| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. вийрияаарамбхаад̣̇иваг̇г̇аван̣н̣анаа
7. Vīriyārambhādivaggavaṇṇanā
61. сад̇д̇амасса батамз вийрияаарамбход̇и жад̇угижжасса саммаббад̇хаанавийрияасса аарамбхо, аарад̣̇д̇хабаг̇г̇ахид̇абарибун̣н̣авийрияад̇аад̇и ад̇т̇о.
61. Sattamassa paṭhame vīriyārambhoti catukiccassa sammappadhānavīriyassa ārambho, āraddhapaggahitaparipuṇṇavīriyatāti attho.
62. д̣̇уд̇ияз махижчад̇аад̇и махаалобхо. яам̣ санд̇хааяа вуд̇д̇ам̣ –
62. Dutiye mahicchatāti mahālobho. Yaṃ sandhāya vuttaṃ –
‘‘д̇ад̇т̇а гад̇амаа махижчад̇аа? ид̇арийд̇аражийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзхи бан̃жахи ваа гаамаг̇ун̣зхи асанд̇удтасса бхияяогамяад̇аа, яаа зваруубаа ижчаа ижчааг̇ад̇аа махижчад̇аа рааг̇о саарааг̇о жид̇д̇асса саарааг̇о. аяам̣ вужжад̇и махижчад̇аа’’д̇и (вибха. 850).
‘‘Tattha katamā mahicchatā? Itarītaracīvarapiṇḍapātasenāsanagilānapaccayabhesajjaparikkhārehi pañcahi vā kāmaguṇehi asantuṭṭhassa bhiyyokamyatā, yā evarūpā icchā icchāgatā mahicchatā rāgo sārāgo cittassa sārāgo. Ayaṃ vuccati mahicchatā’’ti (vibha. 850).
63. д̇ад̇ияз аббижчад̇аад̇и алобхо. аббижчассаад̇и анижчасса. зд̇т̇а хи б̣яан̃ж̇анам̣ саавасзсам̣ вияа, ад̇т̇о бана ниравасзсо. на хи аббамад̇д̇игааяа ижчааяа ад̇т̇ибхаавзна со аббижчод̇и вуд̇д̇о, ижчааяа бана абхаавзна бунаббунам̣ аасзвид̇асса алобхассзва бхаавзна аббижчод̇и вуд̇д̇о.
63. Tatiye appicchatāti alobho. Appicchassāti anicchassa. Ettha hi byañjanaṃ sāvasesaṃ viya, attho pana niravaseso. Na hi appamattikāya icchāya atthibhāvena so appicchoti vutto, icchāya pana abhāvena punappunaṃ āsevitassa alobhasseva bhāvena appicchoti vutto.
абижзд̇т̇а ад̇рижчад̇аа, баабижчад̇аа, махижчад̇аа аббижчад̇аад̇и аяам̣ бхзд̣̇о взд̣̇ид̇аб̣б̣о. д̇ад̇т̇а сагалаабхз ад̇ид̇д̇асса баралаабхз бад̇т̇анаа ад̇рижчад̇аа наама, яааяа саманнааг̇ад̇асса згабхааж̇анз баггабуувзби ад̇д̇ано бад̇д̇з бад̇ид̇з на субагго вияа куд̣̇д̣̇аго жа вияа кааяад̇и, свзва бана барасса бад̇д̇з багкид̇д̇о субагго вияа маханд̇о вияа жа кааяад̇и. асанд̇аг̇ун̣асамбхааванад̇аа бана бадиг̇г̇ахан̣з жа амад̇д̇ан̃н̃уд̇аа баабижчад̇аа наама, саа ‘‘ид̇хзгажжо ассад̣̇д̇хо самаано сад̣̇д̇ход̇и мам̣ ж̇ано ж̇аанаад̇уу’’д̇иаад̣̇инаа наязна абхид̇хаммз ааг̇ад̇ааязва, д̇ааяа саманнааг̇ад̇о буг̇г̇ало гохан̃н̃з бад̇идтаад̇и. санд̇аг̇ун̣асамбхааванад̇аа бана бадиг̇г̇ахан̣з жа амад̇д̇ан̃н̃уд̇аа махижчад̇аа наама, сааби ‘‘ид̇хзгажжо сад̣̇д̇хо самаано сад̣̇д̇ход̇и мам̣ ж̇ано ж̇аанаад̇ууд̇и ижчад̇и, сийлаваа самаано сийлаваад̇и мам̣ ж̇ано ж̇аанаад̇уу’’д̇и иминаа наязна ааг̇ад̇ааязва. д̇ааяа саманнааг̇ад̇о буг̇г̇ало д̣̇уссанд̇аббаяо ход̇и, виж̇аад̇амаад̇аабисса жид̇д̇ам̣ г̇ахзд̇ум̣ на саггод̇и. д̇знзд̇ам̣ вужжад̇и –
Apicettha atricchatā, pāpicchatā, mahicchatā appicchatāti ayaṃ bhedo veditabbo. Tattha sakalābhe atittassa paralābhe patthanā atricchatā nāma, yāya samannāgatassa ekabhājane pakkapūvepi attano patte patite na supakko viya khuddako ca viya khāyati, sveva pana parassa patte pakkhitto supakko viya mahanto viya ca khāyati. Asantaguṇasambhāvanatā pana paṭiggahaṇe ca amattaññutā pāpicchatā nāma, sā ‘‘idhekacco assaddho samāno saddhoti maṃ jano jānātū’’tiādinā nayena abhidhamme āgatāyeva, tāya samannāgato puggalo kohaññe patiṭṭhāti. Santaguṇasambhāvanatā pana paṭiggahaṇe ca amattaññutā mahicchatā nāma, sāpi ‘‘idhekacco saddho samāno saddhoti maṃ jano jānātūti icchati, sīlavā samāno sīlavāti maṃ jano jānātū’’ti iminā nayena āgatāyeva. Tāya samannāgato puggalo dussantappayo hoti, vijātamātāpissa cittaṃ gahetuṃ na sakkoti. Tenetaṃ vuccati –
‘‘аг̇г̇игканд̇хо самуд̣̇д̣̇о жа, махижчо жааби буг̇г̇ало;
‘‘Aggikkhandho samuddo ca, mahiccho cāpi puggalo;
сагадзна бажжаяз д̣̇знд̇у, д̇аяобзд̇з ад̇аббаяаа’’д̇и.
Sakaṭena paccaye dentu, tayopete atappayā’’ti.
санд̇аг̇ун̣аниг̇ууханад̇аа бана бадиг̇г̇ахан̣з жа мад̇д̇ан̃н̃уд̇аа аббижчад̇аа наама, д̇ааяа саманнааг̇ад̇о буг̇г̇ало ад̇д̇ани виж̇ж̇амаанамби г̇ун̣ам̣ бадижчаад̣̇зд̇угаамад̇ааяа сад̣̇д̇хо самаано ‘‘сад̣̇д̇ход̇и мам̣ ж̇ано ж̇аанаад̇уу’’д̇и на ижчад̇и. сийлаваа, бавивид̇д̇о, б̣ахуссуд̇о, аарад̣̇д̇хавийрияо, самаад̇хисамбанно, бан̃н̃аваа, кийн̣аасаво самаано ‘‘кийн̣аасавод̇и мам̣ ж̇ано ж̇аанаад̇уу’’д̇и на ижчад̇и сзяяат̇ааби маж̇жханд̇игад̇т̇зро.
Santaguṇanigūhanatā pana paṭiggahaṇe ca mattaññutā appicchatā nāma, tāya samannāgato puggalo attani vijjamānampi guṇaṃ paṭicchādetukāmatāya saddho samāno ‘‘saddhoti maṃ jano jānātū’’ti na icchati. Sīlavā, pavivitto, bahussuto, āraddhavīriyo, samādhisampanno, paññavā, khīṇāsavo samāno ‘‘khīṇāsavoti maṃ jano jānātū’’ti na icchati seyyathāpi majjhantikatthero.
т̇зро гира махаакийн̣аасаво ахоси, бад̇д̇ажийварам̣ банасса баад̣̇амад̇д̇амзва аг̇гхад̇и. со асогасса д̇хаммаран̃н̃о вихаарамахад̣̇ивасз сан̇гхад̇т̇зро ахоси. ат̇асса ад̇илуукабхаавам̣ д̣̇исваа мануссаа, ‘‘бханд̇з, т̇огам̣ б̣ахи хот̇аа’’д̇и аахам̣су. т̇зро ‘‘маад̣̇исз кийн̣аасавз ран̃н̃о сан̇г̇ахам̣ агаронд̇з ан̃н̃о го гариссад̇ий’’д̇и бат̇авияам̣ нимуж̇ж̇ид̇ваа сан̇гхад̇т̇зрасса угкид̇д̇абин̣д̣ам̣ г̇ан̣ханд̇оязва уммуж̇ж̇и. звам̣ кийн̣аасаво самаано ‘‘кийн̣аасавод̇и мам̣ ж̇ано ж̇аанаад̇уу’’д̇и на ижчад̇и. звам̣ аббижчо жа бана бхигку ануббаннам̣ лаабхам̣ уббаад̣̇зд̇и, уббаннам̣ т̇ааварам̣ гарод̇и, д̣̇ааяагаанам̣ жид̇д̇ам̣ аараад̇хзд̇и. яат̇аа яат̇аа хи со ад̇д̇ано аббижчад̇ааяа аббам̣ г̇ан̣хаад̇и, д̇ат̇аа д̇ат̇аа д̇асса вад̇д̇з басаннаа мануссаа б̣ахуу д̣̇знд̇и.
