| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. висаакаасуд̇д̇аван̣н̣анаа
8. Visākhāsuttavaṇṇanā
78. адтамз висаакааяа миг̇аарамаад̇уяаа над̇д̇аа гаалан̇гад̇аа ход̇ийд̇и висаакааяа махааубаасигааяа буд̇д̇асса д̇хийд̇аа гумааригаа гаалан̇гад̇аа ход̇и. саа гира вад̇д̇асамбаннаа саасанз абхиббасаннаа махааубаасигааяа г̇зхам̣ бавидтаанам̣ бхигкуунам̣ бхигкунийнан̃жа ад̇д̇анаа гаад̇аб̣б̣авзяяааважжам̣ бурзбхад̇д̇ам̣ бажчаабхад̇д̇ан̃жа аббамад̇д̇аа агааси, ад̇д̇ано бид̇аамахияаа жид̇д̇аанугуулам̣ бадибаж̇ж̇и. д̇зна висаакаа г̇зхад̇о б̣ахи г̇ажчанд̇ий саб̣б̣ам̣ д̇ассааязва бхаарам̣ гад̇ваа г̇ажчад̇и, руубзна жа д̣̇ассанийяаа баасаад̣̇игаа, ид̇и саа д̇ассаа висзсад̇о бияаа манаабаа ахоси. саа рог̇аабхибхууд̇аа гааламагааси. д̇зна вуд̇д̇ам̣ – ‘‘д̇зна ко бана самаязна висаакааяа миг̇аарамаад̇уяаа над̇д̇аа гаалан̇гад̇аа ход̇и бияаа манаабаа’’д̇и. ат̇а махааубаасигаа д̇ассаа маран̣зна согам̣ санд̇хаарзд̇ум̣ асаггонд̇ий д̣̇угкий д̣̇умманаа сарийранигкзбам̣ гаарзд̇ваа ‘‘аби наама сад̇т̇у санд̇игам̣ г̇ад̇агаалз жид̇д̇ассаад̣̇ам̣ лабхзяяа’’нд̇и бхаг̇аванд̇ам̣ убасан̇гами. д̇зна вуд̇д̇ам̣ – ‘‘ат̇а ко висаакаа миг̇аарамаад̇аа’’д̇иаад̣̇и. д̇ад̇т̇а д̣̇иваа д̣̇ивассаад̇и д̣̇ивасассааби д̣̇иваа, маж̇жханхигз гаалзд̇и ад̇т̇о.
78. Aṭṭhame visākhāya migāramātuyā nattā kālaṅkatā hotīti visākhāya mahāupāsikāya puttassa dhītā kumārikā kālaṅkatā hoti. Sā kira vattasampannā sāsane abhippasannā mahāupāsikāya gehaṃ paviṭṭhānaṃ bhikkhūnaṃ bhikkhunīnañca attanā kātabbaveyyāvaccaṃ purebhattaṃ pacchābhattañca appamattā akāsi, attano pitāmahiyā cittānukūlaṃ paṭipajji. Tena visākhā gehato bahi gacchantī sabbaṃ tassāyeva bhāraṃ katvā gacchati, rūpena ca dassanīyā pāsādikā, iti sā tassā visesato piyā manāpā ahosi. Sā rogābhibhūtā kālamakāsi. Tena vuttaṃ – ‘‘tena kho pana samayena visākhāya migāramātuyā nattā kālaṅkatā hoti piyā manāpā’’ti. Atha mahāupāsikā tassā maraṇena sokaṃ sandhāretuṃ asakkontī dukkhī dummanā sarīranikkhepaṃ kāretvā ‘‘api nāma satthu santikaṃ gatakāle cittassādaṃ labheyya’’nti bhagavantaṃ upasaṅkami. Tena vuttaṃ – ‘‘atha kho visākhā migāramātā’’tiādi. Tattha divā divassāti divasassāpi divā, majjhanhike kāleti attho.
