| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. вийрияаарамбхаад̣̇иваг̇г̇аван̣н̣анаа
7. Vīriyārambhādivaggavaṇṇanā
61. сад̇д̇амасса батамз вийраанам̣ гамманд̇и вийрияам̣, вид̇хинаа ваа ийраяид̇аб̣б̣ам̣ бавад̇д̇зд̇аб̣б̣анд̇и вийрияам̣, д̇ад̣̇зва гусалагирияааяа бад̇хаанадтзна аарамбхо вийрияаарамбхо. аарад̣̇д̇хавийрияад̇аа баг̇г̇ахид̇авийрияад̇аа барибун̣н̣авийрияад̇аад̇и бажжзгам̣ вийрияад̇аасад̣̇д̣̇о яож̇зд̇аб̣б̣о.
61. Sattamassa paṭhame vīrānaṃ kammanti vīriyaṃ, vidhinā vā īrayitabbaṃ pavattetabbanti vīriyaṃ, tadeva kusalakiriyāya padhānaṭṭhena ārambho vīriyārambho. Āraddhavīriyatā paggahitavīriyatā paripuṇṇavīriyatāti paccekaṃ vīriyatāsaddo yojetabbo.
62. д̣̇уд̇ияз махад̇ий ижчаа зд̇ассаад̇и махижчо, д̇асса бхааво махижчад̇аа. махаависаяо лобхо махаалобхо маханд̇аанам̣ вад̇т̇уунам̣ б̣ахуунан̃жа абхиг̇иж̇жханад̇о. ид̇арийд̇араад̇иаад̣̇инаа баб̣б̣аж̇ид̇аанам̣ уббаж̇ж̇анамахижчад̇аа вуд̇д̇аа. бан̃жахи гаамаг̇ун̣зхийд̇иаад̣̇и г̇ахадтаанам̣ васзна вуд̇д̇ам̣. ижчаад̇и сабхааванид̣̇д̣̇зсо. ижчааг̇ад̇аад̇и ижчаабавад̇д̇аа. махижчад̇аад̇и махааижчад̇аа. ад̇т̇ад̇о банааяам̣ рааг̇о зваад̇и вуд̇д̇ам̣ – ‘‘рааг̇о саарааг̇о’’д̇иаад̣̇и.
62. Dutiye mahatī icchā etassāti mahiccho, tassa bhāvo mahicchatā. Mahāvisayo lobho mahālobho mahantānaṃ vatthūnaṃ bahūnañca abhigijjhanato. Itarītarātiādinā pabbajitānaṃ uppajjanamahicchatā vuttā. Pañcahi kāmaguṇehītiādi gahaṭṭhānaṃ vasena vuttaṃ. Icchāti sabhāvaniddeso. Icchāgatāti icchāpavattā. Mahicchatāti mahāicchatā. Atthato panāyaṃ rāgo evāti vuttaṃ – ‘‘rāgo sārāgo’’tiādi.
63. д̇ад̇ияз аббижчассаад̇и зд̇т̇а абба-сад̣̇д̣̇о абхаавад̇т̇о ‘‘аббааб̣аад̇хо ход̇и аббаад̇ан̇го’’д̇иаад̣̇ийсу (ма. ни. 2.304) вияаад̇и ааха – ‘‘анижчассаа’’д̇и. логз баагадасса хи агкирог̇агужчирог̇аад̣̇ибхзд̣̇асса ааб̣аад̇хасса абхаавам̣ санд̇хааяа ‘‘аббааб̣аад̇хо’’д̇и вуд̇д̇ам̣. ид̣̇аани вуд̇д̇амзвад̇т̇ам̣ баагадад̇арам̣ гаад̇ум̣ ‘‘зд̇т̇а хий’’д̇иаад̣̇и вуд̇д̇ам̣. б̣яан̃ж̇анам̣ саавасзсам̣ вияа барид̇д̇агзби аббасад̣̇д̣̇асса д̣̇иссамаанад̇д̇аа. ад̇т̇о бана ниравасзсо саб̣б̣асо бажжаяижчааяа абхаавасса ад̇хиббзд̇ад̇д̇аа. д̇знааха – ‘‘на хий’’д̇иаад̣̇и.
