| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
9. висаалагкивимаанаван̣н̣анаа
9. Visālakkhivimānavaṇṇanā
гаа наама д̇вам̣ висаалагкийд̇и висаалагкивимаанам̣. д̇асса гаа уббад̇д̇и? бхаг̇авад̇и бариниб̣б̣уд̇з ран̃н̃аа аж̇аад̇асад̇д̇унаа ад̇д̇анаа бадилад̣̇д̇хаа бхаг̇авад̇аа сарийрад̇хаад̇уяо г̇ахзд̇ваа рааж̇аг̇ахз т̇уубз жа махз жа гад̇з рааж̇аг̇ахаваасиний згаа маалаагаарад̇хийд̇аа сунанд̣̇аа наама убаасигаа арияасаавигаа сод̇аабаннаа бид̇ум̣ г̇зхад̇о бзсид̇ам̣ б̣ахум̣ маалан̃жа г̇анд̇хан̃жа бзсзд̇ваа д̣̇звасигам̣ жзд̇ияз бууж̇ам̣ гаарзси, убосат̇ад̣̇ивасзсу бана саяамзва г̇анд̇ваа бууж̇ам̣ агааси. саа абарабхааг̇з ан̃н̃ад̇арзна рог̇зна пудтаа гаалам̣ гад̇ваа саггасса д̣̇зваран̃н̃о барижааригаа худ̇ваа ниб̣б̣ад̇д̇и. ат̇згад̣̇ивасам̣ саа саггзна д̣̇зваанаминд̣̇зна саха жид̇д̇алад̇ааванам̣ баависи. д̇ад̇т̇а жа ан̃н̃аасам̣ д̣̇звад̇аанам̣ бабхаа бубпаад̣̇ийнам̣ бабхаахи бадихад̇аа худ̇ваа вижид̇д̇аван̣н̣аа ход̇и, сунанд̣̇ааяа бана бабхаа д̇аахи анабхибхууд̇аа сабхаавзнзва адтааси. д̇ам̣ д̣̇исваа сагго д̣̇зварааж̇аа д̇ааяа гад̇асужарид̇ам̣ н̃аад̇угаамо имаахи г̇аат̇аахи бужчи –
Kā nāma tvaṃ visālakkhīti visālakkhivimānaṃ. Tassa kā uppatti? Bhagavati parinibbute raññā ajātasattunā attanā paṭiladdhā bhagavatā sarīradhātuyo gahetvā rājagahe thūpe ca mahe ca kate rājagahavāsinī ekā mālākāradhītā sunandā nāma upāsikā ariyasāvikā sotāpannā pituṃ gehato pesitaṃ bahuṃ mālañca gandhañca pesetvā devasikaṃ cetiye pūjaṃ kāresi, uposathadivasesu pana sayameva gantvā pūjaṃ akāsi. Sā aparabhāge aññatarena rogena phuṭṭhā kālaṃ katvā sakkassa devarañño paricārikā hutvā nibbatti. Athekadivasaṃ sā sakkena devānamindena saha cittalatāvanaṃ pāvisi. Tattha ca aññāsaṃ devatānaṃ pabhā pupphādīnaṃ pabhāhi paṭihatā hutvā vicittavaṇṇā hoti, sunandāya pana pabhā tāhi anabhibhūtā sabhāveneva aṭṭhāsi. Taṃ disvā sakko devarājā tāya katasucaritaṃ ñātukāmo imāhi gāthāhi pucchi –
666.
666.
‘‘гаа наама д̇вам̣ висаалагки, раммз жид̇д̇алад̇ааванз;
‘‘Kā nāma tvaṃ visālakkhi, ramme cittalatāvane;
саманд̇аа анубарияааси, наарийг̇ан̣абурагкад̇аа.
Samantā anupariyāsi, nārīgaṇapurakkhatā.
667.
667.
‘‘яад̣̇аа д̣̇зваа д̇аавад̇им̣саа, бависанд̇и имам̣ ванам̣;
‘‘Yadā devā tāvatiṃsā, pavisanti imaṃ vanaṃ;
саяог̇г̇аа сарат̇аа саб̣б̣з, жид̇раа хонд̇и ид̇хааг̇ад̇аа.
Sayoggā sarathā sabbe, citrā honti idhāgatā.
668.
668.
‘‘д̇уяхан̃жа ид̇ха бад̇д̇ааяа, уяяаанз вижаранд̇ияаа;
‘‘Tuyhañca idha pattāya, uyyāne vicarantiyā;
гааяз на д̣̇иссад̇ий жид̇д̇ам̣, гзна руубам̣ д̇авзд̣̇исам̣;
Kāye na dissatī cittaṃ, kena rūpaṃ tavedisaṃ;
д̣̇звад̇з бужчид̇аажигка, гисса гаммассид̣̇ам̣ пала’’нд̇и.
