| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[69] 9. висаванд̇аж̇аад̇агаван̣н̣анаа
[69] 9. Visavantajātakavaṇṇanā
д̇хирад̇т̇у д̇ам̣ висам̣ ванд̇анд̇и ид̣̇ам̣ сад̇т̇аа ж̇зд̇аванз вихаранд̇о д̇хаммасзнаабад̇им̣ аараб̣бха гат̇зси. т̇зрасса гира бидтакаж̇ж̇агакаад̣̇анагаалз мануссаа сан̇гхасса б̣ахум̣ бидтакаад̣̇анийяам̣ г̇ахзд̇ваа вихаарам̣ аг̇амам̣су, бхигкусан̇гхасса г̇ахид̇аавасзсам̣ б̣аху ад̇ирид̇д̇ам̣ ахоси. мануссаа ‘‘бханд̇з, анд̇ог̇аамаг̇ад̇аанамби г̇ан̣хат̇аа’’д̇и аахам̣су. д̇асмим̣ кан̣з т̇зрасса сад̣̇д̇хивихаариго д̣̇ахаро анд̇ог̇аамз ход̇и, д̇асса годтаасам̣ г̇ахзд̇ваа д̇асмим̣ анааг̇ажчанд̇з ‘‘ад̇ид̣̇иваа ход̇ий’’д̇и т̇зрасса ад̣̇ам̣су. т̇зрзна д̇асмим̣ барибхуд̇д̇з д̣̇ахаро аг̇амааси. ат̇а нам̣ т̇зро ‘‘маяам̣, аавусо, д̇уяхам̣ табид̇акаад̣̇анийяам̣ барибхун̃ж̇имхаа’’д̇и ааха. со ‘‘мад̇хурам̣ наама, бханд̇з, гасса аббияа’’нд̇и ааха. махаат̇зрасса сам̣взг̇о уббаж̇ж̇и. со ид̇о бадтааяа ‘‘бидтакаад̣̇анийяам̣ на каад̣̇иссаамий’’д̇и ад̇хидтааси. д̇ад̇о бадтааяа гира саарибуд̇д̇ад̇т̇зрзна бидтакаад̣̇анийяам̣ наама на каад̣̇ид̇абуб̣б̣ам̣. д̇асса бидтакаад̣̇анийяам̣ акаад̣̇анабхааво бхигкусан̇гхз баагадо ж̇аад̇о. бхигкуу д̇ам̣ гат̇ам̣ гат̇знд̇аа д̇хаммасабхааяам̣ нисийд̣̇им̣су. ат̇а сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘бхигкавз, саарибуд̇д̇о згаваарам̣ ж̇ахид̇агам̣ ж̇ийвид̇ам̣ барижжаж̇анд̇оби буна на г̇ан̣хаад̇иязваа’’д̇и вад̇ваа ад̇ийд̇ам̣ аахари.
Dhiratthu taṃ visaṃ vantanti idaṃ satthā jetavane viharanto dhammasenāpatiṃ ārabbha kathesi. Therassa kira piṭṭhakhajjakakhādanakāle manussā saṅghassa bahuṃ piṭṭhakhādanīyaṃ gahetvā vihāraṃ agamaṃsu, bhikkhusaṅghassa gahitāvasesaṃ bahu atirittaṃ ahosi. Manussā ‘‘bhante, antogāmagatānampi gaṇhathā’’ti āhaṃsu. Tasmiṃ khaṇe therassa saddhivihāriko daharo antogāme hoti, tassa koṭṭhāsaṃ gahetvā tasmiṃ anāgacchante ‘‘atidivā hotī’’ti therassa adaṃsu. Therena tasmiṃ paribhutte daharo agamāsi. Atha naṃ thero ‘‘mayaṃ, āvuso, tuyhaṃ ṭhapitakhādanīyaṃ paribhuñjimhā’’ti āha. So ‘‘madhuraṃ nāma, bhante, kassa appiya’’nti āha. Mahātherassa saṃvego uppajji. So ito paṭṭhāya ‘‘piṭṭhakhādanīyaṃ na khādissāmī’’ti adhiṭṭhāsi. Tato paṭṭhāya kira sāriputtattherena piṭṭhakhādanīyaṃ nāma na khāditapubbaṃ. Tassa piṭṭhakhādanīyaṃ akhādanabhāvo bhikkhusaṅghe pākaṭo jāto. Bhikkhū taṃ kathaṃ kathentā dhammasabhāyaṃ nisīdiṃsu. Atha satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘bhikkhave, sāriputto ekavāraṃ jahitakaṃ jīvitaṃ pariccajantopi puna na gaṇhātiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о висавзж̇ж̇агулз ниб̣б̣ад̇д̇ид̇ваа взж̇ж̇агаммзна ж̇ийвигам̣ габбзси. ат̇згам̣ ж̇анабад̣̇амануссам̣ саббо д̣ам̣си, д̇асса н̃аад̇агаа бамаад̣̇ам̣ агад̇ваа киббам̣ взж̇ж̇ам̣ аанаяим̣су . взж̇ж̇о ааха ‘‘гим̣ д̇аава осад̇хзна, барибхаавзд̇ваа висам̣ хараами, д̣̇адтасаббам̣ ааваахзд̇ваа д̣̇адтадтаанад̇о д̇знзва висам̣ аагад̣дхаабзмий’’д̇и. ‘‘саббам̣ ааваахзд̇ваа висам̣ аагад̣дхаабзхий’’д̇и. со саббам̣ ааваахзд̇ваа ‘‘д̇аяаа аяам̣ д̣̇адто’’д̇и ааха. ‘‘аама, маяаа’’д̇и . ‘‘д̇аяаа