бхаг̇аваа висаакааяа ваддаабхирад̇им̣ ж̇аананд̇о убааязна согад̇анугаран̣ад̇т̇ам̣ ‘‘ижчзяяааси д̇вам̣ висаакз’’д̇иаад̣̇имааха. д̇ад̇т̇а яаавад̇игаад̇и яад̇д̇агаа. д̇ад̣̇аа гира сад̇д̇а ж̇анагодияо саавад̇т̇ияам̣ бадивасанд̇и . д̇ам̣ санд̇хааяа бхаг̇аваа ‘‘гийваб̣ахугаа бана висаакз саавад̇т̇ияаа мануссаа д̣̇звасигам̣ гаалам̣ гаронд̇ий’’д̇и бужчи. висаакаа ‘‘д̣̇асаби, бханд̇з’’д̇иаад̣̇имааха. д̇ад̇т̇а д̇ийн̣ийд̇и д̇аяо. аяамзва ваа баато. авивид̇д̇аад̇и асун̃н̃аа.
Bhagavā visākhāya vaṭṭābhiratiṃ jānanto upāyena sokatanukaraṇatthaṃ ‘‘iccheyyāsi tvaṃ visākhe’’tiādimāha. Tattha yāvatikāti yattakā. Tadā kira satta janakoṭiyo sāvatthiyaṃ paṭivasanti . Taṃ sandhāya bhagavā ‘‘kīvabahukā pana visākhe sāvatthiyā manussā devasikaṃ kālaṃ karontī’’ti pucchi. Visākhā ‘‘dasapi, bhante’’tiādimāha. Tattha tīṇīti tayo. Ayameva vā pāṭho. Avivittāti asuññā.
ат̇а бхаг̇аваа ад̇д̇ано ад̇хиббааяам̣ багаасзнд̇о ‘‘аби ну д̇вам̣ гад̣̇аажи гарахажи аналлавад̇т̇аа ваа бхавзяяааси аналлагзсаа ваа’’д̇и ааха. нану звам̣ санд̇з д̇аяаа саб̣б̣агаалам̣ согаабхибхууд̇ааяа мад̇аанам̣ буд̇д̇аад̣̇ийнам̣ аман̇г̇алуубажааравасзна уд̣̇агорохан̣зна аллавад̇т̇ааяа аллагзсааяа зва бхавид̇аб̣б̣анд̇и д̣̇ассзд̇и. д̇ам̣ суд̇ваа убаасигаа сам̣взг̇аж̇аад̇аа ‘‘но хзд̇ам̣, бханд̇з’’д̇и бадигкибид̇ваа бияавад̇т̇ум̣ виббадисаарад̇о ад̇д̇ано жид̇д̇асса нивад̇д̇абхаавам̣ сад̇т̇у аарожзнд̇ий ‘‘алам̣ мз, бханд̇з, д̇ааваб̣ахугзхи буд̇д̇зхи жа над̇д̇аарзхи жаа’’д̇и ааха.
Atha bhagavā attano adhippāyaṃ pakāsento ‘‘api nu tvaṃ kadāci karahaci anallavatthā vā bhaveyyāsi anallakesā vā’’ti āha. Nanu evaṃ sante tayā sabbakālaṃ sokābhibhūtāya matānaṃ puttādīnaṃ amaṅgalūpacāravasena udakorohaṇena allavatthāya allakesāya eva bhavitabbanti dasseti. Taṃ sutvā upāsikā saṃvegajātā ‘‘no hetaṃ, bhante’’ti paṭikkhipitvā piyavatthuṃ vippaṭisārato attano cittassa nivattabhāvaṃ satthu ārocentī ‘‘alaṃ me, bhante, tāvabahukehi puttehi ca nattārehi cā’’ti āha.
