| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
9. висаакаасуд̇д̇аван̣н̣анаа
9. Visākhāsuttavaṇṇanā
19. навамз буб̣б̣аараамзд̇и саавад̇т̇ияаа баажийнад̣̇исаабхааг̇з анураад̇хабурасса уд̇д̇амад̣̇звийвихаарасад̣̇исз таанз гаарид̇з аараамз. миг̇аарамаад̇убаасаад̣̇зд̇и миг̇аарамаад̇уяаа баасаад̣̇з.
19. Navame pubbārāmeti sāvatthiyā pācīnadisābhāge anurādhapurassa uttamadevīvihārasadise ṭhāne kārite ārāme. Migāramātupāsādeti migāramātuyā pāsāde.
д̇ад̇рааяам̣ анубуб̣б̣игат̇аа – ад̇ийд̇з сад̇асахассагаббамад̇т̇агз бад̣̇умуд̇д̇арад̣̇асаб̣алам̣ згаа убаасигаа ан̃н̃ад̇арам̣ убаасигам̣ ад̇д̇ано аг̇г̇убадтааяигадтаанз табзнд̇ам̣ д̣̇исваа бхаг̇аванд̇ам̣ ниманд̇зд̇ваа б̣уд̣̇д̇хаббамукасса бхигкусад̇асахассасса д̣̇аанам̣ д̣̇ад̇ваа бхаг̇авад̇о нибажжагаарам̣ гад̇ваа ‘‘анааг̇ад̇з д̇умхаад̣̇исасса б̣уд̣̇д̇хасса аг̇г̇убадтааяигаа бхавзяяа’’нд̇и бад̇т̇анам̣ агааси. саа габбасад̇асахассам̣ д̣̇звзсу жа мануссзсу жа сам̣сарид̇ваа амхаагам̣ бхаг̇авад̇о гаалз бхад̣̇д̣̇ияанаг̇арз мзн̣д̣агасздтибуд̇д̇асса д̇ханан̃ж̇аяасздтино г̇зхз суманад̣̇звияаа гужчисмим̣ бадисанд̇хим̣ г̇ан̣хи. ж̇аад̇агаалз жассаа висаакаад̇и наамам̣ агам̣су. саа яад̣̇аа бхаг̇аваа бхад̣̇д̣̇ияанаг̇арам̣ аг̇амааси, д̇ад̣̇аа бан̃жахи д̣̇ааригаасад̇зхи сад̣̇д̇хим̣ бхаг̇авад̇о бажжуг̇г̇аманам̣ гад̇ваа батамад̣̇ассанзнзва сод̇аабаннаа ахоси.
Tatrāyaṃ anupubbikathā – atīte satasahassakappamatthake padumuttaradasabalaṃ ekā upāsikā aññataraṃ upāsikaṃ attano aggupaṭṭhāyikaṭṭhāne ṭhapentaṃ disvā bhagavantaṃ nimantetvā buddhappamukhassa bhikkhusatasahassassa dānaṃ datvā bhagavato nipaccakāraṃ katvā ‘‘anāgate tumhādisassa buddhassa aggupaṭṭhāyikā bhaveyya’’nti patthanaṃ akāsi. Sā kappasatasahassaṃ devesu ca manussesu ca saṃsaritvā amhākaṃ bhagavato kāle bhaddiyanagare meṇḍakaseṭṭhiputtassa dhanañjayaseṭṭhino gehe sumanadeviyā kucchismiṃ paṭisandhiṃ gaṇhi. Jātakāle cassā visākhāti nāmaṃ akaṃsu. Sā yadā bhagavā bhaddiyanagaraṃ agamāsi, tadā pañcahi dārikāsatehi saddhiṃ bhagavato paccuggamanaṃ katvā paṭhamadassaneneva sotāpannā ahosi.
абарабхааг̇з саавад̇т̇ияам̣ миг̇аарасздтибуд̇д̇асса бун̣н̣авад̣дханагумаарасса г̇зхам̣ г̇ад̇аа, д̇ад̇т̇а нам̣ сасуро миг̇аарасздти убагааравасзна маад̇удтаанз табзси. д̇асмаа миг̇аарамаад̇аад̇и вужжад̇и. саа ад̇д̇ано махаллад̇аабасаад̇ханам̣ виссаж̇ж̇зд̇ваа навагодийхи бхаг̇авад̇о бхигкусан̇гхасса жа васанад̇т̇ааяа гарийсамад̇д̇з бхуумибхааг̇з убарибхуумияам̣ бан̃жаг̇аб̣бхасад̇аани хздтаабхуумияам̣ бан̃жаг̇аб̣бхасад̇аанийд̇и г̇аб̣бхасахассзхи бадиман̣д̣ид̇ам̣ баасаад̣̇ам̣ гаарзси. д̇зна вуд̇д̇ам̣ ‘‘миг̇аарамаад̇убаасаад̣̇з’’д̇и.
