| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. висаакабан̃жаалабуд̇д̇ад̇т̇зраг̇аат̇ааван̣н̣анаа
5. Visākhapañcālaputtattheragāthāvaṇṇanā
на угкибз но жа баригкибз барзд̇и ааяасмад̇о висаакасса бан̃жаалабуд̇д̇асса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о жуд̣̇д̣̇асз габбз бажжанд̇аг̇аамз д̣̇алид̣̇д̣̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ палабариязсанам̣ жаранд̇зхи д̇асмим̣ г̇аамз мануссзхи сад̣̇д̇хим̣ аран̃н̃ам̣ г̇ад̇о д̇ад̇т̇а згам̣ бажжзгаб̣уд̣̇д̇хам̣ д̣̇исваа басаннамаанасо валлипалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз ман̣д̣алигарааж̇агулз ниб̣б̣ад̇д̇ид̇ваа висаакод̇и лад̣̇д̇ханаамо бан̃жааларааж̇ад̇хийд̇уяаа буд̇д̇абхаавад̇о бажчаа бан̃жаалабуд̇д̇од̇и бан̃н̃ааяид̇т̇а. со бид̇ари мад̇з раж̇ж̇ам̣ гаарзнд̇о сад̇т̇ари ад̇д̇ано г̇аамасамийбаг̇ад̇з сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа сад̇т̇аараа сад̣̇д̇хим̣ саавад̇т̇им̣ г̇ад̇о вибассанам̣ бадтабзд̇ваа нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.39.31-36) –
Naukkhipe no ca parikkhipe pareti āyasmato visākhassa pañcālaputtassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito cuddase kappe paccantagāme daliddakule nibbattitvā viññutaṃ patto ekadivasaṃ phalapariyesanaṃ carantehi tasmiṃ gāme manussehi saddhiṃ araññaṃ gato tattha ekaṃ paccekabuddhaṃ disvā pasannamānaso valliphalaṃ adāsi. So tena puññakammena devamanussesu saṃsaranto imasmiṃ buddhuppāde magadharaṭṭhe maṇḍalikarājakule nibbattitvā visākhoti laddhanāmo pañcālarājadhītuyā puttabhāvato pacchā pañcālaputtoti paññāyittha. So pitari mate rajjaṃ kārento satthari attano gāmasamīpagate satthu santikaṃ gantvā dhammaṃ sutvā paṭiladdhasaddho pabbajitvā satthārā saddhiṃ sāvatthiṃ gato vipassanaṃ paṭṭhapetvā nacirasseva chaḷabhiñño ahosi. Tena vuttaṃ apadāne (apa. thera 1.39.31-36) –
‘‘саб̣б̣з ж̇анаа самааг̇амма, аг̇амим̣су ванам̣ д̇ад̣̇аа;
‘‘Sabbe janā samāgamma, agamiṃsu vanaṃ tadā;
паламанвзсамаанаа д̇з, алабхим̣су палам̣ д̇ад̣̇аа.
Phalamanvesamānā te, alabhiṃsu phalaṃ tadā.
‘‘д̇ад̇т̇ад̣̇д̣̇асаасим̣ самб̣уд̣̇д̇хам̣, саяамбхум̣ абарааж̇ид̇ам̣;
‘‘Tatthaddasāsiṃ sambuddhaṃ, sayambhuṃ aparājitaṃ;
басаннажид̇д̇о сумано, валлипаламад̣̇аасахам̣.
Pasannacitto sumano, valliphalamadāsahaṃ.
‘‘жад̇уд̣̇д̣̇асз ид̇о габбз, яам̣ паламад̣̇ад̣̇им̣ д̇ад̣̇аа;
‘‘Catuddase ito kappe, yaṃ phalamadadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа т̇зро н̃аад̇ийнам̣ анугамбааяа ж̇аад̇ибхуумим̣ аг̇амааси. д̇ад̇т̇а мануссаа т̇зрам̣ убасан̇гамид̇ваа гаалзна гаалам̣ д̇хаммам̣ сун̣анд̇аа згад̣̇ивасам̣ ‘‘гад̇ихи ну ко, бханд̇з, ан̇г̇зхи саманнааг̇ад̇о д̇хаммагат̇иго ход̇ий’’д̇и д̇хаммагат̇игалагкан̣ам̣ бужчим̣су. т̇зро д̇зсам̣ д̇хаммагат̇игалагкан̣ам̣ гат̇знд̇о –
Chaḷabhiñño pana hutvā thero ñātīnaṃ anukampāya jātibhūmiṃ agamāsi. Tattha manussā theraṃ upasaṅkamitvā kālena kālaṃ dhammaṃ suṇantā ekadivasaṃ ‘‘katihi nu kho, bhante, aṅgehi samannāgato dhammakathiko hotī’’ti dhammakathikalakkhaṇaṃ pucchiṃsu. Thero tesaṃ dhammakathikalakkhaṇaṃ kathento –
209.
209.
‘‘на угкибз но жа баригкибз барз, на огкибз баараг̇ад̇ам̣ на зраяз;
‘‘Na ukkhipe no ca parikkhipe pare, na okkhipe pāragataṃ na eraye;
на жад̇д̇аван̣н̣ам̣ барисаасу б̣яаахарз, ануд̣̇д̇хад̇о саммид̇абхаан̣и суб̣б̣ад̇о.
Na cattavaṇṇaṃ parisāsu byāhare, anuddhato sammitabhāṇi subbato.
210.
210.
‘‘сусукуманибун̣ад̇т̇ад̣̇ассинаа, мад̇игусалзна ниваад̇авуд̇д̇инаа;
‘‘Susukhumanipuṇatthadassinā, matikusalena nivātavuttinā;
сам̣сзвид̇аб̣уд̣̇д̇хасийлинаа, ниб̣б̣аанам̣ на хи д̇зна д̣̇уллабха’’нд̇и. –
Saṃsevitabuddhasīlinā, nibbānaṃ na hi tena dullabha’’nti. –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а на угкибзд̇и ад̇д̇аанам̣ на угкибзяяа, ж̇аад̇иаад̣̇ийхи б̣аахусажжаад̣̇ийхи жа ад̇д̇уггам̣санам̣ на гарзяяа. но жа баригкибз барзд̇и барз барабуг̇г̇алз д̇зхзва ж̇аад̇иаад̣̇ийхи но баригкибз барижчинд̣̇ид̇ваа на кибзяяа г̇ун̣абарид̇хам̣санавасзна ваа на кибзяяа. на огкибз барз ижжзвам̣ самб̣анд̇хо. барз ож̇жхаабанавасзна на огкибз хздтад̇о гад̇ваа барз на ологаабзяяа, на ож̇жхаабзяяаад̇и ад̇т̇о. ‘‘на угкибз’’д̇и гзжи батанд̇и, со звад̇т̇о. баараг̇ад̇анд̇и сам̣саарабаарам̣ вияа виж̇ж̇ааяа баарам̣ г̇ад̇ам̣ кийн̣аасавам̣ д̇звиж̇ж̇ам̣ чал̣абхин̃н̃ам̣ ваа на зраяз на гхаддаяз на аасаад̣̇зяяа. на жад̇д̇аван̣н̣ам̣ барисаасу б̣яаахарзд̇и ад̇д̇ано ван̣н̣ам̣ г̇ун̣ам̣ лаабхасаггаарасилогам̣ нигаамаяамаано кад̇д̇ияабарисаад̣̇ийсу на бхаасзяяа. ануд̣̇д̇хад̇од̇и уд̣̇д̇хажжарахид̇о. уд̣̇д̇хад̇асса хи важанам̣ наад̣̇ияанд̇и. саммид̇абхаан̣ийд̇и саммад̣̇зва мид̇абхаан̣ий, гаалзна саабад̣̇зсам̣ барияанд̇авад̇им̣ ад̇т̇асан̃хид̇амзва ваажам̣ бхаасанасийлод̇и ад̇т̇о. ид̇о ан̃н̃ат̇аа вад̣̇анд̇асса важанам̣ аг̇ахан̣ийяам̣ ход̇и. суб̣б̣ад̇од̇и сунд̣̇аравад̇о сийласамбанно. ‘‘сияаа’’д̇и гирияаабад̣̇ам̣ аанзд̇ваа яож̇зд̇аб̣б̣ам̣.
