍ਖਣਂ વੀਰਿਯਂ, વੀਰਿਯੂਪਤ੍ਥਮ੍ਭਿਤਾ ਸਬ੍ਬੇ ਕੁਸਲਾ ਧਮ੍ਮਾ ਨ ਪਰਿਹਾਯਨ੍ਤੀ’’ਤਿ।
‘‘Opammaṃ karohī’’ti. ‘‘Yathā, mahārāja, puriso gehe patante aññena dārunā upatthambheyya, upatthambhitaṃ santaṃ evaṃ taṃ gehaṃ na pateyya. Evameva kho, mahārāja, upatthambhanalakkhaṇaṃ vīriyaṃ, vīriyūpatthambhitā sabbe kusalā dhammā na parihāyantī’’ti.
‘‘ਭਿਯ੍ਯੋ ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਪਰਿਤ੍ਤਕਂ ਸੇਨਂ ਮਹਤੀ ਸੇਨਾ ਭਞ੍ਜੇਯ੍ਯ, ਤਤੋ ਰਾਜਾ ਅਞ੍ਞਮਞ੍ਞਂ ਅਨੁਸ੍ਸਾਰੇਯ੍ਯ ਅਨੁਪੇਸੇਯ੍ਯ ਅਤ੍ਤਨੋ ਪਰਿਤ੍ਤਕਾਯ ਸੇਨਾਯ ਬਲਂ ਅਨੁਪਦਂ ਦਦੇਯ੍ਯ, ਤਾਯ ਸਦ੍ਧਿਂ ਪਰਿਤ੍ਤਕਾ ਸੇਨਾ ਮਹਤਿਂ ਸੇਨਂ ਭਞ੍ਜੇਯ੍ਯ। ਏવਮੇવ ਖੋ, ਮਹਾਰਾਜ, ਉਪਤ੍ਥਮ੍ਭਨਲਕ੍ਖਣਂ વੀਰਿਯਂ, વੀਰਿਯੂਪਤ੍ਥਮ੍ਭਿਤਾ ਸਬ੍ਬੇ ਕੁਸਲਾ ਧਮ੍ਮਾ ਨ ਪਰਿਹਾਯਨ੍ਤਿ। ਭਾਸਿਤਮ੍ਪੇਤਂ , ਮਹਾਰਾਜ, ਭਗવਤਾ – ‘વੀਰਿਯવਾ ਖੋ, ਭਿਕ੍ਖવੇ, ਅਰਿਯਸਾવਕੋ ਅਕੁਸਲਂ ਪਜਹਤਿ, ਕੁਸਲਂ ਭਾવੇਤਿ। ਸਾવਜ੍ਜਂ ਪਜਹਤਿ, ਅਨવਜ੍ਜਂ ਭਾવੇਤਿ। ਸੁਦ੍ਧਮਤ੍ਤਾਨਂ ਪਰਿਹਰਤੀ’’’ਤਿ।
‘‘Bhiyyo opammaṃ karohī’’ti. ‘‘Yathā, mahārāja, parittakaṃ senaṃ mahatī senā bhañjeyya, tato rājā aññamaññaṃ anussāreyya anupeseyya attano parittakāya senāya balaṃ anupadaṃ dadeyya, tāya saddhiṃ parittakā senā mahatiṃ senaṃ bhañjeyya. Evameva kho, mahārāja, upatthambhanalakkhaṇaṃ vīriyaṃ, vīriyūpatthambhitā sabbe kusalā dhammā na parihāyanti. Bhāsitampetaṃ , mahārāja, bhagavatā – ‘vīriyavā kho, bhikkhave, ariyasāvako akusalaṃ pajahati, kusalaṃ bhāveti. Sāvajjaṃ pajahati, anavajjaṃ bhāveti. Suddhamattānaṃ pariharatī’’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
વੀਰਿਯਲਕ੍ਖਣਪਞ੍ਹੋ ਦ੍વਾਦਸਮੋ।
Vīriyalakkhaṇapañho dvādasamo.