63. Tatiye appicchassāti ettha appa-saddo abhāvattho ‘‘appābādho hoti appātaṅko’’tiādīsu (ma. ni. 2.304) viyāti āha – ‘‘anicchassā’’ti. Loke pākaṭassa hi akkhirogakucchirogādibhedassa ābādhassa abhāvaṃ sandhāya ‘‘appābādho’’ti vuttaṃ. Idāni vuttamevatthaṃ pākaṭataraṃ kātuṃ ‘‘ettha hī’’tiādi vuttaṃ. Byañjanaṃ sāvasesaṃ viya parittakepi appasaddassa dissamānattā. Attho pana niravaseso sabbaso paccayicchāya abhāvassa adhippetattā. Tenāha – ‘‘na hī’’tiādi.
ижчааяа абхаавзнзва аббижчо наама ход̇ийд̇и имамад̇т̇ам̣ багааранд̇арзна д̣̇ийбзд̇ум̣ – ‘‘абижаа’’д̇иаад̣̇и вуд̇д̇ам̣. ад̇рижчад̇аа наама ад̇ра ад̇ра ижчаа. асанд̇аг̇ун̣асамбхааванад̇ааяа баабаа лаамигаа нихийнаа ижчаа баабижчад̇аа. яааяа бажжаяуббаад̣̇анад̇т̇ам̣ ад̇д̇ани виж̇ж̇амаанаг̇ун̣з самбхаавзд̇и, бажжаяаанам̣ бадиг̇г̇ахан̣з жа на мад̇д̇ам̣ ж̇аанаад̇и, аяам̣ махижчад̇аа. асанд̇аг̇ун̣асамбхааванад̇аад̇и ад̇д̇ани авиж̇ж̇амаанаанам̣ г̇ун̣аанам̣ виж̇ж̇амаанаанам̣ вияа барзсам̣ багаасанаа. санд̇аг̇ун̣асамбхааванад̇аад̇и ижчаажаарз тад̇ваа ад̇д̇ани виж̇ж̇амаанасийлад̇худ̇ад̇хаммаад̣̇иг̇ун̣авибхааванаа. д̇аад̣̇исассаби бадиг̇г̇ахан̣з амад̇д̇ан̃н̃уд̇ааби ход̇и, сааби абхид̇хаммз ааг̇ад̇ааязваад̇и самб̣анд̇хо. д̣̇уссанд̇аббаяод̇и д̣̇уд̇д̇аббаяо.
Icchāya abhāveneva appiccho nāma hotīti imamatthaṃ pakārantarena dīpetuṃ – ‘‘apicā’’tiādi vuttaṃ. Atricchatā nāma atra atra icchā. Asantaguṇasambhāvanatāya pāpā lāmikā nihīnā icchā pāpicchatā. Yāya paccayuppādanatthaṃ attani vijjamānaguṇe sambhāveti, paccayānaṃ paṭiggahaṇe ca na mattaṃ jānāti, ayaṃ mahicchatā. Asantaguṇasambhāvanatāti attani avijjamānānaṃ guṇānaṃ vijjamānānaṃ viya paresaṃ pakāsanā. Santaguṇasambhāvanatāti icchācāre ṭhatvā attani vijjamānasīladhutadhammādiguṇavibhāvanā. Tādisassapi paṭiggahaṇe amattaññutāpi hoti, sāpi abhidhamme āgatāyevāti sambandho. Dussantappayoti duttappayo.