Devate pucchitācikkha, kissa kammassidaṃ phala’’nti.
666. д̇ад̇т̇а гаа наама д̇ванд̇и буримад̇д̇абхаавз гаа наама гийд̣̇исий наама д̇вам̣, яад̇т̇а гад̇зна сужарид̇зна аяам̣ д̇з ийд̣̇исий аанубхаавасамбад̇д̇и ахосийд̇и ад̇хиббааяо. висаалагкийд̇и вибулаложанз.
666. Tattha kā nāma tvanti purimattabhāve kā nāma kīdisī nāma tvaṃ, yattha katena sucaritena ayaṃ te īdisī ānubhāvasampatti ahosīti adhippāyo. Visālakkhīti vipulalocane.
667. яад̣̇аад̇и яасмим̣ гаалз. имам̣ вананд̇и имам̣ жид̇д̇алад̇аанаамагам̣ убаванам̣. жид̇раа хонд̇ийд̇и имасмим̣ жид̇д̇алад̇ааванз вижид̇д̇абабхаасам̣саг̇г̇зна ад̇д̇ано сарийравад̇т̇аалан̇гаараад̣̇ийнам̣ багад̇иобхаасад̇оби висидтабхааваббад̇д̇ияаа вижид̇раагаараа хонд̇и. ид̇хааг̇ад̇аад̇и ид̇ха ааг̇ад̇аа самбад̇д̇аа, ид̇ха ваа ааг̇аманахзд̇у.
667.Yadāti yasmiṃ kāle. Imaṃ vananti imaṃ cittalatānāmakaṃ upavanaṃ. Citrā hontīti imasmiṃ cittalatāvane vicittapabhāsaṃsaggena attano sarīravatthālaṅkārādīnaṃ pakatiobhāsatopi visiṭṭhabhāvappattiyā vicitrākārā honti. Idhāgatāti idha āgatā sampattā, idha vā āgamanahetu.
668. ид̇ха бад̇д̇ааяаад̇и имам̣ таанам̣ самбад̇д̇ааяа убаг̇ад̇ааяа. гзна руубам̣ д̇авзд̣̇исанд̇и гзна гааран̣зна д̇ава руубам̣ сарийрам̣ зд̣̇исам̣ зваруубам̣, жид̇д̇алад̇ааванасса бабхам̣ абхибхаванд̇ам̣ д̇идтад̇ийд̇и ад̇хиббааяо.
668.Idha pattāyāti imaṃ ṭhānaṃ sampattāya upagatāya. Kenarūpaṃ tavedisanti kena kāraṇena tava rūpaṃ sarīraṃ edisaṃ evarūpaṃ, cittalatāvanassa pabhaṃ abhibhavantaṃ tiṭṭhatīti adhippāyo.
звам̣ саггзна будтаа саа д̣̇звад̇аа имаахи г̇аат̇аахи б̣яаагааси –
Evaṃ sakkena puṭṭhā sā devatā imāhi gāthāhi byākāsi –
669.
669.
‘‘язна гаммзна д̣̇звинд̣̇а, руубам̣ маяхам̣ г̇ад̇ий жа мз;
‘‘Yena kammena devinda, rūpaṃ mayhaṃ gatī ca me;
ид̣̇д̇хи жа аанубхааво жа, д̇ам̣ сун̣охи буринд̣̇ад̣̇а.
Iddhi ca ānubhāvo ca, taṃ suṇohi purindada.
670.
670.
‘‘ахам̣ рааж̇аг̇ахз раммз, сунанд̣̇аа наамубаасигаа;
‘‘Ahaṃ rājagahe ramme, sunandā nāmupāsikā;
сад̣̇д̇хаа сийлзна самбаннаа, сам̣вибхааг̇арад̇аа сад̣̇аа.
Saddhā sīlena sampannā, saṃvibhāgaratā sadā.
671.
671.
‘‘ажчаад̣̇анан̃жа бхад̇д̇ан̃жа, сзнаасанам̣ бад̣̇ийбияам̣;
‘‘Acchādanañca bhattañca, senāsanaṃ padīpiyaṃ;
ад̣̇аасим̣ уж̇убхууд̇зсу, виббасаннзна жзд̇асаа.
Adāsiṃ ujubhūtesu, vippasannena cetasā.
672.
672.
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
673.
673.