Thero kira mahākhīṇāsavo ahosi, pattacīvaraṃ panassa pādamattameva agghati. So asokassa dhammarañño vihāramahadivase saṅghatthero ahosi. Athassa atilūkhabhāvaṃ disvā manussā, ‘‘bhante, thokaṃ bahi hothā’’ti āhaṃsu. Thero ‘‘mādise khīṇāsave rañño saṅgahaṃ akaronte añño ko karissatī’’ti pathaviyaṃ nimujjitvā saṅghattherassa ukkhittapiṇḍaṃ gaṇhantoyeva ummujji. Evaṃ khīṇāsavo samāno ‘‘khīṇāsavoti maṃ jano jānātū’’ti na icchati. Evaṃ appiccho ca pana bhikkhu anuppannaṃ lābhaṃ uppādeti, uppannaṃ thāvaraṃ karoti, dāyakānaṃ cittaṃ ārādheti. Yathā yathā hi so attano appicchatāya appaṃ gaṇhāti, tathā tathā tassa vatte pasannā manussā bahū denti.
абароби жад̇уб̣б̣ид̇хо аббижчо – бажжаяааббижчо, д̇худ̇ан̇г̇ааббижчо, барияад̇д̇иаббижчо, ад̇хиг̇амааббижчод̇и. д̇ад̇т̇а жад̇уусу бажжаязсу аббижчо бажжаяааббижчо наама. со д̣̇ааяагасса васам̣ ж̇аанаад̇и, д̣̇зяяад̇хаммасса васам̣ ж̇аанаад̇и, ад̇д̇ано т̇аамам̣ ж̇аанаад̇и. яад̣̇и хи д̣̇зяяад̇хаммо б̣аху ход̇и, д̣̇ааяаго аббамад̇д̇агам̣ д̣̇аад̇угаамо, д̣̇ааяагасса васзна аббам̣ г̇ан̣хаад̇и. д̣̇зяяад̇хаммо аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббам̣ г̇ан̣хаад̇и. д̣̇зяяад̇хаммоби б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣знзва г̇ан̣хаад̇и.
Aparopi catubbidho appiccho – paccayaappiccho, dhutaṅgaappiccho, pariyattiappiccho, adhigamaappicchoti. Tattha catūsu paccayesu appiccho paccayaappiccho nāma. So dāyakassa vasaṃ jānāti, deyyadhammassa vasaṃ jānāti, attano thāmaṃ jānāti. Yadi hi deyyadhammo bahu hoti, dāyako appamattakaṃ dātukāmo, dāyakassa vasena appaṃ gaṇhāti. Deyyadhammo appo, dāyako bahuṃ dātukāmo, deyyadhammassa vasena appaṃ gaṇhāti. Deyyadhammopi bahu, dāyakopi bahuṃ dātukāmo, attano thāmaṃ ñatvā pamāṇeneva gaṇhāti.
д̇худ̇ан̇г̇асамаад̣̇аанасса ад̇д̇ани ад̇т̇ибхаавам̣ наж̇аанаабзд̇угаамо д̇худ̇ан̇г̇ааббижчо наама. д̇асса вибхааванад̇т̇ам̣ имаани вад̇т̇ууни – сосаанигамахаагумаарад̇т̇зро гира садти вассаани сусаанз васи, ан̃н̃о згабхигкуби на ан̃н̃ааси. д̇знзвааха –
Dhutaṅgasamādānassa attani atthibhāvaṃ najānāpetukāmo dhutaṅgaappiccho nāma. Tassa vibhāvanatthaṃ imāni vatthūni – sosānikamahākumāratthero kira saṭṭhi vassāni susāne vasi, añño ekabhikkhupi na aññāsi. Tenevāha –
‘‘сусаанз садти вассаани, аб̣б̣огин̣н̣ам̣ васаамахам̣;
‘‘Susāne saṭṭhi vassāni, abbokiṇṇaṃ vasāmahaṃ;
д̣̇уд̇ияо мам̣ на ж̇аанзяяа, ахо сосаанигуд̇д̇амо’’д̇и.