ад̇илуукабхааванд̇и бад̇д̇ажийваравасзна ад̇ивияа луукабхаавам̣. д̇ад̣̇асса д̣̇исваа мануссаа ‘‘аяам̣ аман̇г̇алад̣̇ивасо , сумбхагасинид̣̇д̇хабад̇д̇ажийваро аяяо буб̣б̣ан̇г̇амо гаад̇аб̣б̣о’’д̇и жинд̇зд̇ваа, ‘‘бханд̇з, т̇огам̣ б̣ахи хот̇аа’’д̇и аахам̣су. уммуж̇ж̇ийд̇и мануссаанам̣ аж̇аананд̇аанам̣язва бат̇авияам̣ нимуж̇ж̇ид̇ваа г̇ан̣ханд̇оязва уммуж̇ж̇и. яад̣̇и т̇зро ‘‘кийн̣аасавабхаавам̣ ж̇аананд̇уу’’д̇и ижчзяяа, на нам̣ мануссаа ‘‘б̣ахи хот̇аа’’д̇и вад̣̇зяяум̣, кийн̣аасаваанам̣ бана д̇ат̇аажид̇д̇амзва на уббаж̇ж̇зяяа.
Atilūkhabhāvanti pattacīvaravasena ativiya lūkhabhāvaṃ. Tadassa disvā manussā ‘‘ayaṃ amaṅgaladivaso , sumbhakasiniddhapattacīvaro ayyo pubbaṅgamo kātabbo’’ti cintetvā, ‘‘bhante, thokaṃ bahi hothā’’ti āhaṃsu. Ummujjīti manussānaṃ ajānantānaṃyeva pathaviyaṃ nimujjitvā gaṇhantoyeva ummujji. Yadi thero ‘‘khīṇāsavabhāvaṃ jānantū’’ti iccheyya, na naṃ manussā ‘‘bahi hothā’’ti vadeyyuṃ, khīṇāsavānaṃ pana tathācittameva na uppajjeyya.
аббижчад̇аабад̇хаанам̣ буг̇г̇алаад̇хидтаанам̣ жад̇уб̣б̣ид̇хаижчаабабхзд̣̇ам̣ д̣̇ассзд̇ваа бунаби буг̇г̇алаад̇хидтаанзна жад̇уб̣б̣ид̇хам̣ ижчаабхзд̣̇ам̣ д̣̇ассзнд̇о ‘‘абароби жад̇уб̣б̣ид̇хо аббижчо’’д̇иаад̣̇имааха. бажжаяааббижчод̇и бажжаязсу ижчаарахид̇о. д̇худ̇ан̇г̇ааббижчод̇и д̇худ̇аг̇ун̣асамбхааванааяа ижчаарахид̇о. барияад̇д̇иаббижчод̇и б̣ахуссуд̇асамбхааванааяа ижчаарахид̇о. ад̇хиг̇амааббижчод̇и ‘‘арияо’’д̇и самбхааванааяа ижчаарахид̇о. д̣̇ааяагасса васанд̇и аббам̣ ваа яам̣ д̣̇аад̇угаамо б̣ахум̣ ваад̇и д̣̇ааяагасса жид̇д̇асса васам̣, аж̇жхаасаяанд̇и ад̇т̇о. д̣̇зяяад̇хаммасса васанд̇и д̣̇зяяад̇хаммасса аб̣ахубхаавам̣. ад̇д̇ано т̇ааманд̇и ад̇д̇ано бамаан̣ам̣. яад̇д̇агзна ад̇д̇аа яаабзд̇и, д̇ад̇д̇агассзва г̇ахан̣ам̣. яад̣̇и хийд̇иаад̣̇и сан̇кзбад̇о вуд̇д̇асса ад̇т̇асса виваран̣ам̣. бамаан̣знзваад̇и яаабанаббамаан̣знзва.