ат̇ассаа бхаг̇аваа ‘‘д̣̇угкам̣ наамзд̇ам̣ бияавад̇т̇унимид̇д̇ам̣, яад̇д̇агаани бияавад̇т̇ууни, д̇ад̇д̇агаани д̣̇угкаани. д̇асмаа сукагаамзна д̣̇угкаббадигуулзна саб̣б̣асо бияавад̇т̇уд̇о жид̇д̇ам̣ вивзжзд̇аб̣б̣а’’нд̇и д̇хаммам̣ д̣̇зсзнд̇о ‘‘язсам̣ ко висаакз сад̇ам̣ бияаани, сад̇ам̣ д̇зсам̣ д̣̇угкааний’’д̇иаад̣̇имааха. д̇ад̇т̇а сад̇ам̣ бияаанийд̇и сад̇ам̣ бияааяид̇аб̣б̣авад̇т̇ууни. ‘‘сад̇ам̣ бияа’’нд̇иби гзжи батанд̇и. зд̇т̇а жа яасмаа згад̇о бадтааяа яаава д̣̇аса, д̇аава сан̇кяаа сан̇кязяяаббад̇хаанаа, д̇асмаа ‘‘язсам̣ д̣̇аса бияаани, д̣̇аса д̇зсам̣ д̣̇угкааний’’д̇иаад̣̇инаа баал̣и ааг̇ад̇аа. гзжи бана ‘‘язсам̣ д̣̇аса бияаанам̣, д̣̇аса нзсам̣ д̣̇угкаана’’нд̇иаад̣̇инаа батанд̇и, д̇ам̣ на сунд̣̇арам̣. яасмаа бана вийсад̇ид̇о бадтааяа яаава сад̇ам̣, д̇аава сан̇кяаа сан̇кязяяаббад̇хаанаава, д̇асмаа д̇ад̇т̇ааби сан̇кязяяаббад̇хаанад̇ам̣язва г̇ахзд̇ваа ‘‘язсам̣ ко висаакз сад̇ам̣ бияаани, сад̇ам̣ д̇зсам̣ д̣̇угкааний’’д̇иаад̣̇инаа баал̣и ааг̇ад̇аа. саб̣б̣зсамби жа ‘‘язсам̣ згам̣ бияам̣, згам̣ д̇зсам̣ д̣̇угка’’нд̇и баато, на бана д̣̇угкассаад̇и. зд̇асмин̃хи багкз згарасаа згаж̇жхаасаяаа жа бхаг̇авад̇о д̣̇зсанаа ход̇и. д̇асмаа яат̇аавуд̇д̇анаяаава баал̣и взд̣̇ид̇аб̣б̣аа.
Athassā bhagavā ‘‘dukkhaṃ nāmetaṃ piyavatthunimittaṃ, yattakāni piyavatthūni, tattakāni dukkhāni. Tasmā sukhakāmena dukkhappaṭikūlena sabbaso piyavatthuto cittaṃ vivecetabba’’nti dhammaṃ desento ‘‘yesaṃ kho visākhe sataṃ piyāni, sataṃ tesaṃ dukkhānī’’tiādimāha. Tattha sataṃ piyānīti sataṃ piyāyitabbavatthūni. ‘‘Sataṃ piya’’ntipi keci paṭhanti. Ettha ca yasmā ekato paṭṭhāya yāva dasa, tāva saṅkhyā saṅkhyeyyappadhānā, tasmā ‘‘yesaṃ dasa piyāni, dasa tesaṃ dukkhānī’’tiādinā pāḷi āgatā. Keci pana ‘‘yesaṃ dasa piyānaṃ, dasa nesaṃ dukkhāna’’ntiādinā paṭhanti, taṃ na sundaraṃ. Yasmā pana vīsatito paṭṭhāya yāva sataṃ, tāva saṅkhyā saṅkhyeyyappadhānāva, tasmā tatthāpi saṅkhyeyyappadhānataṃyeva gahetvā ‘‘yesaṃ kho visākhe sataṃ piyāni, sataṃ tesaṃ dukkhānī’’tiādinā pāḷi āgatā. Sabbesampi ca ‘‘yesaṃ ekaṃ piyaṃ, ekaṃ tesaṃ dukkha’’nti pāṭho, na pana dukkhassāti. Etasmiñhi pakkhe ekarasā ekajjhāsayā ca bhagavato desanā hoti. Tasmā yathāvuttanayāva pāḷi veditabbā.
зд̇амад̇т̇ам̣ вид̣̇ид̇ваа согабарид̣̇зваад̣̇игам̣ жзд̇асигам̣ гааяиган̃жа д̣̇угкам̣ бияавад̇т̇унимид̇д̇ам̣ бияавад̇т̇умхи сад̇и ход̇и, асад̇и на ход̇ийд̇и зд̇амад̇т̇ам̣ саб̣б̣аагаарад̇о ж̇аанид̇ваа д̇ад̣̇ад̇т̇абарид̣̇ийбанам̣ имам̣ уд̣̇аанам̣ уд̣̇аанзси.
Etamatthaṃviditvā sokaparidevādikaṃ cetasikaṃ kāyikañca dukkhaṃ piyavatthunimittaṃ piyavatthumhi sati hoti, asati na hotīti etamatthaṃ sabbākārato jānitvā tadatthaparidīpanaṃ imaṃ udānaṃ udānesi.
