Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

    9. висаакаасуд̇д̇ам̣

    9. Visākhāsuttaṃ

    19. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна висаакааяа миг̇аарамаад̇уяаа гожид̣̇зва ад̇т̇о ран̃н̃з басзнад̣̇имхи госалз бадиб̣ад̣̇д̇хо 1 ход̇и. д̇ам̣ рааж̇аа басзнад̣̇и госало на яат̇аад̇хиббааяам̣ д̇ийрзд̇и .

    19. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tena kho pana samayena visākhāya migāramātuyā kocideva attho raññe pasenadimhi kosale paṭibaddho 2 hoti. Taṃ rājā pasenadi kosalo na yathādhippāyaṃ tīreti .

    ат̇а ко висаакаа миг̇аарамаад̇аа д̣̇иваа д̣̇ивасса 3 язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко висаакам̣ миг̇аарамаад̇арам̣ бхаг̇аваа зд̇ад̣̇авожа – ‘‘ханд̣̇а гуд̇о ну д̇вам̣, висаакз, ааг̇ажчаси д̣̇иваа д̣̇ивассаа’’д̇и? ‘‘ид̇ха мз, бханд̇з, гожид̣̇зва ад̇т̇о ран̃н̃з басзнад̣̇имхи госалз бадиб̣ад̣̇д̇хо; д̇ам̣ рааж̇аа басзнад̣̇и госало на яат̇аад̇хиббааяам̣ д̇ийрзд̇ий’’д̇и.

    Atha kho visākhā migāramātā divā divassa 4 yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho visākhaṃ migāramātaraṃ bhagavā etadavoca – ‘‘handa kuto nu tvaṃ, visākhe, āgacchasi divā divassā’’ti? ‘‘Idha me, bhante, kocideva attho raññe pasenadimhi kosale paṭibaddho; taṃ rājā pasenadi kosalo na yathādhippāyaṃ tīretī’’ti.

    ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

    Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

    ‘‘саб̣б̣ам̣ баравасам̣ д̣̇угкам̣, саб̣б̣ам̣ иссарияам̣ сукам̣;

    ‘‘Sabbaṃ paravasaṃ dukkhaṃ, sabbaṃ issariyaṃ sukhaṃ;

    саад̇хааран̣з вихан̃н̃анд̇и, яог̇аа хи д̣̇урад̇иггамаа’’д̇и. навамам̣;

    Sādhāraṇe vihaññanti, yogā hi duratikkamā’’ti. navamaṃ;




    Next: 10. бхад̣̇д̣̇ияасуд̇д̇ам̣ • 10. Bhaddiyasuttaṃ




    Footnotes:
    1. бадиб̣анд̇хо (бий. га.)
    2. paṭibandho (pī. ka.)
    3. д̣̇иваад̣̇ивассзва (сяаа.), д̣̇иваад̣̇ивассзязва (бий.), д̣̇иваа д̣̇ивассаязва (га.)
    4. divādivasseva (syā.), divādivasseyeva (pī.), divā divassayeva (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 9. висаакаасуд̇д̇аван̣н̣анаа • 9. Visākhāsuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact