| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
38. வீரியாரம்ப⁴ஞாணனித்³தே³ஸோ
38. Vīriyārambhañāṇaniddeso
89. கத²ங் அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங்? அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். உப்பன்னானங் பாபகானங் அகுஸலானங் த⁴ம்மானங் பஹானாய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். அனுப்பன்னானங் குஸலானங் த⁴ம்மானங் உப்பாதா³ய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். உப்பன்னானங் குஸலானங் த⁴ம்மானங் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங்.
89. Kathaṃ asallīnattapahitattapaggahaṭṭhe paññā vīriyārambhe ñāṇaṃ? Anuppannānaṃ pāpakānaṃ akusalānaṃ dhammānaṃ anuppādāya asallīnattapahitattapaggahaṭṭhe paññā vīriyārambhe ñāṇaṃ. Uppannānaṃ pāpakānaṃ akusalānaṃ dhammānaṃ pahānāya asallīnattapahitattapaggahaṭṭhe paññā vīriyārambhe ñāṇaṃ. Anuppannānaṃ kusalānaṃ dhammānaṃ uppādāya asallīnattapahitattapaggahaṭṭhe paññā vīriyārambhe ñāṇaṃ. Uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā asallīnattapahitattapaggahaṭṭhe paññā vīriyārambhe ñāṇaṃ.
அனுப்பன்னஸ்ஸ காமச்ச²ந்த³ஸ்ஸ அனுப்பாதா³ய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். உப்பன்னஸ்ஸ காமச்ச²ந்த³ஸ்ஸ பஹானாய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். அனுப்பன்னஸ்ஸ நெக்க²ம்மஸ்ஸ உப்பாதா³ய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். உப்பன்னஸ்ஸ நெக்க²ம்மஸ்ஸ டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங்…பே॰….
Anuppannassa kāmacchandassa anuppādāya asallīnattapahitattapaggahaṭṭhe paññā vīriyārambhe ñāṇaṃ. Uppannassa kāmacchandassa pahānāya asallīnattapahitattapaggahaṭṭhe paññā vīriyārambhe ñāṇaṃ. Anuppannassa nekkhammassa uppādāya asallīnattapahitattapaggahaṭṭhe paññā vīriyārambhe ñāṇaṃ. Uppannassa nekkhammassa ṭhitiyā asammosāya bhiyyobhāvāya vepullāya bhāvanāya pāripūriyā asallīnattapahitattapaggahaṭṭhe paññā vīriyārambhe ñāṇaṃ…pe….
அனுப்பன்னானங் ஸப்³ப³கிலேஸானங் அனுப்பாதா³ய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். உப்பன்னானங் ஸப்³ப³கிலேஸானங் பஹானாய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங்…பே॰… அனுப்பன்னஸ்ஸ அரஹத்தமக்³க³ஸ்ஸ உப்பாதா³ய அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். உப்பன்னஸ்ஸ அரஹத்தமக்³க³ஸ்ஸ டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங். தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘அஸல்லீனத்தபஹிதத்தபக்³க³ஹட்டே² பஞ்ஞா வீரியாரம்பே⁴ ஞாணங்’’.
Anuppannānaṃ sabbakilesānaṃ anuppādāya asallīnattapahitattapaggahaṭṭhe paññā vīriyārambhe ñāṇaṃ. Uppannānaṃ sabbakilesānaṃ pahānāya asallīnattapahitattapaggahaṭṭhe paññā vīriyārambhe ñāṇaṃ…pe… anuppannassa arahattamaggassa uppādāya asallīnattapahitattapaggahaṭṭhe paññā vīriyārambhe ñāṇaṃ. Uppannassa arahattamaggassa ṭhitiyā asammosāya bhiyyobhāvāya vepullāya bhāvanāya pāripūriyā asallīnattapahitattapaggahaṭṭhe paññā vīriyārambhe ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘asallīnattapahitattapaggahaṭṭhe paññā vīriyārambhe ñāṇaṃ’’.
வீரியாரம்ப⁴ஞாணனித்³தே³ஸோ அட்ட²திங்ஸதிமோ.
Vīriyārambhañāṇaniddeso aṭṭhatiṃsatimo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 38. வீரியாரம்ப⁴ஞாணனித்³தே³ஸவண்ணனா • 38. Vīriyārambhañāṇaniddesavaṇṇanā