Aparabhāge sāvatthiyaṃ migāraseṭṭhiputtassa puṇṇavaḍḍhanakumārassa gehaṃ gatā, tattha naṃ sasuro migāraseṭṭhi upakāravasena mātuṭṭhāne ṭhapesi. Tasmā migāramātāti vuccati. Sā attano mahallatāpasādhanaṃ vissajjetvā navakoṭīhi bhagavato bhikkhusaṅghassa ca vasanatthāya karīsamatte bhūmibhāge uparibhūmiyaṃ pañcagabbhasatāni heṭṭhābhūmiyaṃ pañcagabbhasatānīti gabbhasahassehi paṭimaṇḍitaṃ pāsādaṃ kāresi. Tena vuttaṃ ‘‘migāramātupāsāde’’ti.
гожид̣̇зва ад̇т̇од̇и гин̃жид̣̇зва баяож̇анам̣. ран̃н̃зд̇и рааж̇ини. бадиб̣ад̣̇д̇ход̇и ааяад̇д̇о. висаакааяа н̃аад̇игулад̇о ман̣имуд̇д̇аад̣̇иражид̇ам̣ д̇аад̣̇исам̣ бхан̣д̣аж̇аад̇ам̣ д̇ассаа бан̣н̣аагаарад̇т̇ааяа бзсид̇ам̣, д̇ам̣ наг̇арад̣̇ваараббад̇д̇ам̣ сун̇гигаа д̇ад̇т̇а сун̇гам̣ г̇ан̣ханд̇аа д̇ад̣̇ануруубам̣ аг̇г̇ахзд̇ваа ад̇ирзгам̣ г̇ан̣хим̣су. д̇ам̣ суд̇ваа висаакаа ран̃н̃о д̇амад̇т̇ам̣ нивзд̣̇зд̇угаамаа бад̇ируубабариваарзна рааж̇анивзсанам̣ аг̇амааси, д̇асмим̣ кан̣з рааж̇аа маллигааяа д̣̇звияаа сад̣̇д̇хим̣ анд̇збурам̣ г̇ад̇о ход̇и. висаакаа огаасам̣ алабхамаанаа ‘‘ид̣̇аани лабхиссаами, ид̣̇аани лабхиссаамий’’д̇и бхож̇анавзлам̣ ад̇иггамид̇ваа чиннабхад̇д̇аа худ̇ваа баггаами. звам̣ д̣̇вийхад̇ийхам̣ г̇анд̇вааби огаасам̣ на лабхиязва. ид̇и рааж̇аа анивзд̣̇ид̇оби д̇асса ад̇т̇авинижчаяасса огаасаагаран̣зна ‘‘яат̇аад̇хиббааяам̣ на д̇ийрзд̇ий’’д̇и вуд̇д̇о. д̇ад̇т̇а яат̇аад̇хиббааяанд̇и ад̇хиббааяаануруубам̣. на д̇ийрзд̇ийд̇и на нидтаабзд̇и. махааубаасигааяа хи рааж̇ааяад̇д̇асун̇гамзва ран̃н̃о д̣̇ад̇ваа ид̇арам̣ виссаж̇ж̇аабзд̇ум̣ ад̇хиббааяо, со ран̃н̃аа на д̣̇идтад̇д̇аа зва на д̇ийрид̇о. ханд̣̇аад̇и воссаг̇г̇ад̇т̇з нибаад̇о. д̣̇иваа д̣̇ивассаад̇и д̣̇ивасасса д̣̇иваа, маж̇жханхигз гаалзд̇и ад̇т̇о. гзнажид̣̇зва гаран̣ийязна д̣̇вийхад̇ийхам̣ рааж̇анивзсанад̣̇ваарам̣ г̇ажчанд̇ий д̇асса ад̇т̇асса анидтид̇ад̇д̇аа нирад̇т̇агамзва убасан̇гамим̣ , бхаг̇авад̇и убасан̇гаманамзва бана д̣̇ассанаануд̇д̇арияаад̣̇иббадилаабхагааран̣ад̇д̇аа саад̇т̇аганд̇и зваахам̣, бханд̇з, имааяа взлааяа ид̇хааг̇ад̇аад̇и имамад̇т̇ам̣ д̣̇ассзнд̇ий махааубаасигаа ‘‘ид̇ха мз, бханд̇з’’д̇иаад̣̇имааха.
