| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[93] 3. виссаасабхож̇анаж̇аад̇агаван̣н̣анаа
[93] 3. Vissāsabhojanajātakavaṇṇanā
на виссасз ависсад̇т̇зд̇и ид̣̇ам̣ сад̇т̇аа ж̇зд̇аванз вихаранд̇о виссаасабхож̇анам̣ аараб̣бха гат̇зси. д̇асмим̣ гира самаяз язбхуяязна бхигкуу ‘‘маад̇араа но д̣̇иннам̣, бид̇араа но д̣̇иннам̣, бхаад̇араа, бхаг̇инияаа, жуул̣амаад̇араа, жуул̣абид̇араа, маад̇улзна, маад̇улаанияаа д̣̇иннам̣. амхаагам̣ г̇ихигаалзби бхигкугаалзби зд̇з д̣̇аад̇ум̣ яуд̇д̇аруубааваа’’д̇и н̃аад̇ийхи д̣̇иннз жад̇д̇ааро бажжаяз виссад̇т̇аа худ̇ваа абажжавзгкид̇ваа барибхун̃ж̇анд̇и. сад̇т̇аа д̇ам̣ гааран̣ам̣ н̃ад̇ваа ‘‘бхигкуунам̣ маяаа д̇хаммад̣̇зсанам̣ гаад̇ум̣ ваддад̇ий’’д̇и бхигкуу саннибаад̇аабзд̇ваа ‘‘бхигкавз, бхигкунаа наама н̃аад̇ийхиби ан̃н̃аад̇ийхиби д̣̇иннагз жад̇д̇ааро бажжаяз бажжавзгкид̇ваава барибхог̇о гаад̇аб̣б̣о. абажжавзгкид̇ваа барибхог̇ам̣ гад̇ваа хи гаалам̣ гурумаано бхигку яагкабзд̇аад̇д̇абхаавад̇о на мужжад̇и, абажжавзгкид̇абарибхог̇о наамзса висабарибхог̇асад̣̇исо. висан̃хи виссаасигзна д̣̇иннагамби ависсаасигзна д̣̇иннагамби маарзд̇иязва. буб̣б̣зби виссаасзна д̣̇иннам̣ висам̣ барибхун̃ж̇ид̇ваа ж̇ийвид̇агкаяам̣ бад̇д̇аа’’д̇и вад̇ваа ад̇ийд̇ам̣ аахари.
Navissase avissattheti idaṃ satthā jetavane viharanto vissāsabhojanaṃ ārabbha kathesi. Tasmiṃ kira samaye yebhuyyena bhikkhū ‘‘mātarā no dinnaṃ, pitarā no dinnaṃ, bhātarā, bhaginiyā, cūḷamātarā, cūḷapitarā, mātulena, mātulāniyā dinnaṃ. Amhākaṃ gihikālepi bhikkhukālepi ete dātuṃ yuttarūpāvā’’ti ñātīhi dinne cattāro paccaye vissatthā hutvā apaccavekkhitvā paribhuñjanti. Satthā taṃ kāraṇaṃ ñatvā ‘‘bhikkhūnaṃ mayā dhammadesanaṃ kātuṃ vaṭṭatī’’ti bhikkhū sannipātāpetvā ‘‘bhikkhave, bhikkhunā nāma ñātīhipi aññātīhipi dinnake cattāro paccaye paccavekkhitvāva paribhogo kātabbo. Apaccavekkhitvā paribhogaṃ katvā hi kālaṃ kurumāno bhikkhu yakkhapetaattabhāvato na muccati, apaccavekkhitaparibhogo nāmesa visaparibhogasadiso. Visañhi vissāsikena dinnakampi avissāsikena dinnakampi māretiyeva. Pubbepi vissāsena dinnaṃ visaṃ paribhuñjitvā jīvitakkhayaṃ pattā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махаавибхаво сздти ахоси. д̇ассзго г̇обаалаго гидтасамб̣аад̇хасамаяз г̇ааво г̇ахзд̇ваа аран̃н̃ам̣ бависид̇ваа д̇ад̇т̇а г̇осаалам̣ гад̇ваа рагканд̇о васад̇и. сздтино жа гаалзна гаалам̣ г̇орасам̣ аахарад̇и. ат̇асса г̇осаалааяа авид̣̇уурз сийхо ниваасам̣ г̇ан̣хи. г̇аавийнам̣ сийхасанд̇аасзна милаад̇аанам̣ кийрам̣ манд̣̇ам̣ ахоси. ат̇а нам̣ згад̣̇ивасам̣ саббим̣ аад̣̇ааяа ааг̇ад̇ам̣ сздти бужчи ‘‘гим̣ ну ко, самма г̇обаалага, манд̣̇ам̣ саббий’’д̇и? со д̇ам̣ гааран̣ам̣ аажигки. ‘‘ад̇т̇и бана, самма, д̇асса сийхасса гад̇т̇ажи бадиб̣анд̇хо’’д̇и? ‘‘ад̇т̇исса саами, згааяа миг̇амаад̇угааяа сад̣̇д̇хим̣ сам̣саг̇г̇о’’д̇и. ‘‘саггаа бана д̇ам̣ г̇аахаабзд̇у’’нд̇и? ‘‘саггаа, саамий’’д̇и. ‘‘д̇зна хи д̇ам̣ г̇ахзд̇ваа д̇ассаа налаадад̇о бадтааяа сарийрз ломаани висзна бунаббунам̣ раж̇ид̇ваа сугкаабзд̇ваа д̣̇вз д̇аяо д̣̇ивасз ад̇иггаамзд̇ваа д̇ам̣ миг̇амаад̇угам̣ виссаж̇ж̇зхи, со д̇ассаа синзхзна сарийрам̣ лзхид̇ваа ж̇ийвид̇агкаяам̣ баабун̣иссад̇и. ат̇асса жамманакад̣̇аатаа жзва васан̃жа мам̣сан̃жа г̇ахзд̇ваа ааг̇ажчзяяаасий’’д̇и халаахалависам̣ д̣̇ад̇ваа уяяож̇зси.
Atīte bārāṇasiyaṃ brahmadatte rajjaṃ kārente bodhisatto mahāvibhavo seṭṭhi ahosi. Tasseko gopālako kiṭṭhasambādhasamaye gāvo gahetvā araññaṃ pavisitvā tattha gosālaṃ katvā rakkhanto vasati. Seṭṭhino ca kālena kālaṃ gorasaṃ āharati. Athassa gosālāya avidūre sīho nivāsaṃ gaṇhi. Gāvīnaṃ sīhasantāsena milātānaṃ khīraṃ mandaṃ ahosi. Atha naṃ ekadivasaṃ sappiṃ ādāya āgataṃ seṭṭhi pucchi ‘‘kiṃ nu kho, samma gopālaka, mandaṃ sappī’’ti? So taṃ kāraṇaṃ ācikkhi. ‘‘Atthi pana, samma, tassa sīhassa katthaci paṭibandho’’ti? ‘‘Atthissa sāmi, ekāya migamātukāya saddhiṃ saṃsaggo’’ti. ‘‘Sakkā pana taṃ gāhāpetu’’nti? ‘‘Sakkā, sāmī’’ti. ‘‘Tena hi taṃ gahetvā tassā nalāṭato paṭṭhāya sarīre lomāni visena punappunaṃ rajitvā sukkhāpetvā dve tayo divase atikkāmetvā taṃ migamātukaṃ vissajjehi, so tassā sinehena sarīraṃ lehitvā jīvitakkhayaṃ pāpuṇissati. Athassa cammanakhadāṭhā ceva vasañca maṃsañca gahetvā āgaccheyyāsī’’ti halāhalavisaṃ datvā uyyojesi.
