| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๙. นวมวโคฺค
9. Navamavaggo
(๙๐) ๗. วิตกฺกานุปติตกถา
(90) 7. Vitakkānupatitakathā
๕๖๒. สพฺพํ จิตฺตํ วิตกฺกานุปติตนฺติ? อามนฺตาฯ สพฺพํ จิตฺตํ วิจารานุปติตํ ปีตานุปติตํ สุขานุปติตํ ทุกฺขานุปติตํ โสมนสฺสานุปติตํ โทมนสฺสานุปติตํ อุเปกฺขานุปติตํ สทฺธานุปติตํ วีริยานุปติตํ สตานุปติตํ สมาธานุปติตํ ปญฺญานุปติตํ ราคานุปติตํ โทสานุปติตํ…เป.… อโนตฺตปฺปานุปติตนฺติ? น เหวํ วตฺตเพฺพ…เป.…ฯ
562. Sabbaṃ cittaṃ vitakkānupatitanti? Āmantā. Sabbaṃ cittaṃ vicārānupatitaṃ pītānupatitaṃ sukhānupatitaṃ dukkhānupatitaṃ somanassānupatitaṃ domanassānupatitaṃ upekkhānupatitaṃ saddhānupatitaṃ vīriyānupatitaṃ satānupatitaṃ samādhānupatitaṃ paññānupatitaṃ rāgānupatitaṃ dosānupatitaṃ…pe… anottappānupatitanti? Na hevaṃ vattabbe…pe….
สพฺพํ จิตฺตํ วิตกฺกานุปติตนฺติ? อามนฺตาฯ นนุ อตฺถิ อวิตโกฺก วิจารมโตฺต สมาธีติ? อามนฺตาฯ หญฺจิ อตฺถิ อวิตโกฺก วิจารมโตฺต สมาธิ, โน จ วต เร วตฺตเพฺพ – ‘‘สพฺพํ จิตฺตํ วิตกฺกานุปติต’’นฺติ ฯ
Sabbaṃ cittaṃ vitakkānupatitanti? Āmantā. Nanu atthi avitakko vicāramatto samādhīti? Āmantā. Hañci atthi avitakko vicāramatto samādhi, no ca vata re vattabbe – ‘‘sabbaṃ cittaṃ vitakkānupatita’’nti .
สพฺพํ จิตฺตํ วิตกฺกานุปติตนฺติ? อามนฺตาฯ นนุ อตฺถิ อวิตโกฺก อวิจาโร สมาธีติ? อามนฺตาฯ หญฺจิ อตฺถิ อวิตโกฺก อวิจาโร สมาธิ, โน จ วต เร วตฺตเพฺพ – ‘‘สพฺพํ จิตฺตํ วิตกฺกานุปติต’’นฺติฯ สพฺพํ จิตฺตํ วิตกฺกานุปติตนฺติ? อามนฺตาฯ นนุ ตโย สมาธี วุตฺตา ภควตา – สวิตโกฺก สวิจาโร สมาธิ, อวิตโกฺก วิจารมโตฺต สมาธิ, อวิตโกฺก อวิจาโร สมาธีติ 1? อามนฺตาฯ หญฺจิ ตโย สมาธี วุตฺตา ภควตา – สวิตโกฺก สวิจาโร สมาธิ, อวิตโกฺก วิจารมโตฺต สมาธิ, อวิตโกฺก อวิจาโร สมาธิ, โน จ วต เร วตฺตเพฺพ – ‘‘สพฺพํ จิตฺตํ วิตกฺกานุปติต’’นฺติฯ
Sabbaṃ cittaṃ vitakkānupatitanti? Āmantā. Nanu atthi avitakko avicāro samādhīti? Āmantā. Hañci atthi avitakko avicāro samādhi, no ca vata re vattabbe – ‘‘sabbaṃ cittaṃ vitakkānupatita’’nti. Sabbaṃ cittaṃ vitakkānupatitanti? Āmantā. Nanu tayo samādhī vuttā bhagavatā – savitakko savicāro samādhi, avitakko vicāramatto samādhi, avitakko avicāro samādhīti 2? Āmantā. Hañci tayo samādhī vuttā bhagavatā – savitakko savicāro samādhi, avitakko vicāramatto samādhi, avitakko avicāro samādhi, no ca vata re vattabbe – ‘‘sabbaṃ cittaṃ vitakkānupatita’’nti.
วิตกฺกานุปติตกถา นิฎฺฐิตาฯ
Vitakkānupatitakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๗. วิตกฺกานุปติตกถาวณฺณนา • 7. Vitakkānupatitakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๗. วิตกฺกานุปติตกถาวณฺณนา • 7. Vitakkānupatitakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๗. วิตกฺกานุปติตกถาวณฺณนา • 7. Vitakkānupatitakathāvaṇṇanā