д̇ассад̇т̇о – н̃аад̇ибхог̇арог̇асийлад̣̇идтиб̣яасанзхи пудтасса анд̇о ниж̇жхааяанд̇асса б̣ааласса жид̇д̇асанд̇аабалагкан̣аа яз гзжи муд̣̇умаж̇жхаад̣̇ибхзд̣̇зна яаад̣̇исаа д̇аад̣̇исаа согаа ваа д̇зхиязва пудтасса согуд̣̇д̣̇зхагасамудтаабид̇аважийвиббалаабалагкан̣аа барид̣̇звид̇аа ваа анидтаподтаб̣б̣абадихад̇агааяасса гааяабийл̣аналагкан̣аа д̣̇угкаа ваа д̇ат̇аа авуд̇д̇ад̇т̇асса вигаббанад̇т̇зна ваасад̣̇д̣̇зна г̇ахид̇аа д̣̇оманассуубааяаасаад̣̇аяо ваа ниссаяабхзд̣̇зна жа анзгаруубаа наанаавид̇хаа имасмим̣ сад̇д̇алогз д̣̇иссанд̇и убалаб̣бханд̇и, саб̣б̣зби зд̇з бияам̣ бияаж̇аад̇игам̣ сад̇д̇ам̣ сан̇кааран̃жа бадижжа ниссааяа ааг̇амма бажжаяам̣ гад̇ваа бабхаванд̇и ниб̣б̣ад̇д̇анд̇и. д̇асмим̣ бана яат̇аавуд̇д̇з бияавад̇т̇умхи бияз асанд̇з бияабхаавагарз чанд̣̇арааг̇з бахийнз на гад̣̇аажиби зд̇з бхаванд̇и. вуд̇д̇ан̃хзд̇ам̣ – ‘‘бияад̇о ж̇ааяад̇ий сого…бз… бзмад̇о ж̇ааяад̇ий сого’’д̇и жа аад̣̇и (д̇ха. ба. 212-213). д̇ат̇аа ‘‘бияаббабхууд̇аа галахаа виваад̣̇аа, барид̣̇звасогаа сахамажчарзхий’’д̇и жа аад̣̇и (су. ни. 869). зд̇т̇а жа ‘‘барид̣̇звид̇аа ваа д̣̇угкаа ваа’’д̇и лин̇г̇авибаллаасзна вуд̇д̇ам̣, ‘‘барид̣̇звид̇аани ваа д̣̇угкаани ваа’’д̇и вад̇д̇аб̣б̣з вибхад̇д̇илобо ваа гад̇од̇и взд̣̇ид̇аб̣б̣о.
Tassattho – ñātibhogarogasīladiṭṭhibyasanehi phuṭṭhassa anto nijjhāyantassa bālassa cittasantāpalakkhaṇā ye keci mudumajjhādibhedena yādisā tādisā sokā vā tehiyeva phuṭṭhassa sokuddehakasamuṭṭhāpitavacīvippalāpalakkhaṇā paridevitā vā aniṭṭhaphoṭṭhabbapaṭihatakāyassa kāyapīḷanalakkhaṇā dukkhā vā tathā avuttatthassa vikappanatthena vāsaddena gahitā domanassūpāyāsādayo vā nissayabhedena ca anekarūpā nānāvidhā imasmiṃ sattaloke dissanti upalabbhanti, sabbepi ete piyaṃ piyajātikaṃ sattaṃ saṅkhārañca paṭicca nissāya āgamma paccayaṃ katvā pabhavanti nibbattanti. Tasmiṃ pana yathāvutte piyavatthumhi piye asante piyabhāvakare chandarāge pahīne na kadācipi ete bhavanti. Vuttañhetaṃ – ‘‘piyato jāyatī soko…pe… pemato jāyatī soko’’ti ca ādi (dha. pa. 212-213). Tathā ‘‘piyappabhūtā kalahā vivādā, paridevasokā sahamaccharehī’’ti ca ādi (su. ni. 869). Ettha ca ‘‘paridevitā vā dukkhā vā’’ti liṅgavipallāsena vuttaṃ, ‘‘paridevitāni vā dukkhāni vā’’ti vattabbe vibhattilopo vā katoti veditabbo.
