| Library / Tipiṭaka / ติปิฎก • Tipiṭaka / เถรีคาถา-อฎฺฐกถา • Therīgāthā-aṭṭhakathā |
๑๓. วิสาขาเถรีคาถาวณฺณนา
13. Visākhātherīgāthāvaṇṇanā
กโรถ พุทฺธสาสนนฺติ วิสาขาย เถริยา คาถาฯ ตสฺสา วตฺถุ ธีราเถริยาวตฺถุสทิสเมวฯ สา อรหตฺตํ ปตฺวา วิมุตฺติสุเขน วีตินาเมนฺตี –
Karothabuddhasāsananti visākhāya theriyā gāthā. Tassā vatthu dhīrātheriyāvatthusadisameva. Sā arahattaṃ patvā vimuttisukhena vītināmentī –
๑๓.
13.
‘‘กโรถ พุทฺธสาสนํ, ยํ กตฺวา นานุตปฺปติ;
‘‘Karotha buddhasāsanaṃ, yaṃ katvā nānutappati;
ขิปฺปํ ปาทานิ โธวิตฺวา, เอกมเนฺต นิสีทถา’’ติฯ –
Khippaṃ pādāni dhovitvā, ekamante nisīdathā’’ti. –
อิมาย คาถาย อญฺญํ พฺยากาสิฯ
Imāya gāthāya aññaṃ byākāsi.
ตตฺถ กโรถ พุทฺธสาสนนฺติ พุทฺธสาสนํ โอวาทอนุสิฎฺฐิํ กโรถ, ยถานุสิฎฺฐํ ปฎิปชฺชถาติ อโตฺถฯ ยํ กตฺวา นานุตปฺปตีติ อนุสิฎฺฐิํ กตฺวา กรณเหตุ น อนุตปฺปติ ตกฺกรสฺส สมฺมเทว อธิปฺปายานํ สมิชฺฌนโตฯ ขิปฺปํ ปาทานิ โธวิตฺวา, เอกมเนฺต นิสีทถาติ อิทํ ยสฺมา สยํ ปจฺฉาภตฺตํ ปิณฺฑปาตปฎิกฺกนฺตา อาจริยุปชฺฌายานํ วตฺตํ ทเสฺสตฺวา อตฺตโน ทิวาฎฺฐาเน ปาเท โธวิตฺวา รโห นิสินฺนา สทตฺถํ มตฺถกํ ปาเปสิ, ตสฺมา ตตฺถ อเญฺญปิ นิโยเชนฺตี อโวจฯ
Tattha karotha buddhasāsananti buddhasāsanaṃ ovādaanusiṭṭhiṃ karotha, yathānusiṭṭhaṃ paṭipajjathāti attho. Yaṃ katvā nānutappatīti anusiṭṭhiṃ katvā karaṇahetu na anutappati takkarassa sammadeva adhippāyānaṃ samijjhanato. Khippaṃ pādāni dhovitvā, ekamante nisīdathāti idaṃ yasmā sayaṃ pacchābhattaṃ piṇḍapātapaṭikkantā ācariyupajjhāyānaṃ vattaṃ dassetvā attano divāṭṭhāne pāde dhovitvā raho nisinnā sadatthaṃ matthakaṃ pāpesi, tasmā tattha aññepi niyojentī avoca.
วิสาขาเถรีคาถาวณฺณนา นิฎฺฐิตาฯ
Visākhātherīgāthāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / เถรีคาถาปาฬิ • Therīgāthāpāḷi / ๑๓.วิสาขาเถรีคาถา • 13.Visākhātherīgāthā
