| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
8. висаакаасуд̇д̇ам̣
8. Visākhāsuttaṃ
78. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна висаакааяа миг̇аарамаад̇уяаа над̇д̇аа гаалан̇гад̇аа ход̇и бияаа манаабаа. ат̇а ко висаакаа миг̇аарамаад̇аа аллавад̇т̇аа аллагзсаа д̣̇иваа д̣̇ивасса язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко висаакам̣ миг̇аарамаад̇арам̣ бхаг̇аваа зд̇ад̣̇авожа –
78. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tena kho pana samayena visākhāya migāramātuyā nattā kālaṅkatā hoti piyā manāpā. Atha kho visākhā migāramātā allavatthā allakesā divā divassa yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho visākhaṃ migāramātaraṃ bhagavā etadavoca –
‘‘ханд̣̇а гуд̇о ну д̇вам̣, висаакз, ааг̇ажчаси аллавад̇т̇аа аллагзсаа ид̇хуубасан̇ганд̇аа д̣̇иваа д̣̇ивассаа’’д̇и? ‘‘над̇д̇аа мз, бханд̇з, бияаа манаабаа гаалан̇гад̇аа. д̇знаахам̣ аллавад̇т̇аа аллагзсаа ид̇хуубасан̇ганд̇аа д̣̇иваа д̣̇ивассаа’’д̇и. ‘‘ижчзяяааси д̇вам̣, висаакз, яаавад̇игаа 1 саавад̇т̇ияаа мануссаа д̇аавад̇игз 2 буд̇д̇з жа над̇д̇ааро жаа’’д̇и? ‘‘ижчзяяаахам̣, бхаг̇аваа 3 яаавад̇игаа саавад̇т̇ияаа мануссаа д̇аавад̇игз буд̇д̇з жа над̇д̇ааро жаа’’д̇и.
‘‘Handa kuto nu tvaṃ, visākhe, āgacchasi allavatthā allakesā idhūpasaṅkantā divā divassā’’ti? ‘‘Nattā me, bhante, piyā manāpā kālaṅkatā. Tenāhaṃ allavatthā allakesā idhūpasaṅkantā divā divassā’’ti. ‘‘Iccheyyāsi tvaṃ, visākhe, yāvatikā 4 sāvatthiyā manussā tāvatike 5 putte ca nattāro cā’’ti? ‘‘Iccheyyāhaṃ, bhagavā 6 yāvatikā sāvatthiyā manussā tāvatike putte ca nattāro cā’’ti.
‘‘гийваб̣ахугаа бана, висаакз, саавад̇т̇ияаа мануссаа д̣̇звасигам̣ гаалам̣ гаронд̇ий’’д̇и? ‘‘д̣̇асаби, бханд̇з, саавад̇т̇ияаа мануссаа д̣̇звасигам̣ гаалам̣ гаронд̇и; наваби, бханд̇з… адтаби, бханд̇з… сад̇д̇аби, бханд̇з… чаби, бханд̇з… бан̃жаби, бханд̇з… жад̇д̇аароби, бханд̇з… д̇ийн̣иби, бханд̇з… д̣̇взби, бханд̇з, саавад̇т̇ияаа мануссаа д̣̇звасигам̣ гаалам̣ гаронд̇и. згоби, бханд̇з, саавад̇т̇ияаа мануссо д̣̇звасигам̣ гаалам̣ гарод̇и. авивид̇д̇аа, бханд̇з, саавад̇т̇и мануссзхи гаалам̣ гаронд̇зхий’’д̇и.
‘‘Kīvabahukā pana, visākhe, sāvatthiyā manussā devasikaṃ kālaṃ karontī’’ti? ‘‘Dasapi, bhante, sāvatthiyā manussā devasikaṃ kālaṃ karonti; navapi, bhante… aṭṭhapi, bhante… sattapi, bhante… chapi, bhante… pañcapi, bhante… cattāropi, bhante… tīṇipi, bhante… dvepi, bhante, sāvatthiyā manussā devasikaṃ kālaṃ karonti. Ekopi, bhante, sāvatthiyā manusso devasikaṃ kālaṃ karoti. Avivittā, bhante, sāvatthi manussehi kālaṃ karontehī’’ti.
‘‘д̇ам̣ гим̣ ман̃н̃аси, висаакз, аби ну д̇вам̣ гад̣̇аажи гарахажи аналлавад̇т̇аа ваа бхавзяяааси аналлагзсаа ваа’’д̇и? ‘‘но хзд̇ам̣, бханд̇з . алам̣ мз, бханд̇з, д̇аава б̣ахугзхи буд̇д̇зхи жа над̇д̇аарзхи жаа’’д̇и.
‘‘Taṃ kiṃ maññasi, visākhe, api nu tvaṃ kadāci karahaci anallavatthā vā bhaveyyāsi anallakesā vā’’ti? ‘‘No hetaṃ, bhante . Alaṃ me, bhante, tāva bahukehi puttehi ca nattārehi cā’’ti.