Tattha na ukkhipeti attānaṃ na ukkhipeyya, jātiādīhi bāhusaccādīhi ca attukkaṃsanaṃ na kareyya. No ca parikkhipe pareti pare parapuggale teheva jātiādīhi no parikkhipe paricchinditvā na khipeyya guṇaparidhaṃsanavasena vā na khipeyya. Na okkhipe pare iccevaṃ sambandho. Pare ojjhāpanavasena na okkhipe heṭṭhato katvā pare na olokāpeyya, na ojjhāpeyyāti attho. ‘‘Na ukkhipe’’ti keci paṭhanti, so evattho. Pāragatanti saṃsārapāraṃ viya vijjāya pāraṃ gataṃ khīṇāsavaṃ tevijjaṃ chaḷabhiññaṃ vā na eraye na ghaṭṭaye na āsādeyya. Na cattavaṇṇaṃ parisāsu byāhareti attano vaṇṇaṃ guṇaṃ lābhasakkārasilokaṃ nikāmayamāno khattiyaparisādīsu na bhāseyya. Anuddhatoti uddhaccarahito. Uddhatassa hi vacanaṃ nādiyanti. Sammitabhāṇīti sammadeva mitabhāṇī, kālena sāpadesaṃ pariyantavatiṃ atthasañhitameva vācaṃ bhāsanasīloti attho. Ito aññathā vadantassa vacanaṃ agahaṇīyaṃ hoti. Subbatoti sundaravato sīlasampanno. ‘‘Siyā’’ti kiriyāpadaṃ ānetvā yojetabbaṃ.
звам̣ т̇зро сан̇кзбзнзва д̇хаммагат̇игалагкан̣ам̣ вад̇ваа д̇зсам̣ г̇ун̣аанам̣ ад̇д̇ани лаб̣бхамаанад̇ам̣ ад̇химужжид̇ваа бхияяосомад̇д̇ааяа абхиббасаннам̣ махааж̇анам̣ н̃ад̇ваа ‘‘звам̣вид̇хасса д̇хаммагат̇игасса вимуд̇д̇ааяад̇анасанниссид̇асса на ниб̣б̣аанам̣ д̣̇уллабхам̣, ат̇а ко сулабхамзваа’’д̇и д̣̇ассзнд̇о ‘‘сусукуманибун̣ад̇т̇ад̣̇ассинаа’’д̇и д̣̇уд̇ияаг̇аат̇амааха. д̇ассад̇т̇о хздтаа вуд̇д̇оязва.
Evaṃ thero saṅkhepeneva dhammakathikalakkhaṇaṃ vatvā tesaṃ guṇānaṃ attani labbhamānataṃ adhimuccitvā bhiyyosomattāya abhippasannaṃ mahājanaṃ ñatvā ‘‘evaṃvidhassa dhammakathikassa vimuttāyatanasannissitassa na nibbānaṃ dullabhaṃ, atha kho sulabhamevā’’ti dassento ‘‘susukhumanipuṇatthadassinā’’ti dutiyagāthamāha. Tassattho heṭṭhā vuttoyeva.
висаакабан̃жаалабуд̇д̇ад̇т̇зраг̇аат̇ааван̣н̣анаа нидтид̇аа.
Visākhapañcālaputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. висаакабан̃жаалабуд̇д̇ад̇т̇зраг̇аат̇аа • 5. Visākhapañcālaputtattheragāthā