Appicchatāpadhānaṃ puggalādhiṭṭhānaṃ catubbidhaicchāpabhedaṃ dassetvā punapi puggalādhiṭṭhānena catubbidhaṃ icchābhedaṃ dassento ‘‘aparopi catubbidho appiccho’’tiādimāha. Paccayaappicchoti paccayesu icchārahito. Dhutaṅgaappicchoti dhutaguṇasambhāvanāya icchārahito. Pariyattiappicchoti bahussutasambhāvanāya icchārahito. Adhigamaappicchoti ‘‘ariyo’’ti sambhāvanāya icchārahito. Dāyakassa vasanti appaṃ vā yaṃ dātukāmo bahuṃ vāti dāyakassa cittassa vasaṃ, ajjhāsayanti attho. Deyyadhammassa vasanti deyyadhammassa abahubhāvaṃ. Attano thāmanti attano pamāṇaṃ. Yattakena attā yāpeti, tattakasseva gahaṇaṃ. Yadi hītiādi saṅkhepato vuttassa atthassa vivaraṇaṃ. Pamāṇenevāti yāpanappamāṇeneva.
згабхигкуби наан̃н̃аасийд̇и сосаанигавад̇д̇з саммад̣̇зва вад̇д̇ид̇ад̇д̇аа згоби бхигку на ан̃н̃ааси. аб̣б̣огин̣н̣анд̇и авижчзд̣̇ам̣. д̣̇уд̇ияо мам̣ ж̇аанзяяаад̇и д̣̇уд̇ияо сахааяабхууд̇оби яат̇аа мам̣ ж̇аанид̇ум̣ на саггун̣зяяа, д̇ат̇аа садти вассаани ниранд̇арам̣ сусаанз васаами, д̇асмаа ахам̣ ахо сосаанигуд̇д̇амо. убагааро худ̇ваад̇и уг̇г̇ахабарибужчаад̣̇ийхи барияад̇д̇ид̇хаммавасзна убагааро худ̇ваа. д̇хаммагат̇ааяа ж̇анабад̣̇ам̣ кобхзд̇ваад̇и ломахам̣санасаад̇хугаарад̣̇аанажзлугкзбаад̣̇ивасзна саннибад̇ид̇ам̣ ид̇аран̃жа ‘‘гат̇ам̣ ну ко аббам̣ аяяасса санд̇игз д̇хаммам̣ соссаамаа’’д̇и голаахалавасзна махааж̇анам̣ кобхзд̇ваа? яад̣̇и т̇зро б̣ахуссуд̇абхаавам̣ ж̇аанаабзд̇ум̣ ижчзяяа, буб̣б̣зва ж̇анабад̣̇ам̣ кобхзнд̇о д̇хаммам̣ гат̇зяяа. г̇ад̇од̇и ‘‘аяам̣ со, язна рад̇д̇ияам̣ д̇хаммагат̇аа гад̇аа’’д̇и ж̇аананабхаавзна барияад̇д̇иаббижчад̇ааяа бураарун̣аава г̇ад̇о.
Ekabhikkhupi nāññāsīti sosānikavatte sammadeva vattitattā ekopi bhikkhu na aññāsi. Abbokiṇṇanti avicchedaṃ. Dutiyo maṃ jāneyyāti dutiyo sahāyabhūtopi yathā maṃ jānituṃ na sakkuṇeyya, tathā saṭṭhi vassāni nirantaraṃ susāne vasāmi, tasmā ahaṃ aho sosānikuttamo. Upakāro hutvāti uggahaparipucchādīhi pariyattidhammavasena upakāro hutvā. Dhammakathāya janapadaṃ khobhetvāti lomahaṃsanasādhukāradānacelukkhepādivasena sannipatitaṃ itarañca ‘‘kathaṃ nu kho appaṃ ayyassa santike dhammaṃ sossāmā’’ti kolāhalavasena mahājanaṃ khobhetvā? Yadi thero bahussutabhāvaṃ jānāpetuṃ iccheyya, pubbeva janapadaṃ khobhento dhammaṃ katheyya. Gatoti ‘‘ayaṃ so, yena rattiyaṃ dhammakathā katā’’ti jānanabhāvena pariyattiappicchatāya purāruṇāva gato.
