| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. ৰিসারদসুত্তং
5. Visāradasuttaṃ
২১৫. ‘‘দসহি , ভিক্খৰে, ধম্মেহি সমন্নাগতা উপাসিকা অৰিসারদা অগারং অজ্ঝাৰসতি। কতমেহি দসহি? পাণাতিপাতিনী হোতি… অদিন্নাদাযিনী হোতি… কামেসুমিচ্ছাচারিনী হোতি… মুসাৰাদিনী হোতি… পিসুণাৰাচা হোতি… ফরুসৰাচা হোতি… সম্ফপ্পলাপিনী হোতি… অভিজ্ঝালুনী হোতি… ব্যাপন্নচিত্তা হোতি… মিচ্ছাদিট্ঠিকা হোতি…। ইমেহি খো, ভিক্খৰে, দসহি ধম্মেহি সমন্নাগতা উপাসিকা অৰিসারদা অগারং অজ্ঝাৰসতি।
215. ‘‘Dasahi , bhikkhave, dhammehi samannāgatā upāsikā avisāradā agāraṃ ajjhāvasati. Katamehi dasahi? Pāṇātipātinī hoti… adinnādāyinī hoti… kāmesumicchācārinī hoti… musāvādinī hoti… pisuṇāvācā hoti… pharusavācā hoti… samphappalāpinī hoti… abhijjhālunī hoti… byāpannacittā hoti… micchādiṭṭhikā hoti…. Imehi kho, bhikkhave, dasahi dhammehi samannāgatā upāsikā avisāradā agāraṃ ajjhāvasati.
‘‘দসহি, ভিক্খৰে, ধম্মেহি সমন্নাগতা উপাসিকা ৰিসারদা অগারং অজ্ঝাৰসতি। কতমেহি দসহি? পাণাতিপাতা পটিৰিরতা হোতি… অদিন্নাদানা পটিৰিরতা হোতি… কামেসুমিচ্ছাচারা পটিৰিরতা হোতি… মুসাৰাদা পটিৰিরতা হোতি… পিসুণায ৰাচায পটিৰিরতা হোতি… ফরুসায ৰাচায পটিৰিরতা হোতি… সম্ফপ্পলাপা পটিৰিরতা হোতি… অনভিজ্ঝালুনী হোতি… অব্যাপন্নচিত্তা হোতি… সম্মাদিট্ঠিকা হোতি…। ইমেহি খো, ভিক্খৰে, দসহি ধম্মেহি সমন্নাগতা উপাসিকা ৰিসারদা অগারং অজ্ঝাৰসতী’’তি। পঞ্চমং।
‘‘Dasahi, bhikkhave, dhammehi samannāgatā upāsikā visāradā agāraṃ ajjhāvasati. Katamehi dasahi? Pāṇātipātā paṭiviratā hoti… adinnādānā paṭiviratā hoti… kāmesumicchācārā paṭiviratā hoti… musāvādā paṭiviratā hoti… pisuṇāya vācāya paṭiviratā hoti… pharusāya vācāya paṭiviratā hoti… samphappalāpā paṭiviratā hoti… anabhijjhālunī hoti… abyāpannacittā hoti… sammādiṭṭhikā hoti…. Imehi kho, bhikkhave, dasahi dhammehi samannāgatā upāsikā visāradā agāraṃ ajjhāvasatī’’ti. Pañcamaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫৩৬. পঠমনিরযসগ্গসুত্তাদিৰণ্ণনা • 1-536. Paṭhamanirayasaggasuttādivaṇṇanā