Dutiyo maṃ na jāneyya, aho sosānikuttamo’’ti.
жзд̇ияабаб̣б̣ад̇з д̣̇вз бхаад̇игад̇т̇зраа васим̣су. ганидто убадтаагзна бзсид̇ам̣ ужчукан̣д̣игам̣ г̇ахзд̇ваа ж̇здтасса санд̇игам̣ аг̇амааси ‘‘барибхог̇ам̣, бханд̇з, гарот̇аа’’д̇и. т̇зрасса жа бхад̇д̇агижжам̣ гад̇ваа мукавигкааланагаало ахоси. со ‘‘алам̣, аавусо’’д̇и ааха. гажжи, бханд̇з, згаасанигад̇т̇аад̇и? аахараавусо, ужчукан̣д̣иганд̇и бан̃н̃ааса вассаани згаасаниго самааноби д̇худ̇ан̇г̇ам̣ ниг̇уухамаано барибхог̇ам̣ гад̇ваа мукам̣ вигкаалзд̇ваа буна д̇худ̇ан̇г̇ам̣ ад̇хидтааяа г̇ад̇о.
Cetiyapabbate dve bhātikattherā vasiṃsu. Kaniṭṭho upaṭṭhākena pesitaṃ ucchukhaṇḍikaṃ gahetvā jeṭṭhassa santikaṃ agamāsi ‘‘paribhogaṃ, bhante, karothā’’ti. Therassa ca bhattakiccaṃ katvā mukhavikkhālanakālo ahosi. So ‘‘alaṃ, āvuso’’ti āha. Kacci, bhante, ekāsanikatthāti? Āharāvuso, ucchukhaṇḍikanti paññāsa vassāni ekāsaniko samānopi dhutaṅgaṃ nigūhamāno paribhogaṃ katvā mukhaṃ vikkhāletvā puna dhutaṅgaṃ adhiṭṭhāya gato.
яо бана саагзд̇ад̇иссад̇т̇зро вияа б̣ахуссуд̇абхаавам̣ ж̇аанаабзд̇ум̣ на ижчад̇и, аяам̣ барияад̇д̇иаббижчо наама. т̇зро гира ‘‘кан̣о над̇т̇ийд̇и уд̣̇д̣̇зсабарибужчаасу огаасам̣ агаронд̇о гад̣̇аа маран̣агкан̣ам̣, бханд̇з, лабхиссат̇аа’’д̇и жод̣̇ид̇о г̇ан̣ам̣ виссаж̇ж̇зд̇ваа ган̣игаараваалигасамуд̣̇д̣̇авихаарам̣ г̇ад̇о. д̇ад̇т̇а анд̇овассам̣ т̇зранавамаж̇жхимаанам̣ убагааро худ̇ваа махаабавааран̣ааяа убосат̇ад̣̇ивасз д̇хаммагат̇ааяа ж̇анабад̣̇ам̣ кобхзд̇ваа г̇ад̇о.
Yo pana sāketatissatthero viya bahussutabhāvaṃ jānāpetuṃ na icchati, ayaṃ pariyattiappiccho nāma. Thero kira ‘‘khaṇo natthīti uddesaparipucchāsu okāsaṃ akaronto kadā maraṇakkhaṇaṃ, bhante, labhissathā’’ti codito gaṇaṃ vissajjetvā kaṇikāravālikasamuddavihāraṃ gato. Tattha antovassaṃ theranavamajjhimānaṃ upakāro hutvā mahāpavāraṇāya uposathadivase dhammakathāya janapadaṃ khobhetvā gato.
яо бана сод̇аабаннаад̣̇ийсу ан̃н̃ад̇аро худ̇ваа сод̇аабаннаад̣̇ибхаавам̣ ж̇аанаабзд̇ум̣ на ижчад̇и, аяам̣ ад̇хиг̇амаббижчо наама д̇аяо гулабуд̇д̇аа (ма. ни. 1.325) вияа гхадийгаарагумбхагааро (ма. ни. 2.282 аад̣̇аяо) вияа жа. имасмим̣ банад̇т̇з лад̣̇д̇хаасзванзна б̣алаваалобхзна саманнааг̇ад̇о сзгкоби бут̇уж̇ж̇аноби аббижчод̇и взд̣̇ид̇аб̣б̣о.
Yo pana sotāpannādīsu aññataro hutvā sotāpannādibhāvaṃ jānāpetuṃ na icchati, ayaṃ adhigamappiccho nāma tayo kulaputtā (ma. ni. 1.325) viya ghaṭīkārakumbhakāro (ma. ni. 2.282 ādayo) viya ca. Imasmiṃ panatthe laddhāsevanena balavaalobhena samannāgato sekkhopi puthujjanopi appicchoti veditabbo.