д̇аяо гулабуд̇д̇аа вияаад̇и баажийнавам̣сад̣̇ааяз саамаг̇г̇иваасам̣вудтаа ануруд̣̇д̇хо, нанд̣̇ияо, гимилод̇и имз д̇аяо гулабуд̇д̇аа вияа. зд̇зсуби хи ануруд̣̇д̇хад̇т̇зрзна бхаг̇авад̇аа ‘‘ад̇т̇и бана во ануруд̣̇д̇хаа звам̣ аббамад̇д̇аанам̣ аад̇аабийнам̣ бахид̇ад̇д̇аанам̣ вихаранд̇аанам̣ уд̇д̇аримануссад̇хаммо аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и (ма. ни. 1.328) будтзна ‘‘ид̇ха бана маяам̣, бханд̇з, яаавад̣̇зва ааган̇каама, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараамаа’’д̇иаад̣̇инаа (ма. ни. 1.328) анубуб̣б̣авихаарасамаабад̇д̇ийсу аарожид̇аасу ид̇арз т̇зраа на ижчим̣су. д̇ат̇аа хи д̇з багганд̇з бхаг̇авад̇и ааяасманд̇ам̣ ануруд̣̇д̇хам̣ зд̇ад̣̇авожум̣ – ‘‘гинну маяам̣ ааяасмад̇о ануруд̣̇д̇хасса звамаарожимха ‘имаасан̃жа имаасан̃жа вихаарасамаабад̇д̇ийнам̣ маяам̣ лаабхино’д̇и? яам̣ но ааяасмаа ануруд̣̇д̇хо бхаг̇авад̇о саммукааби аасаваанам̣ каяам̣ багаасзд̇ий’’д̇и? гхадийгаароби ад̇д̇ано арияабхаавз гигисса ран̃н̃о бхаг̇авад̇аа аарожид̇з на ад̇д̇амано ахоси? д̇знааха – ‘‘гхадийгаарагумбхагааро вияаа’’д̇и. имасмим̣ банад̇т̇зд̇и ‘‘яат̇аяид̣̇ам̣, бхигкавз, аббижчад̇аа’’д̇и вуд̇д̇з аббижчад̇аасан̇каад̇з ад̇т̇з. б̣алаваалобхзнаад̇и д̣̇ал̣хад̇араббавад̇д̇игзна алобхзна.
Tayokulaputtā viyāti pācīnavaṃsadāye sāmaggivāsaṃvuṭṭhā anuruddho, nandiyo, kimiloti ime tayo kulaputtā viya. Etesupi hi anuruddhattherena bhagavatā ‘‘atthi pana vo anuruddhā evaṃ appamattānaṃ ātāpīnaṃ pahitattānaṃ viharantānaṃ uttarimanussadhammo alamariyañāṇadassanaviseso adhigato phāsuvihāro’’ti (ma. ni. 1.328) puṭṭhena ‘‘idha pana mayaṃ, bhante, yāvadeva ākaṅkhāma, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmā’’tiādinā (ma. ni. 1.328) anupubbavihārasamāpattīsu ārocitāsu itare therā na icchiṃsu. Tathā hi te pakkante bhagavati āyasmantaṃ anuruddhaṃ etadavocuṃ – ‘‘kinnu mayaṃ āyasmato anuruddhassa evamārocimha ‘imāsañca imāsañca vihārasamāpattīnaṃ mayaṃ lābhino’ti? Yaṃ no āyasmā anuruddho bhagavato sammukhāpi āsavānaṃ khayaṃ pakāsetī’’ti? Ghaṭīkāropi attano ariyabhāve kikissa rañño bhagavatā ārocite na attamano ahosi? Tenāha – ‘‘ghaṭīkārakumbhakāro viyā’’ti. Imasmiṃ panattheti ‘‘yathayidaṃ, bhikkhave, appicchatā’’ti vutte appicchatāsaṅkhāte atthe. Balavaalobhenāti daḷhatarappavattikena alobhena.