д̣̇адтадтаанад̇о д̇ван̃н̃зва мукзна висам̣ аагад̣дхаахий’’д̇и. ‘‘маяаа згаваарам̣ ж̇ахид̇агам̣ буна на г̇ахид̇абуб̣б̣ам̣, наахам̣ маяаа ж̇ахид̇ависам̣ аагад̣дхиссаамий’’д̇и. со д̣̇аарууни аахараабзд̇ваа аг̇г̇им̣ гад̇ваа ааха ‘‘сажз ад̇д̇ано висам̣ наагад̣дхаси, имам̣ аг̇г̇им̣ бависаа’’д̇и. саббо ‘‘аби аг̇г̇им̣ бависиссаами, нзвад̇д̇анаа згаваарам̣ ж̇ахид̇ависам̣ бажжаахариссаамий’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto visavejjakule nibbattitvā vejjakammena jīvikaṃ kappesi. Athekaṃ janapadamanussaṃ sappo ḍaṃsi, tassa ñātakā pamādaṃ akatvā khippaṃ vejjaṃ ānayiṃsu . Vejjo āha ‘‘kiṃ tāva osadhena, paribhāvetvā visaṃ harāmi, daṭṭhasappaṃ āvāhetvā daṭṭhaṭṭhānato teneva visaṃ ākaḍḍhāpemī’’ti. ‘‘Sappaṃ āvāhetvā visaṃ ākaḍḍhāpehī’’ti. So sappaṃ āvāhetvā ‘‘tayā ayaṃ daṭṭho’’ti āha. ‘‘Āma, mayā’’ti . ‘‘Tayā daṭṭhaṭṭhānato tvaññeva mukhena visaṃ ākaḍḍhāhī’’ti. ‘‘Mayā ekavāraṃ jahitakaṃ puna na gahitapubbaṃ, nāhaṃ mayā jahitavisaṃ ākaḍḍhissāmī’’ti. So dārūni āharāpetvā aggiṃ katvā āha ‘‘sace attano visaṃ nākaḍḍhasi, imaṃ aggiṃ pavisā’’ti. Sappo ‘‘api aggiṃ pavisissāmi, nevattanā ekavāraṃ jahitavisaṃ paccāharissāmī’’ti vatvā imaṃ gāthamāha –
69.
69.
‘‘д̇хирад̇т̇у д̇ам̣ висам̣ ванд̇ам̣, яамахам̣ ж̇ийвид̇агааран̣аа;
‘‘Dhiratthu taṃ visaṃ vantaṃ, yamahaṃ jīvitakāraṇā;
ванд̇ам̣ бажжаахариссаами, мад̇ам̣ мз ж̇ийвид̇аа вара’’нд̇и.
Vantaṃ paccāharissāmi, mataṃ me jīvitā vara’’nti.
д̇ад̇т̇а д̇хирад̇т̇ууд̇и г̇арахад̇т̇з нибаад̇о. д̇ам̣ висанд̇и яамахам̣ ж̇ийвид̇агааран̣аа ванд̇ам̣ висам̣ бажжаахариссаами, д̇ам̣ ванд̇ам̣ висам̣ д̇хирад̇т̇у. мад̇ам̣ мз ж̇ийвид̇аа варанд̇и д̇асса висасса абажжаахаран̣агааран̣аа яам̣ аг̇г̇им̣ бависид̇ваа маран̣ам̣, д̇ам̣ мама ж̇ийвид̇ад̇о варанд̇и ад̇т̇о.
Tattha dhiratthūti garahatthe nipāto. Taṃ visanti yamahaṃ jīvitakāraṇā vantaṃ visaṃ paccāharissāmi, taṃ vantaṃ visaṃ dhiratthu. Mataṃ me jīvitā varanti tassa visassa apaccāharaṇakāraṇā yaṃ aggiṃ pavisitvā maraṇaṃ, taṃ mama jīvitato varanti attho.
зван̃жа бана вад̇ваа аг̇г̇им̣ бависид̇ум̣ бааяааси. ат̇а нам̣ взж̇ж̇о ниваарзд̇ваа д̇ам̣ бурисам̣ осад̇хзхи жа манд̇зхи жа ниб̣б̣исам̣ арог̇ам̣ гад̇ваа саббасса сийлаани д̣̇ад̇ваа ‘‘ид̇о бадтааяа маа ган̃жи вихзтзсий’’д̇и вад̇ваа виссаж̇ж̇зси.
Evañca pana vatvā aggiṃ pavisituṃ pāyāsi. Atha naṃ vejjo nivāretvā taṃ purisaṃ osadhehi ca mantehi ca nibbisaṃ arogaṃ katvā sappassa sīlāni datvā ‘‘ito paṭṭhāya mā kañci viheṭhesī’’ti vatvā vissajjesi.
сад̇т̇ааби ‘‘на, бхигкавз, саарибуд̇д̇о згаваарам̣ ж̇ахид̇агам̣ ж̇ийвид̇амби барижжаж̇анд̇о буна г̇ан̣хаад̇ий’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа саббо саарибуд̇д̇о ахоси, взж̇ж̇о бана ахамзва ахоси’’нд̇и.
Satthāpi ‘‘na, bhikkhave, sāriputto ekavāraṃ jahitakaṃ jīvitampi pariccajanto puna gaṇhātī’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi ‘‘tadā sappo sāriputto ahosi, vejjo pana ahameva ahosi’’nti.
висаванд̇аж̇аад̇агаван̣н̣анаа навамаа.
Visavantajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 69. висаванд̇аж̇аад̇агам̣ • 69. Visavantajātakaṃ
