| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
13. висаакаат̇зрийг̇аат̇ааван̣н̣анаа
13. Visākhātherīgāthāvaṇṇanā
гарот̇а б̣уд̣̇д̇хасаасананд̇и висаакааяа т̇зрияаа г̇аат̇аа. д̇ассаа вад̇т̇у д̇хийраат̇зрияаавад̇т̇усад̣̇исамзва. саа арахад̇д̇ам̣ бад̇ваа вимуд̇д̇исукзна вийд̇инаамзнд̇ий –
Karothabuddhasāsananti visākhāya theriyā gāthā. Tassā vatthu dhīrātheriyāvatthusadisameva. Sā arahattaṃ patvā vimuttisukhena vītināmentī –
13.
13.
‘‘гарот̇а б̣уд̣̇д̇хасаасанам̣, яам̣ гад̇ваа наануд̇аббад̇и;
‘‘Karotha buddhasāsanaṃ, yaṃ katvā nānutappati;
киббам̣ баад̣̇аани д̇ховид̇ваа, згаманд̇з нисийд̣̇ат̇аа’’д̇и. –
Khippaṃ pādāni dhovitvā, ekamante nisīdathā’’ti. –
имааяа г̇аат̇ааяа ан̃н̃ам̣ б̣яаагааси.
Imāya gāthāya aññaṃ byākāsi.
д̇ад̇т̇а гарот̇а б̣уд̣̇д̇хасаасананд̇и б̣уд̣̇д̇хасаасанам̣ оваад̣̇аанусидтим̣ гарот̇а, яат̇аанусидтам̣ бадибаж̇ж̇ат̇аад̇и ад̇т̇о. яам̣ гад̇ваа наануд̇аббад̇ийд̇и анусидтим̣ гад̇ваа гаран̣ахзд̇у на ануд̇аббад̇и д̇аггарасса саммад̣̇зва ад̇хиббааяаанам̣ самиж̇жханад̇о. киббам̣ баад̣̇аани д̇ховид̇ваа, згаманд̇з нисийд̣̇ат̇аад̇и ид̣̇ам̣ яасмаа саяам̣ бажчаабхад̇д̇ам̣ бин̣д̣абаад̇абадигганд̇аа аажарияубаж̇жхааяаанам̣ вад̇д̇ам̣ д̣̇ассзд̇ваа ад̇д̇ано д̣̇иваадтаанз баад̣̇з д̇ховид̇ваа рахо нисиннаа сад̣̇ад̇т̇ам̣ мад̇т̇агам̣ баабзси, д̇асмаа д̇ад̇т̇а ан̃н̃зби нияож̇знд̇ий авожа.
Tattha karotha buddhasāsananti buddhasāsanaṃ ovādaanusiṭṭhiṃ karotha, yathānusiṭṭhaṃ paṭipajjathāti attho. Yaṃ katvā nānutappatīti anusiṭṭhiṃ katvā karaṇahetu na anutappati takkarassa sammadeva adhippāyānaṃ samijjhanato. Khippaṃ pādāni dhovitvā, ekamante nisīdathāti idaṃ yasmā sayaṃ pacchābhattaṃ piṇḍapātapaṭikkantā ācariyupajjhāyānaṃ vattaṃ dassetvā attano divāṭṭhāne pāde dhovitvā raho nisinnā sadatthaṃ matthakaṃ pāpesi, tasmā tattha aññepi niyojentī avoca.
висаакаат̇зрийг̇аат̇ааван̣н̣анаа нидтид̇аа.
Visākhātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 13.висаакаат̇зрийг̇аат̇аа • 13.Visākhātherīgāthā
