| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. විසාරදසුත්‌තං
5. Visāradasuttaṃ
215. ‘‘දසහි , භික්‌ඛවෙ, ධම්‌මෙහි සමන්‌නාගතා උපාසිකා අවිසාරදා අගාරං අජ්‌ඣාවසති. කතමෙහි දසහි? පාණාතිපාතිනී හොති… අදින්‌නාදායිනී හොති… කාමෙසුමිච්‌ඡාචාරිනී හොති… මුසාවාදිනී හොති… පිසුණාවාචා හොති… ඵරුසවාචා හොති… සම්‌ඵප්‌පලාපිනී හොති… අභිජ්‌ඣාලුනී හොති… බ්‍යාපන්‌නචිත්‌තා හොති… මිච්‌ඡාදිට්‌ඨිකා හොති…. ඉමෙහි ඛො, භික්‌ඛවෙ, දසහි ධම්‌මෙහි සමන්‌නාගතා උපාසිකා අවිසාරදා අගාරං අජ්‌ඣාවසති.
215. ‘‘Dasahi , bhikkhave, dhammehi samannāgatā upāsikā avisāradā agāraṃ ajjhāvasati. Katamehi dasahi? Pāṇātipātinī hoti… adinnādāyinī hoti… kāmesumicchācārinī hoti… musāvādinī hoti… pisuṇāvācā hoti… pharusavācā hoti… samphappalāpinī hoti… abhijjhālunī hoti… byāpannacittā hoti… micchādiṭṭhikā hoti…. Imehi kho, bhikkhave, dasahi dhammehi samannāgatā upāsikā avisāradā agāraṃ ajjhāvasati.
‘‘දසහි, භික්‌ඛවෙ, ධම්‌මෙහි සමන්‌නාගතා උපාසිකා විසාරදා අගාරං අජ්‌ඣාවසති. කතමෙහි දසහි? පාණාතිපාතා පටිවිරතා හොති… අදින්‌නාදානා පටිවිරතා හොති… කාමෙසුමිච්‌ඡාචාරා පටිවිරතා හොති… මුසාවාදා පටිවිරතා හොති… පිසුණාය වාචාය පටිවිරතා හොති… ඵරුසාය වාචාය පටිවිරතා හොති… සම්‌ඵප්‌පලාපා පටිවිරතා හොති… අනභිජ්‌ඣාලුනී හොති… අබ්‍යාපන්‌නචිත්‌තා හොති… සම්‌මාදිට්‌ඨිකා හොති…. ඉමෙහි ඛො, භික්‌ඛවෙ, දසහි ධම්‌මෙහි සමන්‌නාගතා උපාසිකා විසාරදා අගාරං අජ්‌ඣාවසතී’’ති. පඤ්‌චමං.
‘‘Dasahi, bhikkhave, dhammehi samannāgatā upāsikā visāradā agāraṃ ajjhāvasati. Katamehi dasahi? Pāṇātipātā paṭiviratā hoti… adinnādānā paṭiviratā hoti… kāmesumicchācārā paṭiviratā hoti… musāvādā paṭiviratā hoti… pisuṇāya vācāya paṭiviratā hoti… pharusāya vācāya paṭiviratā hoti… samphappalāpā paṭiviratā hoti… anabhijjhālunī hoti… abyāpannacittā hoti… sammādiṭṭhikā hoti…. Imehi kho, bhikkhave, dasahi dhammehi samannāgatā upāsikā visāradā agāraṃ ajjhāvasatī’’ti. Pañcamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-536. පඨමනිරයසග්‌ගසුත්‌තාදිවණ්‌ණනා • 1-536. Paṭhamanirayasaggasuttādivaṇṇanā