‘‘убосат̇ам̣ убавасиссам̣, сад̣̇аа сийлзсу сам̣вуд̇аа;
‘‘Uposathaṃ upavasissaṃ, sadā sīlesu saṃvutā;
сан̃н̃амаа сам̣вибхааг̇аа жа, вимаанам̣ аавасаамахам̣.
Saññamā saṃvibhāgā ca, vimānaṃ āvasāmahaṃ.
674.
674.
‘‘баан̣аад̇ибаад̇аа вирад̇аа, мусааваад̣̇аа жа сан̃н̃ад̇аа;
‘‘Pāṇātipātā viratā, musāvādā ca saññatā;
т̇зяяаа жа ад̇ижаараа жа, маж̇ж̇абаанаа жа аарагаа.
Theyyā ca aticārā ca, majjapānā ca ārakā.
675.
675.
‘‘бан̃жасигкаабад̣̇з рад̇аа, арияасажжаана говид̣̇аа;
‘‘Pañcasikkhāpade ratā, ariyasaccāna kovidā;
убаасигаа жагкумад̇о, г̇од̇амасса яасассино.
Upāsikā cakkhumato, gotamassa yasassino.
676.
676.
‘‘д̇ассаа мз н̃аад̇игулаа д̣̇аасий, сад̣̇аа маалаабхихаарад̇и;
‘‘Tassā me ñātikulā dāsī, sadā mālābhihārati;
д̇аахам̣ бхаг̇авад̇о т̇уубз, саб̣б̣амзваабхиробаяим̣.
Tāhaṃ bhagavato thūpe, sabbamevābhiropayiṃ.
677.
677.
‘‘убосат̇з жахам̣ г̇анд̇ваа, маалааг̇анд̇хавилзбанам̣;
‘‘Uposathe cahaṃ gantvā, mālāgandhavilepanaṃ;
т̇уубасмим̣ абхиробзсим̣, басаннаа сзхи баан̣ибхи.
Thūpasmiṃ abhiropesiṃ, pasannā sehi pāṇibhi.
678.
678.
‘‘д̇зна гаммзна д̣̇звинд̣̇а, руубам̣ маяхам̣ г̇ад̇ий жа мз;
‘‘Tena kammena devinda, rūpaṃ mayhaṃ gatī ca me;
ид̣̇д̇хи жа аанубхааво жа, яам̣ маалам̣ абхиробаяим̣.
Iddhi ca ānubhāvo ca, yaṃ mālaṃ abhiropayiṃ.
679.
679.
‘‘яан̃жа сийлавад̇ий аасим̣, на д̇ам̣ д̇аава вибажжад̇и;
‘‘Yañca sīlavatī āsiṃ, na taṃ tāva vipaccati;
аасаа жа бана мз д̣̇звинд̣̇а, сагад̣̇ааг̇ааминий сияа’’нд̇и.
Āsā ca pana me devinda, sakadāgāminī siya’’nti.
669. д̇ад̇т̇а г̇ад̇ийд̇и аяам̣ д̣̇зваг̇ад̇и, ниб̣б̣ад̇д̇и ваа. ид̣̇д̇хийд̇и аяам̣ д̣̇звид̣̇д̇хи, ад̇хиббааяасамиж̇жханам̣ ваа. аанубхаавод̇и бабхааво. буринд̣̇ад̣̇аад̇и саггам̣ аалабад̇и. со хи бурз д̣̇аанам̣ ад̣̇аасийд̇и ‘‘буринд̣̇ад̣̇о’’д̇и вужжад̇и.
669. Tattha gatīti ayaṃ devagati, nibbatti vā. Iddhīti ayaṃ deviddhi, adhippāyasamijjhanaṃ vā. Ānubhāvoti pabhāvo. Purindadāti sakkaṃ ālapati. So hi pure dānaṃ adāsīti ‘‘purindado’’ti vuccati.
676. н̃аад̇игулаад̇и бид̇у г̇зхам̣ санд̇хааяа вад̣̇ад̇и. сад̣̇аа маалаабхихаарад̇ийд̇и сад̣̇аа саб̣б̣агаалам̣ д̣̇ивасз д̣̇ивасз н̃аад̇игулад̇о д̣̇аасияаа бубпам̣ маяхам̣ абхихарийяад̇и. саб̣б̣амзваабхиробаяинд̇и маяхам̣ бил̣анд̇ханад̇т̇ааяа бид̇уг̇зхад̇о аахадам̣ маалам̣ ан̃н̃ан̃жа г̇анд̇хаад̣̇им̣ саб̣б̣амзва ад̇д̇анаа абарибхун̃ж̇ид̇ваа бхаг̇авад̇о т̇уубз бууж̇анавасзна абхиробаяим̣ бууж̇ам̣ гаарзсим̣.