‘‘язсам̣ ко, висаакз, сад̇ам̣ бияаани, сад̇ам̣ д̇зсам̣ д̣̇угкаани; язсам̣ навуд̇и бияаани, навуд̇и д̇зсам̣ д̣̇угкаани; язсам̣ асийд̇и бияаани, асийд̇и д̇зсам̣ д̣̇угкаани; язсам̣ сад̇д̇ад̇и бияаани, сад̇д̇ад̇и д̇зсам̣ д̣̇угкаани; язсам̣ садти бияаани, садти д̇зсам̣ д̣̇угкаани; язсам̣ бан̃н̃аасам̣ бияаани, бан̃н̃аасам̣ д̇зсам̣ д̣̇угкаани; язсам̣ жад̇д̇аарийсам̣ бияаани, жад̇д̇аарийсам̣ д̇зсам̣ д̣̇угкаани, язсам̣ д̇им̣сам̣ бияаани, д̇им̣сам̣ д̇зсам̣ д̣̇угкаани; язсам̣ вийсад̇и бияаани, вийсад̇и д̇зсам̣ д̣̇угкаани, язсам̣ д̣̇аса бияаани, д̣̇аса д̇зсам̣ д̣̇угкаани; язсам̣ нава бияаани, нава д̇зсам̣ д̣̇угкаани; язсам̣ адта бияаани, адта д̇зсам̣ д̣̇угкаани; язсам̣ сад̇д̇а бияаани, сад̇д̇а д̇зсам̣ д̣̇угкаани; язсам̣ ча бияаани, ча д̇зсам̣ д̣̇угкаани; язсам̣ бан̃жа бияаани, бан̃жа д̇зсам̣ д̣̇угкаани; язсам̣ жад̇д̇аари бияаани, жад̇д̇аари д̇зсам̣ д̣̇угкаани; язсам̣ д̇ийн̣и бияаани, д̇ийн̣и д̇зсам̣ д̣̇угкаани; язсам̣ д̣̇вз бияаани, д̣̇вз д̇зсам̣ д̣̇угкаани; язсам̣ згам̣ бияам̣, згам̣ д̇зсам̣ д̣̇угкам̣; язсам̣ над̇т̇и бияам̣, над̇т̇и д̇зсам̣ д̣̇угкам̣, асогаа д̇з вираж̇аа анубааяаасаад̇и вад̣̇аамий’’д̇и.
‘‘Yesaṃ kho, visākhe, sataṃ piyāni, sataṃ tesaṃ dukkhāni; yesaṃ navuti piyāni, navuti tesaṃ dukkhāni; yesaṃ asīti piyāni, asīti tesaṃ dukkhāni; yesaṃ sattati piyāni, sattati tesaṃ dukkhāni; yesaṃ saṭṭhi piyāni, saṭṭhi tesaṃ dukkhāni; yesaṃ paññāsaṃ piyāni, paññāsaṃ tesaṃ dukkhāni; yesaṃ cattārīsaṃ piyāni, cattārīsaṃ tesaṃ dukkhāni, yesaṃ tiṃsaṃ piyāni, tiṃsaṃ tesaṃ dukkhāni; yesaṃ vīsati piyāni, vīsati tesaṃ dukkhāni, yesaṃ dasa piyāni, dasa tesaṃ dukkhāni; yesaṃ nava piyāni, nava tesaṃ dukkhāni; yesaṃ aṭṭha piyāni, aṭṭha tesaṃ dukkhāni; yesaṃ satta piyāni, satta tesaṃ dukkhāni; yesaṃ cha piyāni, cha tesaṃ dukkhāni; yesaṃ pañca piyāni, pañca tesaṃ dukkhāni; yesaṃ cattāri piyāni, cattāri tesaṃ dukkhāni; yesaṃ tīṇi piyāni, tīṇi tesaṃ dukkhāni; yesaṃ dve piyāni, dve tesaṃ dukkhāni; yesaṃ ekaṃ piyaṃ, ekaṃ tesaṃ dukkhaṃ; yesaṃ natthi piyaṃ, natthi tesaṃ dukkhaṃ, asokā te virajā anupāyāsāti vadāmī’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яз гзжи согаа барид̣̇звид̇аа ваа,
‘‘Ye keci sokā paridevitā vā,
бияам̣ бадижжаббабхаванд̇и зд̇з,
Piyaṃ paṭiccappabhavanti ete,
бияз асанд̇з на бхаванд̇и зд̇з.
Piye asante na bhavanti ete.
‘‘д̇асмаа хи д̇з сукино вийд̇асогаа,
‘‘Tasmā hi te sukhino vītasokā,
язсам̣ бияам̣ над̇т̇и гухин̃жи логз;
Yesaṃ piyaṃ natthi kuhiñci loke;
д̇асмаа асогам̣ вираж̇ам̣ бад̇т̇аяаано,
Tasmā asokaṃ virajaṃ patthayāno,
бияам̣ на гаяираат̇а гухин̃жи логз’’д̇и. адтамам̣;
Piyaṃ na kayirātha kuhiñci loke’’ti. aṭṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 8. висаакаасуд̇д̇аван̣н̣анаа • 8. Visākhāsuttavaṇṇanā
