| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
38. вийрияаарамбхан̃аан̣анид̣̇д̣̇зсаван̣н̣анаа
38. Vīriyārambhañāṇaniddesavaṇṇanā
89. вийрияаарамбхан̃аан̣анид̣̇д̣̇зсз ануббаннаананд̇и згасмим̣ ад̇д̇абхаавз, згасмим̣ ваа аарамман̣з аниб̣б̣ад̇д̇аанам̣. анамад̇аг̇г̇з хи сам̣саарз ануббаннаа агусалаа наама над̇т̇и, гусалаа бана ад̇т̇и. баабагаананд̇и лаамагаанам̣. агусалаанам̣ д̇хаммаананд̇и агосалласамбхууд̇аанам̣ д̇хаммаанам̣. ануббаад̣̇ааяаад̇и на уббаад̣̇анад̇т̇ааяа. уббаннаананд̇и имасмим̣ ад̇д̇абхаавз ниб̣б̣ад̇д̇аанам̣. бахаанааяаад̇и баж̇аханад̇т̇ааяа. ануббаннаанам̣ гусалаанам̣ д̇хаммаананд̇и имасмим̣ ад̇д̇абхаавз аниб̣б̣ад̇д̇абуб̣б̣аанам̣ госалласамбхууд̇аанам̣ д̇хаммаанам̣. уббаад̣̇ааяаад̇и уббаад̣̇анад̇т̇ааяа. уббаннаананд̇и имасмим̣ ад̇д̇абхаавз ниб̣б̣ад̇д̇аанам̣. тид̇ияаад̇и тид̇ад̇т̇ааяа. асаммосааяаад̇и авинаасад̇т̇ааяа. бхияяобхаавааяаад̇и бунаббунабхаавааяа. взбуллааяаад̇и вибулабхаавааяа. бхааванааяаад̇и вад̣дхияаа. баарибуурияаад̇и барибууран̣ад̇т̇ааяа.
89. Vīriyārambhañāṇaniddese anuppannānanti ekasmiṃ attabhāve, ekasmiṃ vā ārammaṇe anibbattānaṃ. Anamatagge hi saṃsāre anuppannā akusalā nāma natthi, kusalā pana atthi. Pāpakānanti lāmakānaṃ. Akusalānaṃ dhammānanti akosallasambhūtānaṃ dhammānaṃ. Anuppādāyāti na uppādanatthāya. Uppannānanti imasmiṃ attabhāve nibbattānaṃ. Pahānāyāti pajahanatthāya. Anuppannānaṃ kusalānaṃ dhammānanti imasmiṃ attabhāve anibbattapubbānaṃ kosallasambhūtānaṃ dhammānaṃ. Uppādāyāti uppādanatthāya. Uppannānanti imasmiṃ attabhāve nibbattānaṃ. Ṭhitiyāti ṭhitatthāya. Asammosāyāti avināsatthāya. Bhiyyobhāvāyāti punappunabhāvāya. Vepullāyāti vipulabhāvāya. Bhāvanāyāti vaḍḍhiyā. Pāripūriyāti paripūraṇatthāya.
ид̣̇аани агусалзсу гаамажчанд̣̇ам̣, гусалзсу нзгкаммам̣ висзсзд̇ваа д̣̇ассзд̇ум̣ ануббаннасса гаамажчанд̣̇ассаад̇иаад̣̇имааха. д̇ад̇т̇а гаамажчанд̣̇од̇и самаад̇хибадибагко гаамарааг̇о. нзгкамманд̇и батамаж̇жхаанасамаад̇хи, батамаж̇жхаанам̣ ваа, саб̣б̣з зва ваа гусалаа д̇хаммаа нзгкаммам̣.
Idāni akusalesu kāmacchandaṃ, kusalesu nekkhammaṃ visesetvā dassetuṃ anuppannassa kāmacchandassātiādimāha. Tattha kāmacchandoti samādhipaṭipakkho kāmarāgo. Nekkhammanti paṭhamajjhānasamādhi, paṭhamajjhānaṃ vā, sabbe eva vā kusalā dhammā nekkhammaṃ.
ид̣̇аани саб̣б̣агилзсаанам̣ саб̣б̣агилзсабадибагкасса арахад̇д̇амаг̇г̇асса жа васзна яож̇зд̇ваа д̣̇ассзд̇ум̣ ануббаннаанам̣ саб̣б̣агилзсаананд̇иаад̣̇имааха. д̇ад̇т̇а уббаннасса арахад̇д̇амаг̇г̇асса тид̇ияаад̇иаад̣̇ийсу уббаад̣̇агкан̣з уббаннасса арахад̇д̇амаг̇г̇асса тид̇игкан̣абхан̇г̇агкан̣авасзна ‘‘тид̇ияаа’’д̇иаад̣̇ияож̇анаа взд̣̇ид̇аб̣б̣аа. вибхан̇г̇адтагат̇ааяамби ‘‘яаа жасса бавад̇д̇и, аяамзва тид̇и наамаа’’д̇и (вибха. адта. 406) вуд̇д̇ам̣. гзжи бана ‘‘арахад̇д̇амаг̇г̇асса буб̣б̣абхааг̇амаг̇г̇о д̣̇адтаб̣б̣о’’д̇и вад̣̇анд̇и.
Idāni sabbakilesānaṃ sabbakilesapaṭipakkhassa arahattamaggassa ca vasena yojetvā dassetuṃ anuppannānaṃ sabbakilesānantiādimāha. Tattha uppannassa arahattamaggassa ṭhitiyātiādīsu uppādakkhaṇe uppannassa arahattamaggassa ṭhitikkhaṇabhaṅgakkhaṇavasena ‘‘ṭhitiyā’’tiādiyojanā veditabbā. Vibhaṅgaṭṭhakathāyampi ‘‘yā cassa pavatti, ayameva ṭhiti nāmā’’ti (vibha. aṭṭha. 406) vuttaṃ. Keci pana ‘‘arahattamaggassa pubbabhāgamaggo daṭṭhabbo’’ti vadanti.
вийрияаарамбхан̃аан̣анид̣̇д̣̇зсаван̣н̣анаа нидтид̇аа.
Vīriyārambhañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 38. вийрияаарамбхан̃аан̣анид̣̇д̣̇зсо • 38. Vīriyārambhañāṇaniddeso
