| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༨. ཝིསཱཁསུཏྟཝཎྞནཱ
8. Visākhasuttavaṇṇanā
༤༨. ཨཊྛམེ པཉྩཱལཔུཏྟོཏི པཉྩཱལབྲཱཧྨཎིཡཱ པུཏྟོ། པོརིཡཱ ཝཱཙཱཡཱཏི པརིཔུཎྞཝཱཙཱཡ། ཝིསྶཊྛཱཡཱཏི ཨཔལིབུདྡྷཱཡ། ཨནེལགལཱཡཱཏི ནིདྡོསཱཡ ཙེཝ ཨགལི༹ཏཱཡ ཙ ཨཔཏིཏཔདབྱཉྫནཱཡ། པརིཡཱཔནྣཱཡཱཏི ཝིཝཊྚཔརིཡཱཔནྣཱཡ། ཨནིསྶིཏཱཡཱཏི ཝཊྚཾ ཨནིསྶིཏཱཡ། ཝིཝཊྚནིསྶིཏམེཝ ཀཏྭཱ ཀཐེཏི, ཝཊྚནིསྶིཏཾ ཀཏྭཱ ན ཀཐེཏཱིཏི ཨཡམེཏྠ ཨདྷིཔྤཱཡོ།
48. Aṭṭhame pañcālaputtoti pañcālabrāhmaṇiyā putto. Poriyā vācāyāti paripuṇṇavācāya. Vissaṭṭhāyāti apalibuddhāya. Anelagalāyāti niddosāya ceva agaḷitāya ca apatitapadabyañjanāya. Pariyāpannāyāti vivaṭṭapariyāpannāya. Anissitāyāti vaṭṭaṃ anissitāya. Vivaṭṭanissitameva katvā katheti, vaṭṭanissitaṃ katvā na kathetīti ayamettha adhippāyo.
ནཱབྷཱསམཱནནྟི ན ཨཀཐེནྟཾ། ཨམཏཾ པདནྟི ནིབྦཱནཔདཾ། བྷཱསཡེཏི ཨོབྷཱསེཡྻ། ཛོཏཡེཏི ཏསྶེཝ ཝེཝཙནཾ། པགྒཎྷེ ཨིསིནཾ དྷཛནྟི ཨབྦྷུགྒཏཊྛེན ནཝལོཀུཏྟརདྷམྨོ ཨིསཱིནཾ དྷཛོ ནཱམ ཝུཙྩཏི, ཏམེཝ པགྒཎྷེཡྻ ཨུཀྑིཔེཡྻ, ཨུཙྩཾ ཀཏྭཱ ཀཐེཡྻཱཏི ཨཏྠོ། ནཝལོཀུཏྟརདྷམྨདཱིཔཀཾ སུབྷཱསིཏཾ དྷཛོ ཨེཏེསནྟི སུབྷཱསིཏདྷཛཱ། ཨིསཡོཏི བུདྡྷཱདཡོ ཨརིཡཱ། དྷམྨོ ཧི ཨིསིནཾ དྷཛོཏི ཧེཊྛཱ ཝུཏྟནཡེནེཝ ལོཀུཏྟརདྷམྨོ ཨིསཱིནཾ དྷཛོ ནཱམཱཏི།
Nābhāsamānanti na akathentaṃ. Amataṃ padanti nibbānapadaṃ. Bhāsayeti obhāseyya. Jotayeti tasseva vevacanaṃ. Paggaṇhe isinaṃ dhajanti abbhuggataṭṭhena navalokuttaradhammo isīnaṃ dhajo nāma vuccati, tameva paggaṇheyya ukkhipeyya, uccaṃ katvā katheyyāti attho. Navalokuttaradhammadīpakaṃ subhāsitaṃ dhajo etesanti subhāsitadhajā. Isayoti buddhādayo ariyā. Dhammo hi isinaṃ dhajoti heṭṭhā vuttanayeneva lokuttaradhammo isīnaṃ dhajo nāmāti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༨. ཝིསཱཁསུཏྟཾ • 8. Visākhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨. ཝིསཱཁསུཏྟཝཎྞནཱ • 8. Visākhasuttavaṇṇanā
