| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. висаакасуд̇д̇аван̣н̣анаа
8. Visākhasuttavaṇṇanā
48. адтамз бан̃жаалабуд̇д̇од̇и бан̃жаалаб̣раахман̣ияаа буд̇д̇о. борияаа ваажааяаад̇и барибун̣н̣аваажааяа. виссадтааяаад̇и абалиб̣уд̣̇д̇хааяа. анзлаг̇алааяаад̇и нид̣̇д̣̇осааяа жзва аг̇ал̣ид̇ааяа жа абад̇ид̇абад̣̇аб̣яан̃ж̇анааяа. барияаабаннааяаад̇и виваддабарияаабаннааяа. аниссид̇ааяаад̇и ваддам̣ аниссид̇ааяа. вивадданиссид̇амзва гад̇ваа гат̇зд̇и, вадданиссид̇ам̣ гад̇ваа на гат̇зд̇ийд̇и аяамзд̇т̇а ад̇хиббааяо.
48. Aṭṭhame pañcālaputtoti pañcālabrāhmaṇiyā putto. Poriyā vācāyāti paripuṇṇavācāya. Vissaṭṭhāyāti apalibuddhāya. Anelagalāyāti niddosāya ceva agaḷitāya ca apatitapadabyañjanāya. Pariyāpannāyāti vivaṭṭapariyāpannāya. Anissitāyāti vaṭṭaṃ anissitāya. Vivaṭṭanissitameva katvā katheti, vaṭṭanissitaṃ katvā na kathetīti ayamettha adhippāyo.
наабхаасамаананд̇и на агат̇знд̇ам̣. амад̇ам̣ бад̣̇анд̇и ниб̣б̣аанабад̣̇ам̣. бхаасаязд̇и обхаасзяяа. ж̇од̇аязд̇и д̇ассзва взважанам̣. баг̇г̇ан̣хз исинам̣ д̇хаж̇анд̇и аб̣бхуг̇г̇ад̇адтзна навалогуд̇д̇арад̇хаммо исийнам̣ д̇хаж̇о наама вужжад̇и, д̇амзва баг̇г̇ан̣хзяяа угкибзяяа, ужжам̣ гад̇ваа гат̇зяяаад̇и ад̇т̇о. навалогуд̇д̇арад̇хаммад̣̇ийбагам̣ субхаасид̇ам̣ д̇хаж̇о зд̇зсанд̇и субхаасид̇ад̇хаж̇аа. исаяод̇и б̣уд̣̇д̇хаад̣̇аяо арияаа. д̇хаммо хи исинам̣ д̇хаж̇од̇и хздтаа вуд̇д̇анаязнзва логуд̇д̇арад̇хаммо исийнам̣ д̇хаж̇о наамаад̇и.
Nābhāsamānanti na akathentaṃ. Amataṃ padanti nibbānapadaṃ. Bhāsayeti obhāseyya. Jotayeti tasseva vevacanaṃ. Paggaṇhe isinaṃ dhajanti abbhuggataṭṭhena navalokuttaradhammo isīnaṃ dhajo nāma vuccati, tameva paggaṇheyya ukkhipeyya, uccaṃ katvā katheyyāti attho. Navalokuttaradhammadīpakaṃ subhāsitaṃ dhajo etesanti subhāsitadhajā. Isayoti buddhādayo ariyā. Dhammo hi isinaṃ dhajoti heṭṭhā vuttanayeneva lokuttaradhammo isīnaṃ dhajo nāmāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. висаакасуд̇д̇ам̣ • 8. Visākhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. висаакасуд̇д̇аван̣н̣анаа • 8. Visākhasuttavaṇṇanā