64. жад̇уд̇т̇з асанд̇удтид̇аад̇и асанд̇удтз буг̇г̇алз сзванд̇асса бхаж̇анд̇асса баяирубаасанд̇асса уббанно асанд̇осасан̇каад̇о лобхо.
64. Catutthe asantuṭṭhitāti asantuṭṭhe puggale sevantassa bhajantassa payirupāsantassa uppanno asantosasaṅkhāto lobho.
65. бан̃жамз санд̇удтид̇аад̇и санд̇удтз буг̇г̇алз сзванд̇асса бхаж̇анд̇асса баяирубаасанд̇асса уббанно алобхасан̇каад̇о санд̇осо. санд̇удтассаад̇и ид̇арийд̇арабажжаяасанд̇осзна саманнааг̇ад̇асса. со банзса санд̇осо д̣̇ваад̣̇асавид̇хо ход̇и. сзяяат̇ид̣̇ам̣ – жийварз яат̇аалаабхасанд̇осо, яат̇ааб̣аласанд̇осо, яат̇аасааруббасанд̇осод̇и д̇ивид̇хо. звам̣ бин̣д̣абаад̇аад̣̇ийсу.
65. Pañcame santuṭṭhitāti santuṭṭhe puggale sevantassa bhajantassa payirupāsantassa uppanno alobhasaṅkhāto santoso. Santuṭṭhassāti itarītarapaccayasantosena samannāgatassa. So panesa santoso dvādasavidho hoti. Seyyathidaṃ – cīvare yathālābhasantoso, yathābalasantoso, yathāsāruppasantosoti tividho. Evaṃ piṇḍapātādīsu.
д̇ассааяам̣ бабхзд̣̇асам̣ван̣н̣анаа – ид̇ха бхигку жийварам̣ лабхад̇и сунд̣̇арам̣ ваа асунд̣̇арам̣ ваа. со д̇знзва яаабзд̇и ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса жийварз яат̇аалаабхасанд̇осо. ат̇а бана багад̇ид̣̇уб̣б̣ало ваа ход̇и ааб̣аад̇хаж̇араабхибхууд̇о ваа, г̇арум̣ жийварам̣ баарубанд̇о гиламад̇и. со сабхааг̇зна бхигкунаа сад̣̇д̇хим̣ д̇ам̣ баривад̇д̇зд̇ваа лахугзна яаабзнд̇оби санд̇удтова ход̇и. аяамасса жийварз яат̇ааб̣аласанд̇осо. абаро бан̣ийд̇абажжаяалаабхий ход̇и. со баддажийвараад̣̇ийнам̣ ан̃н̃ад̇арам̣ махаг̇гхажийварам̣ б̣ахууни ваа бана жийвараани лабхид̇ваа ‘‘ид̣̇ам̣ т̇зраанам̣ жирабаб̣б̣аж̇ид̇аанам̣, ид̣̇ам̣ б̣ахуссуд̇аанам̣ ануруубам̣, ид̣̇ам̣ г̇илаанаанам̣, ид̣̇ам̣ аббалаабхаанам̣ ход̇уу’’д̇и д̣̇ад̇ваа д̇зсам̣ бураан̣ажийварам̣ ваа сан̇гаарагуудаад̣̇ид̇о ваа нанд̇агаани ужжинид̇ваа д̇зхи сан̇гхаадим̣ гад̇ваа д̇хаарзнд̇оби санд̇удтова ход̇и. аяамасса жийварз яат̇аасааруббасанд̇осо.
Tassāyaṃ pabhedasaṃvaṇṇanā – idha bhikkhu cīvaraṃ labhati sundaraṃ vā asundaraṃ vā. So teneva yāpeti aññaṃ na pattheti, labhantopi na gaṇhāti. Ayamassa cīvare yathālābhasantoso. Atha pana pakatidubbalo vā hoti ābādhajarābhibhūto vā, garuṃ cīvaraṃ pārupanto kilamati. So sabhāgena bhikkhunā saddhiṃ taṃ parivattetvā lahukena yāpentopi santuṭṭhova hoti. Ayamassa cīvare yathābalasantoso. Aparo paṇītapaccayalābhī hoti. So paṭṭacīvarādīnaṃ aññataraṃ mahagghacīvaraṃ bahūni vā pana cīvarāni labhitvā ‘‘idaṃ therānaṃ cirapabbajitānaṃ, idaṃ bahussutānaṃ anurūpaṃ, idaṃ gilānānaṃ, idaṃ appalābhānaṃ hotū’’ti datvā tesaṃ purāṇacīvaraṃ vā saṅkārakūṭādito vā nantakāni uccinitvā tehi saṅghāṭiṃ katvā dhārentopi santuṭṭhova hoti. Ayamassa cīvare yathāsāruppasantoso.
