| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៥. វិសារទសុត្តំ
5. Visāradasuttaṃ
២១៥. ‘‘ទសហិ , ភិក្ខវេ, ធម្មេហិ សមន្នាគតា ឧបាសិកា អវិសារទា អគារំ អជ្ឈាវសតិ។ កតមេហិ ទសហិ? បាណាតិបាតិនី ហោតិ… អទិន្នាទាយិនី ហោតិ… កាមេសុមិច្ឆាចារិនី ហោតិ… មុសាវាទិនី ហោតិ… បិសុណាវាចា ហោតិ… ផរុសវាចា ហោតិ… សម្ផប្បលាបិនី ហោតិ… អភិជ្ឈាលុនី ហោតិ… ព្យាបន្នចិត្តា ហោតិ… មិច្ឆាទិដ្ឋិកា ហោតិ…។ ឥមេហិ ខោ, ភិក្ខវេ, ទសហិ ធម្មេហិ សមន្នាគតា ឧបាសិកា អវិសារទា អគារំ អជ្ឈាវសតិ។
215. ‘‘Dasahi , bhikkhave, dhammehi samannāgatā upāsikā avisāradā agāraṃ ajjhāvasati. Katamehi dasahi? Pāṇātipātinī hoti… adinnādāyinī hoti… kāmesumicchācārinī hoti… musāvādinī hoti… pisuṇāvācā hoti… pharusavācā hoti… samphappalāpinī hoti… abhijjhālunī hoti… byāpannacittā hoti… micchādiṭṭhikā hoti…. Imehi kho, bhikkhave, dasahi dhammehi samannāgatā upāsikā avisāradā agāraṃ ajjhāvasati.
‘‘ទសហិ, ភិក្ខវេ, ធម្មេហិ សមន្នាគតា ឧបាសិកា វិសារទា អគារំ អជ្ឈាវសតិ។ កតមេហិ ទសហិ? បាណាតិបាតា បដិវិរតា ហោតិ… អទិន្នាទានា បដិវិរតា ហោតិ… កាមេសុមិច្ឆាចារា បដិវិរតា ហោតិ… មុសាវាទា បដិវិរតា ហោតិ… បិសុណាយ វាចាយ បដិវិរតា ហោតិ… ផរុសាយ វាចាយ បដិវិរតា ហោតិ… សម្ផប្បលាបា បដិវិរតា ហោតិ… អនភិជ្ឈាលុនី ហោតិ… អព្យាបន្នចិត្តា ហោតិ… សម្មាទិដ្ឋិកា ហោតិ…។ ឥមេហិ ខោ, ភិក្ខវេ, ទសហិ ធម្មេហិ សមន្នាគតា ឧបាសិកា វិសារទា អគារំ អជ្ឈាវសតី’’តិ។ បញ្ចមំ។
‘‘Dasahi, bhikkhave, dhammehi samannāgatā upāsikā visāradā agāraṃ ajjhāvasati. Katamehi dasahi? Pāṇātipātā paṭiviratā hoti… adinnādānā paṭiviratā hoti… kāmesumicchācārā paṭiviratā hoti… musāvādā paṭiviratā hoti… pisuṇāya vācāya paṭiviratā hoti… pharusāya vācāya paṭiviratā hoti… samphappalāpā paṭiviratā hoti… anabhijjhālunī hoti… abyāpannacittā hoti… sammādiṭṭhikā hoti…. Imehi kho, bhikkhave, dasahi dhammehi samannāgatā upāsikā visāradā agāraṃ ajjhāvasatī’’ti. Pañcamaṃ.
Related texts:
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៥៣៦. បឋមនិរយសគ្គសុត្តាទិវណ្ណនា • 1-536. Paṭhamanirayasaggasuttādivaṇṇanā
