| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[143] 3. вирожаж̇аад̇агаван̣н̣анаа
[143] 3. Virocajātakavaṇṇanā
ласий жа д̇з нибпалид̇аад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса г̇аяаасийсз суг̇ад̇аалаяасса д̣̇ассид̇абхаавам̣ аараб̣бха гат̇зси. д̣̇звад̣̇ад̇д̇о хи барихийнаж̇жхаано лаабхасаггаарабарихийно ‘‘ад̇т̇зго убааяо’’д̇и жинд̇зд̇ваа сад̇т̇аарам̣ бан̃жа вад̇т̇ууни яаажид̇ваа алабхамаано д̣̇виннам̣ аг̇г̇асаавагаанам̣ сад̣̇д̇хивихааригз ад̇хунаа баб̣б̣аж̇ид̇з д̇хаммавинаяамхи аговид̣̇з бан̃жасад̇з бхигкуу г̇ахзд̇ваа г̇аяаасийсам̣ г̇анд̇ваа сан̇гхам̣ бхинд̣̇ид̇ваа згасиймааяам̣ аавзн̣игам̣ сан̇гхагаммам̣ агааси. сад̇т̇аа д̇зсам̣ бхигкуунам̣ н̃аан̣абарибаагагаалам̣ н̃ад̇ваа д̣̇вз аг̇г̇асаавагз бзсзси. д̇з д̣̇исваа д̣̇звад̣̇ад̇д̇о д̇удтамаанасо рад̇д̇им̣ д̇хаммам̣ д̣̇зсаяамаано ‘‘б̣уд̣̇д̇халийлам̣ гариссаамий’’д̇и суг̇ад̇аалаяам̣ д̣̇ассзнд̇о ‘‘виг̇ад̇ат̇инамид̣̇д̇хо ко, аавусо саарибуд̇д̇а, бхигкусан̇гхо, бадибхаад̇у д̇ам̣ бхигкуунам̣ д̇хаммийгат̇аа, бидти мз ааг̇илааяад̇и, д̇амахам̣ ааяамиссаамий’’д̇и вад̇ваа нид̣̇д̣̇ам̣ убаг̇ад̇о . д̣̇вз аг̇г̇асаавагаа д̇зсам̣ бхигкуунам̣ д̇хаммам̣ д̣̇зсзд̇ваа маг̇г̇апалзхи баб̣од̇хзд̇ваа саб̣б̣з аад̣̇ааяа взл̣уванамзва бажжааг̇амим̣су.
Lasī ca te nipphalitāti idaṃ satthā veḷuvane viharanto devadattassa gayāsīse sugatālayassa dassitabhāvaṃ ārabbha kathesi. Devadatto hi parihīnajjhāno lābhasakkāraparihīno ‘‘attheko upāyo’’ti cintetvā satthāraṃ pañca vatthūni yācitvā alabhamāno dvinnaṃ aggasāvakānaṃ saddhivihārike adhunā pabbajite dhammavinayamhi akovide pañcasate bhikkhū gahetvā gayāsīsaṃ gantvā saṅghaṃ bhinditvā ekasīmāyaṃ āveṇikaṃ saṅghakammaṃ akāsi. Satthā tesaṃ bhikkhūnaṃ ñāṇaparipākakālaṃ ñatvā dve aggasāvake pesesi. Te disvā devadatto tuṭṭhamānaso rattiṃ dhammaṃ desayamāno ‘‘buddhalīlaṃ karissāmī’’ti sugatālayaṃ dassento ‘‘vigatathinamiddho kho, āvuso sāriputta, bhikkhusaṅgho, paṭibhātu taṃ bhikkhūnaṃ dhammīkathā, piṭṭhi me āgilāyati, tamahaṃ āyamissāmī’’ti vatvā niddaṃ upagato . Dve aggasāvakā tesaṃ bhikkhūnaṃ dhammaṃ desetvā maggaphalehi pabodhetvā sabbe ādāya veḷuvanameva paccāgamiṃsu.
