| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༨. ཝིསཱཁསུཏྟཝཎྞནཱ
8. Visākhasuttavaṇṇanā
༤༨. ཨཊྛམེ ཝཱཀྐརཎཙཱཏུརིཡཏོ ཝཙནགུཎཧེཏཱུནཾ པཱུརིཡཱ པོརཱི, པོརིཡཾ བྷཝཱཏི པོརཱི, ཏཱཡ པོརིཡཱ། ཏེནཱཧ ‘‘པརིཔུཎྞཝཱཙཱཡཱ’’ཏི, ཨཀྑརཔདཔརིཔུཎྞཱཡ ཝཱཙཱཡཱཏི ཨཏྠོ། ཨཔལིབུདྡྷཱཡཱཏི པིཏྟཱདཱིཧི ན ཝིབདྡྷཱཡ ཨནནུབུནྡྷིཏཱཡ། ཨནེལགལཱཡཱཏི ཨནེལཱཡ ཨགལཱཡ ནིདྡོསཱཡ ཨགལི༹ཏཔདབྱཉྫནཱཡ ཙ། ཐེརསྶ ཧི ཀཐཡཏོ པདཾ ཝཱ བྱཉྫནཾ ཝཱ ན པརིཧཱཡཏི། ཏེནཱཧ ‘‘ཨནེལགལཱཡཱཏི ནིདྡོསཱཡ ཙེཝ ཨགལི༹ཏཱཡ ཙཱ’’ཏིཨཱདི། ཏཏྠ ནིདྡོསཱཡཱཏི ཨཏྠཏོ ཙ བྱཉྫནཏོ ཙ ཝིགཏདོསཱཡ། ཨཔཏིཏཔདབྱཉྫནཱཡཱཏི ཨཝིརཧིཏཔདབྱཉྫནཱཡ། ཨཐ ཝཱ ཨནེལགལཱཡཱཏི ན ཨེལཾ དོསཾ གལཏཱིཏི ཨནེལགལཱ། ཨཝིཙྪིནྣཝཱཙཱཡ ཨནེལགལཱཡ ཡཐཱ དནྡྷམནུསྶཱ མུཁེན ཁེལ༹ཾ གལ༹ནྟེན ཝཱཙཾ བྷཱསནྟི, ན ཨེཝརཱུཔཱཡ། ཨཐ ཁོ ནིདྡོསཱཡ ཝིསདཝཱཙཱཡཱཏི ཨཏྠོ། ཝིཝཊྚཔྤཀཱསིནཱི ཝཱཙཱ ན ཀདཱཙི ཝིཝཊྚམུཏྟཱཏི ཀཏྭཱ ཨཱཧ ‘‘ཝིཝཊྚཔརིཡཱཔནྣཱཡཱ’’ཏི, ཝིཝཊྚཾ ཨམུཉྩིཏྭཱ པཝཏྟཱཡཱཏི ཨཏྠོ། ཝིཝཊྚཔྤཀཱསིནཱི ཧི ཝཱཙཱ ཝིཝཊྚཾ པརིཙྪིཛྫ ཨཱཔཱདེནྟཱི པཝཏྟཏི། ནཝལོཀུཏྟརདྷམྨོ སབྦདྷམྨེཧི སམུསྶིཏཊྛེན ཨབྦྷུགྒཏཊྛེན ཙ དྷཛོ ནཱམཱཏི ཨཱཧ ‘‘ཨབྦྷུགྒཏཊྛེནཱ’’ཏིཨཱདི། སེསམེཏྠ སུཝིཉྙེཡྻམེཝ།
48. Aṭṭhame vākkaraṇacāturiyato vacanaguṇahetūnaṃ pūriyā porī, poriyaṃ bhavāti porī, tāya poriyā. Tenāha ‘‘paripuṇṇavācāyā’’ti, akkharapadaparipuṇṇāya vācāyāti attho. Apalibuddhāyāti pittādīhi na vibaddhāya ananubundhitāya. Anelagalāyāti anelāya agalāya niddosāya agaḷitapadabyañjanāya ca. Therassa hi kathayato padaṃ vā byañjanaṃ vā na parihāyati. Tenāha ‘‘anelagalāyāti niddosāya ceva agaḷitāya cā’’tiādi. Tattha niddosāyāti atthato ca byañjanato ca vigatadosāya. Apatitapadabyañjanāyāti avirahitapadabyañjanāya. Atha vā anelagalāyāti na elaṃ dosaṃ galatīti anelagalā. Avicchinnavācāya anelagalāya yathā dandhamanussā mukhena kheḷaṃ gaḷantena vācaṃ bhāsanti, na evarūpāya. Atha kho niddosāya visadavācāyāti attho. Vivaṭṭappakāsinī vācā na kadāci vivaṭṭamuttāti katvā āha ‘‘vivaṭṭapariyāpannāyā’’ti, vivaṭṭaṃ amuñcitvā pavattāyāti attho. Vivaṭṭappakāsinī hi vācā vivaṭṭaṃ paricchijja āpādentī pavattati. Navalokuttaradhammo sabbadhammehi samussitaṭṭhena abbhuggataṭṭhena ca dhajo nāmāti āha ‘‘abbhuggataṭṭhenā’’tiādi. Sesamettha suviññeyyameva.
ཝིསཱཁསུཏྟཝཎྞནཱ ནིཊྛིཏཱ།
Visākhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༨. ཝིསཱཁསུཏྟཾ • 8. Visākhasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. ཝིསཱཁསུཏྟཝཎྞནཱ • 8. Visākhasuttavaṇṇanā
