| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
9. навамаваг̇г̇о
9. Navamavaggo
(90) 7. вид̇аггаанубад̇ид̇агат̇аа
(90) 7. Vitakkānupatitakathā
562. саб̣б̣ам̣ жид̇д̇ам̣ вид̇аггаанубад̇ид̇анд̇и? ааманд̇аа. саб̣б̣ам̣ жид̇д̇ам̣ вижаараанубад̇ид̇ам̣ бийд̇аанубад̇ид̇ам̣ сукаанубад̇ид̇ам̣ д̣̇угкаанубад̇ид̇ам̣ соманассаанубад̇ид̇ам̣ д̣̇оманассаанубад̇ид̇ам̣ убзгкаанубад̇ид̇ам̣ сад̣̇д̇хаанубад̇ид̇ам̣ вийрияаанубад̇ид̇ам̣ сад̇аанубад̇ид̇ам̣ самаад̇хаанубад̇ид̇ам̣ бан̃н̃аанубад̇ид̇ам̣ рааг̇аанубад̇ид̇ам̣ д̣̇осаанубад̇ид̇ам̣…бз… анод̇д̇аббаанубад̇ид̇анд̇и? на хзвам̣ вад̇д̇аб̣б̣з…бз….
562. Sabbaṃ cittaṃ vitakkānupatitanti? Āmantā. Sabbaṃ cittaṃ vicārānupatitaṃ pītānupatitaṃ sukhānupatitaṃ dukkhānupatitaṃ somanassānupatitaṃ domanassānupatitaṃ upekkhānupatitaṃ saddhānupatitaṃ vīriyānupatitaṃ satānupatitaṃ samādhānupatitaṃ paññānupatitaṃ rāgānupatitaṃ dosānupatitaṃ…pe… anottappānupatitanti? Na hevaṃ vattabbe…pe….
саб̣б̣ам̣ жид̇д̇ам̣ вид̇аггаанубад̇ид̇анд̇и? ааманд̇аа. нану ад̇т̇и авид̇агго вижаарамад̇д̇о самаад̇хийд̇и? ааманд̇аа. хан̃жи ад̇т̇и авид̇агго вижаарамад̇д̇о самаад̇хи, но жа вад̇а рз вад̇д̇аб̣б̣з – ‘‘саб̣б̣ам̣ жид̇д̇ам̣ вид̇аггаанубад̇ид̇а’’нд̇и .
Sabbaṃ cittaṃ vitakkānupatitanti? Āmantā. Nanu atthi avitakko vicāramatto samādhīti? Āmantā. Hañci atthi avitakko vicāramatto samādhi, no ca vata re vattabbe – ‘‘sabbaṃ cittaṃ vitakkānupatita’’nti .
саб̣б̣ам̣ жид̇д̇ам̣ вид̇аггаанубад̇ид̇анд̇и? ааманд̇аа. нану ад̇т̇и авид̇агго авижааро самаад̇хийд̇и? ааманд̇аа. хан̃жи ад̇т̇и авид̇агго авижааро самаад̇хи, но жа вад̇а рз вад̇д̇аб̣б̣з – ‘‘саб̣б̣ам̣ жид̇д̇ам̣ вид̇аггаанубад̇ид̇а’’нд̇и. саб̣б̣ам̣ жид̇д̇ам̣ вид̇аггаанубад̇ид̇анд̇и? ааманд̇аа. нану д̇аяо самаад̇хий вуд̇д̇аа бхаг̇авад̇аа – савид̇агго савижааро самаад̇хи, авид̇агго вижаарамад̇д̇о самаад̇хи, авид̇агго авижааро самаад̇хийд̇и 1? ааманд̇аа. хан̃жи д̇аяо самаад̇хий вуд̇д̇аа бхаг̇авад̇аа – савид̇агго савижааро самаад̇хи, авид̇агго вижаарамад̇д̇о самаад̇хи, авид̇агго авижааро самаад̇хи, но жа вад̇а рз вад̇д̇аб̣б̣з – ‘‘саб̣б̣ам̣ жид̇д̇ам̣ вид̇аггаанубад̇ид̇а’’нд̇и.
Sabbaṃ cittaṃ vitakkānupatitanti? Āmantā. Nanu atthi avitakko avicāro samādhīti? Āmantā. Hañci atthi avitakko avicāro samādhi, no ca vata re vattabbe – ‘‘sabbaṃ cittaṃ vitakkānupatita’’nti. Sabbaṃ cittaṃ vitakkānupatitanti? Āmantā. Nanu tayo samādhī vuttā bhagavatā – savitakko savicāro samādhi, avitakko vicāramatto samādhi, avitakko avicāro samādhīti 2? Āmantā. Hañci tayo samādhī vuttā bhagavatā – savitakko savicāro samādhi, avitakko vicāramatto samādhi, avitakko avicāro samādhi, no ca vata re vattabbe – ‘‘sabbaṃ cittaṃ vitakkānupatita’’nti.
вид̇аггаанубад̇ид̇агат̇аа нидтид̇аа.
Vitakkānupatitakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. вид̇аггаанубад̇ид̇агат̇ааван̣н̣анаа • 7. Vitakkānupatitakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. вид̇аггаанубад̇ид̇агат̇ааван̣н̣анаа • 7. Vitakkānupatitakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. вид̇аггаанубад̇ид̇агат̇ааван̣н̣анаа • 7. Vitakkānupatitakathāvaṇṇanā