гогаалиго вихаарам̣ д̇ужчам̣ д̣̇исваа д̣̇звад̣̇ад̇д̇асса санд̇игам̣ г̇анд̇ваа ‘‘аавусо д̣̇звад̣̇ад̇д̇а, барисам̣ д̇з бхинд̣̇ид̇ваа д̣̇вз аг̇г̇асаавагаа вихаарам̣ д̇ужчам̣ гад̇ваа г̇ад̇аа, д̇вам̣ бана нид̣̇д̣̇ааяасиязваа’’д̇и вад̇ваа уд̇д̇араасан̇г̇амасса абанзд̇ваа бхид̇д̇ияам̣ бидтиган̣дагам̣ пусанд̇о вияа бан̣хияаа нам̣ хад̣̇аяз бахари. д̇аавад̣̇звасса мукад̇о лохид̇ам̣ уг̇г̇ан̃чи. со д̇ад̇о бадтааяа г̇илаано ахоси. сад̇т̇аа т̇зрам̣ бужчи ‘‘саарибуд̇д̇а, д̇умхаагам̣ г̇ад̇агаалз д̣̇звад̣̇ад̇д̇о гим̣ агаасий’’д̇и? бханд̇з, д̣̇звад̣̇ад̇д̇о амхз д̣̇исваа ‘‘б̣уд̣̇д̇халийлам̣ гариссаамий’’д̇и суг̇ад̇аалаяам̣ д̣̇ассзд̇ваа махаавинаасам̣ бад̇д̇од̇и. сад̇т̇аа ‘‘на ко саарибуд̇д̇а, д̣̇звад̣̇ад̇д̇о ид̣̇аанзва мама анугаронд̇о винаасам̣ бад̇д̇о, буб̣б̣зби бад̇д̇оязваа’’д̇и вад̇ваа т̇зрзна яаажид̇о ад̇ийд̇ам̣ аахари.
Kokāliko vihāraṃ tucchaṃ disvā devadattassa santikaṃ gantvā ‘‘āvuso devadatta, parisaṃ te bhinditvā dve aggasāvakā vihāraṃ tucchaṃ katvā gatā, tvaṃ pana niddāyasiyevā’’ti vatvā uttarāsaṅgamassa apanetvā bhittiyaṃ piṭṭhikaṇṭakaṃ phusanto viya paṇhiyā naṃ hadaye pahari. Tāvadevassa mukhato lohitaṃ uggañchi. So tato paṭṭhāya gilāno ahosi. Satthā theraṃ pucchi ‘‘sāriputta, tumhākaṃ gatakāle devadatto kiṃ akāsī’’ti? Bhante, devadatto amhe disvā ‘‘buddhalīlaṃ karissāmī’’ti sugatālayaṃ dassetvā mahāvināsaṃ pattoti. Satthā ‘‘na kho sāriputta, devadatto idāneva mama anukaronto vināsaṃ patto, pubbepi pattoyevā’’ti vatvā therena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гзсарасийхо худ̇ваа химаванд̇аббад̣̇зсз ган̃жанаг̇ухааяам̣ ваасам̣ габбзси. со згад̣̇ивасам̣ ган̃жанаг̇ухааяа нигкамид̇ваа виж̇амбхид̇ваа жад̇уд̣̇д̣̇исам̣ ологзд̇ваа сийханаад̣̇ам̣ над̣̇ид̇ваа г̇ожарааяа багганд̇о махаамахим̣сам̣ вад̇хид̇ваа варамам̣сам̣ каад̣̇ид̇ваа згам̣ сарам̣ од̇арид̇ваа ман̣иван̣н̣асса уд̣̇агасса гужчим̣ буурзд̇ваа г̇ухам̣ санд̇хааяа бааяааси. ат̇зго син̇г̇аало г̇ожараббасуд̇о сахасаава сийхам̣ д̣̇исваа балааяид̇ум̣ асаггонд̇о сийхасса бурад̇о баад̣̇зсу бад̇ид̇ваа нибаж̇ж̇и. ‘‘гим̣, ж̇амб̣угаа’’д̇и жа вуд̇д̇з ‘‘ахам̣ д̇з, саами, баад̣̇з убадтаад̇угаамо’’д̇и ааха. сийхо ‘‘саад̇ху зхи, мам̣ убадтаха, варамам̣саани д̇ам̣ каад̣̇аабзссаамий’’д̇и вад̇ваа син̇г̇аалам̣ аад̣̇ааяа ган̃жанаг̇ухам̣ аг̇амааси. син̇г̇аало д̇ад̇о бадтааяа сийхавигхаасам̣ каад̣̇ад̇и. со гад̇ибаахажжаязнзва т̇ууласарийро ахоси.