64. жад̇уд̇т̇з над̇т̇и зд̇асса санд̇удтийд̇и асанд̇удти, д̇асса бхааво асанд̇удтид̇аа. д̇ам̣ бана саруубад̇о д̣̇ассзнд̇о ‘‘асанд̇удтз буг̇г̇алз…бз… лобхо’’д̇и ааха. сзванд̇ассаад̇иаад̣̇ийни ан̃н̃аман̃н̃авзважанаани.
64. Catutthe natthi etassa santuṭṭhīti asantuṭṭhi, tassa bhāvo asantuṭṭhitā. Taṃ pana sarūpato dassento ‘‘asantuṭṭhe puggale…pe… lobho’’ti āha. Sevantassātiādīni aññamaññavevacanāni.
65-67. бан̃жамз д̇уссанам̣ д̇удти, самам̣, сагзна, санд̇зна ваа д̇удти зд̇ассаад̇и санд̇удти, д̇асса бхааво санд̇удтид̇аа. яасса санд̇осасса ад̇т̇ид̇ааяа бхигку ‘‘санд̇удто’’д̇и вужжад̇и, д̇ам̣ д̣̇ассзнд̇о ‘‘ид̇арийд̇арабажжаяасанд̇осзна саманнааг̇ад̇ассаа’’д̇и ааха – жийвараад̣̇игз яад̇т̇а гад̇т̇ажи габбияз бажжаяз санд̇уссанзна саман̇г̇ийбхууд̇ассаад̇и ад̇т̇о. ат̇а ваа ид̇арам̣ вужжад̇и хийнам̣ бан̣ийд̇ад̇о ан̃н̃ад̇д̇аа, д̇ат̇аа бан̣ийд̇амби ид̇арам̣ хийнад̇о ан̃н̃ад̇д̇аа. абзгкаасид̣̇д̇хаа хи ид̇арад̇аа. ид̇и язна д̇хаммзна хийнзна ваа бан̣ийд̇зна ваа жийвараад̣̇ибажжаязна санд̇уссад̇и, со д̇ат̇аа бавад̇д̇о алобхо ид̇арийд̇арабажжаяасанд̇осо, д̇зна саманнааг̇ад̇асса . яат̇аалаабхам̣ ад̇д̇ано лаабхаануруубам̣ санд̇осо яат̇аалаабхасанд̇осо. сзсабад̣̇ад̣̇ваязби зсзва наяо. лаб̣бхад̇ийд̇и ваа лаабхо, яо яо лаабхо яат̇аалаабхо, д̇зна санд̇осо яат̇аалаабхасанд̇осо. б̣аланд̇и гааяаб̣алам̣. сааруббанд̇и бхигкуно анужчавигад̇аа.
65-67. Pañcame tussanaṃ tuṭṭhi, samaṃ, sakena, santena vā tuṭṭhi etassāti santuṭṭhi, tassa bhāvo santuṭṭhitā. Yassa santosassa atthitāya bhikkhu ‘‘santuṭṭho’’ti vuccati, taṃ dassento ‘‘itarītarapaccayasantosena samannāgatassā’’ti āha – cīvarādike yattha katthaci kappiye paccaye santussanena samaṅgībhūtassāti attho. Atha vā itaraṃ vuccati hīnaṃ paṇītato aññattā, tathā paṇītampi itaraṃ hīnato aññattā. Apekkhāsiddhā hi itaratā. Iti yena dhammena hīnena vā paṇītena vā cīvarādipaccayena santussati, so tathā pavatto alobho itarītarapaccayasantoso, tena samannāgatassa . Yathālābhaṃ attano lābhānurūpaṃ santoso yathālābhasantoso. Sesapadadvayepi eseva nayo. Labbhatīti vā lābho, yo yo lābho yathālābho, tena santoso yathālābhasantoso. Balanti kāyabalaṃ. Sāruppanti bhikkhuno anucchavikatā.