ид̇ха бана бхигку бин̣д̣абаад̇ам̣ лабхад̇и луукам̣ ваа бан̣ийд̇ам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса бин̣д̣абаад̇з яат̇аалаабхасанд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа бин̣д̣абаад̇ам̣ лабхад̇и, язнасса барибхуд̇д̇зна апаасу ход̇и, со сабхааг̇асса бхигкуно д̇ам̣ д̣̇ад̇ваа д̇асса хад̇т̇ад̇о саббааяабхож̇анам̣ бхун̃ж̇ид̇ваа саман̣ад̇хаммам̣ гаронд̇оби санд̇удтова ход̇и. аяамасса бин̣д̣абаад̇з яат̇ааб̣аласанд̇осо. абаро б̣ахум̣ бан̣ийд̇ам̣ бин̣д̣абаад̇ам̣ лабхад̇и. со д̇ам̣ жийварам̣ вияа т̇зражирабаб̣б̣аж̇ид̇аб̣ахуссуд̇ааббалаабхаг̇илаанаанам̣ д̣̇ад̇ваа д̇зсам̣ ваа сзсагам̣ бин̣д̣ааяа ваа жарид̇ваа миссагаахаарам̣ бхун̃ж̇анд̇оби санд̇удтова ход̇и. аяамасса бин̣д̣абаад̇з яат̇аасааруббасанд̇осо.
Idha pana bhikkhu piṇḍapātaṃ labhati lūkhaṃ vā paṇītaṃ vā, so teneva yāpeti, aññaṃ na pattheti, labhantopi na gaṇhāti. Ayamassa piṇḍapāte yathālābhasantoso. Yo pana attano pakativiruddhaṃ vā byādhiviruddhaṃ vā piṇḍapātaṃ labhati, yenassa paribhuttena aphāsu hoti, so sabhāgassa bhikkhuno taṃ datvā tassa hatthato sappāyabhojanaṃ bhuñjitvā samaṇadhammaṃ karontopi santuṭṭhova hoti. Ayamassa piṇḍapāte yathābalasantoso. Aparo bahuṃ paṇītaṃ piṇḍapātaṃ labhati. So taṃ cīvaraṃ viya theracirapabbajitabahussutaappalābhagilānānaṃ datvā tesaṃ vā sesakaṃ piṇḍāya vā caritvā missakāhāraṃ bhuñjantopi santuṭṭhova hoti. Ayamassa piṇḍapāte yathāsāruppasantoso.
ид̇ха бана бхигку сзнаасанам̣ лабхад̇и манаабам̣ ваа аманаабам̣ ваа, со д̇зна нзва соманассам̣ на д̣̇оманассам̣ уббаад̣̇зд̇и, анд̇амасо д̇ин̣асант̇аарагзнааби яат̇аалад̣̇д̇хзнзва д̇уссад̇и. аяамасса сзнаасанз яат̇аалаабхасанд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа сзнаасанам̣ лабхад̇и, яад̇т̇асса васад̇о апаасу ход̇и, со д̇ам̣ сабхааг̇асса бхигкуно д̣̇ад̇ваа д̇асса санд̇агз саббааяасзнаасанз васанд̇оби санд̇удтова ход̇и. аяамасса сзнаасанз яат̇ааб̣аласанд̇осо.
Idha pana bhikkhu senāsanaṃ labhati manāpaṃ vā amanāpaṃ vā, so tena neva somanassaṃ na domanassaṃ uppādeti, antamaso tiṇasanthārakenāpi yathāladdheneva tussati. Ayamassa senāsane yathālābhasantoso. Yo pana attano pakativiruddhaṃ vā byādhiviruddhaṃ vā senāsanaṃ labhati, yatthassa vasato aphāsu hoti, so taṃ sabhāgassa bhikkhuno datvā tassa santake sappāyasenāsane vasantopi santuṭṭhova hoti. Ayamassa senāsane yathābalasantoso.