Atīte bārāṇasiyaṃ brahmadatte rajjaṃ kārente bodhisatto kesarasīho hutvā himavantappadese kañcanaguhāyaṃ vāsaṃ kappesi. So ekadivasaṃ kañcanaguhāya nikkhamitvā vijambhitvā catuddisaṃ oloketvā sīhanādaṃ naditvā gocarāya pakkanto mahāmahiṃsaṃ vadhitvā varamaṃsaṃ khāditvā ekaṃ saraṃ otaritvā maṇivaṇṇassa udakassa kucchiṃ pūretvā guhaṃ sandhāya pāyāsi. Atheko siṅgālo gocarappasuto sahasāva sīhaṃ disvā palāyituṃ asakkonto sīhassa purato pādesu patitvā nipajji. ‘‘Kiṃ, jambukā’’ti ca vutte ‘‘ahaṃ te, sāmi, pāde upaṭṭhātukāmo’’ti āha. Sīho ‘‘sādhu ehi, maṃ upaṭṭhaha, varamaṃsāni taṃ khādāpessāmī’’ti vatvā siṅgālaṃ ādāya kañcanaguhaṃ agamāsi. Siṅgālo tato paṭṭhāya sīhavighāsaṃ khādati. So katipāhaccayeneva thūlasarīro ahosi.
ат̇а нам̣ згад̣̇ивасам̣ г̇ухааяа нибаннагова сийхо ааха ‘‘г̇ажча ж̇амб̣уга, баб̣б̣ад̇асикарз тад̇ваа баб̣б̣ад̇абаад̣̇з сан̃жаранд̇зсу хад̇т̇иассамахим̣саад̣̇ийсу яасса мам̣сам̣ каад̣̇ид̇угаамоси, д̇ам̣ ологзд̇ваа ааг̇анд̇ваа ‘асугамам̣сам̣ каад̣̇ид̇угаамомхий’д̇и вад̇ваа мам̣ ванд̣̇ид̇ваа ‘вирожа, саамий’д̇и вад̣̇аахи, ахам̣ д̇ам̣ вад̇хид̇ваа мад̇хурамам̣сам̣ каад̣̇ид̇ваа д̇уяхамби д̣̇ассаамий’’д̇и. син̇г̇аало баб̣б̣ад̇асикарам̣ абхирухид̇ваа наанаббагаарз миг̇з ологзд̇ваа яассзва мам̣сам̣ каад̣̇ид̇угаамо ход̇и, ган̃жанаг̇ухам̣ бависид̇ваа д̇амзва сийхасса аарожзд̇ваа баад̣̇зсу бад̇ид̇ваа ‘‘вирожа, саамий’’д̇и вад̣̇ад̇и. сийхо взг̇зна багканд̣̇ид̇ваа сажзби мад̇д̇аваравааран̣о ход̇и, д̇ад̇т̇зва нам̣ ж̇ийвид̇агкаяам̣ баабзд̇ваа саяамби варамам̣сам̣ каад̣̇ад̇и, син̇г̇аалассаби д̣̇зд̇и. син̇г̇аало гужчибуурам̣ мам̣сам̣ каад̣̇ид̇ваа г̇ухам̣ бависид̇ваа нид̣̇д̣̇ааяад̇и. со г̇ажчанд̇з г̇ажчанд̇з гаалз маанам̣ вад̣дхзси ‘‘ахамби жад̇уббад̣̇ова, гим̣гааран̣аа д̣̇ивасз д̣̇ивасз барзхи босияамаано вихараами, ид̇о бадтааяа ахамби хад̇т̇иаад̣̇аяо ханид̇ваа мам̣сам̣ каад̣̇иссаами, сийхоби миг̇арааж̇аа ‘вирожа, саамий’д̇и вуд̇д̇амзва бад̣̇ам̣ ниссааяа варавааран̣з вад̇хзд̇и, ахамби сийхзна ‘вирожа, ж̇амб̣угаа’д̇и мам̣ вад̣̇аабзд̇ваа згам̣ варавааран̣ам̣ вад̇хид̇ваа мам̣сам̣ каад̣̇иссаамий’’д̇и.