676.Ñātikulāti pitu gehaṃ sandhāya vadati. Sadā mālābhihāratīti sadā sabbakālaṃ divase divase ñātikulato dāsiyā pupphaṃ mayhaṃ abhiharīyati. Sabbamevābhiropayinti mayhaṃ piḷandhanatthāya pitugehato āhaṭaṃ mālaṃ aññañca gandhādiṃ sabbameva attanā aparibhuñjitvā bhagavato thūpe pūjanavasena abhiropayiṃ pūjaṃ kāresiṃ.
677-8. убосат̇з жахам̣ г̇анд̇ваад̇и убосат̇ад̣̇ивасз ахамзва т̇уубадтаанам̣ г̇анд̇ваа. яам̣ маалам̣ абхиробаяинд̇и яам̣ д̇ад̣̇аа бхаг̇авад̇о т̇уубз маалааг̇анд̇хаабхиробанам̣ гад̇ам̣, д̇зна гаммзнаад̇и яож̇анаа.
677-8.Uposathe cahaṃ gantvāti uposathadivase ahameva thūpaṭṭhānaṃ gantvā. Yaṃ mālaṃ abhiropayinti yaṃ tadā bhagavato thūpe mālāgandhābhiropanaṃ kataṃ, tena kammenāti yojanā.
679. на д̇ам̣ д̇аава вибажжад̇ийд̇и яам̣ сийлавад̇ий аасим̣, д̇ам̣ сийларагкан̣ам̣ д̇ам̣ рагкид̇ам̣ сийлам̣ бууж̇аамаяабун̃н̃асса б̣алавабхаавзна алад̣̇д̇хогаасам̣ на д̇аава вибажжад̇и , на вибажжид̇ум̣ аарад̣̇д̇хам̣, абарасмим̣язва ад̇д̇абхаавз д̇асса вибаагод̇и ад̇т̇о. аасаа жа бана мз д̣̇звинд̣̇а, сагад̣̇ааг̇ааминий сияанд̇и ‘‘гат̇ам̣ ну ко ахам̣ сагад̣̇ааг̇ааминий бхавзяяа’’нд̇и бад̇т̇анаа жа мз д̣̇звинд̣̇а, арияад̇хаммависаяаава, на бхавависзсависаяаа. саа бана саббиман̣д̣ам̣ ижчад̇о д̣̇ад̇хид̇о бажид̇ам̣ вияа анибпаад̣̇инийд̇и д̣̇ассзд̇и. сзсам̣ вуд̇д̇анаяамзва.
679.Na taṃ tāva vipaccatīti yaṃ sīlavatī āsiṃ, taṃ sīlarakkhaṇaṃ taṃ rakkhitaṃ sīlaṃ pūjāmayapuññassa balavabhāvena aladdhokāsaṃ na tāva vipaccati , na vipaccituṃ āraddhaṃ, aparasmiṃyeva attabhāve tassa vipākoti attho. Āsā ca pana me devinda, sakadāgāminī siyanti ‘‘kathaṃ nu kho ahaṃ sakadāgāminī bhaveyya’’nti patthanā ca me devinda, ariyadhammavisayāva, na bhavavisesavisayā. Sā pana sappimaṇḍaṃ icchato dadhito pacitaṃ viya anipphādinīti dasseti. Sesaṃ vuttanayameva.
имам̣ бана ад̇т̇ам̣ сагго д̣̇зваанаминд̣̇о ад̇д̇анаа жа д̇ааяа д̣̇звад̇хийд̇ааяа жа вуд̇д̇анияаамзнзва ааяасмад̇о ван̇г̇ийсад̇т̇зрасса аарожзси. ааяасмаа ван̇г̇ийсо сан̇г̇ийд̇игаалз д̇хаммасан̇г̇аахагаанам̣ махаат̇зраанам̣ аарожзси, д̇з жа д̇ам̣ д̇ат̇зва сан̇г̇ийд̇им̣ ааробаяим̣сууд̇и.
Imaṃ pana atthaṃ sakko devānamindo attanā ca tāya devadhītāya ca vuttaniyāmeneva āyasmato vaṅgīsattherassa ārocesi. Āyasmā vaṅgīso saṅgītikāle dhammasaṅgāhakānaṃ mahātherānaṃ ārocesi, te ca taṃ tatheva saṅgītiṃ āropayiṃsūti.
висаалагкивимаанаван̣н̣анаа нидтид̇аа.
Visālakkhivimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 9. висаалагкивимаанавад̇т̇у • 9. Visālakkhivimānavatthu
