| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੮. વਿਸਾਖਸੁਤ੍ਤવਣ੍ਣਨਾ
8. Visākhasuttavaṇṇanā
੪੮. ਅਟ੍ਠਮੇ વਾਕ੍ਕਰਣਚਾਤੁਰਿਯਤੋ વਚਨਗੁਣਹੇਤੂਨਂ ਪੂਰਿਯਾ ਪੋਰੀ, ਪੋਰਿਯਂ ਭવਾਤਿ ਪੋਰੀ, ਤਾਯ ਪੋਰਿਯਾ। ਤੇਨਾਹ ‘‘ਪਰਿਪੁਣ੍ਣવਾਚਾਯਾ’’ਤਿ, ਅਕ੍ਖਰਪਦਪਰਿਪੁਣ੍ਣਾਯ વਾਚਾਯਾਤਿ ਅਤ੍ਥੋ। ਅਪਲਿਬੁਦ੍ਧਾਯਾਤਿ ਪਿਤ੍ਤਾਦੀਹਿ ਨ વਿਬਦ੍ਧਾਯ ਅਨਨੁਬੁਨ੍ਧਿਤਾਯ। ਅਨੇਲਗਲਾਯਾਤਿ ਅਨੇਲਾਯ ਅਗਲਾਯ ਨਿਦ੍ਦੋਸਾਯ ਅਗਲ਼ਿਤਪਦਬ੍ਯਞ੍ਜਨਾਯ ਚ। ਥੇਰਸ੍ਸ ਹਿ ਕਥਯਤੋ ਪਦਂ વਾ ਬ੍ਯਞ੍ਜਨਂ વਾ ਨ ਪਰਿਹਾਯਤਿ। ਤੇਨਾਹ ‘‘ਅਨੇਲਗਲਾਯਾਤਿ ਨਿਦ੍ਦੋਸਾਯ ਚੇવ ਅਗਲ਼ਿਤਾਯ ਚਾ’’ਤਿਆਦਿ। ਤਤ੍ਥ ਨਿਦ੍ਦੋਸਾਯਾਤਿ ਅਤ੍ਥਤੋ ਚ ਬ੍ਯਞ੍ਜਨਤੋ ਚ વਿਗਤਦੋਸਾਯ। ਅਪਤਿਤਪਦਬ੍ਯਞ੍ਜਨਾਯਾਤਿ ਅવਿਰਹਿਤਪਦਬ੍ਯਞ੍ਜਨਾਯ। ਅਥ વਾ ਅਨੇਲਗਲਾਯਾਤਿ ਨ ਏਲਂ ਦੋਸਂ ਗਲਤੀਤਿ ਅਨੇਲਗਲਾ। ਅવਿਚ੍ਛਿਨ੍ਨવਾਚਾਯ ਅਨੇਲਗਲਾਯ ਯਥਾ ਦਨ੍ਧਮਨੁਸ੍ਸਾ ਮੁਖੇਨ ਖੇਲ਼ਂ ਗਲ਼ਨ੍ਤੇਨ વਾਚਂ ਭਾਸਨ੍ਤਿ, ਨ ਏવਰੂਪਾਯ। ਅਥ ਖੋ ਨਿਦ੍ਦੋਸਾਯ વਿਸਦવਾਚਾਯਾਤਿ ਅਤ੍ਥੋ। વਿવਟ੍ਟਪ੍ਪਕਾਸਿਨੀ વਾਚਾ ਨ ਕਦਾਚਿ વਿવਟ੍ਟਮੁਤ੍ਤਾਤਿ ਕਤ੍વਾ ਆਹ ‘‘વਿવਟ੍ਟਪਰਿਯਾਪਨ੍ਨਾਯਾ’’ਤਿ, વਿવਟ੍ਟਂ ਅਮੁਞ੍ਚਿਤ੍વਾ ਪવਤ੍ਤਾਯਾਤਿ ਅਤ੍ਥੋ। વਿવਟ੍ਟਪ੍ਪਕਾਸਿਨੀ ਹਿ વਾਚਾ વਿવਟ੍ਟਂ ਪਰਿਚ੍ਛਿਜ੍ਜ ਆਪਾਦੇਨ੍ਤੀ ਪવਤ੍ਤਤਿ। ਨવਲੋਕੁਤ੍ਤਰਧਮ੍ਮੋ ਸਬ੍ਬਧਮ੍ਮੇਹਿ ਸਮੁਸ੍ਸਿਤਟ੍ਠੇਨ ਅਬ੍ਭੁਗ੍ਗਤਟ੍ਠੇਨ ਚ ਧਜੋ ਨਾਮਾਤਿ ਆਹ ‘‘ਅਬ੍ਭੁਗ੍ਗਤਟ੍ਠੇਨਾ’’ਤਿਆਦਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
48. Aṭṭhame vākkaraṇacāturiyato vacanaguṇahetūnaṃ pūriyā porī, poriyaṃ bhavāti porī, tāya poriyā. Tenāha ‘‘paripuṇṇavācāyā’’ti, akkharapadaparipuṇṇāya vācāyāti attho. Apalibuddhāyāti pittādīhi na vibaddhāya ananubundhitāya. Anelagalāyāti anelāya agalāya niddosāya agaḷitapadabyañjanāya ca. Therassa hi kathayato padaṃ vā byañjanaṃ vā na parihāyati. Tenāha ‘‘anelagalāyāti niddosāya ceva agaḷitāya cā’’tiādi. Tattha niddosāyāti atthato ca byañjanato ca vigatadosāya. Apatitapadabyañjanāyāti avirahitapadabyañjanāya. Atha vā anelagalāyāti na elaṃ dosaṃ galatīti anelagalā. Avicchinnavācāya anelagalāya yathā dandhamanussā mukhena kheḷaṃ gaḷantena vācaṃ bhāsanti, na evarūpāya. Atha kho niddosāya visadavācāyāti attho. Vivaṭṭappakāsinī vācā na kadāci vivaṭṭamuttāti katvā āha ‘‘vivaṭṭapariyāpannāyā’’ti, vivaṭṭaṃ amuñcitvā pavattāyāti attho. Vivaṭṭappakāsinī hi vācā vivaṭṭaṃ paricchijja āpādentī pavattati. Navalokuttaradhammo sabbadhammehi samussitaṭṭhena abbhuggataṭṭhena ca dhajo nāmāti āha ‘‘abbhuggataṭṭhenā’’tiādi. Sesamettha suviññeyyameva.
વਿਸਾਖਸੁਤ੍ਤવਣ੍ਣਨਾ ਨਿਟ੍ਠਿਤਾ।
Visākhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. વਿਸਾਖਸੁਤ੍ਤਂ • 8. Visākhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. વਿਸਾਖਸੁਤ੍ਤવਣ੍ਣਨਾ • 8. Visākhasuttavaṇṇanā
