| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
38. வீரியாரம்ப⁴ஞாணனித்³தே³ஸவண்ணனா
38. Vīriyārambhañāṇaniddesavaṇṇanā
89. வீரியாரம்ப⁴ஞாணனித்³தே³ஸே அனுப்பன்னானந்தி ஏகஸ்மிங் அத்தபா⁴வே, ஏகஸ்மிங் வா ஆரம்மணே அனிப்³ப³த்தானங். அனமதக்³கே³ ஹி ஸங்ஸாரே அனுப்பன்னா அகுஸலா நாம நத்தி², குஸலா பன அத்தி². பாபகானந்தி லாமகானங். அகுஸலானங் த⁴ம்மானந்தி அகோஸல்லஸம்பூ⁴தானங் த⁴ம்மானங். அனுப்பாதா³யாதி ந உப்பாத³னத்தா²ய. உப்பன்னானந்தி இமஸ்மிங் அத்தபா⁴வே நிப்³ப³த்தானங். பஹானாயாதி பஜஹனத்தா²ய. அனுப்பன்னானங் குஸலானங் த⁴ம்மானந்தி இமஸ்மிங் அத்தபா⁴வே அனிப்³ப³த்தபுப்³பா³னங் கோஸல்லஸம்பூ⁴தானங் த⁴ம்மானங். உப்பாதா³யாதி உப்பாத³னத்தா²ய. உப்பன்னானந்தி இமஸ்மிங் அத்தபா⁴வே நிப்³ப³த்தானங். டி²தியாதி டி²தத்தா²ய. அஸம்மோஸாயாதி அவினாஸத்தா²ய. பி⁴ய்யோபா⁴வாயாதி புனப்புனபா⁴வாய. வேபுல்லாயாதி விபுலபா⁴வாய. பா⁴வனாயாதி வட்³டி⁴யா. பாரிபூரியாதி பரிபூரணத்தா²ய.
89. Vīriyārambhañāṇaniddese anuppannānanti ekasmiṃ attabhāve, ekasmiṃ vā ārammaṇe anibbattānaṃ. Anamatagge hi saṃsāre anuppannā akusalā nāma natthi, kusalā pana atthi. Pāpakānanti lāmakānaṃ. Akusalānaṃ dhammānanti akosallasambhūtānaṃ dhammānaṃ. Anuppādāyāti na uppādanatthāya. Uppannānanti imasmiṃ attabhāve nibbattānaṃ. Pahānāyāti pajahanatthāya. Anuppannānaṃ kusalānaṃ dhammānanti imasmiṃ attabhāve anibbattapubbānaṃ kosallasambhūtānaṃ dhammānaṃ. Uppādāyāti uppādanatthāya. Uppannānanti imasmiṃ attabhāve nibbattānaṃ. Ṭhitiyāti ṭhitatthāya. Asammosāyāti avināsatthāya. Bhiyyobhāvāyāti punappunabhāvāya. Vepullāyāti vipulabhāvāya. Bhāvanāyāti vaḍḍhiyā. Pāripūriyāti paripūraṇatthāya.
இதா³னி அகுஸலேஸு காமச்ச²ந்த³ங், குஸலேஸு நெக்க²ம்மங் விஸேஸெத்வா த³ஸ்ஸேதுங் அனுப்பன்னஸ்ஸ காமச்ச²ந்த³ஸ்ஸாதிஆதி³மாஹ. தத்த² காமச்ச²ந்தோ³தி ஸமாதி⁴படிபக்கோ² காமராகோ³. நெக்க²ம்மந்தி பட²மஜ்ஜா²னஸமாதி⁴, பட²மஜ்ஜா²னங் வா, ஸப்³பே³ ஏவ வா குஸலா த⁴ம்மா நெக்க²ம்மங்.
Idāni akusalesu kāmacchandaṃ, kusalesu nekkhammaṃ visesetvā dassetuṃ anuppannassa kāmacchandassātiādimāha. Tattha kāmacchandoti samādhipaṭipakkho kāmarāgo. Nekkhammanti paṭhamajjhānasamādhi, paṭhamajjhānaṃ vā, sabbe eva vā kusalā dhammā nekkhammaṃ.
இதா³னி ஸப்³ப³கிலேஸானங் ஸப்³ப³கிலேஸபடிபக்க²ஸ்ஸ அரஹத்தமக்³க³ஸ்ஸ ச வஸேன யோஜெத்வா த³ஸ்ஸேதுங் அனுப்பன்னானங் ஸப்³ப³கிலேஸானந்திஆதி³மாஹ. தத்த² உப்பன்னஸ்ஸ அரஹத்தமக்³க³ஸ்ஸ டி²தியாதிஆதீ³ஸு உப்பாத³க்க²ணே உப்பன்னஸ்ஸ அரஹத்தமக்³க³ஸ்ஸ டி²திக்க²ணப⁴ங்க³க்க²ணவஸேன ‘‘டி²தியா’’திஆதி³யோஜனா வேதி³தப்³பா³. விப⁴ங்க³ட்ட²கதா²யம்பி ‘‘யா சஸ்ஸ பவத்தி, அயமேவ டி²தி நாமா’’தி (விப⁴॰ அட்ட²॰ 406) வுத்தங். கேசி பன ‘‘அரஹத்தமக்³க³ஸ்ஸ புப்³ப³பா⁴க³மக்³கோ³ த³ட்ட²ப்³போ³’’தி வத³ந்தி.
Idāni sabbakilesānaṃ sabbakilesapaṭipakkhassa arahattamaggassa ca vasena yojetvā dassetuṃ anuppannānaṃ sabbakilesānantiādimāha. Tattha uppannassa arahattamaggassa ṭhitiyātiādīsu uppādakkhaṇe uppannassa arahattamaggassa ṭhitikkhaṇabhaṅgakkhaṇavasena ‘‘ṭhitiyā’’tiādiyojanā veditabbā. Vibhaṅgaṭṭhakathāyampi ‘‘yā cassa pavatti, ayameva ṭhiti nāmā’’ti (vibha. aṭṭha. 406) vuttaṃ. Keci pana ‘‘arahattamaggassa pubbabhāgamaggo daṭṭhabbo’’ti vadanti.
வீரியாரம்ப⁴ஞாணனித்³தே³ஸவண்ணனா நிட்டி²தா.
Vīriyārambhañāṇaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 38. வீரியாரம்ப⁴ஞாணனித்³தே³ஸோ • 38. Vīriyārambhañāṇaniddeso
