| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੯. ਨવਮવਗ੍ਗੋ
9. Navamavaggo
(੯੦) ੭. વਿਤਕ੍ਕਾਨੁਪਤਿਤਕਥਾ
(90) 7. Vitakkānupatitakathā
੫੬੨. ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤਨ੍ਤਿ? ਆਮਨ੍ਤਾ। ਸਬ੍ਬਂ ਚਿਤ੍ਤਂ વਿਚਾਰਾਨੁਪਤਿਤਂ ਪੀਤਾਨੁਪਤਿਤਂ ਸੁਖਾਨੁਪਤਿਤਂ ਦੁਕ੍ਖਾਨੁਪਤਿਤਂ ਸੋਮਨਸ੍ਸਾਨੁਪਤਿਤਂ ਦੋਮਨਸ੍ਸਾਨੁਪਤਿਤਂ ਉਪੇਕ੍ਖਾਨੁਪਤਿਤਂ ਸਦ੍ਧਾਨੁਪਤਿਤਂ વੀਰਿਯਾਨੁਪਤਿਤਂ ਸਤਾਨੁਪਤਿਤਂ ਸਮਾਧਾਨੁਪਤਿਤਂ ਪਞ੍ਞਾਨੁਪਤਿਤਂ ਰਾਗਾਨੁਪਤਿਤਂ ਦੋਸਾਨੁਪਤਿਤਂ…ਪੇ॰… ਅਨੋਤ੍ਤਪ੍ਪਾਨੁਪਤਿਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
562. Sabbaṃ cittaṃ vitakkānupatitanti? Āmantā. Sabbaṃ cittaṃ vicārānupatitaṃ pītānupatitaṃ sukhānupatitaṃ dukkhānupatitaṃ somanassānupatitaṃ domanassānupatitaṃ upekkhānupatitaṃ saddhānupatitaṃ vīriyānupatitaṃ satānupatitaṃ samādhānupatitaṃ paññānupatitaṃ rāgānupatitaṃ dosānupatitaṃ…pe… anottappānupatitanti? Na hevaṃ vattabbe…pe….
ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤਨ੍ਤਿ? ਆਮਨ੍ਤਾ। ਨਨੁ ਅਤ੍ਥਿ ਅવਿਤਕ੍ਕੋ વਿਚਾਰਮਤ੍ਤੋ ਸਮਾਧੀਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਅવਿਤਕ੍ਕੋ વਿਚਾਰਮਤ੍ਤੋ ਸਮਾਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤ’’ਨ੍ਤਿ ।
Sabbaṃ cittaṃ vitakkānupatitanti? Āmantā. Nanu atthi avitakko vicāramatto samādhīti? Āmantā. Hañci atthi avitakko vicāramatto samādhi, no ca vata re vattabbe – ‘‘sabbaṃ cittaṃ vitakkānupatita’’nti .
ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤਨ੍ਤਿ? ਆਮਨ੍ਤਾ। ਨਨੁ ਅਤ੍ਥਿ ਅવਿਤਕ੍ਕੋ ਅવਿਚਾਰੋ ਸਮਾਧੀਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਅવਿਤਕ੍ਕੋ ਅવਿਚਾਰੋ ਸਮਾਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤ’’ਨ੍ਤਿ। ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤਨ੍ਤਿ? ਆਮਨ੍ਤਾ। ਨਨੁ ਤਯੋ ਸਮਾਧੀ વੁਤ੍ਤਾ ਭਗવਤਾ – ਸવਿਤਕ੍ਕੋ ਸવਿਚਾਰੋ ਸਮਾਧਿ, ਅવਿਤਕ੍ਕੋ વਿਚਾਰਮਤ੍ਤੋ ਸਮਾਧਿ, ਅવਿਤਕ੍ਕੋ ਅવਿਚਾਰੋ ਸਮਾਧੀਤਿ 1? ਆਮਨ੍ਤਾ। ਹਞ੍ਚਿ ਤਯੋ ਸਮਾਧੀ વੁਤ੍ਤਾ ਭਗવਤਾ – ਸવਿਤਕ੍ਕੋ ਸવਿਚਾਰੋ ਸਮਾਧਿ, ਅવਿਤਕ੍ਕੋ વਿਚਾਰਮਤ੍ਤੋ ਸਮਾਧਿ, ਅવਿਤਕ੍ਕੋ ਅવਿਚਾਰੋ ਸਮਾਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬਂ ਚਿਤ੍ਤਂ વਿਤਕ੍ਕਾਨੁਪਤਿਤ’’ਨ੍ਤਿ।
Sabbaṃ cittaṃ vitakkānupatitanti? Āmantā. Nanu atthi avitakko avicāro samādhīti? Āmantā. Hañci atthi avitakko avicāro samādhi, no ca vata re vattabbe – ‘‘sabbaṃ cittaṃ vitakkānupatita’’nti. Sabbaṃ cittaṃ vitakkānupatitanti? Āmantā. Nanu tayo samādhī vuttā bhagavatā – savitakko savicāro samādhi, avitakko vicāramatto samādhi, avitakko avicāro samādhīti 2? Āmantā. Hañci tayo samādhī vuttā bhagavatā – savitakko savicāro samādhi, avitakko vicāramatto samādhi, avitakko avicāro samādhi, no ca vata re vattabbe – ‘‘sabbaṃ cittaṃ vitakkānupatita’’nti.
વਿਤਕ੍ਕਾਨੁਪਤਿਤਕਥਾ ਨਿਟ੍ਠਿਤਾ।
Vitakkānupatitakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. વਿਤਕ੍ਕਾਨੁਪਤਿਤਕਥਾવਣ੍ਣਨਾ • 7. Vitakkānupatitakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. વਿਤਕ੍ਕਾਨੁਪਤਿਤਕਥਾવਣ੍ਣਨਾ • 7. Vitakkānupatitakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. વਿਤਕ੍ਕਾਨੁਪਤਿਤਕਥਾવਣ੍ਣਨਾ • 7. Vitakkānupatitakathāvaṇṇanā