со г̇обаалаго ж̇аалам̣ кибид̇ваа убааязна д̇ам̣ миг̇амаад̇угам̣ г̇ан̣хид̇ваа д̇ат̇аа агааси. сийхо д̇ам̣ д̣̇исваава б̣алавасинзхзна д̇ассаа сарийрам̣ лзхид̇ваа ж̇ийвид̇агкаяам̣ баабун̣и. г̇обаалагоби жаммаад̣̇ийни г̇ахзд̇ваа б̣од̇хисад̇д̇асса санд̇игам̣ аг̇амааси. б̣од̇хисад̇д̇о д̇ам̣ гааран̣ам̣ н̃ад̇ваа ‘‘барзсу синзхо наама на гаад̇аб̣б̣о, звам̣ б̣аласамбанноби сийхо миг̇арааж̇аа гилзсавасзна сам̣саг̇г̇ам̣ ниссааяа миг̇амаад̇угааяа сарийрам̣ лзханд̇о висабарибхог̇ам̣ гад̇ваа ж̇ийвид̇агкаяам̣ бад̇д̇о’’д̇и вад̇ваа самбад̇д̇абарисааяа д̇хаммам̣ д̣̇зсзнд̇о имам̣ г̇аат̇амааха –
So gopālako jālaṃ khipitvā upāyena taṃ migamātukaṃ gaṇhitvā tathā akāsi. Sīho taṃ disvāva balavasinehena tassā sarīraṃ lehitvā jīvitakkhayaṃ pāpuṇi. Gopālakopi cammādīni gahetvā bodhisattassa santikaṃ agamāsi. Bodhisatto taṃ kāraṇaṃ ñatvā ‘‘paresu sineho nāma na kātabbo, evaṃ balasampannopi sīho migarājā kilesavasena saṃsaggaṃ nissāya migamātukāya sarīraṃ lehanto visaparibhogaṃ katvā jīvitakkhayaṃ patto’’ti vatvā sampattaparisāya dhammaṃ desento imaṃ gāthamāha –
93.
93.
‘‘на виссасз ависсад̇т̇з, виссад̇т̇зби на виссасз;
‘‘Na vissase avissatthe, vissatthepi na vissase;
виссаасаа бхаяаманвзд̇и, сийхам̣ва миг̇амаад̇угаа’’д̇и.
Vissāsā bhayamanveti, sīhaṃva migamātukā’’ti.
д̇ад̇рааяам̣ сан̇кзбад̇т̇о – яо буб̣б̣з сабхаяо ад̇д̇ани ависсад̇т̇о ахоси, д̇асмим̣ ависсад̇т̇з, яо буб̣б̣зби ниб̣бхаяо ад̇д̇ани виссаасигоязва, д̇асмим̣ виссад̇т̇зби на виссасз, нзва виссаасам̣ гарзяяа. гим̣гааран̣аа? виссаасаа бхаяаманвзд̇и, яо хи мид̇д̇зби амид̇д̇зби виссаасо, д̇ад̇о бхаяамзва ааг̇ажчад̇и. гат̇ам̣? сийхам̣ва миг̇амаад̇угаа, яат̇аа мид̇д̇асант̇ававасзна гад̇ависсаасааяа миг̇амаад̇угааяа санд̇игаа сийхасса бхаяам̣ анвзд̇и, убаг̇ад̇ам̣ самбад̇д̇анд̇и ад̇т̇о. яат̇аа ваа виссаасавасзна сийхам̣ миг̇амаад̇угаа анвзд̇аа убаг̇ад̇аад̇иби ад̇т̇о.
Tatrāyaṃ saṅkhepattho – yo pubbe sabhayo attani avissattho ahosi, tasmiṃ avissatthe, yo pubbepi nibbhayo attani vissāsikoyeva, tasmiṃ vissatthepi na vissase, neva vissāsaṃ kareyya. Kiṃkāraṇā? Vissāsā bhayamanveti, yo hi mittepi amittepi vissāso, tato bhayameva āgacchati. Kathaṃ? Sīhaṃva migamātukā, yathā mittasanthavavasena katavissāsāya migamātukāya santikā sīhassa bhayaṃ anveti, upagataṃ sampattanti attho. Yathā vā vissāsavasena sīhaṃ migamātukā anvetā upagatātipi attho.
звам̣ б̣од̇хисад̇д̇о самбад̇д̇абарисааяа д̇хаммам̣ д̣̇зсзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ bodhisatto sampattaparisāya dhammaṃ desetvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа махаасздти ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mahāseṭṭhi ahameva ahosi’’nti.
виссаасабхож̇анаж̇аад̇агаван̣н̣анаа д̇ад̇ияаа.
Vissāsabhojanajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 93. висаасабхож̇анаж̇аад̇агам̣ • 93. Visāsabhojanajātakaṃ