абаро махаабун̃н̃о лзн̣аман̣д̣абагуудааг̇аараад̣̇ийни б̣ахууни бан̣ийд̇асзнаасанаани лабхад̇и. со д̇аани жийвараад̣̇ийни вияа т̇зражирабаб̣б̣аж̇ид̇аб̣ахуссуд̇ааббалаабхаг̇илаанаанам̣ д̣̇ад̇ваа яад̇т̇а гад̇т̇ажи васанд̇оби санд̇удтова ход̇и. аяамасса сзнаасанз яат̇аасааруббасанд̇осо. яоби ‘‘уд̇д̇амасзнаасанам̣ наама бамаад̣̇адтаанам̣, д̇ад̇т̇а нисиннасса т̇инамид̣̇д̇хам̣ оггамад̇и, нид̣̇д̣̇аабхибхууд̇асса буна бадиб̣уж̇жхад̇о баабавид̇аггаа баад̇убхаванд̇ий’’д̇и бадисан̃жигкид̇ваа д̇аад̣̇исам̣ сзнаасанам̣ бад̇д̇амби на самбадижчад̇и, со д̇ам̣ бадигкибид̇ваа аб̣бхогаасаругкамуулаад̣̇ийсу васанд̇оби санд̇удтова ход̇и. аяамбисса сзнаасанз яат̇аасааруббасанд̇осо.
Aparo mahāpuñño leṇamaṇḍapakūṭāgārādīni bahūni paṇītasenāsanāni labhati. So tāni cīvarādīni viya theracirapabbajitabahussutaappalābhagilānānaṃ datvā yattha katthaci vasantopi santuṭṭhova hoti. Ayamassa senāsane yathāsāruppasantoso. Yopi ‘‘uttamasenāsanaṃ nāma pamādaṭṭhānaṃ, tattha nisinnassa thinamiddhaṃ okkamati, niddābhibhūtassa puna paṭibujjhato pāpavitakkā pātubhavantī’’ti paṭisañcikkhitvā tādisaṃ senāsanaṃ pattampi na sampaṭicchati, so taṃ paṭikkhipitvā abbhokāsarukkhamūlādīsu vasantopi santuṭṭhova hoti. Ayampissa senāsane yathāsāruppasantoso.
ид̇ха бана бхигку бхзсаж̇ж̇ам̣ лабхад̇и луукам̣ ваа бан̣ийд̇ам̣ ваа, со яам̣ лабхад̇и, д̇знзва д̇уссад̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса г̇илаанабажжаяз яат̇аалаабхасанд̇осо. яо бана д̇злзна ад̇т̇иго паан̣ид̇ам̣ лабхад̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о д̇злам̣ г̇ахзд̇ваа ан̃н̃ад̣̇зва ваа бариязсид̇ваа бхзсаж̇ж̇ам̣ гаронд̇оби санд̇удтова ход̇и. аяамасса г̇илаанабажжаяз яат̇ааб̣аласанд̇осо.
Idha pana bhikkhu bhesajjaṃ labhati lūkhaṃ vā paṇītaṃ vā, so yaṃ labhati, teneva tussati, aññaṃ na pattheti, labhantopi na gaṇhāti. Ayamassa gilānapaccaye yathālābhasantoso. Yo pana telena atthiko phāṇitaṃ labhati, so taṃ sabhāgassa bhikkhuno datvā tassa hatthato telaṃ gahetvā aññadeva vā pariyesitvā bhesajjaṃ karontopi santuṭṭhova hoti. Ayamassa gilānapaccaye yathābalasantoso.
абаро махаабун̃н̃о б̣ахум̣ д̇зламад̇хупаан̣ид̇аад̣̇ибан̣ийд̇абхзсаж̇ж̇ам̣ лабхад̇и. со д̇ам̣ жийварам̣ вияа т̇зражирабаб̣б̣аж̇ид̇аб̣ахуссуд̇ааббалаабхаг̇илаанаанам̣ д̣̇ад̇ваа д̇зсам̣ аабхад̇зна язна гзнажи яаабзнд̇оби санд̇удтова ход̇и. яо бана згасмим̣ бхааж̇анз муд̇д̇ахарийд̇агам̣ табзд̇ваа згасмим̣ жад̇умад̇хурам̣ – ‘‘г̇ан̣хат̇а, бханд̇з, яад̣̇ижчага’’нд̇и вужжамаано ‘‘сажасса д̇зсу ан̃н̃ад̇арзнаби рог̇о вуубасаммад̇и, ат̇а муд̇д̇ахарийд̇агам̣ наама б̣уд̣̇д̇хаад̣̇ийхи ван̣н̣ид̇а’’нд̇и жад̇умад̇хурам̣ бадигкибид̇ваа муд̇д̇ахарийд̇агзна бхзсаж̇ж̇ам̣ гаронд̇оби барамасанд̇удтова ход̇и. аяамасса г̇илаанабажжаяз яат̇аасааруббасанд̇осо. имзсам̣ бана бажжзгабажжаязсу д̇ин̣н̣ам̣ д̇ин̣н̣ам̣ санд̇осаанам̣ яат̇аасааруббасанд̇осова аг̇г̇о.