д̇асмаа хи д̇з сукино вийд̇асогаад̇и яасмаа бияаббабхууд̇аа согаад̣̇аяо язсам̣ над̇т̇и, д̇асмаа д̇з зва сукино вийд̇асогаа наама. гз бана д̇з? язсам̣ бияам̣ над̇т̇и гухин̃жи логз язсам̣ арияаанам̣ саб̣б̣асо вийд̇арааг̇ад̇д̇аа гад̇т̇ажиби сад̇д̇алогз сан̇кааралогз жа бияам̣ бияабхааво ‘‘буд̇д̇о’’д̇и ваа ‘‘бхаад̇аа’’д̇и ваа ‘‘бхаг̇иний’’д̇и ваа ‘‘бхарияаа’’д̇и ваа бияам̣ бияааяанам̣ бияабхааво над̇т̇и, сан̇кааралогзби ‘‘зд̇ам̣ мама санд̇агам̣, иминаахам̣ имам̣ наама сукам̣ лабхаами лабхиссаамий’’д̇и бияам̣ бияааяанам̣ бияабхааво над̇т̇и. д̇асмаа асогам̣ вираж̇ам̣ бад̇т̇аяаано, бияам̣ на гаяираат̇а гухин̃жи логзд̇и яасмаа жа сукино наама вийд̇асогаа, вийд̇асогад̇д̇аава гад̇т̇ажиби висаяз бияабхааво над̇т̇и, д̇асмаа ад̇д̇ано яат̇аавуд̇д̇асогаабхаавзна жа асогам̣ асогабхаавам̣ рааг̇араж̇аад̣̇ивиг̇аманзна вираж̇ам̣ вираж̇абхаавам̣ арахад̇д̇ам̣, согасса рааг̇араж̇аад̣̇ийнан̃жа абхаавахзд̇убхаавад̇о ваа ‘‘асогам̣ вираж̇а’’нд̇и лад̣̇д̇ханаамам̣ ниб̣б̣аанам̣ бад̇т̇аяаано гад̇д̇угамяад̇аагусалажчанд̣̇асса васзна чанд̣̇аж̇аад̇о гад̇т̇ажи логз руубаад̣̇ид̇хаммз анд̇амасо самат̇авибассанаад̇хаммзби бияам̣ бияабхаавам̣ вияааяанам̣ на гаяираат̇а на уббаад̣̇зяяа. вуд̇д̇ан̃хзд̇ам̣ – ‘‘д̇хаммааби во, бхигкавз, бахаад̇аб̣б̣аа, баг̇зва ад̇хаммаа’’д̇и (ма. ни. 1.240).
Tasmā hi te sukhino vītasokāti yasmā piyappabhūtā sokādayo yesaṃ natthi, tasmā te eva sukhino vītasokā nāma. Ke pana te? Yesaṃ piyaṃ natthi kuhiñci loke yesaṃ ariyānaṃ sabbaso vītarāgattā katthacipi sattaloke saṅkhāraloke ca piyaṃ piyabhāvo ‘‘putto’’ti vā ‘‘bhātā’’ti vā ‘‘bhaginī’’ti vā ‘‘bhariyā’’ti vā piyaṃ piyāyanaṃ piyabhāvo natthi, saṅkhāralokepi ‘‘etaṃ mama santakaṃ, imināhaṃ imaṃ nāma sukhaṃ labhāmi labhissāmī’’ti piyaṃ piyāyanaṃ piyabhāvo natthi. Tasmā asokaṃ virajaṃ patthayāno, piyaṃ na kayirātha kuhiñci loketi yasmā ca sukhino nāma vītasokā, vītasokattāva katthacipi visaye piyabhāvo natthi, tasmā attano yathāvuttasokābhāvena ca asokaṃ asokabhāvaṃ rāgarajādivigamanena virajaṃ virajabhāvaṃ arahattaṃ, sokassa rāgarajādīnañca abhāvahetubhāvato vā ‘‘asokaṃ viraja’’nti laddhanāmaṃ nibbānaṃ patthayāno kattukamyatākusalacchandassa vasena chandajāto katthaci loke rūpādidhamme antamaso samathavipassanādhammepi piyaṃ piyabhāvaṃ viyāyanaṃ na kayirātha na uppādeyya. Vuttañhetaṃ – ‘‘dhammāpi vo, bhikkhave, pahātabbā, pageva adhammā’’ti (ma. ni. 1.240).
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. висаакаасуд̇д̇ам̣ • 8. Visākhāsuttaṃ
