| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๘. วิสาขสุตฺตวณฺณนา
8. Visākhasuttavaṇṇanā
๔๘. อฎฺฐเม ปญฺจาลปุโตฺตติ ปญฺจาลพฺราหฺมณิยา ปุโตฺตฯ โปริยา วาจายาติ ปริปุณฺณวาจายฯ วิสฺสฎฺฐายาติ อปลิพุทฺธายฯ อเนลคลายาติ นิโทฺทสาย เจว อคฬิตาย จ อปติตปทพฺยญฺชนายฯ ปริยาปนฺนายาติ วิวฎฺฎปริยาปนฺนายฯ อนิสฺสิตายาติ วฎฺฎํ อนิสฺสิตายฯ วิวฎฺฎนิสฺสิตเมว กตฺวา กเถติ, วฎฺฎนิสฺสิตํ กตฺวา น กเถตีติ อยเมตฺถ อธิปฺปาโยฯ
48. Aṭṭhame pañcālaputtoti pañcālabrāhmaṇiyā putto. Poriyā vācāyāti paripuṇṇavācāya. Vissaṭṭhāyāti apalibuddhāya. Anelagalāyāti niddosāya ceva agaḷitāya ca apatitapadabyañjanāya. Pariyāpannāyāti vivaṭṭapariyāpannāya. Anissitāyāti vaṭṭaṃ anissitāya. Vivaṭṭanissitameva katvā katheti, vaṭṭanissitaṃ katvā na kathetīti ayamettha adhippāyo.
นาภาสมานนฺติ น อกเถนฺตํฯ อมตํ ปทนฺติ นิพฺพานปทํฯ ภาสเยติ โอภาเสยฺยฯ โชตเยติ ตเสฺสว เววจนํฯ ปคฺคเณฺห อิสินํ ธชนฺติ อพฺภุคฺคตเฎฺฐน นวโลกุตฺตรธโมฺม อิสีนํ ธโช นาม วุจฺจติ, ตเมว ปคฺคเณฺหยฺย อุกฺขิเปยฺย, อุจฺจํ กตฺวา กเถยฺยาติ อโตฺถฯ นวโลกุตฺตรธมฺมทีปกํ สุภาสิตํ ธโช เอเตสนฺติ สุภาสิตธชาฯ อิสโยติ พุทฺธาทโย อริยาฯ ธโมฺม หิ อิสินํ ธโชติ เหฎฺฐา วุตฺตนเยเนว โลกุตฺตรธโมฺม อิสีนํ ธโช นามาติฯ
Nābhāsamānanti na akathentaṃ. Amataṃ padanti nibbānapadaṃ. Bhāsayeti obhāseyya. Jotayeti tasseva vevacanaṃ. Paggaṇhe isinaṃ dhajanti abbhuggataṭṭhena navalokuttaradhammo isīnaṃ dhajo nāma vuccati, tameva paggaṇheyya ukkhipeyya, uccaṃ katvā katheyyāti attho. Navalokuttaradhammadīpakaṃ subhāsitaṃ dhajo etesanti subhāsitadhajā. Isayoti buddhādayo ariyā. Dhammo hi isinaṃ dhajoti heṭṭhā vuttanayeneva lokuttaradhammo isīnaṃ dhajo nāmāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๘. วิสาขสุตฺตํ • 8. Visākhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๘. วิสาขสุตฺตวณฺณนา • 8. Visākhasuttavaṇṇanā