Aparo mahāpuñño bahuṃ telamadhuphāṇitādipaṇītabhesajjaṃ labhati. So taṃ cīvaraṃ viya theracirapabbajitabahussutaappalābhagilānānaṃ datvā tesaṃ ābhatena yena kenaci yāpentopi santuṭṭhova hoti. Yo pana ekasmiṃ bhājane muttaharītakaṃ ṭhapetvā ekasmiṃ catumadhuraṃ – ‘‘gaṇhatha, bhante, yadicchaka’’nti vuccamāno ‘‘sacassa tesu aññatarenapi rogo vūpasammati, atha muttaharītakaṃ nāma buddhādīhi vaṇṇita’’nti catumadhuraṃ paṭikkhipitvā muttaharītakena bhesajjaṃ karontopi paramasantuṭṭhova hoti. Ayamassa gilānapaccaye yathāsāruppasantoso. Imesaṃ pana paccekapaccayesu tiṇṇaṃ tiṇṇaṃ santosānaṃ yathāsāruppasantosova aggo.
66-67. чадтасад̇д̇амзсу аяонисоманасигаараяонисоманасигаараа хздтаа вуд̇д̇алагкан̣аава. сзсамзд̇т̇а уд̇д̇аанад̇т̇амзваад̇и.
66-67. Chaṭṭhasattamesu ayonisomanasikārayonisomanasikārā heṭṭhā vuttalakkhaṇāva. Sesamettha uttānatthamevāti.
68. адтамз асамбаж̇ан̃н̃анд̇и асамбаж̇аанабхааво, мохассзд̇ам̣ ад̇хиважанам̣. асамбаж̇аанассаад̇и аж̇аананд̇асса саммул̣хасса.
68. Aṭṭhame asampajaññanti asampajānabhāvo, mohassetaṃ adhivacanaṃ. Asampajānassāti ajānantassa sammuḷhassa.
69. навамз самбаж̇ан̃н̃анд̇и самбаж̇аанабхааво, бан̃н̃ааязд̇ам̣ наамам̣. самбаж̇аанассаад̇и самбаж̇аананд̇асса.
69. Navame sampajaññanti sampajānabhāvo, paññāyetaṃ nāmaṃ. Sampajānassāti sampajānantassa.
70. д̣̇асамз баабамид̇д̇ад̇аад̇и яасса баабаа лаамагаа мид̇д̇аа, со баабамид̇д̇о. баабамид̇д̇асса бхааво баабамид̇д̇ад̇аа, д̇знаагаарзна бавад̇д̇аанам̣ жад̇уннам̣ канд̇хаанамзвзд̇ам̣ наамам̣. вуд̇д̇амби жзд̇ам̣ –
70. Dasame pāpamittatāti yassa pāpā lāmakā mittā, so pāpamitto. Pāpamittassa bhāvo pāpamittatā, tenākārena pavattānaṃ catunnaṃ khandhānamevetaṃ nāmaṃ. Vuttampi cetaṃ –
‘‘д̇ад̇т̇а гад̇амаа баабамид̇д̇ад̇аа? яз д̇з буг̇г̇алаа ассад̣̇д̇хаа д̣̇уссийлаа аббассуд̇аа мажчарино д̣̇уббан̃н̃аа. яаа д̇зсам̣ сзванаа нисзванаа сам̣сзванаа бхаж̇анаа самбхаж̇анаа бхад̇д̇и самбхад̇д̇и самбаван̇гад̇аа. аяам̣ вужжад̇и баабамид̇д̇ад̇аа’’д̇и (вибха. 901).
‘‘Tattha katamā pāpamittatā? Ye te puggalā assaddhā dussīlā appassutā maccharino duppaññā. Yā tesaṃ sevanā nisevanā saṃsevanā bhajanā sambhajanā bhatti sambhatti sampavaṅkatā. Ayaṃ vuccati pāpamittatā’’ti (vibha. 901).
вийрияаарамбхаад̣̇иваг̇г̇аван̣н̣анаа.
Vīriyārambhādivaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. вийрияаарамбхаад̣̇иваг̇г̇о • 7. Vīriyārambhādivaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. вийрияаарамбхаад̣̇иваг̇г̇аван̣н̣анаа • 7. Vīriyārambhādivaggavaṇṇanā