Kocideva atthoti kiñcideva payojanaṃ. Raññeti rājini. Paṭibaddhoti āyatto. Visākhāya ñātikulato maṇimuttādiracitaṃ tādisaṃ bhaṇḍajātaṃ tassā paṇṇākāratthāya pesitaṃ, taṃ nagaradvārappattaṃ suṅkikā tattha suṅkaṃ gaṇhantā tadanurūpaṃ aggahetvā atirekaṃ gaṇhiṃsu. Taṃ sutvā visākhā rañño tamatthaṃ nivedetukāmā patirūpaparivārena rājanivesanaṃ agamāsi, tasmiṃ khaṇe rājā mallikāya deviyā saddhiṃ antepuraṃ gato hoti. Visākhā okāsaṃ alabhamānā ‘‘idāni labhissāmi, idāni labhissāmī’’ti bhojanavelaṃ atikkamitvā chinnabhattā hutvā pakkāmi. Evaṃ dvīhatīhaṃ gantvāpi okāsaṃ na labhiyeva. Iti rājā aniveditopi tassa atthavinicchayassa okāsākaraṇena ‘‘yathādhippāyaṃ na tīretī’’ti vutto. Tattha yathādhippāyanti adhippāyānurūpaṃ. Na tīretīti na niṭṭhāpeti. Mahāupāsikāya hi rājāyattasuṅkameva rañño datvā itaraṃ vissajjāpetuṃ adhippāyo, so raññā na diṭṭhattā eva na tīrito. Handāti vossaggatthe nipāto. Divā divassāti divasassa divā, majjhanhike kāleti attho. Kenacideva karaṇīyena dvīhatīhaṃ rājanivesanadvāraṃ gacchantī tassa atthassa aniṭṭhitattā niratthakameva upasaṅkamiṃ , bhagavati upasaṅkamanameva pana dassanānuttariyādippaṭilābhakāraṇattā sātthakanti evāhaṃ, bhante, imāya velāya idhāgatāti imamatthaṃ dassentī mahāupāsikā ‘‘idha me, bhante’’tiādimāha.
зд̇амад̇т̇анд̇и зд̇ам̣ барааяад̇д̇ад̇ааяа ад̇хиббааяаасамиж̇жханасан̇каад̇ам̣ ад̇т̇ам̣ вид̣̇ид̇ваа. имам̣ уд̣̇аананд̇и имам̣ бараад̇хийнаабараад̇хийнавуд̇д̇ийсу аад̣̇ийнаваанисам̣сабарид̣̇ийбагам̣ уд̣̇аанам̣ уд̣̇аанзси.
Etamatthanti etaṃ parāyattatāya adhippāyāsamijjhanasaṅkhātaṃ atthaṃ viditvā. Imaṃ udānanti imaṃ parādhīnāparādhīnavuttīsu ādīnavānisaṃsaparidīpakaṃ udānaṃ udānesi.
