| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၅. ဝိသာရဒသုတ္တံ
5. Visāradasuttaṃ
၂၁၅. ‘‘ဒသဟိ , ဘိက္ခဝေ, ဓမ္မေဟိ သမန္နာဂတာ ဥပာသိကာ အဝိသာရဒာ အဂာရံ အဇ္ဈာဝသတိ။ ကတမေဟိ ဒသဟိ? ပာဏာတိပာတိနီ ဟောတိ။ အဒိန္နာဒာယိနီ ဟောတိ။ ကာမေသုမိစ္ဆာစာရိနီ ဟောတိ။ မုသာဝာဒိနီ ဟောတိ။ ပိသုဏာဝာစာ ဟောတိ။ ဖရုသဝာစာ ဟောတိ။ သမ္ဖပ္ပလာပိနီ ဟောတိ။ အဘိဇ္ဈာလုနီ ဟောတိ။ ဗ္ယာပန္နစိတ္တာ ဟောတိ။ မိစ္ဆာဒိဋ္ဌိကာ ဟောတိ။။ ဣမေဟိ ခော, ဘိက္ခဝေ, ဒသဟိ ဓမ္မေဟိ သမန္နာဂတာ ဥပာသိကာ အဝိသာရဒာ အဂာရံ အဇ္ဈာဝသတိ။
215. ‘‘Dasahi , bhikkhave, dhammehi samannāgatā upāsikā avisāradā agāraṃ ajjhāvasati. Katamehi dasahi? Pāṇātipātinī hoti… adinnādāyinī hoti… kāmesumicchācārinī hoti… musāvādinī hoti… pisuṇāvācā hoti… pharusavācā hoti… samphappalāpinī hoti… abhijjhālunī hoti… byāpannacittā hoti… micchādiṭṭhikā hoti…. Imehi kho, bhikkhave, dasahi dhammehi samannāgatā upāsikā avisāradā agāraṃ ajjhāvasati.
‘‘ဒသဟိ, ဘိက္ခဝေ, ဓမ္မေဟိ သမန္နာဂတာ ဥပာသိကာ ဝိသာရဒာ အဂာရံ အဇ္ဈာဝသတိ။ ကတမေဟိ ဒသဟိ? ပာဏာတိပာတာ ပဋိဝိရတာ ဟောတိ။ အဒိန္နာဒာနာ ပဋိဝိရတာ ဟောတိ။ ကာမေသုမိစ္ဆာစာရာ ပဋိဝိရတာ ဟောတိ။ မုသာဝာဒာ ပဋိဝိရတာ ဟောတိ။ ပိသုဏာယ ဝာစာယ ပဋိဝိရတာ ဟောတိ။ ဖရုသာယ ဝာစာယ ပဋိဝိရတာ ဟောတိ။ သမ္ဖပ္ပလာပာ ပဋိဝိရတာ ဟောတိ။ အနဘိဇ္ဈာလုနီ ဟောတိ။ အဗ္ယာပန္နစိတ္တာ ဟောတိ။ သမ္မာဒိဋ္ဌိကာ ဟောတိ။။ ဣမေဟိ ခော, ဘိက္ခဝေ, ဒသဟိ ဓမ္မေဟိ သမန္နာဂတာ ဥပာသိကာ ဝိသာရဒာ အဂာရံ အဇ္ဈာဝသတီ’’တိ။ ပဉ္စမံ။
‘‘Dasahi, bhikkhave, dhammehi samannāgatā upāsikā visāradā agāraṃ ajjhāvasati. Katamehi dasahi? Pāṇātipātā paṭiviratā hoti… adinnādānā paṭiviratā hoti… kāmesumicchācārā paṭiviratā hoti… musāvādā paṭiviratā hoti… pisuṇāya vācāya paṭiviratā hoti… pharusāya vācāya paṭiviratā hoti… samphappalāpā paṭiviratā hoti… anabhijjhālunī hoti… abyāpannacittā hoti… sammādiṭṭhikā hoti…. Imehi kho, bhikkhave, dasahi dhammehi samannāgatā upāsikā visāradā agāraṃ ajjhāvasatī’’ti. Pañcamaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅၃၆. ပဌမနိရယသဂ္ဂသုတ္တာဒိဝဏ္ဏနာ • 1-536. Paṭhamanirayasaggasuttādivaṇṇanā
