| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
2. විසාරදසුත්‌තං
2. Visāradasuttaṃ
172. ‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො උපාසකො අවිසාරදො අගාරං අජ්‌ඣාවසති. කතමෙහි පඤ්‌චහි? පාණාතිපාතී හොති…පෙ.… සුරාමෙරයමජ්‌ජපමාදට්‌ඨායී හොති. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො උපාසකො අවිසාරදො අගාරං අජ්‌ඣාවසති.
172. ‘‘Pañcahi, bhikkhave, dhammehi samannāgato upāsako avisārado agāraṃ ajjhāvasati. Katamehi pañcahi? Pāṇātipātī hoti…pe… surāmerayamajjapamādaṭṭhāyī hoti. Imehi kho, bhikkhave, pañcahi dhammehi samannāgato upāsako avisārado agāraṃ ajjhāvasati.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො උපාසකො විසාරදො අගාරං අජ්‌ඣාවසති. කතමෙහි පඤ්‌චහි? පාණාතිපාතා පටිවිරතො හොති…පෙ.… සුරාමෙරයමජ්‌ජපමාදට්‌ඨානා පටිවිරතො හොති. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො උපාසකො විසාරදො අගාරං අජ්‌ඣාවසතී’’ති. දුතියං.
‘‘Pañcahi, bhikkhave, dhammehi samannāgato upāsako visārado agāraṃ ajjhāvasati. Katamehi pañcahi? Pāṇātipātā paṭivirato hoti…pe… surāmerayamajjapamādaṭṭhānā paṭivirato hoti. Imehi kho, bhikkhave, pañcahi dhammehi samannāgato upāsako visārado agāraṃ ajjhāvasatī’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1-3. සාරජ්‌ජසුත්‌තාදිවණ්‌ණනා • 1-3. Sārajjasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-6. සාරජ්‌ජසුත්‌තාදිවණ්‌ණනා • 1-6. Sārajjasuttādivaṇṇanā