д̇ад̇т̇а саб̣б̣ам̣ баравасам̣ д̣̇угканд̇и яам̣ гин̃жи ад̇т̇аж̇аад̇ам̣ баяож̇анам̣ баравасам̣ барааяад̇д̇ам̣ ад̇д̇ано ижчааяа нибпаад̣̇зд̇ум̣ асаггун̣зяяад̇ааяа д̣̇угкам̣ д̣̇угкаавахам̣ ход̇ийд̇и ад̇т̇о. саб̣б̣ам̣ иссарияам̣ суканд̇и д̣̇увид̇хам̣ иссарияам̣ логияам̣ логуд̇д̇аран̃жа. д̇ад̇т̇а логияам̣ рааж̇иссарияаад̣̇и жзва логияаж̇жхаанаабхин̃н̃ааниб̣б̣ад̇д̇ам̣ жид̇д̇иссарияан̃жа, логуд̇д̇арам̣ маг̇г̇апалаад̇хиг̇аманимид̇д̇ам̣ нирод̇хиссарияам̣. д̇зсу яам̣ жаггавад̇д̇ибхаавабарияосаанам̣ мануссзсу иссарияам̣, яан̃жа саггаад̣̇ийнам̣ д̇асмим̣ д̇асмим̣ д̣̇званигааяз аад̇хибажжабхууд̇ам̣ иссарияам̣, д̇ад̣̇убхаяам̣ яад̣̇иби гаммаанубхаавзна яат̇ижчид̇анибпад̇д̇ияаа суканимид̇д̇ад̇ааяа сукам̣, вибарин̣аамад̣̇угкад̇ааяа бана саб̣б̣ат̇аа д̣̇угкамзва. д̇ат̇аа анижжанд̇игад̇ааяа логияаж̇жхаананиб̣б̣ад̇д̇ам̣ жид̇д̇иссарияам̣, нирод̇хиссарияамзва бана логад̇хаммзхи агамбанийяад̇о анивад̇д̇исабхаавад̇д̇аа жа зганд̇асукам̣ наама. яам̣ банзд̇т̇а саб̣б̣ад̇т̇зва абараад̇хийнад̇ааяа лабхад̇и жид̇д̇асукам̣, д̇ам̣ санд̇хааяа сад̇т̇аа ‘‘саб̣б̣ам̣ иссарияам̣ сука’’нд̇и ааха.
Tattha sabbaṃ paravasaṃ dukkhanti yaṃ kiñci atthajātaṃ payojanaṃ paravasaṃ parāyattaṃ attano icchāya nipphādetuṃ asakkuṇeyyatāya dukkhaṃ dukkhāvahaṃ hotīti attho. Sabbaṃ issariyaṃ sukhanti duvidhaṃ issariyaṃ lokiyaṃ lokuttarañca. Tattha lokiyaṃ rājissariyādi ceva lokiyajjhānābhiññānibbattaṃ cittissariyañca, lokuttaraṃ maggaphalādhigamanimittaṃ nirodhissariyaṃ. Tesu yaṃ cakkavattibhāvapariyosānaṃ manussesu issariyaṃ, yañca sakkādīnaṃ tasmiṃ tasmiṃ devanikāye ādhipaccabhūtaṃ issariyaṃ, tadubhayaṃ yadipi kammānubhāvena yathicchitanipphattiyā sukhanimittatāya sukhaṃ, vipariṇāmadukkhatāya pana sabbathā dukkhameva. Tathā aniccantikatāya lokiyajjhānanibbattaṃ cittissariyaṃ, nirodhissariyameva pana lokadhammehi akampanīyato anivattisabhāvattā ca ekantasukhaṃ nāma. Yaṃ panettha sabbattheva aparādhīnatāya labhati cittasukhaṃ, taṃ sandhāya satthā ‘‘sabbaṃ issariyaṃ sukha’’nti āha.
саад̇хааран̣з вихан̃н̃анд̇ийд̇и ид̣̇ам̣ ‘‘саб̣б̣ам̣ баравасам̣ д̣̇угка’’нд̇и имасса бад̣̇асса ад̇т̇авиваран̣ам̣. аяан̃хзд̇т̇а ад̇т̇о – саад̇хааран̣з баяож̇анз саад̇хзд̇аб̣б̣з сад̇и д̇асса бараад̇хийнад̇ааяа яат̇аад̇хиббааяам̣ анибпаад̣̇анад̇о имз сад̇д̇аа вихан̃н̃анд̇и вигхаад̇ам̣ аабаж̇ж̇анд̇и гиламанд̇и. гасмаа? яог̇аа хи д̣̇урад̇иггамаад̇и яасмаа гаамаяог̇абхаваяог̇ад̣̇идтияог̇аавиж̇ж̇ааяог̇аа анаад̣̇игаалабхаавид̇аа анубажид̇агусаласамбхаарзхи баж̇ахид̇ум̣ асаггун̣зяяад̇ааяа д̣̇урад̇иггамаа. зд̇зсу д̣̇идтияог̇о батамамаг̇г̇зна ад̇иггамид̇аб̣б̣о, гаамаяог̇о д̇ад̇ияамаг̇г̇зна. ид̇арз аг̇г̇амаг̇г̇зна. ид̇и арияамаг̇г̇аанам̣ д̣̇урад̇хиг̇аманийяад̇д̇аа имз яог̇аа д̣̇урад̇иггамаа. д̇асмаа гаамаяог̇аад̣̇ивасзна ижчид̇аалаабхахзд̇у сад̇д̇аа вихан̃н̃анд̇и, асаад̇хааран̣з бана жид̇д̇иссарияз нирод̇хиссарияз жа сад̇и на гад̣̇аажиби вигхаад̇асса самбхавод̇и ад̇хиббааяо.