яат̇аалад̣̇д̇хад̇о ан̃н̃асса абад̇т̇анаа наама сияаа аббижчад̇ааби бавад̇д̇иаагаарод̇и д̇ад̇о винивзжид̇амзва санд̇осасса саруубам̣ д̣̇ассзнд̇о ‘‘лабханд̇оби на г̇ан̣хаад̇ий’’д̇и ааха. д̇ам̣ баривад̇д̇зд̇ваа багад̇ид̣̇уб̣б̣алаад̣̇ийнам̣ г̇аружийварам̣ апаасубхааваавахам̣ сарийракзд̣̇аавахан̃жа ход̇ийд̇и баяож̇анавасзна на ад̇рижчад̇аад̣̇ивасзна д̇ам̣ баривад̇д̇зд̇ваа лахугажийварабарибхог̇о санд̇осавирод̇хи на ход̇ийд̇и ааха – ‘‘лахугзна яаабзнд̇оби санд̇удтова ход̇ий’’д̇и. махаг̇гхажийварам̣ б̣ахууни ваа жийвараани лабхид̇ваа д̇аани виссаж̇ж̇зд̇ваа д̇ад̣̇ан̃н̃асса г̇ахан̣ам̣ яат̇аасааруббанаяз тид̇ад̇д̇аа на санд̇осавирод̇хийд̇и ааха – ‘‘д̇зсам̣…бз… д̇хаарзнд̇оби санд̇удтова ход̇ий’’д̇и. звам̣ сзсабажжаязсуби яат̇аасааруббанид̣̇д̣̇зсз аби-сад̣̇д̣̇аг̇г̇ахан̣з ад̇хиббааяо взд̣̇ид̇аб̣б̣о. муд̇д̇ахарийд̇аганд̇и г̇омуд̇д̇абарибхаавид̇ам̣, бууд̇ибхаавзна ваа чад̣д̣ид̇ам̣ харийд̇агам̣. б̣уд̣̇д̇хаад̣̇ийхи ван̣н̣ид̇анд̇и аббижчад̇аасанд̇удтийсу бхигкуу нияож̇зд̇ум̣ ‘‘бууд̇имуд̇д̇абхзсаж̇ж̇ам̣ ниссааяа баб̣б̣аж̇ж̇аа’’д̇иаад̣̇инаа (махаава. 73, 128) б̣уд̣̇д̇хаад̣̇ийхи басад̇т̇ам̣. барамасанд̇удтова ход̇и барамзна уггам̣саг̇ад̇зна санд̇осзна саманнааг̇ад̇ад̇д̇аа. яат̇аасааруббасанд̇осова аг̇г̇од̇и д̇ад̇т̇а д̇ад̇т̇а бхигку сааруббам̣язва ниссааяа санд̇уссанавасзна бавад̇д̇анад̇о аг̇г̇о. чадтасад̇д̇амзсу над̇т̇и вад̇д̇аб̣б̣ам̣.
Yathāladdhato aññassa apatthanā nāma siyā appicchatāpi pavattiākāroti tato vinivecitameva santosassa sarūpaṃ dassento ‘‘labhantopi na gaṇhātī’’ti āha. Taṃ parivattetvā pakatidubbalādīnaṃ garucīvaraṃ aphāsubhāvāvahaṃ sarīrakhedāvahañca hotīti payojanavasena na atricchatādivasena taṃ parivattetvā lahukacīvaraparibhogo santosavirodhi na hotīti āha – ‘‘lahukena yāpentopi santuṭṭhova hotī’’ti. Mahagghacīvaraṃ bahūni vā cīvarāni labhitvā tāni vissajjetvā tadaññassa gahaṇaṃ yathāsāruppanaye ṭhitattā na santosavirodhīti āha – ‘‘tesaṃ…pe… dhārentopi santuṭṭhova hotī’’ti. Evaṃ sesapaccayesupi yathāsāruppaniddese api-saddaggahaṇe adhippāyo veditabbo. Muttaharītakanti gomuttaparibhāvitaṃ, pūtibhāvena vā chaḍḍitaṃ harītakaṃ. Buddhādīhi vaṇṇitanti appicchatāsantuṭṭhīsu bhikkhū niyojetuṃ ‘‘pūtimuttabhesajjaṃ nissāya pabbajjā’’tiādinā (mahāva. 73, 128) buddhādīhi pasatthaṃ. Paramasantuṭṭhova hoti paramena ukkaṃsagatena santosena samannāgatattā. Yathāsāruppasantosova aggoti tattha tattha bhikkhu sāruppaṃyeva nissāya santussanavasena pavattanato aggo. Chaṭṭhasattamesu natthi vattabbaṃ.
