| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā |
੧੩. વਿਸਾਖਾਥੇਰੀਗਾਥਾવਣ੍ਣਨਾ
13. Visākhātherīgāthāvaṇṇanā
ਕਰੋਥ ਬੁਦ੍ਧਸਾਸਨਨ੍ਤਿ વਿਸਾਖਾਯ ਥੇਰਿਯਾ ਗਾਥਾ। ਤਸ੍ਸਾ વਤ੍ਥੁ ਧੀਰਾਥੇਰਿਯਾવਤ੍ਥੁਸਦਿਸਮੇવ। ਸਾ ਅਰਹਤ੍ਤਂ ਪਤ੍વਾ વਿਮੁਤ੍ਤਿਸੁਖੇਨ વੀਤਿਨਾਮੇਨ੍ਤੀ –
Karothabuddhasāsananti visākhāya theriyā gāthā. Tassā vatthu dhīrātheriyāvatthusadisameva. Sā arahattaṃ patvā vimuttisukhena vītināmentī –
੧੩.
13.
‘‘ਕਰੋਥ ਬੁਦ੍ਧਸਾਸਨਂ, ਯਂ ਕਤ੍વਾ ਨਾਨੁਤਪ੍ਪਤਿ।
‘‘Karotha buddhasāsanaṃ, yaṃ katvā nānutappati;
ਖਿਪ੍ਪਂ ਪਾਦਾਨਿ ਧੋવਿਤ੍વਾ, ਏਕਮਨ੍ਤੇ ਨਿਸੀਦਥਾ’’ਤਿ॥ –
Khippaṃ pādāni dhovitvā, ekamante nisīdathā’’ti. –
ਇਮਾਯ ਗਾਥਾਯ ਅਞ੍ਞਂ ਬ੍ਯਾਕਾਸਿ।
Imāya gāthāya aññaṃ byākāsi.
ਤਤ੍ਥ ਕਰੋਥ ਬੁਦ੍ਧਸਾਸਨਨ੍ਤਿ ਬੁਦ੍ਧਸਾਸਨਂ ਓવਾਦਅਨੁਸਿਟ੍ਠਿਂ ਕਰੋਥ, ਯਥਾਨੁਸਿਟ੍ਠਂ ਪਟਿਪਜ੍ਜਥਾਤਿ ਅਤ੍ਥੋ। ਯਂ ਕਤ੍વਾ ਨਾਨੁਤਪ੍ਪਤੀਤਿ ਅਨੁਸਿਟ੍ਠਿਂ ਕਤ੍વਾ ਕਰਣਹੇਤੁ ਨ ਅਨੁਤਪ੍ਪਤਿ ਤਕ੍ਕਰਸ੍ਸ ਸਮ੍ਮਦੇવ ਅਧਿਪ੍ਪਾਯਾਨਂ ਸਮਿਜ੍ਝਨਤੋ। ਖਿਪ੍ਪਂ ਪਾਦਾਨਿ ਧੋવਿਤ੍વਾ, ਏਕਮਨ੍ਤੇ ਨਿਸੀਦਥਾਤਿ ਇਦਂ ਯਸ੍ਮਾ ਸਯਂ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤਾ ਆਚਰਿਯੁਪਜ੍ਝਾਯਾਨਂ વਤ੍ਤਂ ਦਸ੍ਸੇਤ੍વਾ ਅਤ੍ਤਨੋ ਦਿવਾਟ੍ਠਾਨੇ ਪਾਦੇ ਧੋવਿਤ੍વਾ ਰਹੋ ਨਿਸਿਨ੍ਨਾ ਸਦਤ੍ਥਂ ਮਤ੍ਥਕਂ ਪਾਪੇਸਿ, ਤਸ੍ਮਾ ਤਤ੍ਥ ਅਞ੍ਞੇਪਿ ਨਿਯੋਜੇਨ੍ਤੀ ਅવੋਚ।
Tattha karotha buddhasāsananti buddhasāsanaṃ ovādaanusiṭṭhiṃ karotha, yathānusiṭṭhaṃ paṭipajjathāti attho. Yaṃ katvā nānutappatīti anusiṭṭhiṃ katvā karaṇahetu na anutappati takkarassa sammadeva adhippāyānaṃ samijjhanato. Khippaṃ pādāni dhovitvā, ekamante nisīdathāti idaṃ yasmā sayaṃ pacchābhattaṃ piṇḍapātapaṭikkantā ācariyupajjhāyānaṃ vattaṃ dassetvā attano divāṭṭhāne pāde dhovitvā raho nisinnā sadatthaṃ matthakaṃ pāpesi, tasmā tattha aññepi niyojentī avoca.
વਿਸਾਖਾਥੇਰੀਗਾਥਾવਣ੍ਣਨਾ ਨਿਟ੍ਠਿਤਾ।
Visākhātherīgāthāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਥੇਰੀਗਾਥਾਪਾਲ਼ਿ • Therīgāthāpāḷi / ੧੩.વਿਸਾਖਾਥੇਰੀਗਾਥਾ • 13.Visākhātherīgāthā