Atha naṃ ekadivasaṃ guhāya nipannakova sīho āha ‘‘gaccha jambuka, pabbatasikhare ṭhatvā pabbatapāde sañcarantesu hatthiassamahiṃsādīsu yassa maṃsaṃ khāditukāmosi, taṃ oloketvā āgantvā ‘asukamaṃsaṃ khāditukāmomhī’ti vatvā maṃ vanditvā ‘viroca, sāmī’ti vadāhi, ahaṃ taṃ vadhitvā madhuramaṃsaṃ khāditvā tuyhampi dassāmī’’ti. Siṅgālo pabbatasikharaṃ abhiruhitvā nānappakāre mige oloketvā yasseva maṃsaṃ khāditukāmo hoti, kañcanaguhaṃ pavisitvā tameva sīhassa ārocetvā pādesu patitvā ‘‘viroca, sāmī’’ti vadati. Sīho vegena pakkhanditvā sacepi mattavaravāraṇo hoti, tattheva naṃ jīvitakkhayaṃ pāpetvā sayampi varamaṃsaṃ khādati, siṅgālassapi deti. Siṅgālo kucchipūraṃ maṃsaṃ khāditvā guhaṃ pavisitvā niddāyati. So gacchante gacchante kāle mānaṃ vaḍḍhesi ‘‘ahampi catuppadova, kiṃkāraṇā divase divase parehi posiyamāno viharāmi, ito paṭṭhāya ahampi hatthiādayo hanitvā maṃsaṃ khādissāmi, sīhopi migarājā ‘viroca, sāmī’ti vuttameva padaṃ nissāya varavāraṇe vadheti, ahampi sīhena ‘viroca, jambukā’ti maṃ vadāpetvā ekaṃ varavāraṇaṃ vadhitvā maṃsaṃ khādissāmī’’ti.
со сийхам̣ убасан̇гамид̇ваа зд̇ад̣̇авожа ‘‘саами, маяаа д̣̇ийгхарад̇д̇ам̣ д̇умхзхи вад̇хид̇аваравааран̣аанам̣ мам̣сам̣ каад̣̇ид̇ам̣, ахамби згам̣ варавааран̣ам̣ маарзд̇ваа мам̣сам̣ каад̣̇ид̇угаамо, д̇асмаа д̇умхзхи нибаннадтаанз ган̃жанаг̇ухааяам̣ нибаж̇ж̇иссаами, д̇умхз баб̣б̣ад̇абаад̣̇з вижаранд̇ам̣ варавааран̣ам̣ ологзд̇ваа мама санд̇игам̣ ааг̇анд̇ваа ‘вирожа, ж̇амб̣угаа’д̇и вад̣̇зт̇а, зд̇д̇агамад̇д̇асмим̣ мажчзрам̣ маа гарид̇т̇аа’’д̇и. ат̇а нам̣ сийхо ааха ‘‘на, д̇вам̣ ж̇амб̣уга, вааран̣з вад̇хид̇ум̣ самад̇т̇з сийхагулз уббанно, вааран̣ам̣ вад̇хид̇ваа мам̣сам̣ каад̣̇анасамад̇т̇о син̇г̇аало наама логз над̇т̇и, маа д̇з зд̇ам̣ ружжи, маяаа вад̇хид̇аваравааран̣аанан̃н̃зва мам̣сам̣ каад̣̇ид̇ваа васаа’’д̇и. со звам̣ вуд̇д̇зби вирамид̇ум̣ на ижчи, бунаббунам̣ яаажиязва. сийхо д̇ам̣ ваарзд̇ум̣ асаггонд̇о самбадижчид̇ваа ‘‘д̇зна хи мама васанадтаанам̣ бависид̇ваа нибаж̇ж̇аа’’д̇и ж̇амб̣угам̣ ган̃жанаг̇ухааяам̣ нибаж̇ж̇аабзд̇ваа саяам̣ баб̣б̣ад̇абаад̣̇з мад̇д̇аваравааран̣ам̣ ологзд̇ваа г̇ухаад̣̇ваарам̣ г̇анд̇ваа ‘‘вирожа, ж̇амб̣угаа’’д̇и ааха. син̇г̇аало ган̃жанаг̇ухааяа нигкамид̇ваа виж̇амбхид̇ваа жад̇уд̣̇д̣̇исам̣ ологзд̇ваа д̇игкад̇д̇ум̣ вассид̇ваа ‘‘мад̇д̇аваравааран̣асса гумбхз бад̇иссаамий’’д̇и багканд̣̇ид̇ваа вираж̇жхид̇ваа баад̣̇амуулз бад̇и. вааран̣о д̣̇агкин̣абаад̣̇ам̣ угкибид̇ваа д̇асса сийсам̣ аггами, сийсадтийни жун̣н̣авижун̣н̣аани ахзсум̣. ат̇асса сарийрам̣ вааран̣о баад̣̇зна сан̇гхарид̇ваа раасим̣ гад̇ваа убари лан̣д̣ам̣ баад̇зд̇ваа гон̃жанаад̣̇ам̣ над̣̇анд̇о аран̃н̃ам̣ баависи.
