| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
7. виссаж̇ж̇анаавааро
7. Vissajjanāvāro
350. яасмим̣ самаяз саммукаавинаязна жа сад̇ивинаязна жа ад̇хигаран̣ам̣ вуубасаммад̇и – яад̇т̇а сад̇ивинаяо д̇ад̇т̇а саммукаавинаяо, яад̇т̇а саммукаавинаяо д̇ад̇т̇а сад̇ивинаяо, на д̇ад̇т̇а амуул̣хавинаяо, на д̇ад̇т̇а бадин̃н̃аад̇агаран̣ам̣, на д̇ад̇т̇а язбхуяяасигаа, на д̇ад̇т̇а д̇ассабаабияасигаа, на д̇ад̇т̇а д̇ин̣авад̇т̇аараго. яасмим̣ самаяз саммукаавинаязна жа амуул̣хавинаязна жа…бз… саммукаавинаязна жа бадин̃н̃аад̇агаран̣зна жа…бз… саммукаавинаязна жа язбхуяяасигааяа жа…бз… саммукаавинаязна жа д̇ассабаабияасигааяа жа…бз… саммукаавинаязна жа д̇ин̣авад̇т̇аарагзна жа ад̇хигаран̣ам̣ вуубасаммад̇и – яад̇т̇а д̇ин̣авад̇т̇аараго д̇ад̇т̇а саммукаавинаяо, яад̇т̇а саммукаавинаяо д̇ад̇т̇а д̇ин̣авад̇т̇аараго, на д̇ад̇т̇а сад̇ивинаяо, на д̇ад̇т̇а амуул̣хавинаяо, на д̇ад̇т̇а бадин̃н̃аад̇агаран̣ам̣, на д̇ад̇т̇а язбхуяяасигаа, на д̇ад̇т̇а д̇ассабаабияасигаа.
350. Yasmiṃ samaye sammukhāvinayena ca sativinayena ca adhikaraṇaṃ vūpasammati – yattha sativinayo tattha sammukhāvinayo, yattha sammukhāvinayo tattha sativinayo, na tattha amūḷhavinayo, na tattha paṭiññātakaraṇaṃ, na tattha yebhuyyasikā, na tattha tassapāpiyasikā, na tattha tiṇavatthārako. Yasmiṃ samaye sammukhāvinayena ca amūḷhavinayena ca…pe… sammukhāvinayena ca paṭiññātakaraṇena ca…pe… sammukhāvinayena ca yebhuyyasikāya ca…pe… sammukhāvinayena ca tassapāpiyasikāya ca…pe… sammukhāvinayena ca tiṇavatthārakena ca adhikaraṇaṃ vūpasammati – yattha tiṇavatthārako tattha sammukhāvinayo, yattha sammukhāvinayo tattha tiṇavatthārako, na tattha sativinayo, na tattha amūḷhavinayo, na tattha paṭiññātakaraṇaṃ, na tattha yebhuyyasikā, na tattha tassapāpiyasikā.