Sādhāraṇe vihaññantīti idaṃ ‘‘sabbaṃ paravasaṃ dukkha’’nti imassa padassa atthavivaraṇaṃ. Ayañhettha attho – sādhāraṇe payojane sādhetabbe sati tassa parādhīnatāya yathādhippāyaṃ anipphādanato ime sattā vihaññanti vighātaṃ āpajjanti kilamanti. Kasmā? Yogā hi duratikkamāti yasmā kāmayogabhavayogadiṭṭhiyogaavijjāyogā anādikālabhāvitā anupacitakusalasambhārehi pajahituṃ asakkuṇeyyatāya duratikkamā. Etesu diṭṭhiyogo paṭhamamaggena atikkamitabbo, kāmayogo tatiyamaggena. Itare aggamaggena. Iti ariyamaggānaṃ duradhigamanīyattā ime yogā duratikkamā. Tasmā kāmayogādivasena icchitālābhahetu sattā vihaññanti, asādhāraṇe pana cittissariye nirodhissariye ca sati na kadācipi vighātassa sambhavoti adhippāyo.
ат̇а ваа саб̣б̣ам̣ баравасанд̇и яам̣ ад̇д̇ано ан̃н̃аббадиб̣ад̣̇д̇хавуд̇д̇исан̇каад̇ам̣, д̇ам̣ саб̣б̣ам̣ анижжасабхаавад̇ааяа д̣̇угкам̣. ‘‘яад̣̇анижжам̣ д̇ам̣ д̣̇угка’’нд̇и хи вуд̇д̇ам̣. саб̣б̣ам̣ иссарияанд̇и яам̣ саб̣б̣асан̇кад̇аниссадам̣ иссарияадтаанад̇ааяа иссарияанд̇и лад̣̇д̇ханаамам̣ ниб̣б̣аанам̣, д̇ам̣ убаад̣̇исзсаад̣̇ивибхааг̇ам̣ саб̣б̣ам̣ сукам̣. ‘‘ниб̣б̣аанам̣ барамам̣ сука’’нд̇и (д̇ха. ба. 203-204) хи вуд̇д̇ам̣. саад̇хааран̣зд̇и звам̣ д̣̇угкасукз вавад̇т̇ид̇з имз сад̇д̇аа б̣ахусаад̇хааран̣з д̣̇угкагааран̣з нимуг̇г̇аа худ̇ваа вихан̃н̃анд̇и. гасмаа? яог̇аа хи д̣̇урад̇иггамаад̇и яасмаа д̇з саб̣б̣ад̇т̇а нимуж̇ж̇анасса хзд̇убхууд̇аа гаамаяог̇аад̣̇аяо д̣̇урад̇иггамаа, д̇асмаа д̇вамби висаакз барааяад̇д̇амад̇т̇ам̣ бад̇т̇зд̇ваа алабхамаанаа вихан̃н̃асийд̇и ад̇хиббааяо.
Atha vā sabbaṃ paravasanti yaṃ attano aññappaṭibaddhavuttisaṅkhātaṃ, taṃ sabbaṃ aniccasabhāvatāya dukkhaṃ. ‘‘Yadaniccaṃ taṃ dukkha’’nti hi vuttaṃ. Sabbaṃ issariyanti yaṃ sabbasaṅkhatanissaṭaṃ issariyaṭṭhānatāya issariyanti laddhanāmaṃ nibbānaṃ, taṃ upādisesādivibhāgaṃ sabbaṃ sukhaṃ. ‘‘Nibbānaṃ paramaṃ sukha’’nti (dha. pa. 203-204) hi vuttaṃ. Sādhāraṇeti evaṃ dukkhasukhe vavatthite ime sattā bahusādhāraṇe dukkhakāraṇe nimuggā hutvā vihaññanti. Kasmā? Yogā hi duratikkamāti yasmā te sabbattha nimujjanassa hetubhūtā kāmayogādayo duratikkamā, tasmā tvampi visākhe parāyattamatthaṃ patthetvā alabhamānā vihaññasīti adhippāyo.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 9. висаакаасуд̇д̇ам̣ • 9. Visākhāsuttaṃ