68-69. адтаманавамзсу на самбаж̇аанаад̇ийд̇и асамбаж̇аано, д̇асса бхааво асамбаж̇ан̃н̃ам̣. вуд̇д̇аббадибагкзна самбаж̇ан̃н̃ам̣ взд̣̇ид̇аб̣б̣ам̣.
68-69. Aṭṭhamanavamesu na sampajānātīti asampajāno, tassa bhāvo asampajaññaṃ. Vuttappaṭipakkhena sampajaññaṃ veditabbaṃ.
70. д̣̇асамз баабамид̇д̇аа д̣̇звад̣̇ад̇д̇асад̣̇исаа. д̇з хи хийнаажаарад̇ааяа, д̣̇угкасса ваа самбаабагад̇ааяа ‘‘баабаа’’д̇и вужжанд̇и. д̇знаагаарзна бавад̇д̇аананд̇и яо баабамид̇д̇асса канд̇и ружи ад̇химуд̇д̇и д̇анниннад̇аад̇ам̣самбаван̇гад̇аад̣̇иаагааро, д̇знаагаарзна бавад̇д̇аанам̣. жад̇уннам̣ канд̇хаанамзвзд̇ам̣ нааманд̇и жад̇уннам̣ аруубагканд̇хаанам̣ ‘‘баабамид̇д̇ад̇аа’’д̇и зд̇ам̣ наамам̣. яасмаа ассад̣̇д̇хияаад̣̇ибаабад̇хаммасаманнааг̇ад̇аа буг̇г̇алаа висзсад̇о баабаа бун̃н̃ад̇хаммавимогкад̇ааяа, д̇з яасса мид̇д̇аа сахааяаа, со баабамид̇д̇о, д̇асса бхааво баабамид̇д̇ад̇аа. д̇знааха – ‘‘яз д̇з буг̇г̇алаа ассад̣̇д̇хаа’’д̇иаад̣̇и.
70. Dasame pāpamittā devadattasadisā. Te hi hīnācāratāya, dukkhassa vā sampāpakatāya ‘‘pāpā’’ti vuccanti. Tenākārena pavattānanti yo pāpamittassa khanti ruci adhimutti tanninnatātaṃsampavaṅkatādiākāro, tenākārena pavattānaṃ. Catunnaṃ khandhānamevetaṃ nāmanti catunnaṃ arūpakkhandhānaṃ ‘‘pāpamittatā’’ti etaṃ nāmaṃ. Yasmā assaddhiyādipāpadhammasamannāgatā puggalā visesato pāpā puññadhammavimokkhatāya, te yassa mittā sahāyā, so pāpamitto, tassa bhāvo pāpamittatā. Tenāha – ‘‘ye te puggalā assaddhā’’tiādi.
вийрияаарамбхаад̣̇иваг̇г̇аван̣н̣анаа нидтид̇аа.
Vīriyārambhādivaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. вийрияаарамбхаад̣̇иваг̇г̇о • 7. Vīriyārambhādivaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. вийрияаарамбхаад̣̇иваг̇г̇аван̣н̣анаа • 7. Vīriyārambhādivaggavaṇṇanā
