| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. விஸாக²ஸுத்தவண்ணனா
8. Visākhasuttavaṇṇanā
48. அட்ட²மே பஞ்சாலபுத்தோதி பஞ்சாலப்³ராஹ்மணியா புத்தோ. போரியா வாசாயாதி பரிபுண்ணவாசாய. விஸ்ஸட்டா²யாதி அபலிபு³த்³தா⁴ய. அனேலக³லாயாதி நித்³தோ³ஸாய சேவ அக³ளிதாய ச அபதிதபத³ப்³யஞ்ஜனாய. பரியாபன்னாயாதி விவட்டபரியாபன்னாய. அனிஸ்ஸிதாயாதி வட்டங் அனிஸ்ஸிதாய. விவட்டனிஸ்ஸிதமேவ கத்வா கதே²தி, வட்டனிஸ்ஸிதங் கத்வா ந கதே²தீதி அயமெத்த² அதி⁴ப்பாயோ.
48. Aṭṭhame pañcālaputtoti pañcālabrāhmaṇiyā putto. Poriyā vācāyāti paripuṇṇavācāya. Vissaṭṭhāyāti apalibuddhāya. Anelagalāyāti niddosāya ceva agaḷitāya ca apatitapadabyañjanāya. Pariyāpannāyāti vivaṭṭapariyāpannāya. Anissitāyāti vaṭṭaṃ anissitāya. Vivaṭṭanissitameva katvā katheti, vaṭṭanissitaṃ katvā na kathetīti ayamettha adhippāyo.
நாபா⁴ஸமானந்தி ந அகதெ²ந்தங். அமதங் பத³ந்தி நிப்³பா³னபத³ங். பா⁴ஸயேதி ஓபா⁴ஸெய்ய. ஜோதயேதி தஸ்ஸேவ வேவசனங். பக்³க³ண்ஹே இஸினங் த⁴ஜந்தி அப்³பு⁴க்³க³தட்டே²ன நவலோகுத்தரத⁴ம்மோ இஸீனங் த⁴ஜோ நாம வுச்சதி, தமேவ பக்³க³ண்ஹெய்ய உக்கி²பெய்ய, உச்சங் கத்வா கதெ²ய்யாதி அத்தோ². நவலோகுத்தரத⁴ம்மதீ³பகங் ஸுபா⁴ஸிதங் த⁴ஜோ ஏதேஸந்தி ஸுபா⁴ஸிதத⁴ஜா. இஸயோதி பு³த்³தா⁴த³யோ அரியா. த⁴ம்மோ ஹி இஸினங் த⁴ஜோதி ஹெட்டா² வுத்தனயேனேவ லோகுத்தரத⁴ம்மோ இஸீனங் த⁴ஜோ நாமாதி.
Nābhāsamānanti na akathentaṃ. Amataṃ padanti nibbānapadaṃ. Bhāsayeti obhāseyya. Jotayeti tasseva vevacanaṃ. Paggaṇhe isinaṃ dhajanti abbhuggataṭṭhena navalokuttaradhammo isīnaṃ dhajo nāma vuccati, tameva paggaṇheyya ukkhipeyya, uccaṃ katvā katheyyāti attho. Navalokuttaradhammadīpakaṃ subhāsitaṃ dhajo etesanti subhāsitadhajā. Isayoti buddhādayo ariyā. Dhammo hi isinaṃ dhajoti heṭṭhā vuttanayeneva lokuttaradhammo isīnaṃ dhajo nāmāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. விஸாக²ஸுத்தங் • 8. Visākhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. விஸாக²ஸுத்தவண்ணனா • 8. Visākhasuttavaṇṇanā
