| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៤០. វិសយ្ហជាតកំ (៤-៤-១០)
340. Visayhajātakaṃ (4-4-10)
១៥៧.
157.
អទាសិ ទានានិ បុរេ វិសយ្ហ, ទទតោ ច តេ ខយធម្មោ អហោសិ;
Adāsi dānāni pure visayha, dadato ca te khayadhammo ahosi;
ឥតោ បរំ ចេ ន ទទេយ្យ ទានំ, តិដ្ឋេយ្យុំ តេ សំយមន្តស្ស ភោគា។
Ito paraṃ ce na dadeyya dānaṃ, tiṭṭheyyuṃ te saṃyamantassa bhogā.
១៥៨.
158.
អនរិយមរិយេន សហស្សនេត្ត, សុទុគ្គតេនាបិ អកិច្ចមាហុ;
Anariyamariyena sahassanetta, suduggatenāpi akiccamāhu;
មា វោ ធនំ តំ អហុ ទេវរាជ 1, យំ ភោគហេតុ វិជហេមុ សទ្ធំ។
Mā vo dhanaṃ taṃ ahu devarāja 2, yaṃ bhogahetu vijahemu saddhaṃ.
១៥៩.
159.
យេន ឯកោ រថោ យាតិ, យាតិ តេនាបរោ រថោ;
Yena eko ratho yāti, yāti tenāparo ratho;
១៦០.
160.
យទិ ហេស្សតិ ទស្សាម, អសន្តេ កិំ ទទាមសេ;
Yadi hessati dassāma, asante kiṃ dadāmase;
ឯវំភូតាបិ ទស្សាម, មា ទានំ បមទម្ហសេតិ។
Evaṃbhūtāpi dassāma, mā dānaṃ pamadamhaseti.
វិសយ្ហជាតកំ ទសមំ។
Visayhajātakaṃ dasamaṃ.
តស្សុទ្ទានំ –
Tassuddānaṃ –
អតិវេលបភាសតិ ជីតវរោ, វនមជ្ឈ រថេសភ ជិម្ហគមោ;
Ativelapabhāsati jītavaro, vanamajjha rathesabha jimhagamo;
អថ ជម្ពុ តិណាសនបីឋវរំ, អថ តណ្ឌុល មោរ វិសយ្ហ ទសាតិ។
Atha jambu tiṇāsanapīṭhavaraṃ, atha taṇḍula mora visayha dasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៤០] ១០. វិសយ្ហជាតកវណ្ណនា • [340] 10. Visayhajātakavaṇṇanā
