| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
7. විතක්‌කානුපතිතකථාවණ්‌ණනා
7. Vitakkānupatitakathāvaṇṇanā
562. ඉදානි විතක්‌කානුපතිතකථා නාම හොති. තත්‌ථ විතක්‌කානුපතිතා නාම දුවිධා – ආරම්‌මණතො ච සම්‌පයොගතො ච. තත්‌ථ අසුකචිත්‌තං නාම විතක්‌කස්‌සාරම්‌මණං න හොතීති නියමාභාවතො සියා සබ්‌බං චිත්‌තං විතක්‌කානුපතිතං, විතක්‌කවිප්‌පයුත්‌තචිත්‌තසබ්‌භාවතො පන න සබ්‌බං චිත්‌තං විතක්‌කානුපතිතං. ඉති ඉමං විභාගං අකත්‌වා අවිසෙසෙනෙව සබ්‌බං චිත්‌තං විතක්‌කානුපතිතන්‌ති යෙසං ලද්‌ධි, සෙය්‍යථාපි උත්‌තරාපථකානං, තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. සෙසමෙත්‌ථ පාළිවසෙනෙව නිය්‍යාතීති.
562. Idāni vitakkānupatitakathā nāma hoti. Tattha vitakkānupatitā nāma duvidhā – ārammaṇato ca sampayogato ca. Tattha asukacittaṃ nāma vitakkassārammaṇaṃ na hotīti niyamābhāvato siyā sabbaṃ cittaṃ vitakkānupatitaṃ, vitakkavippayuttacittasabbhāvato pana na sabbaṃ cittaṃ vitakkānupatitaṃ. Iti imaṃ vibhāgaṃ akatvā aviseseneva sabbaṃ cittaṃ vitakkānupatitanti yesaṃ laddhi, seyyathāpi uttarāpathakānaṃ, te sandhāya pucchā sakavādissa, paṭiññā itarassa. Sesamettha pāḷivaseneva niyyātīti.
විතක්‌කානුපතිතකථාවණ්‌ණනා.
Vitakkānupatitakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (90) 7. විතක්‌කානුපතිතකථා • (90) 7. Vitakkānupatitakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 7. විතක්‌කානුපතිතකථාවණ්‌ණනා • 7. Vitakkānupatitakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 7. විතක්‌කානුපතිතකථාවණ්‌ණනා • 7. Vitakkānupatitakathāvaṇṇanā