So sīhaṃ upasaṅkamitvā etadavoca ‘‘sāmi, mayā dīgharattaṃ tumhehi vadhitavaravāraṇānaṃ maṃsaṃ khāditaṃ, ahampi ekaṃ varavāraṇaṃ māretvā maṃsaṃ khāditukāmo, tasmā tumhehi nipannaṭṭhāne kañcanaguhāyaṃ nipajjissāmi, tumhe pabbatapāde vicarantaṃ varavāraṇaṃ oloketvā mama santikaṃ āgantvā ‘viroca, jambukā’ti vadetha, ettakamattasmiṃ maccheraṃ mā karitthā’’ti. Atha naṃ sīho āha ‘‘na, tvaṃ jambuka, vāraṇe vadhituṃ samatthe sīhakule uppanno, vāraṇaṃ vadhitvā maṃsaṃ khādanasamattho siṅgālo nāma loke natthi, mā te etaṃ rucci, mayā vadhitavaravāraṇānaññeva maṃsaṃ khāditvā vasā’’ti. So evaṃ vuttepi viramituṃ na icchi, punappunaṃ yāciyeva. Sīho taṃ vāretuṃ asakkonto sampaṭicchitvā ‘‘tena hi mama vasanaṭṭhānaṃ pavisitvā nipajjā’’ti jambukaṃ kañcanaguhāyaṃ nipajjāpetvā sayaṃ pabbatapāde mattavaravāraṇaṃ oloketvā guhādvāraṃ gantvā ‘‘viroca, jambukā’’ti āha. Siṅgālo kañcanaguhāya nikkhamitvā vijambhitvā catuddisaṃ oloketvā tikkhattuṃ vassitvā ‘‘mattavaravāraṇassa kumbhe patissāmī’’ti pakkhanditvā virajjhitvā pādamūle pati. Vāraṇo dakkhiṇapādaṃ ukkhipitvā tassa sīsaṃ akkami, sīsaṭṭhīni cuṇṇavicuṇṇāni ahesuṃ. Athassa sarīraṃ vāraṇo pādena saṅgharitvā rāsiṃ katvā upari laṇḍaṃ pātetvā koñcanādaṃ nadanto araññaṃ pāvisi.
б̣од̇хисад̇д̇о имам̣ бавад̇д̇им̣ д̣̇исваа ‘‘ид̣̇аани вирожа, ж̇амб̣угаа’’д̇и вад̇ваа имам̣ г̇аат̇амааха –
Bodhisatto imaṃ pavattiṃ disvā ‘‘idāni viroca, jambukā’’ti vatvā imaṃ gāthamāha –
143.
143.
‘‘ласий жа д̇з нибпалид̇аа, мад̇т̇аго жа бад̣̇аалид̇о;
‘‘Lasī ca te nipphalitā, matthako ca padālito;
саб̣б̣аа д̇з паасугаа бхаг̇г̇аа, аж̇ж̇а ко д̇вам̣ вирожасий’’д̇и.
Sabbā te phāsukā bhaggā, ajja kho tvaṃ virocasī’’ti.
д̇ад̇т̇а ласийд̇и мад̇т̇алун̇г̇ам̣. нибпалид̇аад̇и нигканд̇аа. звам̣ б̣од̇хисад̇д̇о имам̣ г̇аат̇ам̣ вад̇ваа яаавад̇ааяугам̣ тад̇ваа яат̇аагаммам̣ г̇ад̇о.
Tattha lasīti matthaluṅgaṃ. Nipphalitāti nikkhantā. Evaṃ bodhisatto imaṃ gāthaṃ vatvā yāvatāyukaṃ ṭhatvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало д̣̇звад̣̇ад̇д̇о ахоси, сийхо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo devadatto ahosi, sīho pana ahameva ahosi’’nti.
вирожаж̇аад̇агаван̣н̣анаа д̇ад̇ияаа.
Virocajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 143. вирожаж̇аад̇агам̣ • 143. Virocajātakaṃ
